Ahẹ Ụgama 58
58
Ụya ana vaa rị aza edivi
(Ahẹ Idevidi ka asị a wụ ọ, ana aā hí imikitani).
1Ẹwụ nịnị aza ẹbanyị, ụ wáā kịị kà ịzẹyịza nịnị aanị?
Wáá zẹẹ ka waa sị ịzẹyịzaa mẹ̀ ọkarẹyị aza?
2Mâ yẹ ka wẹ mā mẹ ịzẹyịza nịnị
Ebira odivi-odivi kẹnẹ ụụ̄ mẹ nịnị ịnị ẹhẹ nị.
3A mẹ̀ hụrẹ ma aza edivi ẹ hụrẹẹ̄ mẹ̀ ebira akụvị nị
di e yee cheeche pooro kẹnẹ.
4-5Ẹ nyẹngụ sị ịrẹyị ẹnịnị wụ̀ ọza anka ẹchịpa ẹ́wụ́ mẹ̀ẹ wụ̀ ọza avọọ
Ịrẹyị ẹnịnị àaa wụ̀ ọza kẹnẹ, àa ka ọ̀maa.
Vị ọ sị mẹẹ anka ịrẹrụ ẹwụ odivi ẹnẹ ẹ̀ yị mā wụ́ ahọ̀nọ avọọ nị
nyị ọza mẹ̀ yara mẹ irere na za, ana aā mẹ̀ ẹ.
6Ohomorihi, navọ we hu anyị hi ọnịvị ẹnẹẹ irenu
Mị ka navọ wa jị ọgọ chire irenu aza edivi ana sị mẹẹ anka idu avọọ.
7Navọ ayị ẹnịnị ò hi anka enyi mèe sìi parahu dị ayị hi avọọ
Ẹ̀ẹ raà kụ́ ẹnya ịrẹkụ tù ọza, asị ụ zẹẹ ka à nyị ịsị ẹ zụ mẹ.
8Navọ ahịka vị ẹhẹ ẹnịnị yà anka ịrẹẹ ana a wọ̀rọ̀ avọọ nị
mẹ wa anka ozi ene sú hụụnị ịnẹ ọnyị anị vẹ di ò yi rè vee re ẹhẹ.
9Ohomorihi, dị ẹ̀ va yẹ ka ịrẹyị ee vee tù ẹnị, navọ wa gara wa va ha chẹkẹchẹkẹ
dị wa sị ọyịkụ-ọyịkụ kụ́ wa kwooze.
10Ịjị ọnịzẹyịza èe re ka a raà sị ụya rị aza edivi
ẹnịnị vaa jẹ, dị ẹ yaa kụ́ ahụụ hi aza edivi naa paraahu.
11Ịjọnọọ aza vaa kà a ka aa sịị sị ọgụ ọyịzaa yị aza ana aa mẹ ịzẹyịza
Dị ẹ rẹ ka a nyị nyị Ohomorihi ana aa mẹ̀ ọkarẹyị anẹhẹ.
Currently Selected:
Ahẹ Ụgama 58: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ahẹ Ụgama 58
58
Ụya ana vaa rị aza edivi
(Ahẹ Idevidi ka asị a wụ ọ, ana aā hí imikitani).
1Ẹwụ nịnị aza ẹbanyị, ụ wáā kịị kà ịzẹyịza nịnị aanị?
Wáá zẹẹ ka waa sị ịzẹyịzaa mẹ̀ ọkarẹyị aza?
2Mâ yẹ ka wẹ mā mẹ ịzẹyịza nịnị
Ebira odivi-odivi kẹnẹ ụụ̄ mẹ nịnị ịnị ẹhẹ nị.
3A mẹ̀ hụrẹ ma aza edivi ẹ hụrẹẹ̄ mẹ̀ ebira akụvị nị
di e yee cheeche pooro kẹnẹ.
4-5Ẹ nyẹngụ sị ịrẹyị ẹnịnị wụ̀ ọza anka ẹchịpa ẹ́wụ́ mẹ̀ẹ wụ̀ ọza avọọ
Ịrẹyị ẹnịnị àaa wụ̀ ọza kẹnẹ, àa ka ọ̀maa.
Vị ọ sị mẹẹ anka ịrẹrụ ẹwụ odivi ẹnẹ ẹ̀ yị mā wụ́ ahọ̀nọ avọọ nị
nyị ọza mẹ̀ yara mẹ irere na za, ana aā mẹ̀ ẹ.
6Ohomorihi, navọ we hu anyị hi ọnịvị ẹnẹẹ irenu
Mị ka navọ wa jị ọgọ chire irenu aza edivi ana sị mẹẹ anka idu avọọ.
7Navọ ayị ẹnịnị ò hi anka enyi mèe sìi parahu dị ayị hi avọọ
Ẹ̀ẹ raà kụ́ ẹnya ịrẹkụ tù ọza, asị ụ zẹẹ ka à nyị ịsị ẹ zụ mẹ.
8Navọ ahịka vị ẹhẹ ẹnịnị yà anka ịrẹẹ ana a wọ̀rọ̀ avọọ nị
mẹ wa anka ozi ene sú hụụnị ịnẹ ọnyị anị vẹ di ò yi rè vee re ẹhẹ.
9Ohomorihi, dị ẹ̀ va yẹ ka ịrẹyị ee vee tù ẹnị, navọ wa gara wa va ha chẹkẹchẹkẹ
dị wa sị ọyịkụ-ọyịkụ kụ́ wa kwooze.
10Ịjị ọnịzẹyịza èe re ka a raà sị ụya rị aza edivi
ẹnịnị vaa jẹ, dị ẹ yaa kụ́ ahụụ hi aza edivi naa paraahu.
11Ịjọnọọ aza vaa kà a ka aa sịị sị ọgụ ọyịzaa yị aza ana aa mẹ ịzẹyịza
Dị ẹ rẹ ka a nyị nyị Ohomorihi ana aa mẹ̀ ọkarẹyị anẹhẹ.
Ebira First Bible © Bible Society of Nigeria, 2014.