Ahẹ Ụgama 56
56
Aduwa ọza ana sị ayị tụra Ohomorihi
(Ahẹ Idevidi ọnị ọngwẹ vị arivadi ẹnẹẹnẹ. Ahẹ ana aā hi imikitani. Idevidi ộ jị ọ Anihwirisiti mẹ̀ za a Igati).
1Ohomorihi, navọ wa vayị amị kwogwo, ka aza ẹ sị kwẹẹtẹ tụ́ mi, ẹ yaa dụ mị
Avọọ ẹnịnị maa dụ mị pooro kẹnẹ nị.
2Aza ẹnẹẹ ene ee du mị ịrẹsụ vị ana aa dụ mị pooro kẹnẹ
Aza ana vavọọ aa dụ mị ệ rụrụ ẹtẹẹtẹrẹ
Ẹnịnị vị ana aa mẹ eyii zị.
3Ohomorihi, ángwa mèe hi mị, dị mị sị ayị tụra wụ nị.
4Mâ sị ụbanyị yị ịrẹyị awụ, Ohomorihi
Ọnị mị sị ayị tụra nị, angwa o yi vee hi mị
agụvị ka mâ yẹ ka ẹ yị nyị ịsị ọzarẹyịrẹsụ zụ mẹ mị.
5Ọnịvị amị vị ana aa kụ́ ọ kata mị ẹngụ pooro kẹnẹ
dị ẹ yaa gẹ eyi amị ka ẹnị ẹ̀ mẹ mị ọnya.
6Ẹnịnị aa gẹ eyi amị, e yee bè mị
di e re sị eyi pè avaba ịsị maa mẹ̀ nị
e yee sì ka ẹnị ẹ̀ wụ̀ mị.
7Ohomorihi, navọ wa sị ụya rị aza ẹnẹẹ agụvị ebira odivi ẹnẹẹ yaa mẹ
Sị ọyịkụ-ọyịkụ và aza ẹnẹẹ nẹtẹ.
8Wê re m maa rị ụya dị maa ka ẹgọ eyi
mâ yẹ ka wâ chẹrẹ ẹ tịtẹ.
9Ịhị màa hị́ wụ ka wa ba mi owu, ọnịvị amị vee zwee varẹma
Ọnọọ vaa mẹ ka ma yẹ ka Ohomorihi jẹẹ mị ịrẹma.
10Mâ sị ụbanyị yị ẹwụ Ẹnẹyịmavara ana vị Ohomorihi.
11Ọnị mị sị ayị tụra nị, angwa o yi vee hi mị
agụvị ka mâ yẹ ka ẹ yị nyị ịsị ọzarẹyịrẹsụ zụ mẹ mị.
12Ohomorihi, ịsọvọ ọnị mị ka maa sịị vaa wụ̀ vị ọnị maa sịị vẹ
mị ka maa sị ịsọvọ amịị vaa wụ̀ dị ma sị kụ́ wụ avọ.
13Wa sị mị dọ tụ́, wẹ rẹ vaa zẹẹ ka me sú
wẹ yị zẹẹ ka ma hyẹdụ
Maa mẹ̀ ịsa ẹnị ẹwụ Ohomorihi sì ịzị ẹtohweyi awụ mẹ ka ọza ọ̀ yàra.
Currently Selected:
Ahẹ Ụgama 56: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ahẹ Ụgama 56
56
Aduwa ọza ana sị ayị tụra Ohomorihi
(Ahẹ Idevidi ọnị ọngwẹ vị arivadi ẹnẹẹnẹ. Ahẹ ana aā hi imikitani. Idevidi ộ jị ọ Anihwirisiti mẹ̀ za a Igati).
1Ohomorihi, navọ wa vayị amị kwogwo, ka aza ẹ sị kwẹẹtẹ tụ́ mi, ẹ yaa dụ mị
Avọọ ẹnịnị maa dụ mị pooro kẹnẹ nị.
2Aza ẹnẹẹ ene ee du mị ịrẹsụ vị ana aa dụ mị pooro kẹnẹ
Aza ana vavọọ aa dụ mị ệ rụrụ ẹtẹẹtẹrẹ
Ẹnịnị vị ana aa mẹ eyii zị.
3Ohomorihi, ángwa mèe hi mị, dị mị sị ayị tụra wụ nị.
4Mâ sị ụbanyị yị ịrẹyị awụ, Ohomorihi
Ọnị mị sị ayị tụra nị, angwa o yi vee hi mị
agụvị ka mâ yẹ ka ẹ yị nyị ịsị ọzarẹyịrẹsụ zụ mẹ mị.
5Ọnịvị amị vị ana aa kụ́ ọ kata mị ẹngụ pooro kẹnẹ
dị ẹ yaa gẹ eyi amị ka ẹnị ẹ̀ mẹ mị ọnya.
6Ẹnịnị aa gẹ eyi amị, e yee bè mị
di e re sị eyi pè avaba ịsị maa mẹ̀ nị
e yee sì ka ẹnị ẹ̀ wụ̀ mị.
7Ohomorihi, navọ wa sị ụya rị aza ẹnẹẹ agụvị ebira odivi ẹnẹẹ yaa mẹ
Sị ọyịkụ-ọyịkụ và aza ẹnẹẹ nẹtẹ.
8Wê re m maa rị ụya dị maa ka ẹgọ eyi
mâ yẹ ka wâ chẹrẹ ẹ tịtẹ.
9Ịhị màa hị́ wụ ka wa ba mi owu, ọnịvị amị vee zwee varẹma
Ọnọọ vaa mẹ ka ma yẹ ka Ohomorihi jẹẹ mị ịrẹma.
10Mâ sị ụbanyị yị ẹwụ Ẹnẹyịmavara ana vị Ohomorihi.
11Ọnị mị sị ayị tụra nị, angwa o yi vee hi mị
agụvị ka mâ yẹ ka ẹ yị nyị ịsị ọzarẹyịrẹsụ zụ mẹ mị.
12Ohomorihi, ịsọvọ ọnị mị ka maa sịị vaa wụ̀ vị ọnị maa sịị vẹ
mị ka maa sị ịsọvọ amịị vaa wụ̀ dị ma sị kụ́ wụ avọ.
13Wa sị mị dọ tụ́, wẹ rẹ vaa zẹẹ ka me sú
wẹ yị zẹẹ ka ma hyẹdụ
Maa mẹ̀ ịsa ẹnị ẹwụ Ohomorihi sì ịzị ẹtohweyi awụ mẹ ka ọza ọ̀ yàra.
Ebira First Bible © Bible Society of Nigeria, 2014.