Ahẹ Ụgama 46
46
Ohomorihi jẹẹ ịrẹma ayị
(Ahẹ ezi Ikora ana yà ịnị ụvọ ọga ọjahẹ anka ahẹ ana aā hị́ Aramoti).
1Ohomorihi ee sere yị dị ọ̀ yị zẹẹ ka à nyị ịsị ẹ kanyị yị nị.
Ọnị ọ raa sị ụkataa yị nị
Ụmẹ tụra ụmẹ ẹnị ẹngụ ayị ọ̀ọ kata vi oni oō sì ka ọnị ọ̀ gụ yị ụvọ.
2Ọnọnị ọ mẹ ka asị angwa rè hi yi nị
Ọ̀ọ daka zee e eyi ẹhẹ òo zizi
dị ataba ẹ̀ẹ hụrẹ vàa hi ini òkū,
3di oku ọ̀ọ jị ayị vụụ vụ, dị avaba ataba èe zizi jigi-jigi
angwa ọ yị hụ ụvị avọọ hi yi.
4Â nyị okuha ọnya aanị, enyi anị vị ana aā mẹ ka aza ene hi ịnị ẹkụra Ohomorihi ẹ̀ẹ jẹ
Ẹkụra ọnọọ vị oni Ohomorihi sị yị ẹngụ anị,
dị ahịka ịzọọ ọ ra nị.
5Ohomorihi yà ịnị akakana anẹkụra ọnọọ
agụvị avọọ ẹ yị nyị ịsị e zụ zizi ọ Ohomorihi vee jintu vaa gụ ọ ụvọ ẹnẹnẹ viri-viri.
6Anẹhẹ ee nowu angwa mèe hi wa, ẹkụra nịnị ẹ kụ́ hyẹdụ
Ohomorihi mè nowu kú anẹhẹ, ayị ẹnịnị ẹ kụ́ sụ enyi ángwa mè hi wa.
7Ẹnẹyịmavara Ochẹtẹẹngụ vị ana sị ọtụ kà yị ịrẹma
Ohomorihi Ijekọvụ ee sere yi ka asị a nyị ịsị ẹ mẹ̀ yị nị.
8Vẹ di we ve re ịsa ẹnẹ Ẹnẹyịmavara mẹ
Wèe re ịsị ọ mẹ ịnị ẹhẹ, ụ waa sị ụvọọ kà irenu jẹẹ kẹnẹ nị.
9Ọ raà mẹ ka asị anẹhẹ rẹ kụkụ kụ̀ ịrẹkụ
Dị ọ za ọkịta ọnịrị ọha ẹnịnị, di o che wa và ha nị
Dị ọ kụ́ ogonto ẹnịnị, dị ọ rị wa ịra và ha nị.
10Ohomorihi ka ẹ̀ za ụvọ jẹẹ, asị ẹ rẹ kụkụ kụ̀ ịrẹkụ
dị ẹ̀ yẹ ka ọnị ọ vị Ohomorihi nị
ọnị ọ vị Ohomorihi nị
Avaba anẹkụra ene hi ẹhẹ vaa sị ụbanyịị yị ọnị
11Ẹnẹyịmavara ana nyị ụkata vị ana sị ọtụ kà yị ịrẹma.
Ohomorihi Ijekọvụ ee sere yi ka asị a nyị ịsị ẹ mẹ̀ yị nị.
Currently Selected:
Ahẹ Ụgama 46: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ahẹ Ụgama 46
46
Ohomorihi jẹẹ ịrẹma ayị
(Ahẹ ezi Ikora ana yà ịnị ụvọ ọga ọjahẹ anka ahẹ ana aā hị́ Aramoti).
1Ohomorihi ee sere yị dị ọ̀ yị zẹẹ ka à nyị ịsị ẹ kanyị yị nị.
Ọnị ọ raa sị ụkataa yị nị
Ụmẹ tụra ụmẹ ẹnị ẹngụ ayị ọ̀ọ kata vi oni oō sì ka ọnị ọ̀ gụ yị ụvọ.
2Ọnọnị ọ mẹ ka asị angwa rè hi yi nị
Ọ̀ọ daka zee e eyi ẹhẹ òo zizi
dị ataba ẹ̀ẹ hụrẹ vàa hi ini òkū,
3di oku ọ̀ọ jị ayị vụụ vụ, dị avaba ataba èe zizi jigi-jigi
angwa ọ yị hụ ụvị avọọ hi yi.
4Â nyị okuha ọnya aanị, enyi anị vị ana aā mẹ ka aza ene hi ịnị ẹkụra Ohomorihi ẹ̀ẹ jẹ
Ẹkụra ọnọọ vị oni Ohomorihi sị yị ẹngụ anị,
dị ahịka ịzọọ ọ ra nị.
5Ohomorihi yà ịnị akakana anẹkụra ọnọọ
agụvị avọọ ẹ yị nyị ịsị e zụ zizi ọ Ohomorihi vee jintu vaa gụ ọ ụvọ ẹnẹnẹ viri-viri.
6Anẹhẹ ee nowu angwa mèe hi wa, ẹkụra nịnị ẹ kụ́ hyẹdụ
Ohomorihi mè nowu kú anẹhẹ, ayị ẹnịnị ẹ kụ́ sụ enyi ángwa mè hi wa.
7Ẹnẹyịmavara Ochẹtẹẹngụ vị ana sị ọtụ kà yị ịrẹma
Ohomorihi Ijekọvụ ee sere yi ka asị a nyị ịsị ẹ mẹ̀ yị nị.
8Vẹ di we ve re ịsa ẹnẹ Ẹnẹyịmavara mẹ
Wèe re ịsị ọ mẹ ịnị ẹhẹ, ụ waa sị ụvọọ kà irenu jẹẹ kẹnẹ nị.
9Ọ raà mẹ ka asị anẹhẹ rẹ kụkụ kụ̀ ịrẹkụ
Dị ọ za ọkịta ọnịrị ọha ẹnịnị, di o che wa và ha nị
Dị ọ kụ́ ogonto ẹnịnị, dị ọ rị wa ịra và ha nị.
10Ohomorihi ka ẹ̀ za ụvọ jẹẹ, asị ẹ rẹ kụkụ kụ̀ ịrẹkụ
dị ẹ̀ yẹ ka ọnị ọ vị Ohomorihi nị
ọnị ọ vị Ohomorihi nị
Avaba anẹkụra ene hi ẹhẹ vaa sị ụbanyịị yị ọnị
11Ẹnẹyịmavara ana nyị ụkata vị ana sị ọtụ kà yị ịrẹma.
Ohomorihi Ijekọvụ ee sere yi ka asị a nyị ịsị ẹ mẹ̀ yị nị.
Ebira First Bible © Bible Society of Nigeria, 2014.