Ahẹ Ụgama 44
44
Ịtọpa ịsa ọnị Ohomorihi vịdị sị mẹ
(Ahẹ Ikora ana a sị sị ịrẹyọyẹ kọ ọza)
1Ohomorihi yâ sị ụtọ ayị wụ́ ọ
ohiku ayị nịnị mẹ̀ẹ kà a yị avaba ịsa ọnị ụ mẹ ịnị ụmẹ ẹnịnị ịnị ịyẹẹyẹ.
2Ẹwa sị ụkata awụ dụ aza ẹnẹ ẹ̀ yẹ wụ hụụnị ẹtẹ ana aza ẹnẹẹ yà
dị ụ ka ohiku ayị ẹ̀ kụkụ ra hi ịnị ẹtẹ ọnọọ nị
Wâ pa ịva yị aza ẹnẹẹ ẹtẹẹtẹrẹ
ama dị ụ mẹ ka ò zee yi ohiku ayị nịnị nị.
3Vị agụvị ka ohiku ayị ệ dà yara kụ́ ịrẹkụ ọ mẹ ka ẹ̀ dọ ẹtẹ ọnị ụ sị yị wa
vị ụkata ẹnịnị ẹ sị nyị ehuna;
ụkata awụ ọ mẹ ka ẹ̀ nyị ehuna nị
agụvị ka wê sì ịrẹyị ẹnịnị dị ụ vavọọ nyị wa iyi nị.
4Ẹwa vị́ Ohinọyị amị dị ụ rẹ vị Ohomorihi amị nị
Ẹwa kà a ka aza awụ e vee huna ọnịvị ẹnịnị nị.
5Ẹwa sị ụkata yị ka ye zụ huna ọnịvị ayị dị ya và wa nẹtẹ nị.
6Vị ọpa amị mị sị ayị tụra
me yi ro o ka ụhwọ ọbanyị amị ọ vaa mẹ ka me huna ọnịvị amị nị.
7Ama ẹwa mẹ ka ye huna ọnịvị ayị
dị ụ mẹ̀ ụhị nyị wa yị nị.
8Ohomorihi ẹ́ yị vaa ga pooro nị
Ọnị kẹnẹ ị raa kụ́ avọ pooro nị.
9Ohomorihi, ẹwụ ana vịdị maanị mẹ yị,
wa raà mẹ ka ọnịvị ayị ẹ̀ nyị ehuna ayị
wẹ yị kụkụ saasa aza ayị nọ ịrẹkụ.
10Wâ mẹ ka yee zwee yị ọnịvị ayị,
dị ẹnị kụkụ kụ́ ogu ayị kẹnẹ nị.
11Wâ hụrẹ yị ụvọ ka ọnịvị ayị ẹ̀ẹ wụ yị anka atẹmẹ avọọ
dị ẹ gara yị zị hi avaba ẹhẹ nị.
12Ẹyị ana vị aza awụ vị ọnị ụ ná ọyịpọ̀ yị ọnịvị ayị
ị kụkụ sị mẹẹ anka ịsa kẹnẹ-kẹnẹ avọọ nị.
13Anokokooro ayị vi ene kuku ee nyị yi unyi
dị ẹyaa mẹ yị isiya.
14Anẹhẹ vị ana kụkụ aa sị eyi ịyẹyẹẹ re yi,
dị ẹ yaa mẹ yi isiya
di e re yee mi ịrẹsụụ hi yi.
15Ụhị vị ana kụkụ aa nyị mị pooro kẹnẹ
me yi kuku re aha sị eyi tụ́ agụvị
16ọnịvị amị ana aa mẹ mi isiya di e yee nyị mi unyi
ẹnịnị vị ana dà pè mị.
17Ye yi hi ayị awụ, yẹ yị sị ahụ jịnẹ ọda awụ,
dịị maanị aa rịị rị ụya aanị nị.
18Ẹwụ ị sị sị ayị ayịị yị dị ị raa sịị saasa ọda awụ nị.
19Ama wâ za yị wâ pa ịva yị,
dị ụ vara ẹkụra ayị ịzị uye ediviī hi nị
dị ụ kụkụ navọ yị hi ịnị ịrahụ nị.
20-21Ịsa tụra ịsa ọnị ọza èe ro, Ohomorihi wâ yẹ
yèe hi ayị awụ dị ahịka ori ị kụkụ aa hẹkẹ nị, ụ yaanị sị yẹ.
22 #
Iro 8.36
Awụ aza ee chire yi angwa eyinị-eyinị ka ẹnị vaa wụ̀ yị nị
ẹ yaa mẹ yị anka atẹmẹ ana aa vaa wụ̀ avọọ.
23Ẹnẹyịmavara, vị waa sụ ara nịị?
Navọ wa kwẹẹtẹ kwogwo
2 Navọ asị ụ maanị hi ayị pooro dê!
24Ẹnẹyịmavara, navọ kwogwo asị u hi ayị ayị
navọ wa tamayị ụya ọnị yaa rị ọnịrị ẹngụkata ene tù yị.
25Ụvọ ọnịvị o si yi huna, ya sị hyẹdụ
navọ wa va gụ yị ụvọ.
26Mâ yẹ ka vị ụụ̄ sì ịrẹyị ọza pooro nị,
navọ wa va dọ yị tụ́.
Currently Selected:
Ahẹ Ụgama 44: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ahẹ Ụgama 44
44
Ịtọpa ịsa ọnị Ohomorihi vịdị sị mẹ
(Ahẹ Ikora ana a sị sị ịrẹyọyẹ kọ ọza)
1Ohomorihi yâ sị ụtọ ayị wụ́ ọ
ohiku ayị nịnị mẹ̀ẹ kà a yị avaba ịsa ọnị ụ mẹ ịnị ụmẹ ẹnịnị ịnị ịyẹẹyẹ.
2Ẹwa sị ụkata awụ dụ aza ẹnẹ ẹ̀ yẹ wụ hụụnị ẹtẹ ana aza ẹnẹẹ yà
dị ụ ka ohiku ayị ẹ̀ kụkụ ra hi ịnị ẹtẹ ọnọọ nị
Wâ pa ịva yị aza ẹnẹẹ ẹtẹẹtẹrẹ
ama dị ụ mẹ ka ò zee yi ohiku ayị nịnị nị.
3Vị agụvị ka ohiku ayị ệ dà yara kụ́ ịrẹkụ ọ mẹ ka ẹ̀ dọ ẹtẹ ọnị ụ sị yị wa
vị ụkata ẹnịnị ẹ sị nyị ehuna;
ụkata awụ ọ mẹ ka ẹ̀ nyị ehuna nị
agụvị ka wê sì ịrẹyị ẹnịnị dị ụ vavọọ nyị wa iyi nị.
4Ẹwa vị́ Ohinọyị amị dị ụ rẹ vị Ohomorihi amị nị
Ẹwa kà a ka aza awụ e vee huna ọnịvị ẹnịnị nị.
5Ẹwa sị ụkata yị ka ye zụ huna ọnịvị ayị dị ya và wa nẹtẹ nị.
6Vị ọpa amị mị sị ayị tụra
me yi ro o ka ụhwọ ọbanyị amị ọ vaa mẹ ka me huna ọnịvị amị nị.
7Ama ẹwa mẹ ka ye huna ọnịvị ayị
dị ụ mẹ̀ ụhị nyị wa yị nị.
8Ohomorihi ẹ́ yị vaa ga pooro nị
Ọnị kẹnẹ ị raa kụ́ avọ pooro nị.
9Ohomorihi, ẹwụ ana vịdị maanị mẹ yị,
wa raà mẹ ka ọnịvị ayị ẹ̀ nyị ehuna ayị
wẹ yị kụkụ saasa aza ayị nọ ịrẹkụ.
10Wâ mẹ ka yee zwee yị ọnịvị ayị,
dị ẹnị kụkụ kụ́ ogu ayị kẹnẹ nị.
11Wâ hụrẹ yị ụvọ ka ọnịvị ayị ẹ̀ẹ wụ yị anka atẹmẹ avọọ
dị ẹ gara yị zị hi avaba ẹhẹ nị.
12Ẹyị ana vị aza awụ vị ọnị ụ ná ọyịpọ̀ yị ọnịvị ayị
ị kụkụ sị mẹẹ anka ịsa kẹnẹ-kẹnẹ avọọ nị.
13Anokokooro ayị vi ene kuku ee nyị yi unyi
dị ẹyaa mẹ yị isiya.
14Anẹhẹ vị ana kụkụ aa sị eyi ịyẹyẹẹ re yi,
dị ẹ yaa mẹ yi isiya
di e re yee mi ịrẹsụụ hi yi.
15Ụhị vị ana kụkụ aa nyị mị pooro kẹnẹ
me yi kuku re aha sị eyi tụ́ agụvị
16ọnịvị amị ana aa mẹ mi isiya di e yee nyị mi unyi
ẹnịnị vị ana dà pè mị.
17Ye yi hi ayị awụ, yẹ yị sị ahụ jịnẹ ọda awụ,
dịị maanị aa rịị rị ụya aanị nị.
18Ẹwụ ị sị sị ayị ayịị yị dị ị raa sịị saasa ọda awụ nị.
19Ama wâ za yị wâ pa ịva yị,
dị ụ vara ẹkụra ayị ịzị uye ediviī hi nị
dị ụ kụkụ navọ yị hi ịnị ịrahụ nị.
20-21Ịsa tụra ịsa ọnị ọza èe ro, Ohomorihi wâ yẹ
yèe hi ayị awụ dị ahịka ori ị kụkụ aa hẹkẹ nị, ụ yaanị sị yẹ.
22 #
Iro 8.36
Awụ aza ee chire yi angwa eyinị-eyinị ka ẹnị vaa wụ̀ yị nị
ẹ yaa mẹ yị anka atẹmẹ ana aa vaa wụ̀ avọọ.
23Ẹnẹyịmavara, vị waa sụ ara nịị?
Navọ wa kwẹẹtẹ kwogwo
2 Navọ asị ụ maanị hi ayị pooro dê!
24Ẹnẹyịmavara, navọ kwogwo asị u hi ayị ayị
navọ wa tamayị ụya ọnị yaa rị ọnịrị ẹngụkata ene tù yị.
25Ụvọ ọnịvị o si yi huna, ya sị hyẹdụ
navọ wa va gụ yị ụvọ.
26Mâ yẹ ka vị ụụ̄ sì ịrẹyị ọza pooro nị,
navọ wa va dọ yị tụ́.
Ebira First Bible © Bible Society of Nigeria, 2014.