Ahẹ Ụgama 4
4
Idevidi ộ mẹ̀ aduwa
(Ahẹ Idevidi oni o hú agidibò tụ́ ana yà ịnị ụvọ ọga ọjahẹ)
1Navọ màa hị́ wụ̀ wa ba mi owu
ẹwụ Ohomorihi ene re ka mẹ yị mẹ̀ ịsa odivi.
Wéē re ẹngụkata ene tù mị, navọ wa sị ẹngwọọrọ yị mị.
Navọ wa vayị amị dị wa wụ́ aduwa amị.
2Ẹwụ nịnị aza ẹnị eyi yẹ,
sị ẹ vẹ dị ụ maanị aa kụ̀ mị ụhụ nịnị?
Sị ẹ vẹ di evene ọnịrị ireche maanị zee wu nịnị eyi?
3Tamayị ka Ẹnẹyịmavara vị ana nyị ọnịzẹyịza jẹẹ yị ẹngụ anị.
Mèe nowu hị́ ọ, ọ vaa ba mị owu.
4 #
Ẹhw 4.26
Asị ụ zẹẹ ka ayị ọ̀ kụ́ wụ nịnị pooro dị wa na mẹ̀ ebira odivi.
Waa hụtụ rò o dị waa mẹ hẹẹ
5Waā mẹ̀ ịsọvọ ana vọrọọ hi Ẹnẹyịmavara dị ụ wa sị ayị tụra a.
6Aza ọrụrụ-ọrụrụ aa kà a ka àa yẹ Ohomorihi ọ̀ mẹ ọyịza yị ẹnị.
Ẹnẹyịmavara, navọ kwogwo wa vayị ayị.
7Wâ mẹ ka ịnẹ amị o hine huna aza ana nyị akụ ọnịrị ẹnị eche ozoza gwẹtẹ yị.
8Màa hụtụ dị maa sụ ara hwanaa.
Ẹnẹyịmavara, ẹwụ ịnyara kẹnẹ ọ vavọọ mẹ ka asị a nyị ịsa ee chire mi angwa nị.
Currently Selected:
Ahẹ Ụgama 4: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ahẹ Ụgama 4
4
Idevidi ộ mẹ̀ aduwa
(Ahẹ Idevidi oni o hú agidibò tụ́ ana yà ịnị ụvọ ọga ọjahẹ)
1Navọ màa hị́ wụ̀ wa ba mi owu
ẹwụ Ohomorihi ene re ka mẹ yị mẹ̀ ịsa odivi.
Wéē re ẹngụkata ene tù mị, navọ wa sị ẹngwọọrọ yị mị.
Navọ wa vayị amị dị wa wụ́ aduwa amị.
2Ẹwụ nịnị aza ẹnị eyi yẹ,
sị ẹ vẹ dị ụ maanị aa kụ̀ mị ụhụ nịnị?
Sị ẹ vẹ di evene ọnịrị ireche maanị zee wu nịnị eyi?
3Tamayị ka Ẹnẹyịmavara vị ana nyị ọnịzẹyịza jẹẹ yị ẹngụ anị.
Mèe nowu hị́ ọ, ọ vaa ba mị owu.
4 #
Ẹhw 4.26
Asị ụ zẹẹ ka ayị ọ̀ kụ́ wụ nịnị pooro dị wa na mẹ̀ ebira odivi.
Waa hụtụ rò o dị waa mẹ hẹẹ
5Waā mẹ̀ ịsọvọ ana vọrọọ hi Ẹnẹyịmavara dị ụ wa sị ayị tụra a.
6Aza ọrụrụ-ọrụrụ aa kà a ka àa yẹ Ohomorihi ọ̀ mẹ ọyịza yị ẹnị.
Ẹnẹyịmavara, navọ kwogwo wa vayị ayị.
7Wâ mẹ ka ịnẹ amị o hine huna aza ana nyị akụ ọnịrị ẹnị eche ozoza gwẹtẹ yị.
8Màa hụtụ dị maa sụ ara hwanaa.
Ẹnẹyịmavara, ẹwụ ịnyara kẹnẹ ọ vavọọ mẹ ka asị a nyị ịsa ee chire mi angwa nị.
Ebira First Bible © Bible Society of Nigeria, 2014.