Ahẹ Ụgama 39
39
Ọza ana aā rị ụya, ộ dọ irenu ịvị anị
(Ahẹ Idevidi ọnị ọ jị yị Ijedutuni ana yà ịnị ụvọ ọga ọjahẹ)
1Mị ka maa si eyii pè ẹngụ amị, mẹ yị vaa sị irenu amịị mẹ ịvị
Mẹ yị vaa kà ịrẹyị ịzị aza edivi èe hi.
2Mê kú oku irenu, dị mị tịtẹ hẹẹ nị, me yi tụ́ ohi ịrẹyị ọ̀ọ daka vị ịrẹyị ozoza,
Ẹngụkata amị vị ana aa yịị banyịị hu avọọ.
3Ayị amị ọ kụ́ vazi, mèe ro o dị aa kata mị ẹngụụ hu avọọ
Dị mị va há irenu dị mị ka
4Ẹnẹyịmavara, navọ wa sị ọzarẹyịrẹsụ ẹhẹ amị zụ̀ mị
Navọ ma yẹ òkèékéré ẹhẹ amị
kà a mị ịhị ẹhẹ amị aa ta.
5Wẹ yị mẹ ka ụhwẹ amị ọ̀ gọdọ vụrụ-vụrụ
nyị ịsị ẹhẹ amị vị ini eyi awụ
Ẹhẹ ọza maanị aa kiiki aanị,
6nyị ịsị ẹhẹ ọza vị vụrụ-vụrụ ộ.
Vi ee zwee vàa chii vàa hịrẹ kẹnẹ nị
Ọ̀ọ gụ ogu gụ, ọ yị yẹ ọza ana vaa rị ọ.
7Ananyị yị, àa vị aanị ẹhẹ mẹ̀ yà nị, sị ẹmị nyẹngụ aa tụra eyi anị?
Ẹwụ kẹnẹ mị sị ayị tụra nị.
8Navọ wa vagu mị agụvị avaba ebira odivi ọnị mị mẹ
Aarịhịnị asị ụ navọ ka ọnụra nịnị è re oze nyị mi unyi.
9Mee kú irenu, mẹ yị vaa kà ịrẹyị ọnyọọnyị
agụvị ka mâ yẹ ka ẹwaa sị ụya ọnọnịị rị mị nị.
10Navọ asị ụ rẹ kụkụ sị ụya rị mị ka ipono awụ aa vaa wụ̀ mị.
11Ọza ọ̀ọ mẹ ịvị, dị waa tụ́ ọ ohuvọ nị
ịsị ọza ọnọọ ò sì ịrẹyị anị hu, di u du ọ ha anka ikere mèe du ịsaa ha avọọ
Ịzẹyịza ẹ yị nyị ịsị ọza vị vụrụ-vụrụ.
12Ẹnẹyịmavara, navọ wa wụ́ ịpọda amị sị wa gụ mị ụvọ
Wê re m maa jị òrèrè, navọ we tụ́ mi ohi dị wa gụ mị ụvọ.
Ọzọga mị vị dị mị ra pè wu anka ohiku amị mẹ̀ ra pè wu nị.
13Navọ wa hụrẹ mị ụvọ dị ẹngụ amị ọ̀ daba rọ chee dị ma va sị ẹhẹ tịtẹ.
Currently Selected:
Ahẹ Ụgama 39: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ahẹ Ụgama 39
39
Ọza ana aā rị ụya, ộ dọ irenu ịvị anị
(Ahẹ Idevidi ọnị ọ jị yị Ijedutuni ana yà ịnị ụvọ ọga ọjahẹ)
1Mị ka maa si eyii pè ẹngụ amị, mẹ yị vaa sị irenu amịị mẹ ịvị
Mẹ yị vaa kà ịrẹyị ịzị aza edivi èe hi.
2Mê kú oku irenu, dị mị tịtẹ hẹẹ nị, me yi tụ́ ohi ịrẹyị ọ̀ọ daka vị ịrẹyị ozoza,
Ẹngụkata amị vị ana aa yịị banyịị hu avọọ.
3Ayị amị ọ kụ́ vazi, mèe ro o dị aa kata mị ẹngụụ hu avọọ
Dị mị va há irenu dị mị ka
4Ẹnẹyịmavara, navọ wa sị ọzarẹyịrẹsụ ẹhẹ amị zụ̀ mị
Navọ ma yẹ òkèékéré ẹhẹ amị
kà a mị ịhị ẹhẹ amị aa ta.
5Wẹ yị mẹ ka ụhwẹ amị ọ̀ gọdọ vụrụ-vụrụ
nyị ịsị ẹhẹ amị vị ini eyi awụ
Ẹhẹ ọza maanị aa kiiki aanị,
6nyị ịsị ẹhẹ ọza vị vụrụ-vụrụ ộ.
Vi ee zwee vàa chii vàa hịrẹ kẹnẹ nị
Ọ̀ọ gụ ogu gụ, ọ yị yẹ ọza ana vaa rị ọ.
7Ananyị yị, àa vị aanị ẹhẹ mẹ̀ yà nị, sị ẹmị nyẹngụ aa tụra eyi anị?
Ẹwụ kẹnẹ mị sị ayị tụra nị.
8Navọ wa vagu mị agụvị avaba ebira odivi ọnị mị mẹ
Aarịhịnị asị ụ navọ ka ọnụra nịnị è re oze nyị mi unyi.
9Mee kú irenu, mẹ yị vaa kà ịrẹyị ọnyọọnyị
agụvị ka mâ yẹ ka ẹwaa sị ụya ọnọnịị rị mị nị.
10Navọ asị ụ rẹ kụkụ sị ụya rị mị ka ipono awụ aa vaa wụ̀ mị.
11Ọza ọ̀ọ mẹ ịvị, dị waa tụ́ ọ ohuvọ nị
ịsị ọza ọnọọ ò sì ịrẹyị anị hu, di u du ọ ha anka ikere mèe du ịsaa ha avọọ
Ịzẹyịza ẹ yị nyị ịsị ọza vị vụrụ-vụrụ.
12Ẹnẹyịmavara, navọ wa wụ́ ịpọda amị sị wa gụ mị ụvọ
Wê re m maa jị òrèrè, navọ we tụ́ mi ohi dị wa gụ mị ụvọ.
Ọzọga mị vị dị mị ra pè wu anka ohiku amị mẹ̀ ra pè wu nị.
13Navọ wa hụrẹ mị ụvọ dị ẹngụ amị ọ̀ daba rọ chee dị ma va sị ẹhẹ tịtẹ.
Ebira First Bible © Bible Society of Nigeria, 2014.