Ahẹ Ụgama 37
37
Ẹhẹ aza edivi ọnịrị ẹhẹ aza ọyịza
(Ahẹ Idevidi)
1Asị ụ na hụ agụvị aza edivi ana aa mẹ̀ ebira ẹnẹ ẹ̀ yị vọrọ, dị waa kụ́ ayị
Asị a nyị ịsị ẹ mẹ̀ ka wa na vụva ka wa nyị ogu ẹnị ẹ nyị.
2Wê re avị mèe nyị, òo tù ụpẹ ọnya kẹnẹ dị ọ rị ịra va ha
avọọ ẹhẹ aza edivi mẹ̀ yà nị
Ọ yị jẹẹ dị ẹnịnị è sú va ha.
3Sị ayị tụra Ẹnẹyịmavara, dị waa mẹ̀ ebira ene zoza
Tangwa ra ịnị ẹtẹ ọnị ọ sị wụ dị asị a nyị ịsị ẹ mẹ̀ wụ.
4Weē sì ka waa mẹ̀ ịsa ene zee Ẹnẹyịmavara eyi
ịjọnọọ ịsị ẹwụ èe ree sì vị ọnị ọ vaa sịị yị wụ.
5Sị avaba ẹhẹ awụ chire Ẹnẹyịmavara ụvọ
dị wa sị ayị tụra a ka ọ vaa mẹ ọgụvọ.
6Ọ vaa mẹ ka avaba ọza ò re e ka wẹ yị rị ịvị
dị ọzọza ọ̀ yẹ ka ịsa ana vọrọ ụ waa mẹ nị.
7Maanị nyị isuuru hẹẹ dị wa jẹẹ zi Ẹnẹyịmavara
Wèe re ka aza edivi aa mẹ̀ ịsa ẹnẹ ẹ̀ yị vọrọ di ee zozaa yị wa nị
asị ụ hụ agụvị avọọ kụ́ ayị.
8Nyị isuuru asị ụ kụ́ ayị vụrụ-vụrụ
Ọza àa kụ́ ayị, vị ọọ̄ mẹ ka ọ̀ naa mẹ̀ ebira odivi nị.
9Aza ana sị ayị tụra Ẹnẹyịmavara vị ẹnị ẹ vaa nyị ẹtẹ ọnọọ nị
ama aza edivi vị ọnị ọ vaa dụụ hụụ ịzọọ.
10Ọ yị jẹẹ dị áaza edivi ẹ̀ ta
wèe kuku sì ọ pooro di we yi re e.
11 #
Imt 5.5
Aza ana kà ẹngụ ẹnịnị chi ẹ vaa nyị ẹtẹ ọnọọ nị
Ẹ́ vaa nyị ụbanyị, dị ẹngụ ẹnịnị rọ.
12Aza edivi vị ana aā gẹ eyi ọza ana mẹ̀ ebira ana vọrọ
dị aa kụ́ ayị anị ka ọnị ọ̀ wụ ọ.
13Aza edivi ẹ̀ẹ vavọọ mẹ, dị Ẹnẹyịmavara nyị wa unyi kẹnẹ
Ộ yẹ ka ọ yị jẹẹ dị a wụ̀ wa va ha.
14Aza edivi ẹ sị ọpa kà
e yee sì ka ẹnị ẹ̀ sị wụ onosiye ẹnẹ ẹ̀ yị nyị ụkata
ọnịrị aza ana aa mẹ̀ ebira ana vọrọ.
15Ama ụhwọ ẹnẹ ẹ tụ̀ tù ọza avọọ, ẹnị ụvọta a vaa sị wụ nị, dị ọkịta ẹnịnị che và ha.
16Ịsa chee ọnị ọza ana aa mẹ̀ ebira ana vọrọ ọ̀ọ nyị, ô huna ogu avaba aza edivi.
17Ẹnẹyịmavara vaa dọ aza edivi ụkata ẹnịnị,
ama dị ọ mẹ ọgụvọ yị ọza ana aa mẹ̀ ebira ana vọrọ.
18Ẹnẹyịmavara ọ mā sị eyi hụrẹ ẹngụ ọza ana aā wụ́ ịrẹyị anị.
Ogu ẹnẹ ẹ̀ẹ nyị vị ana vaa yarị wa pooro.
19Ịjị ụmẹ ọ̀ọ katẹngụ, ẹnịnị ẹ yị vaa rị ụya.
Ụngwẹ ọ̀ọ daka hi ẹtẹ ẹnịnị emi vee re ịsaa rị dị ịnẹ há wa.
20Ama aza edivi vi ene vee vú ẹtẹ.
Aza ana ka ẹnị vị ọnịvị Ẹnẹyịmavara vị ẹnẹ ẹhẹ ẹnịnị vaa vị osusu anka ịra mẹ̀ẹ rị avị ịra dị ẹ ta avọọ.
21Aza edivi ẹ̀ẹ dọ ọza ịsa rere e mē vene sị ọ varẹma.
Ama aza ana aā mẹ̀ ebira ana vọrọ ẹnị vị ana aa mẹ ẹyịza.
22Aza ẹnị Ẹnẹyịmavara ọ̀ọ kà ka ò zee yi
ẹnị ẹ vaa nyị ẹtẹ ọnọọ nị
ama aza ọnị òo reè chi hi vị ọnị vaa dụụ hụụ ịzọọ.
23Ebira ọnị ọza aa mẹ òo zee Ẹnẹyịmavara eyi
dị aa gụ ọ ụvọ ịnị avaba ịsị àaa mẹ
24Ẹngụ ọza ọnọọ ọ̀ọ daka tụ́ ahụ, ọ yị vaa hyẹdụ
agụvị ka Ẹnẹyịmavara ọ sị ọtụ kà a ịrẹma nị.
25M mẹ̀ hụrẹ vị ozweyi pooro dị mị maanị vịra aanị
meè yi re da ka Ẹnẹyịmavara ô hi ayị ọza ana aa mẹ̀ ebira ana vọrọ vị ana aa mẹ ẹyịza e mē che eyi
Ezi ẹngụ aza ẹnẹẹ vi oni ọ vee zee yị
26Aza ana aa mẹ̀ ebira ana vọrọ vị ana aa mẹ ẹyịza pooro, e mē che eyi.
Ezi ẹngụ aza ẹnẹẹ vi oni o vee zee yị.
27Và hụụnị ebira odivi, dị waa mẹ̀ ebira ene zoza
Wàa vavọọ aa mẹ, ụ vaa ra ịnị ẹtẹ ọnọọ pooro.
28Ẹnẹyịmavara ô sì ịrẹyị ebira ịzẹyịza
o yi vee hi ayị aza anị ana ayị ẹnịnị vị ọnya
Vi o vee sere wa pooro nị
ama ezi aza edivi vị ọnị ọ vaa dụ hụụ ịzọọ
29Aza ana aa mẹ ịzẹyịza ọ vaa nyị ẹtẹ ọnọọ dị ẹ ra ịzọọ pooro nị.
30Aza ana aa mẹ ịzẹyịza vị ana aā kà ịrẹyị ịrẹyọyẹ,
ịrẹyị ịzẹyịza ẹẹ̄ kà nị.
31Ọda Ohomorihi anị vị ọnị ọ sị tụ́ ịnị ayị
ọ yị vaa sị ahụụ jị ọchị nyee.
32Aza edivi vị ana aa vaka di e yee bè ọnịzẹyịza ka ẹnị ẹ̀ wụ ọ.
33Ama Ẹnẹyịmavara ọ yị sị ọnịzẹyịza chire aza edivi ụvọ
Àa daka za ọnịzẹyịza nọ ịnị ọkarẹyị
Ẹnẹyịmavara ọ yị vaa zẹẹ ka ọ̀ rị ịvị.
34Weē zi Ẹnẹyịmavara dị waā saasa ọda anị
Ọ vaa sị ụbanyịị wụ dị ọ sị ẹtẹ ọnọọ wụ
Ịhị àa dụ aza edivi huu ịzọọ, u vee re e.
35Ma raà sị eyi amị re aza edivi ẹnị ẹ̀ yị mā vayị ọza
ẹ màa mẹ ụbanyị anka ọchị ọbanyị ene hi ịzị aā hị́ Ịrẹbanọnị avọọ.
36Ama ịnị ụmẹ chee, áanị ọ ta, ọza o yi kuku re e
Mê vene sì ọ ka ịzị ọ yà
ama ọza o yi kuku re e.
37Tangwa sị eyi pè aza ana aa mẹ̀ ebira ana vọrọ dị ẹ̀ yị mā mẹ akụvị
ẹngụ aza ana vavọọ aa mẹ̀ ebira ozoza ệ nyị ẹhẹ tụ́ ịrẹma.
38Ama avaba aza edivi vị oni Ohomorihi vaa wụụ vaa ha
ẹnịnị ẹ yị vaa nyị ọdọmịrẹsụ.
39Ẹnẹyịmavara ọọ̄ dọ aza ana aa mẹ ịzẹyịza há nị.
Ịjị akanya ọ̀ọ vẹ dị ọ sị ọtụ kà wa ịrẹma.
40Ẹnẹyịmavara vị ana aa gụ wa ụvọ dị ọ dọ wa tụ́
Ọ yị vaa zẹẹ ka ụvọ aza edivi è kú wa
Ọ vaa dọ waa ha agụvị ka ê zwe na vaka a.
Currently Selected:
Ahẹ Ụgama 37: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ahẹ Ụgama 37
37
Ẹhẹ aza edivi ọnịrị ẹhẹ aza ọyịza
(Ahẹ Idevidi)
1Asị ụ na hụ agụvị aza edivi ana aa mẹ̀ ebira ẹnẹ ẹ̀ yị vọrọ, dị waa kụ́ ayị
Asị a nyị ịsị ẹ mẹ̀ ka wa na vụva ka wa nyị ogu ẹnị ẹ nyị.
2Wê re avị mèe nyị, òo tù ụpẹ ọnya kẹnẹ dị ọ rị ịra va ha
avọọ ẹhẹ aza edivi mẹ̀ yà nị
Ọ yị jẹẹ dị ẹnịnị è sú va ha.
3Sị ayị tụra Ẹnẹyịmavara, dị waa mẹ̀ ebira ene zoza
Tangwa ra ịnị ẹtẹ ọnị ọ sị wụ dị asị a nyị ịsị ẹ mẹ̀ wụ.
4Weē sì ka waa mẹ̀ ịsa ene zee Ẹnẹyịmavara eyi
ịjọnọọ ịsị ẹwụ èe ree sì vị ọnị ọ vaa sịị yị wụ.
5Sị avaba ẹhẹ awụ chire Ẹnẹyịmavara ụvọ
dị wa sị ayị tụra a ka ọ vaa mẹ ọgụvọ.
6Ọ vaa mẹ ka avaba ọza ò re e ka wẹ yị rị ịvị
dị ọzọza ọ̀ yẹ ka ịsa ana vọrọ ụ waa mẹ nị.
7Maanị nyị isuuru hẹẹ dị wa jẹẹ zi Ẹnẹyịmavara
Wèe re ka aza edivi aa mẹ̀ ịsa ẹnẹ ẹ̀ yị vọrọ di ee zozaa yị wa nị
asị ụ hụ agụvị avọọ kụ́ ayị.
8Nyị isuuru asị ụ kụ́ ayị vụrụ-vụrụ
Ọza àa kụ́ ayị, vị ọọ̄ mẹ ka ọ̀ naa mẹ̀ ebira odivi nị.
9Aza ana sị ayị tụra Ẹnẹyịmavara vị ẹnị ẹ vaa nyị ẹtẹ ọnọọ nị
ama aza edivi vị ọnị ọ vaa dụụ hụụ ịzọọ.
10Ọ yị jẹẹ dị áaza edivi ẹ̀ ta
wèe kuku sì ọ pooro di we yi re e.
11 #
Imt 5.5
Aza ana kà ẹngụ ẹnịnị chi ẹ vaa nyị ẹtẹ ọnọọ nị
Ẹ́ vaa nyị ụbanyị, dị ẹngụ ẹnịnị rọ.
12Aza edivi vị ana aā gẹ eyi ọza ana mẹ̀ ebira ana vọrọ
dị aa kụ́ ayị anị ka ọnị ọ̀ wụ ọ.
13Aza edivi ẹ̀ẹ vavọọ mẹ, dị Ẹnẹyịmavara nyị wa unyi kẹnẹ
Ộ yẹ ka ọ yị jẹẹ dị a wụ̀ wa va ha.
14Aza edivi ẹ sị ọpa kà
e yee sì ka ẹnị ẹ̀ sị wụ onosiye ẹnẹ ẹ̀ yị nyị ụkata
ọnịrị aza ana aa mẹ̀ ebira ana vọrọ.
15Ama ụhwọ ẹnẹ ẹ tụ̀ tù ọza avọọ, ẹnị ụvọta a vaa sị wụ nị, dị ọkịta ẹnịnị che và ha.
16Ịsa chee ọnị ọza ana aa mẹ̀ ebira ana vọrọ ọ̀ọ nyị, ô huna ogu avaba aza edivi.
17Ẹnẹyịmavara vaa dọ aza edivi ụkata ẹnịnị,
ama dị ọ mẹ ọgụvọ yị ọza ana aa mẹ̀ ebira ana vọrọ.
18Ẹnẹyịmavara ọ mā sị eyi hụrẹ ẹngụ ọza ana aā wụ́ ịrẹyị anị.
Ogu ẹnẹ ẹ̀ẹ nyị vị ana vaa yarị wa pooro.
19Ịjị ụmẹ ọ̀ọ katẹngụ, ẹnịnị ẹ yị vaa rị ụya.
Ụngwẹ ọ̀ọ daka hi ẹtẹ ẹnịnị emi vee re ịsaa rị dị ịnẹ há wa.
20Ama aza edivi vi ene vee vú ẹtẹ.
Aza ana ka ẹnị vị ọnịvị Ẹnẹyịmavara vị ẹnẹ ẹhẹ ẹnịnị vaa vị osusu anka ịra mẹ̀ẹ rị avị ịra dị ẹ ta avọọ.
21Aza edivi ẹ̀ẹ dọ ọza ịsa rere e mē vene sị ọ varẹma.
Ama aza ana aā mẹ̀ ebira ana vọrọ ẹnị vị ana aa mẹ ẹyịza.
22Aza ẹnị Ẹnẹyịmavara ọ̀ọ kà ka ò zee yi
ẹnị ẹ vaa nyị ẹtẹ ọnọọ nị
ama aza ọnị òo reè chi hi vị ọnị vaa dụụ hụụ ịzọọ.
23Ebira ọnị ọza aa mẹ òo zee Ẹnẹyịmavara eyi
dị aa gụ ọ ụvọ ịnị avaba ịsị àaa mẹ
24Ẹngụ ọza ọnọọ ọ̀ọ daka tụ́ ahụ, ọ yị vaa hyẹdụ
agụvị ka Ẹnẹyịmavara ọ sị ọtụ kà a ịrẹma nị.
25M mẹ̀ hụrẹ vị ozweyi pooro dị mị maanị vịra aanị
meè yi re da ka Ẹnẹyịmavara ô hi ayị ọza ana aa mẹ̀ ebira ana vọrọ vị ana aa mẹ ẹyịza e mē che eyi
Ezi ẹngụ aza ẹnẹẹ vi oni ọ vee zee yị
26Aza ana aa mẹ̀ ebira ana vọrọ vị ana aa mẹ ẹyịza pooro, e mē che eyi.
Ezi ẹngụ aza ẹnẹẹ vi oni o vee zee yị.
27Và hụụnị ebira odivi, dị waa mẹ̀ ebira ene zoza
Wàa vavọọ aa mẹ, ụ vaa ra ịnị ẹtẹ ọnọọ pooro.
28Ẹnẹyịmavara ô sì ịrẹyị ebira ịzẹyịza
o yi vee hi ayị aza anị ana ayị ẹnịnị vị ọnya
Vi o vee sere wa pooro nị
ama ezi aza edivi vị ọnị ọ vaa dụ hụụ ịzọọ
29Aza ana aa mẹ ịzẹyịza ọ vaa nyị ẹtẹ ọnọọ dị ẹ ra ịzọọ pooro nị.
30Aza ana aa mẹ ịzẹyịza vị ana aā kà ịrẹyị ịrẹyọyẹ,
ịrẹyị ịzẹyịza ẹẹ̄ kà nị.
31Ọda Ohomorihi anị vị ọnị ọ sị tụ́ ịnị ayị
ọ yị vaa sị ahụụ jị ọchị nyee.
32Aza edivi vị ana aa vaka di e yee bè ọnịzẹyịza ka ẹnị ẹ̀ wụ ọ.
33Ama Ẹnẹyịmavara ọ yị sị ọnịzẹyịza chire aza edivi ụvọ
Àa daka za ọnịzẹyịza nọ ịnị ọkarẹyị
Ẹnẹyịmavara ọ yị vaa zẹẹ ka ọ̀ rị ịvị.
34Weē zi Ẹnẹyịmavara dị waā saasa ọda anị
Ọ vaa sị ụbanyịị wụ dị ọ sị ẹtẹ ọnọọ wụ
Ịhị àa dụ aza edivi huu ịzọọ, u vee re e.
35Ma raà sị eyi amị re aza edivi ẹnị ẹ̀ yị mā vayị ọza
ẹ màa mẹ ụbanyị anka ọchị ọbanyị ene hi ịzị aā hị́ Ịrẹbanọnị avọọ.
36Ama ịnị ụmẹ chee, áanị ọ ta, ọza o yi kuku re e
Mê vene sì ọ ka ịzị ọ yà
ama ọza o yi kuku re e.
37Tangwa sị eyi pè aza ana aa mẹ̀ ebira ana vọrọ dị ẹ̀ yị mā mẹ akụvị
ẹngụ aza ana vavọọ aa mẹ̀ ebira ozoza ệ nyị ẹhẹ tụ́ ịrẹma.
38Ama avaba aza edivi vị oni Ohomorihi vaa wụụ vaa ha
ẹnịnị ẹ yị vaa nyị ọdọmịrẹsụ.
39Ẹnẹyịmavara ọọ̄ dọ aza ana aa mẹ ịzẹyịza há nị.
Ịjị akanya ọ̀ọ vẹ dị ọ sị ọtụ kà wa ịrẹma.
40Ẹnẹyịmavara vị ana aa gụ wa ụvọ dị ọ dọ wa tụ́
Ọ yị vaa zẹẹ ka ụvọ aza edivi è kú wa
Ọ vaa dọ waa ha agụvị ka ê zwe na vaka a.
Ebira First Bible © Bible Society of Nigeria, 2014.