Ahẹ Ụgama 27
27
Ohomorihi aa dọ mịị tụ́ nị, me yi vee hí angwa
(Ahẹ Idevidi)
1Ẹnẹyịmavara aa sị ẹtohweyi zụ̀ mị nị.
Ọnị aa dọ mịị ha nị
agụvị avọọ ẹ yị nyị ọza ọnyọọnyị oni mee hí angwa anị.
Ọnị ọ rẹ ẹ̀ yị zẹẹ ka à nyị ịsị ẹ mẹ̀ mị nị
agụvị avọọ m mè yị hí angwa ọza ọnyọọnyị nị.
2Ịjị aza edivi ana vị ọnịvị amị ẹ̀ẹ dà pè mi
dị ẹ ka ẹnị aa vaa wụ̀ mị nị,
ẹnịnị vị ana vaa tụ́ ahụ dị ẹ vangga.
3Òo zee e eyi ịrẹkụ ò jesi kara mị
me yi vee hí angwa
Mị ka aa daka kụ́ ịrẹkụ ve tù mị
ayị amị o yi vee zizi.
4Ịsị mee sì ọnị maa dá ịpẹ ka Ẹnẹyịmavara ọ̀ mẹ mị!
Ọ vị ka ma zụ yà ini eehi anị pooro ịnị avaba ẹhẹ amị
Màa vavọọ yà ini eehi anị di mee re ụbanyị anị.
Mee sì ka maa yà ini irehi anịị mẹ̀ aduwa pooro.
5Mâ yẹ ka ịhị ịrẹyị ọ̀ọ vẹ, ọ vaa sị mịị tẹ ini eehi anị ịzọọ.
Ini eehi anị ọnọọ ọ vaa sị mịị tẹẹ tụ́, dị ẹ yị nyị ịsị ẹ zụ kanyị mị nị.
6Ọ̀ọ vavọọ raà dọ mị tụ́, mi vee huna avaba ọnịvị amị ana kara mị
Di mi nọ ini eehi anị, dị maa sị ịrajẹẹ jị ahẹ ga a.
Màa jị ahẹ ọnọọ di mee hú ịsaa tụ́ ọ.
7Ẹnẹyịmavara, navọ màa hị́ wụ, wa ba mi owu
Navọ wa vayị amị di we tụ́ mi òhi.
8Ayị amị vị ana kà a mị ka maa hẹkẹ wụ.
Ẹnẹyịmavara, ẹwụ mị vaa hẹkẹ ịzẹyịza nị.
9Aarịhịnị, navọ asị ụ sị ẹngụ tẹẹ mị
Navọ asị ụ sị ọyịkụ dụ mị hụụ ịdị awụ
Mâ yẹ ka ẹwaā gụ mị ụvọ nị,
navọ asị ụ hụrẹ mị ụvọ tịtẹ ẹwụ Ohomorihi ana aā dọ mịị ha.
10Ọnyị amị ọnịrị ada amị ẹ̀ẹ daka hí ayị amị
mâ yẹ ka Ẹnẹyịmavara ọ yị vaa hụrẹ mị ụvọ.
11Ẹnẹyịmavara, navọ kwogwo waa sị oze awụụ zụ̀ mị
Asị ụ zẹẹ ka me nyee eyi, ụvị agụvị ọnịvị amị.
12Aarịhịnị, asị ụ zẹẹ ka ọpa ọnịvị amị ọ̀ nọ ịzị eyi ẹnịnị kà
agụvị ka ẹnịnị vi ene ee cheechee kú mị
di e yee si mị ẹnị ẹẹ̄ mẹ ọnya.
13Mâ yẹ kaakara ka mi vee re ịsa ozoza ẹnị Ẹnẹyịmavara vaa mẹ ịnị ẹhẹ ọnọnị.
14Sị ayị tụra Ẹnẹyịmavara, asị u hí angwa vụrụ-vụrụ
Mị ka wa sị ayị tụra a.
Currently Selected:
Ahẹ Ụgama 27: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ahẹ Ụgama 27
27
Ohomorihi aa dọ mịị tụ́ nị, me yi vee hí angwa
(Ahẹ Idevidi)
1Ẹnẹyịmavara aa sị ẹtohweyi zụ̀ mị nị.
Ọnị aa dọ mịị ha nị
agụvị avọọ ẹ yị nyị ọza ọnyọọnyị oni mee hí angwa anị.
Ọnị ọ rẹ ẹ̀ yị zẹẹ ka à nyị ịsị ẹ mẹ̀ mị nị
agụvị avọọ m mè yị hí angwa ọza ọnyọọnyị nị.
2Ịjị aza edivi ana vị ọnịvị amị ẹ̀ẹ dà pè mi
dị ẹ ka ẹnị aa vaa wụ̀ mị nị,
ẹnịnị vị ana vaa tụ́ ahụ dị ẹ vangga.
3Òo zee e eyi ịrẹkụ ò jesi kara mị
me yi vee hí angwa
Mị ka aa daka kụ́ ịrẹkụ ve tù mị
ayị amị o yi vee zizi.
4Ịsị mee sì ọnị maa dá ịpẹ ka Ẹnẹyịmavara ọ̀ mẹ mị!
Ọ vị ka ma zụ yà ini eehi anị pooro ịnị avaba ẹhẹ amị
Màa vavọọ yà ini eehi anị di mee re ụbanyị anị.
Mee sì ka maa yà ini irehi anịị mẹ̀ aduwa pooro.
5Mâ yẹ ka ịhị ịrẹyị ọ̀ọ vẹ, ọ vaa sị mịị tẹ ini eehi anị ịzọọ.
Ini eehi anị ọnọọ ọ vaa sị mịị tẹẹ tụ́, dị ẹ yị nyị ịsị ẹ zụ kanyị mị nị.
6Ọ̀ọ vavọọ raà dọ mị tụ́, mi vee huna avaba ọnịvị amị ana kara mị
Di mi nọ ini eehi anị, dị maa sị ịrajẹẹ jị ahẹ ga a.
Màa jị ahẹ ọnọọ di mee hú ịsaa tụ́ ọ.
7Ẹnẹyịmavara, navọ màa hị́ wụ, wa ba mi owu
Navọ wa vayị amị di we tụ́ mi òhi.
8Ayị amị vị ana kà a mị ka maa hẹkẹ wụ.
Ẹnẹyịmavara, ẹwụ mị vaa hẹkẹ ịzẹyịza nị.
9Aarịhịnị, navọ asị ụ sị ẹngụ tẹẹ mị
Navọ asị ụ sị ọyịkụ dụ mị hụụ ịdị awụ
Mâ yẹ ka ẹwaā gụ mị ụvọ nị,
navọ asị ụ hụrẹ mị ụvọ tịtẹ ẹwụ Ohomorihi ana aā dọ mịị ha.
10Ọnyị amị ọnịrị ada amị ẹ̀ẹ daka hí ayị amị
mâ yẹ ka Ẹnẹyịmavara ọ yị vaa hụrẹ mị ụvọ.
11Ẹnẹyịmavara, navọ kwogwo waa sị oze awụụ zụ̀ mị
Asị ụ zẹẹ ka me nyee eyi, ụvị agụvị ọnịvị amị.
12Aarịhịnị, asị ụ zẹẹ ka ọpa ọnịvị amị ọ̀ nọ ịzị eyi ẹnịnị kà
agụvị ka ẹnịnị vi ene ee cheechee kú mị
di e yee si mị ẹnị ẹẹ̄ mẹ ọnya.
13Mâ yẹ kaakara ka mi vee re ịsa ozoza ẹnị Ẹnẹyịmavara vaa mẹ ịnị ẹhẹ ọnọnị.
14Sị ayị tụra Ẹnẹyịmavara, asị u hí angwa vụrụ-vụrụ
Mị ka wa sị ayị tụra a.
Ebira First Bible © Bible Society of Nigeria, 2014.