Ahẹ Ụgama 25
25
Ohomorihi asị ụ navọ ka ụhị ọ̀ nyị mị
(Ahẹ Idevidi)
1Ẹnẹyịmavara ana vị Ohomorihi amị, ẹwụ m mee zi eyi nọ. 2Ẹwụ kẹnẹ mị sị ayị tụra nị.
Aarịhịnị, navọ asị ụ mẹ̀ ụhị nyị mị
Asị ụ navọ ka ọnịvị amị ẹ̀ nyị ẹbẹẹba amị.
3Mâ yẹ ka aza ana àa sị ayị tụra wụ, ụhị ọ yị vaa nyị wa
Ama aza ene re ọza kẹnẹ dị ẹ yaa chamayịị yọ vị ọnị ụhị vaa nyị.
4Ẹnẹyịmavara, navọ wa sị zụ̀ mị ẹngụ ebira oni wèe sì ka maa mẹ̀ dị ma yẹ.
5Navọ waa zụ̀ mi oze dị ma zụụ mẹ̀ ebira ana vị ịzẹyịza ini eyi awụ
Wâ yẹ ka ẹwa vị Ohomorihi amị ana dọ mị ha nị
Ẹwụ kẹnẹ mị sị ayị tụra pooro nị.
6Ẹnẹyịmavara, tamayị ka hụrẹ ụmọrụmọ vẹ vị ọnị ụụ̄ vayị ọza ẹtẹẹtẹrẹ;
di u reē sì ịrẹyị ọza nị.
7Ẹnẹyịmavara, navọ wa sị ayị hụụnị ịvị irenyi-irenyi ọnị maa mẹ̀ m mẹ̀ hụrẹ vi ozweyi
Navọ wa vayị amị agụvị ka mâ yẹ ka vi ụụ̄ sì ịrẹyị ọza nị
Ịsa ozoza ụ rẹẹ̄ mẹẹ yị ọza nị.
8Ẹnẹyịmavara ọ mā mẹ apẹ vụrụ-vụrụ
Ịsa ozoza ọ rẹẹ̄ mẹ nị
Ọnị ọ mẹ ka ọ̀ zụụ kà a yị aza ana aa mẹ̀ ebira odivi ẹngụ ebira ozoza ana a vọrọ ka ẹ̀ẹ mẹ nị.
9Ẹnẹyịmavara vị ana aā sị oze zụ̀ aza ana ka ẹngụ ẹnịnị chi
Dị aa sịị zụ̀ wa ẹngụ ebira ọnị ọ yẹ ka ộ vọrọ ka ẹ̀ vavọọ mẹẹ.
10Aza ana sị ụvọ za ọda Ẹnẹyịmavara vaa yẹ ka ộ nyị ịzẹyịza
di o ree sì ịrẹyị ọza ịnị avaba ịsa ana aa mẹ nị.
11Ẹnẹyịmavara, ebira odivi amị ộ banyị ịzẹyịza
ama navọ wa hụ agụvị ụbanyị ẹngụ awụ wa vagu mị.
12Ọza ana àa si ụbanyị yị Ẹnẹyịmavara,
dị Ẹnẹyịmavara ọnị raa sịị zụ̀ ọ oze ana vọrọ ka ọ̀ zị.
13Ẹngụ aza ẹnẹẹ e yi vee re osiye pooro
Ohomorihi vaa sị ẹtẹ ọnị ọ kà yị ezi anị nị.
14Ẹngụ aza ana sị ụbanyị yị Ẹnẹyịmavara
Ẹnẹyịmavara ọnị rẹ vaa sị ịnẹẹ zụ̀ nị
Ọ vaa kà a zụ̀ wa ịsa ọnị ọ ka ọnị vaa mẹẹ yị wa.
15Ẹnẹyịmavara mi sị eyi kà pooro kẹnẹ nị
mâ yẹ ka ọnị ọ rẹ ẹ̀ yị vaa zẹẹ ka ịrẹpa ọnịvị ọ̀ za mị nị.
16Ohomorihi navọ wa vẹ dị wa va gụ mị ụvọ
agụvị ka ụvọ ọ sị vị ụvọ ẹmị ịnya dị ụya aa rị mị nị.
17Navọ wa sị mị hụụnị ariro, dị wa kụ́ avaba ẹngụkata amị kwooze.
18Navọ wa kana eyi ụya ọnị maa rị
di we re ọ mẹmẹ kata mị ẹngụ
Navọ wa sị ayị hụụnị avaba ebira odivi ọnị mị mẹ.
19Ohomorihi wéē re ka ọnịvị amị vị ana gụ dúù
dị ẹnịnị nyayịnẹ aa kụ́ ayị amị nị.
20Aarịhịnị navọ we sere mị, dị wa dọ mị tụ́
Ịdị awụ mi zwe va tẹ nị
aarịhịnị asị ụ zẹẹ ka ụhị ọ̀ nyị mị.
21Navọ ịzẹyịza ọnịrị ebira ọyịza e vaa gụ mị
agụvị ka ẹwụ mị sị ayị tụra nị.
22Ohomorihi, aarịhịnị navọ wa dọ Anisirẹrị tụ́ hụụnị avaba akanya ẹnị ẹ nyị.
Currently Selected:
Ahẹ Ụgama 25: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ahẹ Ụgama 25
25
Ohomorihi asị ụ navọ ka ụhị ọ̀ nyị mị
(Ahẹ Idevidi)
1Ẹnẹyịmavara ana vị Ohomorihi amị, ẹwụ m mee zi eyi nọ. 2Ẹwụ kẹnẹ mị sị ayị tụra nị.
Aarịhịnị, navọ asị ụ mẹ̀ ụhị nyị mị
Asị ụ navọ ka ọnịvị amị ẹ̀ nyị ẹbẹẹba amị.
3Mâ yẹ ka aza ana àa sị ayị tụra wụ, ụhị ọ yị vaa nyị wa
Ama aza ene re ọza kẹnẹ dị ẹ yaa chamayịị yọ vị ọnị ụhị vaa nyị.
4Ẹnẹyịmavara, navọ wa sị zụ̀ mị ẹngụ ebira oni wèe sì ka maa mẹ̀ dị ma yẹ.
5Navọ waa zụ̀ mi oze dị ma zụụ mẹ̀ ebira ana vị ịzẹyịza ini eyi awụ
Wâ yẹ ka ẹwa vị Ohomorihi amị ana dọ mị ha nị
Ẹwụ kẹnẹ mị sị ayị tụra pooro nị.
6Ẹnẹyịmavara, tamayị ka hụrẹ ụmọrụmọ vẹ vị ọnị ụụ̄ vayị ọza ẹtẹẹtẹrẹ;
di u reē sì ịrẹyị ọza nị.
7Ẹnẹyịmavara, navọ wa sị ayị hụụnị ịvị irenyi-irenyi ọnị maa mẹ̀ m mẹ̀ hụrẹ vi ozweyi
Navọ wa vayị amị agụvị ka mâ yẹ ka vi ụụ̄ sì ịrẹyị ọza nị
Ịsa ozoza ụ rẹẹ̄ mẹẹ yị ọza nị.
8Ẹnẹyịmavara ọ mā mẹ apẹ vụrụ-vụrụ
Ịsa ozoza ọ rẹẹ̄ mẹ nị
Ọnị ọ mẹ ka ọ̀ zụụ kà a yị aza ana aa mẹ̀ ebira odivi ẹngụ ebira ozoza ana a vọrọ ka ẹ̀ẹ mẹ nị.
9Ẹnẹyịmavara vị ana aā sị oze zụ̀ aza ana ka ẹngụ ẹnịnị chi
Dị aa sịị zụ̀ wa ẹngụ ebira ọnị ọ yẹ ka ộ vọrọ ka ẹ̀ vavọọ mẹẹ.
10Aza ana sị ụvọ za ọda Ẹnẹyịmavara vaa yẹ ka ộ nyị ịzẹyịza
di o ree sì ịrẹyị ọza ịnị avaba ịsa ana aa mẹ nị.
11Ẹnẹyịmavara, ebira odivi amị ộ banyị ịzẹyịza
ama navọ wa hụ agụvị ụbanyị ẹngụ awụ wa vagu mị.
12Ọza ana àa si ụbanyị yị Ẹnẹyịmavara,
dị Ẹnẹyịmavara ọnị raa sịị zụ̀ ọ oze ana vọrọ ka ọ̀ zị.
13Ẹngụ aza ẹnẹẹ e yi vee re osiye pooro
Ohomorihi vaa sị ẹtẹ ọnị ọ kà yị ezi anị nị.
14Ẹngụ aza ana sị ụbanyị yị Ẹnẹyịmavara
Ẹnẹyịmavara ọnị rẹ vaa sị ịnẹẹ zụ̀ nị
Ọ vaa kà a zụ̀ wa ịsa ọnị ọ ka ọnị vaa mẹẹ yị wa.
15Ẹnẹyịmavara mi sị eyi kà pooro kẹnẹ nị
mâ yẹ ka ọnị ọ rẹ ẹ̀ yị vaa zẹẹ ka ịrẹpa ọnịvị ọ̀ za mị nị.
16Ohomorihi navọ wa vẹ dị wa va gụ mị ụvọ
agụvị ka ụvọ ọ sị vị ụvọ ẹmị ịnya dị ụya aa rị mị nị.
17Navọ wa sị mị hụụnị ariro, dị wa kụ́ avaba ẹngụkata amị kwooze.
18Navọ wa kana eyi ụya ọnị maa rị
di we re ọ mẹmẹ kata mị ẹngụ
Navọ wa sị ayị hụụnị avaba ebira odivi ọnị mị mẹ.
19Ohomorihi wéē re ka ọnịvị amị vị ana gụ dúù
dị ẹnịnị nyayịnẹ aa kụ́ ayị amị nị.
20Aarịhịnị navọ we sere mị, dị wa dọ mị tụ́
Ịdị awụ mi zwe va tẹ nị
aarịhịnị asị ụ zẹẹ ka ụhị ọ̀ nyị mị.
21Navọ ịzẹyịza ọnịrị ebira ọyịza e vaa gụ mị
agụvị ka ẹwụ mị sị ayị tụra nị.
22Ohomorihi, aarịhịnị navọ wa dọ Anisirẹrị tụ́ hụụnị avaba akanya ẹnị ẹ nyị.
Ebira First Bible © Bible Society of Nigeria, 2014.