Ahẹ Ụgama 22
22
Ohinọyị ô nowu hị́ Ohomorihi
(Ahẹ ọnị Idevidi sị ọngwẹ Ẹdọ Ẹtụmẹyọnị jị ana yà ịnị ụvọ ọga ọjahẹ).
1 #
Imt 27.46; Ịmk 15.34 Ohomorihi amị, Ohomorihi amị, te, vi u hi ayị amị nị?
Mee nowu ka wa gụ mị ụvọ
ama we yi tụ́ mi ohi vụrụ-vụrụ.
2Ohomorihi amị, ọọdụ ọnịrị ịrahụ vi oni mee nowu pooro ka wa gụ mị ụvọ
ẹ yị nyị ụmẹ ọnị mị sị tụ́ ụhwọ.
3Mâ yẹ ka ẹwụ Ohomorihi ọnịnị, ẹwa vị ohinọyị nị
Ẹwụ avaba Anisirẹrị aa gā nị.
4Ẹwụ óhiku ayị nịnị sị ayị tụra nị
Ẹ mẹ̀ sị ayị tụra wụ, dị ụ dọ wa tụ́ nị.
5Ẹnịnị mẹ̀ nowu hị́ wụ, wâ dọ wa tụ́
Ẹ́ mẹ̀ sị ayị tụra wụ, ụhị ọ yị nyị wa.
6Mâ yẹ ka ẹmị ẹ yị bẹrị ọza vụrụ-vụrụ
Aza vi ene ee nyị mi unyi dị ẹ yaa sị eyii wụ̀ mị.
7 #
Imt 27.39; Ịmk 15.29; Irk 23.35 Avaba aza ene èe re mi dị ẹ yaa mẹ mi isiya
dị ẹnịnị aa kụ̀ mị ụhụ di e re yee mi ịrẹsụ hi mi.
8 #
Imt 27.43
Ẹnịnị ka áá vị mị ka mâ sị ayị tụra Ẹnẹyịmavara
Ẹ ka Ẹnẹyịmavara ọ va dọ mị tụ́ dị ẹnị è re e
Ẹ rẹ ka Ẹnẹyịmavara ọ̀ọ ka ọnị ô sì ịrẹyị amị
ọ̀ vẹ dị ọ̀ vaa dọ mị tụ́ kẹ.
9Ama ẹmaa yẹ ka ẹwụ Ohomorihi, ẹwa sị mị hụụ ịnị ịnẹ ọnyị amị jịnẹ vẹ nị
Ẹwa mẹ ka asị a nyị ịsị ẹ mẹ̀ mị m mẹ̀ hụrẹ vị ozinụvọ nị.
10A mẹ̀ hụrẹ ma mị mị hụrẹ sị́ ayị tụra wụ nị
Ọ́nyị amị mẹ̀ hụrẹ ee zyẹẹ amị ụ hụrẹ vị Ohomorihi amị nị.
11Aarịhịnị navọ asị u noze rịrị mị
agụvị ka ẹngụkata o si tù mị
me yi re ọza gụ mị ụvọ.
12Ọnịvị amị ana kara mị ệ nyị ụkata anka ẹya
Ẹnịnị vị ana gụ ẹtẹ kara mị
Mị ka ọnịvị amị ẹnẹẹ ệ nyị ụkata anka ẹya ene hi ịnị ụnọmị Ịbasanị.
13Ọnịvị amị ẹnẹẹ vị ana aa hàa hi mi anka idu ana za uye dị aa na a rị avọọ.
14Ẹhẹ amị aa ta na, avaba ẹchụkụ amị ẹyị kụkụ gẹ ẹngụ
Ayị amị ọ sị sụ enyi hi mị ẹngụ anka ụsụ avọọ.
15Ọrọkọ amị ộ ta wara dị ịrarẹ amị sị vaka mị irenu nị.
Ohomorihi, ụ mẹ̀ hụrẹ mị ụvọ, ọ sị vọ chee dị wa sị mị wụ.
16Aza edivi ana ahịka vị ẹ sị mẹẹ anka irezi avọọ vị ana gụ kara mị
Ẹnịnị aa na ụvọ amị ọnịrị ahụ amị anka idu mẹ̀ẹ na uyee rị avọọ. 17Avaba ẹchụkụ amị ệ ta hụrẹ hi ẹhẹ
dị ọnịvị amị ẹnị kuku ee re mi googoro nị.
18 #
Imt 27.35; Ịmk 15.24; Irk 23.34; Ịjọ 19.24 E yee sì ụvọọ tụ́ ọ ka ẹnị mẹmẹ vaa gà ịta amị mèe wusu.
19Ẹnẹyịmavara, navọ wa gụrị mị
Ẹwa sị ụkata yị mị nị, navọ wa va gụ mị ụvọ.
20Navọ wa dọ mị tụ́ dị asị mi sú isu ịrịịra
Ọnịvị amị vị ana sị mẹẹ anka irezi avọọ
asị ụ zẹẹ ka ẹnịnị ẹ̀ dọ mị ụhwẹ.
21Navọ wa dọ mị hụụnị ụvọ ọnịvị amị ene ee sì ka ẹnị ẹ̀ na mị rị anka idu avọọ
Ẹnịnị vị ana rẹ sị mẹẹ anka imaaru ene nyị ọpanyị hi ịrẹsụ
asị ụ navọ ka è re mi za.
Ohinọyị ộ jị ahẹ ga Ohomorihi
22 #
Ihib 2.12
Mị vaa kà a yị aza amị ịsa ọnị ụ mẹ
dị maa kụ́ wụ avọ ịzị ẹ̀ẹ kụ́ gụ.
23Avaba ẹwụ nịnị ana aa hẹkẹ Ẹnẹyịmavara, waa gama a nịnị
Avaba ẹwụ nịnị ezi Ijekọvụ, waa sị ụbanyịị yọ nịnị.
Avaba ẹwụ nịnị Anisirẹrị, mị ka wee hí angwa anị nịnị,
24Ohomorihi ọ yị mẹ onosiye isiya,
ộ tamayị aza ana aa rị ụya.
Aza ana aa rị ụya mè nowu na za Ohomorihi
ọ yị kà ka oni o yi tụ́ òhi ama ọ na ba wa owu.
25Ohomorihi, aza ẹ̀ẹ ta gụ dị maa ga wụ ịnị akakana ẹnịnị agụvị ịsa ọnị ụ mẹ.
Ịsị mị kà a ka maa sị vaa mẹ ịsọvọọ wụ vị ọnị maa sịị vị éyi avaba aza ana aa hẹkẹ wụ.
26Onosiye nịnị vaa rị ịsa dị ịnẹ ha wa;
avaba aza ana àa ká Ẹnẹyịmavara vẹ, vị ana vaa gama a.
Vi o vee zee yị wa pooro nị.
27Avaba anẹhẹ vaa tamayị Ẹnẹyịmavara, dị ẹ và ka a vẹ
Avaba anẹhẹ vaa vẹ dị ẹ va tana tụra ẹtẹ yị ọnị.
28Ẹnẹyịmavara ọ vị ohinọyị nị
mị ka ọnị vị ohinọyị tụra avaba anẹhẹ nị.
29Avaba opisa nịnị ẹ tana tụra ẹtẹ ẹẹ hẹkẹ ọnị,
Avaba aza ene vee su ẹ va kú ẹtẹ yọ
30Ezi ịrẹma-ịrẹma vaa hẹkẹ Ẹnẹyịmavara
A vaa pa ịta yị wa ịsa ọnị ọ mẹ.
31A vaa kà a yị ezi ọnị ọza ọ̀ yị ma aanị
ka Ẹnẹyịmavara ộ dọ aza anị tụ́.
Currently Selected:
Ahẹ Ụgama 22: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ahẹ Ụgama 22
22
Ohinọyị ô nowu hị́ Ohomorihi
(Ahẹ ọnị Idevidi sị ọngwẹ Ẹdọ Ẹtụmẹyọnị jị ana yà ịnị ụvọ ọga ọjahẹ).
1 #
Imt 27.46; Ịmk 15.34 Ohomorihi amị, Ohomorihi amị, te, vi u hi ayị amị nị?
Mee nowu ka wa gụ mị ụvọ
ama we yi tụ́ mi ohi vụrụ-vụrụ.
2Ohomorihi amị, ọọdụ ọnịrị ịrahụ vi oni mee nowu pooro ka wa gụ mị ụvọ
ẹ yị nyị ụmẹ ọnị mị sị tụ́ ụhwọ.
3Mâ yẹ ka ẹwụ Ohomorihi ọnịnị, ẹwa vị ohinọyị nị
Ẹwụ avaba Anisirẹrị aa gā nị.
4Ẹwụ óhiku ayị nịnị sị ayị tụra nị
Ẹ mẹ̀ sị ayị tụra wụ, dị ụ dọ wa tụ́ nị.
5Ẹnịnị mẹ̀ nowu hị́ wụ, wâ dọ wa tụ́
Ẹ́ mẹ̀ sị ayị tụra wụ, ụhị ọ yị nyị wa.
6Mâ yẹ ka ẹmị ẹ yị bẹrị ọza vụrụ-vụrụ
Aza vi ene ee nyị mi unyi dị ẹ yaa sị eyii wụ̀ mị.
7 #
Imt 27.39; Ịmk 15.29; Irk 23.35 Avaba aza ene èe re mi dị ẹ yaa mẹ mi isiya
dị ẹnịnị aa kụ̀ mị ụhụ di e re yee mi ịrẹsụ hi mi.
8 #
Imt 27.43
Ẹnịnị ka áá vị mị ka mâ sị ayị tụra Ẹnẹyịmavara
Ẹ ka Ẹnẹyịmavara ọ va dọ mị tụ́ dị ẹnị è re e
Ẹ rẹ ka Ẹnẹyịmavara ọ̀ọ ka ọnị ô sì ịrẹyị amị
ọ̀ vẹ dị ọ̀ vaa dọ mị tụ́ kẹ.
9Ama ẹmaa yẹ ka ẹwụ Ohomorihi, ẹwa sị mị hụụ ịnị ịnẹ ọnyị amị jịnẹ vẹ nị
Ẹwa mẹ ka asị a nyị ịsị ẹ mẹ̀ mị m mẹ̀ hụrẹ vị ozinụvọ nị.
10A mẹ̀ hụrẹ ma mị mị hụrẹ sị́ ayị tụra wụ nị
Ọ́nyị amị mẹ̀ hụrẹ ee zyẹẹ amị ụ hụrẹ vị Ohomorihi amị nị.
11Aarịhịnị navọ asị u noze rịrị mị
agụvị ka ẹngụkata o si tù mị
me yi re ọza gụ mị ụvọ.
12Ọnịvị amị ana kara mị ệ nyị ụkata anka ẹya
Ẹnịnị vị ana gụ ẹtẹ kara mị
Mị ka ọnịvị amị ẹnẹẹ ệ nyị ụkata anka ẹya ene hi ịnị ụnọmị Ịbasanị.
13Ọnịvị amị ẹnẹẹ vị ana aa hàa hi mi anka idu ana za uye dị aa na a rị avọọ.
14Ẹhẹ amị aa ta na, avaba ẹchụkụ amị ẹyị kụkụ gẹ ẹngụ
Ayị amị ọ sị sụ enyi hi mị ẹngụ anka ụsụ avọọ.
15Ọrọkọ amị ộ ta wara dị ịrarẹ amị sị vaka mị irenu nị.
Ohomorihi, ụ mẹ̀ hụrẹ mị ụvọ, ọ sị vọ chee dị wa sị mị wụ.
16Aza edivi ana ahịka vị ẹ sị mẹẹ anka irezi avọọ vị ana gụ kara mị
Ẹnịnị aa na ụvọ amị ọnịrị ahụ amị anka idu mẹ̀ẹ na uyee rị avọọ. 17Avaba ẹchụkụ amị ệ ta hụrẹ hi ẹhẹ
dị ọnịvị amị ẹnị kuku ee re mi googoro nị.
18 #
Imt 27.35; Ịmk 15.24; Irk 23.34; Ịjọ 19.24 E yee sì ụvọọ tụ́ ọ ka ẹnị mẹmẹ vaa gà ịta amị mèe wusu.
19Ẹnẹyịmavara, navọ wa gụrị mị
Ẹwa sị ụkata yị mị nị, navọ wa va gụ mị ụvọ.
20Navọ wa dọ mị tụ́ dị asị mi sú isu ịrịịra
Ọnịvị amị vị ana sị mẹẹ anka irezi avọọ
asị ụ zẹẹ ka ẹnịnị ẹ̀ dọ mị ụhwẹ.
21Navọ wa dọ mị hụụnị ụvọ ọnịvị amị ene ee sì ka ẹnị ẹ̀ na mị rị anka idu avọọ
Ẹnịnị vị ana rẹ sị mẹẹ anka imaaru ene nyị ọpanyị hi ịrẹsụ
asị ụ navọ ka è re mi za.
Ohinọyị ộ jị ahẹ ga Ohomorihi
22 #
Ihib 2.12
Mị vaa kà a yị aza amị ịsa ọnị ụ mẹ
dị maa kụ́ wụ avọ ịzị ẹ̀ẹ kụ́ gụ.
23Avaba ẹwụ nịnị ana aa hẹkẹ Ẹnẹyịmavara, waa gama a nịnị
Avaba ẹwụ nịnị ezi Ijekọvụ, waa sị ụbanyịị yọ nịnị.
Avaba ẹwụ nịnị Anisirẹrị, mị ka wee hí angwa anị nịnị,
24Ohomorihi ọ yị mẹ onosiye isiya,
ộ tamayị aza ana aa rị ụya.
Aza ana aa rị ụya mè nowu na za Ohomorihi
ọ yị kà ka oni o yi tụ́ òhi ama ọ na ba wa owu.
25Ohomorihi, aza ẹ̀ẹ ta gụ dị maa ga wụ ịnị akakana ẹnịnị agụvị ịsa ọnị ụ mẹ.
Ịsị mị kà a ka maa sị vaa mẹ ịsọvọọ wụ vị ọnị maa sịị vị éyi avaba aza ana aa hẹkẹ wụ.
26Onosiye nịnị vaa rị ịsa dị ịnẹ ha wa;
avaba aza ana àa ká Ẹnẹyịmavara vẹ, vị ana vaa gama a.
Vi o vee zee yị wa pooro nị.
27Avaba anẹhẹ vaa tamayị Ẹnẹyịmavara, dị ẹ và ka a vẹ
Avaba anẹhẹ vaa vẹ dị ẹ va tana tụra ẹtẹ yị ọnị.
28Ẹnẹyịmavara ọ vị ohinọyị nị
mị ka ọnị vị ohinọyị tụra avaba anẹhẹ nị.
29Avaba opisa nịnị ẹ tana tụra ẹtẹ ẹẹ hẹkẹ ọnị,
Avaba aza ene vee su ẹ va kú ẹtẹ yọ
30Ezi ịrẹma-ịrẹma vaa hẹkẹ Ẹnẹyịmavara
A vaa pa ịta yị wa ịsa ọnị ọ mẹ.
31A vaa kà a yị ezi ọnị ọza ọ̀ yị ma aanị
ka Ẹnẹyịmavara ộ dọ aza anị tụ́.
Ebira First Bible © Bible Society of Nigeria, 2014.