Ahẹ Ụgama 145
145
Ahẹ ana a jị gono Ohomorihi
(Ahẹ Idevidi ana a jị gono Ohomorihi)
1Ohomorihi amị ana vị ohinọyị, mị vaa sị ụbanyịị wụ.
Mị vaa kụ́ wụ avọ pooro zịna-zịna nị.
2Eyinị-eyinị mị va kụ́ wụ avọ, dị maa sị ụbanyịị wụ pooro nị.
3Ẹnẹyịmavara vị ana nyayịnẹ nyị ụbanyị.
Avọọ a mẹ̀ rẹ vọrọ ka àa kụ́ ọ avọ nị,
nyị ọza ana ka ọnị ộ yẹ ịzị ọ nyị ụbanyị ne tù.
4Anụmẹ ẹnyị vị ana vaa kụ́ wụ avọ naa gẹrị anụmẹ ọsa agụvị ụkọrọ ọnị ụ mẹ.
Ẹnịnị vị ana vaa kà ịta mā ta pa ọnị ụ mẹ.
5Ẹnịnị vaa kà ịrẹkụkụ ụbanyị awụ, di e yee ro ịrẹyị ụkọrọ ẹbanyị-ẹbanyị ọnị ụ mẹ.
6Ẹ vaa kà a ụ mẹmẹ sị ụkata mẹ̀ ụkọrọ ịvọpa.
Ịta mā ta pa ọnị ụ mẹ vị ọnị mị vaa kà a zụ̀ aza.
7Avaba ịsa ozoza ọnị waa mẹẹ yị aza vị ẹnị ẹnịnị vaa sị jị ahẹ.
8Ẹnẹyịmavara vị ana aā vayị ọza ẹtẹẹtẹrẹ.
9Ẹnẹyịmavara vị ana aa mẹ̀ ịsa ozozaa yị avaba aza.
Avaba ọza ọnị ọ mẹ vị ọnị ọọ̄ vayị anị.
10Ẹnẹyịmavara, avaba ịsa ọnị ụ mẹ vị ana vaa kụ́ wụ avọ.
Aza awụ vị ana vaa sị ụbanyịị wụ.
11Ẹnịnị vaa ka a ụ mẹmẹ aa sị ụbanyịị mẹ ohinọyị, dị ẹ yaa kà ịrẹkụkụ ụkata ọnị ụ nyị.
12Ọnọnị ọ vaa mẹ ka avaba aza ẹ̀ yẹ ụkọrọ ẹbanyị-ẹbanyị ọnị ụ mẹ
ọnịrị ụbanyị ọnị waa sịị mẹ ohinọyị.
13Ẹnẹyịmavara, ẹwa vị ohinọyị pooro zịna-zịna nị.
Avọọ ụ mẹ vaa mịị mẹ ohinọyị pooro nị.
(Ịsa ẹnị Ẹnẹyịmavara ọ̀ọ ka ọnị vaa mẹ, ẹ yị zụ nyị ka ọ yị mẹ̀ ẹ.
Vị ọ nyayịnẹ sì ịrẹyị avaba ịsa ọnị ọ tụ́ nị.)
14Ẹnẹyịmavara ọọ̄ sị aza ana aa hyẹdụụ kwẹẹtẹ nị,
ọnị ọọ̄ mẹ ọgụvọọ yị aza ọnị ẹngụkata si chì ẹngụ nị.
15Avaba aza vị ana kụ́ eyi pè wụ, dị waa sị ịsọyịrị ẹnị Aza ana aa mẹ ịzẹyịza vaa jẹẹ pè e.
16Ịsa vị ọnị waa sịị yị wa, dị ịnẹ há ọzọza.
17Avaba ịsa ẹnị Ẹnẹyịmavara ọ̀ọ mẹ vị ịsa ana vọrọ.
Ô sì ịrẹyị avaba ịsa ọnị ọ tụ́.
18Ẹnẹyịmavara ộ gụrị avaba aza ana sị ayị ọnya nowu na za a.
19Ịsị aza ene hí angwa anị ee sì vị ọnị ọọ̄ sịị yị wa.
Ọọ̄ wụ́ ịpẹ ẹnịnị, dị ọ dọ wa tụ́.
20Ẹnẹyịmavara vi ene ee sere avaba aza ene sì ịrẹyị anị.
Ama avaba aza ana aa mẹ̀ ebira odivi vị ọnị ọ vaa wụụ ha.
21Mị vaa kụ́ Ẹnẹyịmavara avọ pooro nị.
Ẹwụ nịnị avaba ịsa ọnị ọ tụ́, waa kụ́ ọ avọ nịnị pooro zịna-zịna.
Currently Selected:
Ahẹ Ụgama 145: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ahẹ Ụgama 145
145
Ahẹ ana a jị gono Ohomorihi
(Ahẹ Idevidi ana a jị gono Ohomorihi)
1Ohomorihi amị ana vị ohinọyị, mị vaa sị ụbanyịị wụ.
Mị vaa kụ́ wụ avọ pooro zịna-zịna nị.
2Eyinị-eyinị mị va kụ́ wụ avọ, dị maa sị ụbanyịị wụ pooro nị.
3Ẹnẹyịmavara vị ana nyayịnẹ nyị ụbanyị.
Avọọ a mẹ̀ rẹ vọrọ ka àa kụ́ ọ avọ nị,
nyị ọza ana ka ọnị ộ yẹ ịzị ọ nyị ụbanyị ne tù.
4Anụmẹ ẹnyị vị ana vaa kụ́ wụ avọ naa gẹrị anụmẹ ọsa agụvị ụkọrọ ọnị ụ mẹ.
Ẹnịnị vị ana vaa kà ịta mā ta pa ọnị ụ mẹ.
5Ẹnịnị vaa kà ịrẹkụkụ ụbanyị awụ, di e yee ro ịrẹyị ụkọrọ ẹbanyị-ẹbanyị ọnị ụ mẹ.
6Ẹ vaa kà a ụ mẹmẹ sị ụkata mẹ̀ ụkọrọ ịvọpa.
Ịta mā ta pa ọnị ụ mẹ vị ọnị mị vaa kà a zụ̀ aza.
7Avaba ịsa ozoza ọnị waa mẹẹ yị aza vị ẹnị ẹnịnị vaa sị jị ahẹ.
8Ẹnẹyịmavara vị ana aā vayị ọza ẹtẹẹtẹrẹ.
9Ẹnẹyịmavara vị ana aa mẹ̀ ịsa ozozaa yị avaba aza.
Avaba ọza ọnị ọ mẹ vị ọnị ọọ̄ vayị anị.
10Ẹnẹyịmavara, avaba ịsa ọnị ụ mẹ vị ana vaa kụ́ wụ avọ.
Aza awụ vị ana vaa sị ụbanyịị wụ.
11Ẹnịnị vaa ka a ụ mẹmẹ aa sị ụbanyịị mẹ ohinọyị, dị ẹ yaa kà ịrẹkụkụ ụkata ọnị ụ nyị.
12Ọnọnị ọ vaa mẹ ka avaba aza ẹ̀ yẹ ụkọrọ ẹbanyị-ẹbanyị ọnị ụ mẹ
ọnịrị ụbanyị ọnị waa sịị mẹ ohinọyị.
13Ẹnẹyịmavara, ẹwa vị ohinọyị pooro zịna-zịna nị.
Avọọ ụ mẹ vaa mịị mẹ ohinọyị pooro nị.
(Ịsa ẹnị Ẹnẹyịmavara ọ̀ọ ka ọnị vaa mẹ, ẹ yị zụ nyị ka ọ yị mẹ̀ ẹ.
Vị ọ nyayịnẹ sì ịrẹyị avaba ịsa ọnị ọ tụ́ nị.)
14Ẹnẹyịmavara ọọ̄ sị aza ana aa hyẹdụụ kwẹẹtẹ nị,
ọnị ọọ̄ mẹ ọgụvọọ yị aza ọnị ẹngụkata si chì ẹngụ nị.
15Avaba aza vị ana kụ́ eyi pè wụ, dị waa sị ịsọyịrị ẹnị Aza ana aa mẹ ịzẹyịza vaa jẹẹ pè e.
16Ịsa vị ọnị waa sịị yị wa, dị ịnẹ há ọzọza.
17Avaba ịsa ẹnị Ẹnẹyịmavara ọ̀ọ mẹ vị ịsa ana vọrọ.
Ô sì ịrẹyị avaba ịsa ọnị ọ tụ́.
18Ẹnẹyịmavara ộ gụrị avaba aza ana sị ayị ọnya nowu na za a.
19Ịsị aza ene hí angwa anị ee sì vị ọnị ọọ̄ sịị yị wa.
Ọọ̄ wụ́ ịpẹ ẹnịnị, dị ọ dọ wa tụ́.
20Ẹnẹyịmavara vi ene ee sere avaba aza ene sì ịrẹyị anị.
Ama avaba aza ana aa mẹ̀ ebira odivi vị ọnị ọ vaa wụụ ha.
21Mị vaa kụ́ Ẹnẹyịmavara avọ pooro nị.
Ẹwụ nịnị avaba ịsa ọnị ọ tụ́, waa kụ́ ọ avọ nịnị pooro zịna-zịna.
Ebira First Bible © Bible Society of Nigeria, 2014.