Ahẹ Ụgama 141
141
Aduwa oruva
1Ẹnẹyịmavara, mê nowu va za wụ.
Aarịhịnị wụsẹ va ba mị owu.
2 #
Ẹtẹ 5.8
Navọ wa dọ aduwa ọnị maa mẹ̀ anka ụ mẹ̀ẹ dọ eturare ana rị ịra mẹ̀ ịsọvọ wụ avọọ.
Navọ m mẹ̀ tana ụvọ tụ́ ẹba aa mẹ̀ aduwa,
wa dọ anka ụ mèẹ dọ ịsọvọ oruva ana mẹ wụ avọọ.
3Ẹnẹyịmavara, aarịhịnị sere irenu amịị mị, navọ wa sị ụvọ za mi irenu kú oku.
4Aarịhịnị asị ụ navọ ka ma sị ịrẹyị odivi tụ́ ịnị ayị amị.
Asị mị na bẹ ụvọ tụ́ ini ebira aza edivi aa mẹ
Navọ asị mi ne pè wa rị ịsa.
5Mâ dọ ka aza ana aa mẹ ịzẹyịza è vene tụ́ mị dị ẹ̀ẹ tụ́ mị ohuvọ.
Mâ yẹ ka vi e sì ịrẹyị amị nị.
Ẹngụ ẹnẹẹ vị ana sị mẹẹ angwẹ ozoza ana a sịị̄ sisi ọza ịrẹsụ
Mẹ yị vaa kà ka mẹ yị dọ ẹngụ ẹnẹẹ.
Ama aza edivi vị ọnị maa mẹ̀ aduwa ịnị ẹhẹ amị ka asị ẹ̀ zụ mẹ̀ ebira odivi ẹnịnị.
6Ịjị àa raà tụ́ ọdọvịdị ẹnịnị ụvọ wọrọ ọ̀bà, aza ẹnẹẹ vaa dọ ka ịrẹyị ịzẹyịza m maa kà nị.
7Ẹnịnị va kà a ka ẹchụkụ ẹnịnị vị ana a sẹ̀ chẹkẹ-chẹkẹ hi irenu ikuta
anka a mẹ̀ẹ sị ẹdụụ chaka ẹtẹ avọọ.
8Ama Ẹnẹyịmavara ana vi ohinọyị ene hu keekere ẹwụ mị sị ayị tụra nị.
Ịda awụ mi zwe va tẹ ka asị a nyị ịsị ẹ mẹ̀ mi nị, asị ụ zẹẹ ka me sú.
9Navọ wa dọ mị tụ́ di asị ịrẹpa ana aza edivi và zi mi zụ za mị.
10Navọ ịrẹpa ana aza edivi và ò rẹ vara eyi za wa, dị ẹmaa na haara kẹnẹ.
Currently Selected:
Ahẹ Ụgama 141: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ahẹ Ụgama 141
141
Aduwa oruva
1Ẹnẹyịmavara, mê nowu va za wụ.
Aarịhịnị wụsẹ va ba mị owu.
2 #
Ẹtẹ 5.8
Navọ wa dọ aduwa ọnị maa mẹ̀ anka ụ mẹ̀ẹ dọ eturare ana rị ịra mẹ̀ ịsọvọ wụ avọọ.
Navọ m mẹ̀ tana ụvọ tụ́ ẹba aa mẹ̀ aduwa,
wa dọ anka ụ mèẹ dọ ịsọvọ oruva ana mẹ wụ avọọ.
3Ẹnẹyịmavara, aarịhịnị sere irenu amịị mị, navọ wa sị ụvọ za mi irenu kú oku.
4Aarịhịnị asị ụ navọ ka ma sị ịrẹyị odivi tụ́ ịnị ayị amị.
Asị mị na bẹ ụvọ tụ́ ini ebira aza edivi aa mẹ
Navọ asị mi ne pè wa rị ịsa.
5Mâ dọ ka aza ana aa mẹ ịzẹyịza è vene tụ́ mị dị ẹ̀ẹ tụ́ mị ohuvọ.
Mâ yẹ ka vi e sì ịrẹyị amị nị.
Ẹngụ ẹnẹẹ vị ana sị mẹẹ angwẹ ozoza ana a sịị̄ sisi ọza ịrẹsụ
Mẹ yị vaa kà ka mẹ yị dọ ẹngụ ẹnẹẹ.
Ama aza edivi vị ọnị maa mẹ̀ aduwa ịnị ẹhẹ amị ka asị ẹ̀ zụ mẹ̀ ebira odivi ẹnịnị.
6Ịjị àa raà tụ́ ọdọvịdị ẹnịnị ụvọ wọrọ ọ̀bà, aza ẹnẹẹ vaa dọ ka ịrẹyị ịzẹyịza m maa kà nị.
7Ẹnịnị va kà a ka ẹchụkụ ẹnịnị vị ana a sẹ̀ chẹkẹ-chẹkẹ hi irenu ikuta
anka a mẹ̀ẹ sị ẹdụụ chaka ẹtẹ avọọ.
8Ama Ẹnẹyịmavara ana vi ohinọyị ene hu keekere ẹwụ mị sị ayị tụra nị.
Ịda awụ mi zwe va tẹ ka asị a nyị ịsị ẹ mẹ̀ mi nị, asị ụ zẹẹ ka me sú.
9Navọ wa dọ mị tụ́ di asị ịrẹpa ana aza edivi và zi mi zụ za mị.
10Navọ ịrẹpa ana aza edivi và ò rẹ vara eyi za wa, dị ẹmaa na haara kẹnẹ.
Ebira First Bible © Bible Society of Nigeria, 2014.