Ahẹ Ụgama 139
139
Ẹ nyị ịsị Ohomorihi ọ̀ yị yẹ
(Ahẹ Idevidi ana yà ịnị ụvọ ọga ọjahẹ)
1Ẹnẹyịmavara, wa raà zama mi re, wa yẹ mị
2Wâ yẹ avaba ịsa ọnị maa mẹ̀.
Ụ mẹ̀ yị yà ẹnẹẹnẹ, wâ yẹ ịsị mee ro.
3Màa mẹ̀ ụkọrọ, màa tụ́ ụhwọ kẹnẹ wee re mị,
nyị ịsị maa mẹ̀ oni wè yi re.
4Ẹnẹyịmavara, dị ma hyakụ va kà ịrẹyị ọchị ọnya jịnẹ, wa sị avaba anị yẹ.
5Vị ụ maanị kara mi okiri-okiri, dị waa sị ụkata awụụ dọ mịị tụ́ nị.
6Mèe ro o pooro ka ụ mẹmẹ maanị yẹ mị, vi ee hii tụ́ mi eyi nị,
mẹ yị yẹ ọ mẹmẹ vavọọ yà.
7Ịzị mị zụ nọ ka asị u re mi,
mị ka ịzị mi zụ zwe na tẹ̀, ọnị ụ wẹ̀ yị vaa yà ịzọọ?
8Mèe zwe hịrẹ nọ ini ihinẹba, ụ yà ịzọọ.
Màa va nọ iruvo ẹtẹ na yà, ụ rẹ yị yà ịzọọ.
9Màa daka va nyị avaka di mi hira, dị mị na huu na yà akẹnẹ òkū nị,
10ịzọọ vị ọnị mi re vee tù wu, dị waa zụ̀ mi oze.
Ẹwa yà ịzọọ dị waa gụ mị ụvọ nị.
11Jẹẹ ma rẹ va kà a ka etohozi ọ̀ va kụ́ mị,
à vị ka ẹtohweyi ọ̀ vara ịrahụ kú mị dị asị e re mi.
12Ama ẹtẹ ọnị o mē hozi oni eyi awụ.
Etohozi vi ene hweyi anka ọọdụ avọọ yị ẹwụ.
Ọnya-ọnya ẹnịnị vị ịnị eyi awụ nị.
13Ẹwa mẹ avaba ahị ẹngụ amị, dị ụ sị mị tụ́ ịnị ịnẹ ọnyị amị nị.
14Maa kụ́ wụ avọ agụvị ka mèe re ụ mẹmẹ mẹ mị pooro, angwa vi ene eē hí mị.
Mâ yẹ ịnị ayị amị ka ịsa ọnị ụụ̄ mẹ vị ene eē hí ọza irenu.
15A màa mẹ ẹchụkụ amị, dị a tangwa vavọọ kụ́ wa gẹ ẹngụ tụ́ ịnị ịnẹ ọnyị amị,
ẹ yị nyị ọnị wẹ̀ yị yẹ ịnị anị.
Wê re mị m mẹ̀ tangwa yà ịzọọ dị maa hụ.
16Ịjị wèe yị hyakụ mẹ ọchị ẹngụ amị eyi awụ vi ene èe ne re mị.
Avaba ẹkụhị ọnị mị vaa mẹ ịnị ẹhẹ vị ọnị ụ chẹrẹ tụ́ ini iwe awụ dị a hyakụ va ma mị.
17Ohomorihi, màa zama aro awụ pooro, vi oō hí mi eyi nị.
Aro awụ ộ dẹngụ ẹnẹmẹhị.
18Màa ka maa za wa ịrịka, ệ rụrụ huna ààrẹ.
Ịjị màa ha, ịda awụ mị yị yà nị.
19Ohomorihi, àa yẹ wa za aza edivi dị wa wụ̀ wa và ha.
Ẹwụ nịnị ene ee sì ọza ka wa wụ̀ ọ, jịnẹ hụrẹ mị eyi nịnị.
20Ẹ yaa kà ịrẹyịị awụ ana sị zụ̀ ka ịsị ẹ nyị tụ́ ịnị ayị e yi zoza.
Ọnịvị awụ aa hí ịrẹha awụ kẹnẹ-kẹnẹ.
21Ẹnẹyịmavara, aza ana nyị ịhyẹrẹ awụ vị ọnị mị nyị ịhyẹrẹ anị,
Aza ana kwẹẹtẹ tù wu, vị ọnị ịhyẹrẹ ẹnịnị aa nyị mị.
22Mị ka mị nyayịnẹ nyị ịhyẹrẹ ẹnịnị, dị mị za wa ọnịvị amị nị.
23Ohomorihi, zama mi re, dị wa yẹ ayị amị.
Mị ka wa zama mi re dị wa yẹ ịsị mee ro.
24Mị ka wa zama a, mèe re ịsa odivi ịnị ayị amị.
Navọ wa sị mi và tụra oze awụ ana jẹẹ pooro zịna-zịna.
Currently Selected:
Ahẹ Ụgama 139: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ahẹ Ụgama 139
139
Ẹ nyị ịsị Ohomorihi ọ̀ yị yẹ
(Ahẹ Idevidi ana yà ịnị ụvọ ọga ọjahẹ)
1Ẹnẹyịmavara, wa raà zama mi re, wa yẹ mị
2Wâ yẹ avaba ịsa ọnị maa mẹ̀.
Ụ mẹ̀ yị yà ẹnẹẹnẹ, wâ yẹ ịsị mee ro.
3Màa mẹ̀ ụkọrọ, màa tụ́ ụhwọ kẹnẹ wee re mị,
nyị ịsị maa mẹ̀ oni wè yi re.
4Ẹnẹyịmavara, dị ma hyakụ va kà ịrẹyị ọchị ọnya jịnẹ, wa sị avaba anị yẹ.
5Vị ụ maanị kara mi okiri-okiri, dị waa sị ụkata awụụ dọ mịị tụ́ nị.
6Mèe ro o pooro ka ụ mẹmẹ maanị yẹ mị, vi ee hii tụ́ mi eyi nị,
mẹ yị yẹ ọ mẹmẹ vavọọ yà.
7Ịzị mị zụ nọ ka asị u re mi,
mị ka ịzị mi zụ zwe na tẹ̀, ọnị ụ wẹ̀ yị vaa yà ịzọọ?
8Mèe zwe hịrẹ nọ ini ihinẹba, ụ yà ịzọọ.
Màa va nọ iruvo ẹtẹ na yà, ụ rẹ yị yà ịzọọ.
9Màa daka va nyị avaka di mi hira, dị mị na huu na yà akẹnẹ òkū nị,
10ịzọọ vị ọnị mi re vee tù wu, dị waa zụ̀ mi oze.
Ẹwa yà ịzọọ dị waa gụ mị ụvọ nị.
11Jẹẹ ma rẹ va kà a ka etohozi ọ̀ va kụ́ mị,
à vị ka ẹtohweyi ọ̀ vara ịrahụ kú mị dị asị e re mi.
12Ama ẹtẹ ọnị o mē hozi oni eyi awụ.
Etohozi vi ene hweyi anka ọọdụ avọọ yị ẹwụ.
Ọnya-ọnya ẹnịnị vị ịnị eyi awụ nị.
13Ẹwa mẹ avaba ahị ẹngụ amị, dị ụ sị mị tụ́ ịnị ịnẹ ọnyị amị nị.
14Maa kụ́ wụ avọ agụvị ka mèe re ụ mẹmẹ mẹ mị pooro, angwa vi ene eē hí mị.
Mâ yẹ ịnị ayị amị ka ịsa ọnị ụụ̄ mẹ vị ene eē hí ọza irenu.
15A màa mẹ ẹchụkụ amị, dị a tangwa vavọọ kụ́ wa gẹ ẹngụ tụ́ ịnị ịnẹ ọnyị amị,
ẹ yị nyị ọnị wẹ̀ yị yẹ ịnị anị.
Wê re mị m mẹ̀ tangwa yà ịzọọ dị maa hụ.
16Ịjị wèe yị hyakụ mẹ ọchị ẹngụ amị eyi awụ vi ene èe ne re mị.
Avaba ẹkụhị ọnị mị vaa mẹ ịnị ẹhẹ vị ọnị ụ chẹrẹ tụ́ ini iwe awụ dị a hyakụ va ma mị.
17Ohomorihi, màa zama aro awụ pooro, vi oō hí mi eyi nị.
Aro awụ ộ dẹngụ ẹnẹmẹhị.
18Màa ka maa za wa ịrịka, ệ rụrụ huna ààrẹ.
Ịjị màa ha, ịda awụ mị yị yà nị.
19Ohomorihi, àa yẹ wa za aza edivi dị wa wụ̀ wa và ha.
Ẹwụ nịnị ene ee sì ọza ka wa wụ̀ ọ, jịnẹ hụrẹ mị eyi nịnị.
20Ẹ yaa kà ịrẹyịị awụ ana sị zụ̀ ka ịsị ẹ nyị tụ́ ịnị ayị e yi zoza.
Ọnịvị awụ aa hí ịrẹha awụ kẹnẹ-kẹnẹ.
21Ẹnẹyịmavara, aza ana nyị ịhyẹrẹ awụ vị ọnị mị nyị ịhyẹrẹ anị,
Aza ana kwẹẹtẹ tù wu, vị ọnị ịhyẹrẹ ẹnịnị aa nyị mị.
22Mị ka mị nyayịnẹ nyị ịhyẹrẹ ẹnịnị, dị mị za wa ọnịvị amị nị.
23Ohomorihi, zama mi re, dị wa yẹ ayị amị.
Mị ka wa zama mi re dị wa yẹ ịsị mee ro.
24Mị ka wa zama a, mèe re ịsa odivi ịnị ayị amị.
Navọ wa sị mi và tụra oze awụ ana jẹẹ pooro zịna-zịna.
Ebira First Bible © Bible Society of Nigeria, 2014.