Ahẹ Ụgama 10
10
 mẹ̀ aduwa ka Ohomorihi ọ̀ dọ ọnụyọrị tụ́
1Ẹnẹyịmavara, ịrẹyị o tù yị aanị nọ
Navọ asị ụ sị ẹngụ tẹ
Aarịhịnị navọ wa kà pè yị.
2Aza edivi vi ene ee wuu zị
di e yee sì ọkụmịị zị ka ẹnị ẹ̀ chamayị yị wa
Ịrẹpa ana aza edivi va vị ana rẹ vaa vara eyii za wa.
3Aza edivi vi ene eē sì ịsa edivi
di e re yee sii wo oto bẹẹ
Ọnọhọha ẹnẹẹ aa kụ̀ Ẹnẹyịmavara ụhụ
dị ẹ yaa sị ọ mẹ enyinyi nị.
4Aza edivi vi ene ee wo otoo zị
ẹ yị kà ka ẹnị ee sì Ohomorihi.
Ẹ yị nyị ụmẹ ọnị ẹ hyakụ sị tamayị Ohomorihi ịnị ayị ẹnịnị.
5Aza edivi nịnị ee re mẹ pooro kẹnẹ
Ẹnịnị vị ana aa mẹ eyi, ẹ yị yẹ ka ụ vaa mẹ̀ ọkarẹyị yị ẹnị
Èe re ọnịvị ẹnịnị di e yee wuu hi wa.
6E yee ro o ịnị ayị ẹnịnị ka ẹ yị nyị ịsị ẹ vaa mẹ ẹnị
Ẹ ka ẹ yị vaa nyị ịrẹyị pooro.
7 #
Iro 3.14
Irenu ẹnịnị ọ mā kà ọyịza paa
Ẹnịnị vi ene eē cheeche, dị ẹ yaa mẹ ehunaa yị aza.
8Aza edivi vị ana naa tẹẹ ee be onuruwa ịnị ẹkụra
di e yee zi aza ẹnẹ ẹ̀ yị nyị ịsị ẹ mẹ̀ ka ẹnị ẹ̀ wụ̀ wa.
Oniruwa vị ọnị e yee bè,
ama aza edivi ẹnẹnị vị ene ee yii be wa.
9Aza edivi ẹnẹẹ vị ana sị mẹẹ anka idu avọọ
Ẹnịnị vị ana naa tẹ di e yee be aza ẹnị ẹ yẹ ka ẹ yị nyị ụkata
Èe re ọkụmị nịnị dị ẹ ji kú wa.
10Oniruwa vi ana và nẹtẹ, ụvọ aza edivi oni o kú wà.
11Ama di e yee ro o ka Ohomorihi ọ yị vaa tamayị
Ẹ ka Ohomorihi ọ yị hyakụ vee re ẹnị pooro.
12Ẹnẹyịmavara, navọ wa kwẹẹtẹ wa sị ụya rị aza edivi ẹnẹnị!
Navọ wa tamayị aza ana maanị aa rị ụya.
13Aza edivi ẹnị aa sị Ohomorihi mẹ enyinyi
ama dị ẹ ka Ohomorihi ọ yị vee họ̀ use.
14Ohomorihi, wee re aza ana aa rị ụya di e hi ịnị ẹngụkata
Mâ yẹ ka ụ vaa gụ wa ụvọ
Ọnụyọrị nịnị vị ana sị ẹngụ ẹnịnị chire wụ ụvọ
Ẹwụ a gụ ezi-oku nịnị ụvọ nị.
15Ohomorihi, navọ wa dọ aza edivi ụkata.
Sị ụya rị wa agụvị ịsa edivi ẹnẹ ẹ yaa mẹ.
Sị ụya rị wa pooro dị ẹwụ ịnyẹmba o re ka ẹnịnị ẹ yị kụkụ mẹ̀ ebira odivi.
16Ẹnẹyịmavara ọ vị Ohinọyị pooro zịna-zịna nị
Aza ẹnị ẹ̀ yị hẹkẹ ẹ vi ene vee vú ẹtẹ hụrẹ ẹtẹ.
17Ẹnẹyịmavara, mâ yẹ ka ụ vaa wụ́ ịpọda oniruwa nịnị,
ụ rẹ vaa gụ wa ụvọ.
18Ọnụyọrị ọnịrị ozi oku nịnị ene ee nowuu hị́ wụ
ụ rẹ vaa ba wa owu.
Vavọọ mẹ̀ ẹ agụvị asị ọzarẹyịrẹsụ rẹ kụkụ chire ẹtẹ angwa.
Currently Selected:
Ahẹ Ụgama 10: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ahẹ Ụgama 10
10
 mẹ̀ aduwa ka Ohomorihi ọ̀ dọ ọnụyọrị tụ́
1Ẹnẹyịmavara, ịrẹyị o tù yị aanị nọ
Navọ asị ụ sị ẹngụ tẹ
Aarịhịnị navọ wa kà pè yị.
2Aza edivi vi ene ee wuu zị
di e yee sì ọkụmịị zị ka ẹnị ẹ̀ chamayị yị wa
Ịrẹpa ana aza edivi va vị ana rẹ vaa vara eyii za wa.
3Aza edivi vi ene eē sì ịsa edivi
di e re yee sii wo oto bẹẹ
Ọnọhọha ẹnẹẹ aa kụ̀ Ẹnẹyịmavara ụhụ
dị ẹ yaa sị ọ mẹ enyinyi nị.
4Aza edivi vi ene ee wo otoo zị
ẹ yị kà ka ẹnị ee sì Ohomorihi.
Ẹ yị nyị ụmẹ ọnị ẹ hyakụ sị tamayị Ohomorihi ịnị ayị ẹnịnị.
5Aza edivi nịnị ee re mẹ pooro kẹnẹ
Ẹnịnị vị ana aa mẹ eyi, ẹ yị yẹ ka ụ vaa mẹ̀ ọkarẹyị yị ẹnị
Èe re ọnịvị ẹnịnị di e yee wuu hi wa.
6E yee ro o ịnị ayị ẹnịnị ka ẹ yị nyị ịsị ẹ vaa mẹ ẹnị
Ẹ ka ẹ yị vaa nyị ịrẹyị pooro.
7 #
Iro 3.14
Irenu ẹnịnị ọ mā kà ọyịza paa
Ẹnịnị vi ene eē cheeche, dị ẹ yaa mẹ ehunaa yị aza.
8Aza edivi vị ana naa tẹẹ ee be onuruwa ịnị ẹkụra
di e yee zi aza ẹnẹ ẹ̀ yị nyị ịsị ẹ mẹ̀ ka ẹnị ẹ̀ wụ̀ wa.
Oniruwa vị ọnị e yee bè,
ama aza edivi ẹnẹnị vị ene ee yii be wa.
9Aza edivi ẹnẹẹ vị ana sị mẹẹ anka idu avọọ
Ẹnịnị vị ana naa tẹ di e yee be aza ẹnị ẹ yẹ ka ẹ yị nyị ụkata
Èe re ọkụmị nịnị dị ẹ ji kú wa.
10Oniruwa vi ana và nẹtẹ, ụvọ aza edivi oni o kú wà.
11Ama di e yee ro o ka Ohomorihi ọ yị vaa tamayị
Ẹ ka Ohomorihi ọ yị hyakụ vee re ẹnị pooro.
12Ẹnẹyịmavara, navọ wa kwẹẹtẹ wa sị ụya rị aza edivi ẹnẹnị!
Navọ wa tamayị aza ana maanị aa rị ụya.
13Aza edivi ẹnị aa sị Ohomorihi mẹ enyinyi
ama dị ẹ ka Ohomorihi ọ yị vee họ̀ use.
14Ohomorihi, wee re aza ana aa rị ụya di e hi ịnị ẹngụkata
Mâ yẹ ka ụ vaa gụ wa ụvọ
Ọnụyọrị nịnị vị ana sị ẹngụ ẹnịnị chire wụ ụvọ
Ẹwụ a gụ ezi-oku nịnị ụvọ nị.
15Ohomorihi, navọ wa dọ aza edivi ụkata.
Sị ụya rị wa agụvị ịsa edivi ẹnẹ ẹ yaa mẹ.
Sị ụya rị wa pooro dị ẹwụ ịnyẹmba o re ka ẹnịnị ẹ yị kụkụ mẹ̀ ebira odivi.
16Ẹnẹyịmavara ọ vị Ohinọyị pooro zịna-zịna nị
Aza ẹnị ẹ̀ yị hẹkẹ ẹ vi ene vee vú ẹtẹ hụrẹ ẹtẹ.
17Ẹnẹyịmavara, mâ yẹ ka ụ vaa wụ́ ịpọda oniruwa nịnị,
ụ rẹ vaa gụ wa ụvọ.
18Ọnụyọrị ọnịrị ozi oku nịnị ene ee nowuu hị́ wụ
ụ rẹ vaa ba wa owu.
Vavọọ mẹ̀ ẹ agụvị asị ọzarẹyịrẹsụ rẹ kụkụ chire ẹtẹ angwa.
Ebira First Bible © Bible Society of Nigeria, 2014.