Ahẹ Ụgama 1
1
IWE 1
(Ahẹ 1—41)
Ẹhẹ aza ana sị ayị yị Ohomorihi ọnịrị aza edivi
1Ịrajẹ ọ vị yị ọza ẹnị ẹ̀ yị mā dọ ịrẹyị aza edivi mẹ̀ ụkọrọ.
Ẹngụ ọza ọnọọ ẹ̀ yị mā bẹ ụvọ tụ́ ịnị ebira ana aza edivi aa mẹ̀,
dị ọ̀ yị mē re pè aza ana aa sị eyii wụ̀ Ohomorihi zị ogu nị.
2Ọnị vị ene eē si ka ọnị ọ̀ọ saasa avaba ọda Ẹnẹyịmavara.
Vi oō sì ka ọnị ọọ kà a, dị ọnị ò ree ro ịrẹyị tụra a ịnị avaba ụmẹ nị.
3 #
Ijer 17.8
Ọza ana vavọọ aa mẹ̀ ebira ẹtẹẹrẹ,
vị ọnị ẹngụ anị vee hunẹnẹ pooro.
Ẹngụ ọza ọnọọ vị ana sị mẹ anka ọchị ene e chire tụ́ ụtọ okuha,
anaā tụ ẹtụtụ anị ịnị ụmẹ anị,
avị anị ẹ yị maa wọ̀rọ̀.
Ịsa tụra ịsa ọnị ẹngụ ọza ọnọọ ọ̀ọ sị ụvọ tụra ka ọnị aa mẹ
vị ene ee zozaa yọ.
4Ama ẹhẹ aza edivi ẹ yị vavọọ vee zoza!
Ẹnị vị ana sị mẹẹ anka azịzẹ ana ahị ee hiraa zị avọọ.
5Aza ana aa mẹ̀ ebira odivi vi oni Ohomorihi vaa jị ịvịị yị
ẹnịrị aza ana aa mẹ̀ ebira ọnị Ohomorihi sì e yi vee hi aha ọnya.
6Ẹnẹyịmavara vi ana sị eyi pe ẹhẹ ọza ana aa mẹ̀ ebira ana vọrọ
ama ebira aza edivi vị ana vaa mẹ ka ẹ vú ẹtẹ.
Currently Selected:
Ahẹ Ụgama 1: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ahẹ Ụgama 1
1
IWE 1
(Ahẹ 1—41)
Ẹhẹ aza ana sị ayị yị Ohomorihi ọnịrị aza edivi
1Ịrajẹ ọ vị yị ọza ẹnị ẹ̀ yị mā dọ ịrẹyị aza edivi mẹ̀ ụkọrọ.
Ẹngụ ọza ọnọọ ẹ̀ yị mā bẹ ụvọ tụ́ ịnị ebira ana aza edivi aa mẹ̀,
dị ọ̀ yị mē re pè aza ana aa sị eyii wụ̀ Ohomorihi zị ogu nị.
2Ọnị vị ene eē si ka ọnị ọ̀ọ saasa avaba ọda Ẹnẹyịmavara.
Vi oō sì ka ọnị ọọ kà a, dị ọnị ò ree ro ịrẹyị tụra a ịnị avaba ụmẹ nị.
3 #
Ijer 17.8
Ọza ana vavọọ aa mẹ̀ ebira ẹtẹẹrẹ,
vị ọnị ẹngụ anị vee hunẹnẹ pooro.
Ẹngụ ọza ọnọọ vị ana sị mẹ anka ọchị ene e chire tụ́ ụtọ okuha,
anaā tụ ẹtụtụ anị ịnị ụmẹ anị,
avị anị ẹ yị maa wọ̀rọ̀.
Ịsa tụra ịsa ọnị ẹngụ ọza ọnọọ ọ̀ọ sị ụvọ tụra ka ọnị aa mẹ
vị ene ee zozaa yọ.
4Ama ẹhẹ aza edivi ẹ yị vavọọ vee zoza!
Ẹnị vị ana sị mẹẹ anka azịzẹ ana ahị ee hiraa zị avọọ.
5Aza ana aa mẹ̀ ebira odivi vi oni Ohomorihi vaa jị ịvịị yị
ẹnịrị aza ana aa mẹ̀ ebira ọnị Ohomorihi sì e yi vee hi aha ọnya.
6Ẹnẹyịmavara vi ana sị eyi pe ẹhẹ ọza ana aa mẹ̀ ebira ana vọrọ
ama ebira aza edivi vị ana vaa mẹ ka ẹ vú ẹtẹ.
Ebira First Bible © Bible Society of Nigeria, 2014.