Ụhịrẹyị 8
8
Ịrẹyọyẹ ọnịrị ụra
1 #
Ụhị 1.20,21 Sị ụtọ pe ẹtẹ wa wụ ịrẹyọyẹ maa hị́ ọza. Ọ sị ọngwẹ tụ ẹba é na owu. 2Ọ jẹẹ ịrẹsụ ataba ọ gụrị oze. Ọ jẹẹ oze ahẹva. 3Ọ jẹẹ oze anaā zị ngụ ịnị ẹkụra, e na owu boro-boro. 4Ộ ka, avaba ayị ọnị aa hị́ nị, avaba anẹhẹ ọ na ta ubo nị. 5Aza ẹnẹ ẹẹ yị vịra ẹ kọsẹ dị ẹ mẹ̀ ebira ụvịra; dị ọnụra nịnị ẹ kọsẹ ịrẹyọyẹ. 6Ộ ka à sị ụtọ pe ẹtẹ ka ọnị vaa kà ịrẹyị ịrẹyọyẹ. Ịrẹyị ana vọrọ ọnị vaa kà nị. 7Ịzẹyịza ọnị vaa kà nị, agụvị ka ịsa eenyisi ọ vị ka ọnị o cheeche nị. 8Ịrẹyị ịzẹyịza ọnịị̄ ka nị, ọnị ọ mā mẹ apẹ, ọnị ọ mẹ vene ọza. 9Ọyẹrẹyị vaa yẹ ka ịrẹyị anị vị ịzẹyịza, aza ene sị ka ẹnị ẹ̀ yẹ ịrẹyị vee ré ka ịrẹyị anị ọ vọrọ. 10Ộ ka a sị ụvọ za ịrẹyị anị agụvị ka, ẹnị e zoza huni ẹkẹhị ọnịrị ọmọ nị. 11Ịrẹyọyẹ o zoza huni ọmọ nị; ẹ yị nyị ịsa ọza e si ana wụra pe mẹ ọpa. 12Ịrẹyọyẹ ka ọnịrị eyohweyi ọ́ọ vị pooro nị. Ọnị ọ mẹ ka aza ẹ yẹ́ ịsa, dị ẹ rẹ yara mẹ eto ịsị ẹ yàa mẹ nị. 13Ọza ana sị ụbanyị yị Ẹnẹyịmavara ẹẹ̄ nyị ịhyẹrẹ ịsa edivi nị. Ẹngụ ọza ọnọọ ọọ̄ nyị ịhyẹrẹ aza ana sị ẹngụ tụ ẹba, dị ẹ rẹ mẹ ịkanggụ. Ọnị ọ nyị ịhyẹrẹ ebira odivi ọnịrị ịrẹyị kẹnẹ-kẹnẹ ọ yị ka nị. 14Ịrẹyọyẹ ka, ọnị ọ yara pe ọza juwe dị ọnị re pe wa mẹ̀ ụkọrọ ẹnịnị. Ọnị ọ yẹ iruvo ịrẹyị, dị ọnị rẹ nyị ụkata nị. 15Ọnị ọọ̄ mẹ̀ ka ohinọyị nịnị ẹ̀ẹ mẹ ịjọva, dị ọdọvịdị nịnị ẹnị ẹ rẹ mẹ ọda ene zoza nị. 16Ịrẹyọyẹ ka ọnị ọ mẹ ka ọdọvịdị nịnị ẹ̀ mẹ ịjọva nị, dị aza ene hi ịnị ịjọva ẹ zụ sị ịzẹyịza mẹ ẹkụra nị. 17Ộ ka ọnị o sì ịrẹyị aza ene sì ịrẹyị anị; aza ene si ọnị obooro vee ré ọnị. 18Ọnị ọ̀ sị ogu ọnịrị ụbanyị yị ọza nị. Ọnị ọ rẹ mẹ ka ọza ọ̀ ka tụ ọvịdị, dị òo zee yọ nị. 19Ộ kà ịsị ọnịị̄ sị yị ọza o zoza huni igooru ọnịrị ẹkẹhị. 20Oze ana vọrọ dị ọ vị ịzẹyịza ọnịị̄ zị nị. 21Ọza ene sị ịrẹyị anị vị ọnị ọnị kụ oguu yị, dị irehi anị vị ohihi yị ogu ọyịza-ọyịza. 22#Ẹtẹ 3.14Ịrẹyọyẹ kà, hụrị ụmọrụmọ, ọnị vị ịsị ịpaapa ọnị Ẹnẹyịmavara vịdị tụ ịnị avaba ụkọrọ anị nị. 23Hụụnị ọyịnyima dị a va yẹ ka a mẹ ẹhẹ a hụrẹ tụ ọnị nị. 24Ịrẹyọyẹ kà a sị ọnị ma dị a va yẹ ka aa nyị òkū ọnịrị enyi ịnị ẹtẹ. 25A sị ọnị ma dị a va yẹ ka aa nyị ataba ọnịrị otutu nịnị. 26A sị ọnị ma dị Ohomorihi va mẹ ịrẹsụ ẹtẹ ọnịrị ịsa ene hị́ ịnị anị, ọ̀ọ hyakụ vị ezi uvoku ọnya. 27Ộ ka ọnị yà ịzọọ ụmẹ ana a sị mẹ̀ ẹbẹẹba ọnịrị ụmẹ ana a tẹ̀ ẹhwị ịzị oku nịnị vaa gana naa za. 28Ụmẹ ọnị Ohomorihi sị sị eguhi tụ ẹbẹẹba ọnịrị ụmẹ ọnị ọ sị na oze enyi yị oku nịnị ọnị ya ịzọọ. 29Dị ọ mẹ ọda yị enyi ịnị oku ka asị ọ kụkụ hi ẹtẹ huna ọpa ọnị ọnị ka nị. Ộ ka eyi anị Ohomorihi ka ẹhẹ ẹtẹ nị. 30Ọnị vị ana jẹẹ pe e anka ọza ana sị jị ọga tụ ịnị ụkọrọ avọọ. Ọnị ọ mẹ ka ayị Ohomorihi oo hine eyinị-eyinị nị, dị ọnị nyẹmba aa jẹ pooro kẹnẹ ịdị anị nị. 31Ọnị aà jẹ agụvị ẹhẹ, dị ayị anị e hine agụvị anẹhẹ nị. 32Wụ́ ịrẹyị amị, ẹwụ nịnị ọmụha. Waa mẹ ịsị maa ka wụ nịnị, ka ayị awụ nịnị vee hine. 33Sị ụtọ pe ịsị aa sị kọ wụ nịnị. Yẹ́ ịrẹyị nịnị, asị ụ sị eyi wụ ọ nịnị. 34Ịrẹyọyẹ ka aza anaa vị ịnị oze irehi anị vaa yaatụ ka ẹnị ẹ wụ́ ịrẹyị anị vaa daa jẹ. 35Ộ ka aza ana nyị ịrẹyọyẹ ẹẹ̄ mẹ ẹhẹ obooro nị. Ayị Ẹnẹyịmavara vee hine tu wa. 36Ọza ẹnẹ ẹ yị nyị ịrẹyọyẹ vị anaa tọ̀ ẹngụ anị ụnava. Ọza anaa nyị ịhyẹrẹ ịrẹyọyẹ vị anaa hị́ isu tu ẹngụ anị.
Currently Selected:
Ụhịrẹyị 8: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ụhịrẹyị 8
8
Ịrẹyọyẹ ọnịrị ụra
1 #
Ụhị 1.20,21 Sị ụtọ pe ẹtẹ wa wụ ịrẹyọyẹ maa hị́ ọza. Ọ sị ọngwẹ tụ ẹba é na owu. 2Ọ jẹẹ ịrẹsụ ataba ọ gụrị oze. Ọ jẹẹ oze ahẹva. 3Ọ jẹẹ oze anaā zị ngụ ịnị ẹkụra, e na owu boro-boro. 4Ộ ka, avaba ayị ọnị aa hị́ nị, avaba anẹhẹ ọ na ta ubo nị. 5Aza ẹnẹ ẹẹ yị vịra ẹ kọsẹ dị ẹ mẹ̀ ebira ụvịra; dị ọnụra nịnị ẹ kọsẹ ịrẹyọyẹ. 6Ộ ka à sị ụtọ pe ẹtẹ ka ọnị vaa kà ịrẹyị ịrẹyọyẹ. Ịrẹyị ana vọrọ ọnị vaa kà nị. 7Ịzẹyịza ọnị vaa kà nị, agụvị ka ịsa eenyisi ọ vị ka ọnị o cheeche nị. 8Ịrẹyị ịzẹyịza ọnịị̄ ka nị, ọnị ọ mā mẹ apẹ, ọnị ọ mẹ vene ọza. 9Ọyẹrẹyị vaa yẹ ka ịrẹyị anị vị ịzẹyịza, aza ene sị ka ẹnị ẹ̀ yẹ ịrẹyị vee ré ka ịrẹyị anị ọ vọrọ. 10Ộ ka a sị ụvọ za ịrẹyị anị agụvị ka, ẹnị e zoza huni ẹkẹhị ọnịrị ọmọ nị. 11Ịrẹyọyẹ o zoza huni ọmọ nị; ẹ yị nyị ịsa ọza e si ana wụra pe mẹ ọpa. 12Ịrẹyọyẹ ka ọnịrị eyohweyi ọ́ọ vị pooro nị. Ọnị ọ mẹ ka aza ẹ yẹ́ ịsa, dị ẹ rẹ yara mẹ eto ịsị ẹ yàa mẹ nị. 13Ọza ana sị ụbanyị yị Ẹnẹyịmavara ẹẹ̄ nyị ịhyẹrẹ ịsa edivi nị. Ẹngụ ọza ọnọọ ọọ̄ nyị ịhyẹrẹ aza ana sị ẹngụ tụ ẹba, dị ẹ rẹ mẹ ịkanggụ. Ọnị ọ nyị ịhyẹrẹ ebira odivi ọnịrị ịrẹyị kẹnẹ-kẹnẹ ọ yị ka nị. 14Ịrẹyọyẹ ka, ọnị ọ yara pe ọza juwe dị ọnị re pe wa mẹ̀ ụkọrọ ẹnịnị. Ọnị ọ yẹ iruvo ịrẹyị, dị ọnị rẹ nyị ụkata nị. 15Ọnị ọọ̄ mẹ̀ ka ohinọyị nịnị ẹ̀ẹ mẹ ịjọva, dị ọdọvịdị nịnị ẹnị ẹ rẹ mẹ ọda ene zoza nị. 16Ịrẹyọyẹ ka ọnị ọ mẹ ka ọdọvịdị nịnị ẹ̀ mẹ ịjọva nị, dị aza ene hi ịnị ịjọva ẹ zụ sị ịzẹyịza mẹ ẹkụra nị. 17Ộ ka ọnị o sì ịrẹyị aza ene sì ịrẹyị anị; aza ene si ọnị obooro vee ré ọnị. 18Ọnị ọ̀ sị ogu ọnịrị ụbanyị yị ọza nị. Ọnị ọ rẹ mẹ ka ọza ọ̀ ka tụ ọvịdị, dị òo zee yọ nị. 19Ộ kà ịsị ọnịị̄ sị yị ọza o zoza huni igooru ọnịrị ẹkẹhị. 20Oze ana vọrọ dị ọ vị ịzẹyịza ọnịị̄ zị nị. 21Ọza ene sị ịrẹyị anị vị ọnị ọnị kụ oguu yị, dị irehi anị vị ohihi yị ogu ọyịza-ọyịza. 22#Ẹtẹ 3.14Ịrẹyọyẹ kà, hụrị ụmọrụmọ, ọnị vị ịsị ịpaapa ọnị Ẹnẹyịmavara vịdị tụ ịnị avaba ụkọrọ anị nị. 23Hụụnị ọyịnyima dị a va yẹ ka a mẹ ẹhẹ a hụrẹ tụ ọnị nị. 24Ịrẹyọyẹ kà a sị ọnị ma dị a va yẹ ka aa nyị òkū ọnịrị enyi ịnị ẹtẹ. 25A sị ọnị ma dị a va yẹ ka aa nyị ataba ọnịrị otutu nịnị. 26A sị ọnị ma dị Ohomorihi va mẹ ịrẹsụ ẹtẹ ọnịrị ịsa ene hị́ ịnị anị, ọ̀ọ hyakụ vị ezi uvoku ọnya. 27Ộ ka ọnị yà ịzọọ ụmẹ ana a sị mẹ̀ ẹbẹẹba ọnịrị ụmẹ ana a tẹ̀ ẹhwị ịzị oku nịnị vaa gana naa za. 28Ụmẹ ọnị Ohomorihi sị sị eguhi tụ ẹbẹẹba ọnịrị ụmẹ ọnị ọ sị na oze enyi yị oku nịnị ọnị ya ịzọọ. 29Dị ọ mẹ ọda yị enyi ịnị oku ka asị ọ kụkụ hi ẹtẹ huna ọpa ọnị ọnị ka nị. Ộ ka eyi anị Ohomorihi ka ẹhẹ ẹtẹ nị. 30Ọnị vị ana jẹẹ pe e anka ọza ana sị jị ọga tụ ịnị ụkọrọ avọọ. Ọnị ọ mẹ ka ayị Ohomorihi oo hine eyinị-eyinị nị, dị ọnị nyẹmba aa jẹ pooro kẹnẹ ịdị anị nị. 31Ọnị aà jẹ agụvị ẹhẹ, dị ayị anị e hine agụvị anẹhẹ nị. 32Wụ́ ịrẹyị amị, ẹwụ nịnị ọmụha. Waa mẹ ịsị maa ka wụ nịnị, ka ayị awụ nịnị vee hine. 33Sị ụtọ pe ịsị aa sị kọ wụ nịnị. Yẹ́ ịrẹyị nịnị, asị ụ sị eyi wụ ọ nịnị. 34Ịrẹyọyẹ ka aza anaa vị ịnị oze irehi anị vaa yaatụ ka ẹnị ẹ wụ́ ịrẹyị anị vaa daa jẹ. 35Ộ ka aza ana nyị ịrẹyọyẹ ẹẹ̄ mẹ ẹhẹ obooro nị. Ayị Ẹnẹyịmavara vee hine tu wa. 36Ọza ẹnẹ ẹ yị nyị ịrẹyọyẹ vị anaa tọ̀ ẹngụ anị ụnava. Ọza anaa nyị ịhyẹrẹ ịrẹyọyẹ vị anaa hị́ isu tu ẹngụ anị.
Ebira First Bible © Bible Society of Nigeria, 2014.