Ụhịrẹyị 28
28
Ọda Ohomorihi vị ana mẹ ọzaa nyị ịrẹyọyẹ
1Ọza ọhịmị ọọ̄ mẹ̀ ụha za gigiri nị, ama ayị ọnịzẹyịza vị ana vị́ anka ẹzụ avọọ. 2Anẹkụra àa mẹ akamawụ, aza irenyi-irenyi ẹẹ mẹ̀ ịjọva tụra wa ịrẹsụ nị. Ama ọdọvịdị ana yẹ ịrẹyị oō tenyi ẹkụra, dị a nyị ẹngwọọrọ tu ẹtẹ nị. 3Ọ́dọvịdị anaā mẹ̀ ẹvayaa yị onosiye nịnị sị mẹ anka orihi ene du ịsa ịnị aarẹ ha avọọ nị. 4Aza ẹnẹ ẹ yị saasa ọda Ẹnẹyịmavara vị anaa tụ́ aza ọhịmị ụka. Ama aza anaa saasa ọda anị vị ana va eyi ịrazị ka aza ọhịmị. 5Aza ọhịmị ẹ yị yẹ ịsị ẹ vị ịzẹyịza, ama aza anaa yẹ Ẹnẹyịmavara ẹ yẹ tu ẹtẹ nị. 6Onosiye anaa mẹ̀ ịzẹyịza o dahi hu ọnyẹkẹhị anaa mẹ̀ asuvu nị. 7Aza anaa sị ụvọ za ọda Ẹnẹyịmavara ẹ vị ezi ana yẹ ịrẹyị nị. Ama ọza anaa zị ògù ọnọhọha vị anaa mẹ̀ ụhị nyị aza ana ma a. 8Ọza anaa dọ ọtụrarẹsụ ẹkẹhị erere agụvị ọnị ọ nyị ẹkẹhị hu avọọ, ọ yị vaa sị mẹ̀ ẹhẹ. Áa kụ ẹkẹhị ọnọọ gụ zi ọzẹnẹsa ana vaa vayị onuruwa nịnị. 9Ẹnẹyịmavara ọ nyị ịhyẹrẹ aduwa ọza ọnị ẹ yị saasa ọda anị. 10Aza enee vene ọnịzẹyịza ka ọ mẹ̀ ebira odivi vị ana vaa hyẹdụ ngụ ịrẹpa ọnị ọ va, ama ọnịzẹyịza vị ọnị o vee zee yị. 11Ọnyẹkẹhị nịnị vị ene ro ka ẹnị ẹ nyị ịrẹyọyẹ, ama onosiye ọnị eyi anị hweyi ọ́ọ yẹ iruvo anị. 12Ọnịzẹyịza ọ̀ọ ya udi, dị ọzọza aa jẹ ama ọza ọhịmị ọ̀ọ ya udi, dị ọzọza ee zwee tẹ. 13Ẹ yị ve zoza yị ọza anaa jị oku ku ịvị anị, ama ọza anaa dọ irenu ịvị anị dị ọ va hụụnị anị, vị ọnị Ẹnẹyịmavaraā vayị anị. 14Ịrẹsụ ọyịza ọ vị yị ọza ene hí angwa Ẹnẹyịmavara nị ama Anakamawụ vi ene vee vu. 15Ọdọvịdị odivi vị eneē chire onosiye nịnị angwa anka idu à vị ọdụmị anaa tụra ka uye naa avọọ. 16Ọdọvịdị ẹnẹẹ yị yẹ ịrẹyị vị ana a chamayị yị onosiye nịnị ama ọza ọnị ẹ mā dọ ọza mẹ anị vị eneē ku orubo. 17Ayị ọza ana wụ̀ ọza ọ yị vaa nẹtẹ, ọ vaa doodo zị pooro dị o su nị. Asị a nyị ọza ana gụ ọ ụvọ. 18Ọza anaā mẹ̀ ịzẹyịza vị ana vaa há ama ọza ọnị ẹ mā mẹ̀ ịzẹyịza vi ene vee su usu asigiri. 19Ọgẹrẹva ana ha ẹngụ ta kụ ụrụkụ vị anaā rị ịsa vọọ ku, ama ọza anaā nyị uworo vị ọnị iruwa zá. 20Ọnịzẹyịza vị ọnị óo zee yị, ama ọza anaā dụ ẹkẹhị ịjịjọọ vị ana vaa rị ụya anị. 21E yi zoza ka ọza ọọ̄ nyị ọza re eyi, ama aza ẹnyị vị anaa mẹ̀ ebira odivi agụvị ịsa chee ọnị o vee re dọ. 22Eneyiche nịnị vị anaā ha eyi ka ẹnị ẹ hụra nyị ẹkẹhị, dị asị ẹ yị yẹ ka osiye aa za a ịrẹsụ yị ẹnị nị. 23Ọza anaa tụ ọza ohuvọ aa zụ varẹma sì ịrẹyị anị huni ọza enee vene ọza nị. 24Ọza ene ro ka ọnị ọ̀ọ kụ ẹnya aza ana ma ọnị ka ọ yị divi vi oyi obooro-obooro. 25Ọnọhọha vị anaa kụ ịrẹyị hi ẹtẹ ama ọza ana sị ayị tụra Ẹnẹyịmavara vị ọnị o vee zee yị. 26Ọnụra kẹnẹ o ro ka ọnị ọ hụ ẹngụ anị nị, ama ọza ana mẹ̀ ịrẹyọyẹ ọ vaa ha nị. 27Ịsa ẹ yị vaa zwọ ọza anaā sịị ịsa yị onosiye ama ọza anaa sị eyi jịnẹ ẹ vị ana vaa dọ ozirenu ọrụrụ-ọrụrụ. 28Ọza ọhịmị ọ̀ọ ya udi, vị ọzọza aa tẹ yị ọ nị, ama ọ̀ọ sị hụrẹ udi dị aza ọyịza aa sị ụmẹẹ tụ ọvịdị.
Currently Selected:
Ụhịrẹyị 28: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ụhịrẹyị 28
28
Ọda Ohomorihi vị ana mẹ ọzaa nyị ịrẹyọyẹ
1Ọza ọhịmị ọọ̄ mẹ̀ ụha za gigiri nị, ama ayị ọnịzẹyịza vị ana vị́ anka ẹzụ avọọ. 2Anẹkụra àa mẹ akamawụ, aza irenyi-irenyi ẹẹ mẹ̀ ịjọva tụra wa ịrẹsụ nị. Ama ọdọvịdị ana yẹ ịrẹyị oō tenyi ẹkụra, dị a nyị ẹngwọọrọ tu ẹtẹ nị. 3Ọ́dọvịdị anaā mẹ̀ ẹvayaa yị onosiye nịnị sị mẹ anka orihi ene du ịsa ịnị aarẹ ha avọọ nị. 4Aza ẹnẹ ẹ yị saasa ọda Ẹnẹyịmavara vị anaa tụ́ aza ọhịmị ụka. Ama aza anaa saasa ọda anị vị ana va eyi ịrazị ka aza ọhịmị. 5Aza ọhịmị ẹ yị yẹ ịsị ẹ vị ịzẹyịza, ama aza anaa yẹ Ẹnẹyịmavara ẹ yẹ tu ẹtẹ nị. 6Onosiye anaa mẹ̀ ịzẹyịza o dahi hu ọnyẹkẹhị anaa mẹ̀ asuvu nị. 7Aza anaa sị ụvọ za ọda Ẹnẹyịmavara ẹ vị ezi ana yẹ ịrẹyị nị. Ama ọza anaa zị ògù ọnọhọha vị anaa mẹ̀ ụhị nyị aza ana ma a. 8Ọza anaa dọ ọtụrarẹsụ ẹkẹhị erere agụvị ọnị ọ nyị ẹkẹhị hu avọọ, ọ yị vaa sị mẹ̀ ẹhẹ. Áa kụ ẹkẹhị ọnọọ gụ zi ọzẹnẹsa ana vaa vayị onuruwa nịnị. 9Ẹnẹyịmavara ọ nyị ịhyẹrẹ aduwa ọza ọnị ẹ yị saasa ọda anị. 10Aza enee vene ọnịzẹyịza ka ọ mẹ̀ ebira odivi vị ana vaa hyẹdụ ngụ ịrẹpa ọnị ọ va, ama ọnịzẹyịza vị ọnị o vee zee yị. 11Ọnyẹkẹhị nịnị vị ene ro ka ẹnị ẹ nyị ịrẹyọyẹ, ama onosiye ọnị eyi anị hweyi ọ́ọ yẹ iruvo anị. 12Ọnịzẹyịza ọ̀ọ ya udi, dị ọzọza aa jẹ ama ọza ọhịmị ọ̀ọ ya udi, dị ọzọza ee zwee tẹ. 13Ẹ yị ve zoza yị ọza anaa jị oku ku ịvị anị, ama ọza anaa dọ irenu ịvị anị dị ọ va hụụnị anị, vị ọnị Ẹnẹyịmavaraā vayị anị. 14Ịrẹsụ ọyịza ọ vị yị ọza ene hí angwa Ẹnẹyịmavara nị ama Anakamawụ vi ene vee vu. 15Ọdọvịdị odivi vị eneē chire onosiye nịnị angwa anka idu à vị ọdụmị anaa tụra ka uye naa avọọ. 16Ọdọvịdị ẹnẹẹ yị yẹ ịrẹyị vị ana a chamayị yị onosiye nịnị ama ọza ọnị ẹ mā dọ ọza mẹ anị vị eneē ku orubo. 17Ayị ọza ana wụ̀ ọza ọ yị vaa nẹtẹ, ọ vaa doodo zị pooro dị o su nị. Asị a nyị ọza ana gụ ọ ụvọ. 18Ọza anaā mẹ̀ ịzẹyịza vị ana vaa há ama ọza ọnị ẹ mā mẹ̀ ịzẹyịza vi ene vee su usu asigiri. 19Ọgẹrẹva ana ha ẹngụ ta kụ ụrụkụ vị anaā rị ịsa vọọ ku, ama ọza anaā nyị uworo vị ọnị iruwa zá. 20Ọnịzẹyịza vị ọnị óo zee yị, ama ọza anaā dụ ẹkẹhị ịjịjọọ vị ana vaa rị ụya anị. 21E yi zoza ka ọza ọọ̄ nyị ọza re eyi, ama aza ẹnyị vị anaa mẹ̀ ebira odivi agụvị ịsa chee ọnị o vee re dọ. 22Eneyiche nịnị vị anaā ha eyi ka ẹnị ẹ hụra nyị ẹkẹhị, dị asị ẹ yị yẹ ka osiye aa za a ịrẹsụ yị ẹnị nị. 23Ọza anaa tụ ọza ohuvọ aa zụ varẹma sì ịrẹyị anị huni ọza enee vene ọza nị. 24Ọza ene ro ka ọnị ọ̀ọ kụ ẹnya aza ana ma ọnị ka ọ yị divi vi oyi obooro-obooro. 25Ọnọhọha vị anaa kụ ịrẹyị hi ẹtẹ ama ọza ana sị ayị tụra Ẹnẹyịmavara vị ọnị o vee zee yị. 26Ọnụra kẹnẹ o ro ka ọnị ọ hụ ẹngụ anị nị, ama ọza ana mẹ̀ ịrẹyọyẹ ọ vaa ha nị. 27Ịsa ẹ yị vaa zwọ ọza anaā sịị ịsa yị onosiye ama ọza anaa sị eyi jịnẹ ẹ vị ana vaa dọ ozirenu ọrụrụ-ọrụrụ. 28Ọza ọhịmị ọ̀ọ ya udi, vị ọzọza aa tẹ yị ọ nị, ama ọ̀ọ sị hụrẹ udi dị aza ọyịza aa sị ụmẹẹ tụ ọvịdị.
Ebira First Bible © Bible Society of Nigeria, 2014.