Ụhịrẹyị 23
23
Ịrẹyị ọhụhịnọnyị
1Ẹwụrị ọza ọbanyị aa rị ịsa, yẹ ụ mẹmẹ a rị ịsa o. 2Da ịrẹka awụ vẹ ẹtẹ wàa vị ọnị ịnẹ ọbanyị. 3Asị ụ ha ọhọha ịsa chomi-chomi ana a kụ hi ọvịdị awụ. Ịsa ẹnẹẹ vị ene e si vene wu.
Ịrẹyị ọhụhịmba
4Asị ụ wụ ẹngụ awụ tụra ịrẹsụ ẹkẹhị oyisì. Sị ịrẹyọyẹ va ahụ vị ịrẹma. 5Ẹkẹhị ọ zụ ta ịnị abọnya-abọnya. Ẹkẹhị vị onozwọọhịmị. Óo hira anka inomi anaā hị́ ọkasịmẹ avọọ nị.
Ịrẹyị ọhụhịnta
6Asị ụ rị ịsa eneyiche. Asị eyi awụ ya ịnị ịsa ozoza anị. 7Eneyiche àaa hị́ wụ ka wa va rị ịsa, ẹ yị sị ayị ọnyara hị́ wụ. Ịsị ẹ ya ịnị ayị anị vị irenyi. 8Ịsa ọnị wa rị ịzọọ vị ọnị ụ vaa hẹrẹ, dị avọ ọnị ụ kụ ọ vị ịhị kẹnẹ.
Ịrẹyị ọhụhịịna
9Asị ụ ka ịrẹyị yị ọnụra agụvị ka eyi anị e yi hweyi tu ịrẹyị ọnị waa ka.
Ịrẹyị ana gụ ọ ẹẹwụ
10Asị ụ tụ̀ ịsa ọnị ohiku sị tọ ẹtẹ ẹhwị, dị asị ụ dọ ezi-oku nịnị ẹtẹ. 11Ẹnẹyịmavara ọ vị ọnụkata anaa vụ̀ ịrẹvụ ẹnịnị nị. Ọ vaa jẹẹ yị wa.
Ịrẹyị ẹwụrọnya
12Sị ayị tụ ịrẹyị ana aa ka yị wụ, dị ụ wa sị ụtọ pe ịrẹyị ịrẹyọyẹ ọnị waa wụ́.
Ịrẹyị ẹwụrẹva
13Asị ụ yi ka wẹ yị pa ozi ewu, inori ene e tu ozi ọ mā wụ ọ. 14Wee tụ́ ọ, ẹhẹ anị u tenyi yị ọ nị. Ịrẹyị ẹwụrẹna.
15Ozi emi, wàa yẹ ịrẹyị ayị amị vị ene e hine ẹtẹẹtẹrẹ. 16Waa ka ịrẹyọyẹ, dị maa sị wụ mẹ̀ eyi. 17Asị ẹhẹ aza ọhịmị vá wụ, ama wee hí angwa Ẹnẹyịmavara ịnị ụmẹ tụra ụmẹ. 18Wàa vavọọ aa mẹ̀ wẹ yị vaa sụ ụmayịyẹ. Ịrẹyị ana tụ ọ ẹwụrẹhị.
19Ozi emi, sị ụtọ pe mé, dị ụ wa nyị ịrẹyọyẹ ọnị ụ vaa sị mẹ̀ ẹhẹ awụ. 20Asị ụ zị ògù ohweche nịnị ọnịrị ọnọhọha nịnị. 21Ohweche ọnịrị ọnọhọha nịnị vị ene vee re osiye. Ọza ana ahịka ụkọrọ ịsọyịrị ọnịrị ara ọyị sụ kẹnẹ ọọ̄ mẹ̀ nị vị ọnị ịtaa anị bó hi ẹngụ. 22Wụ ịrẹyị ada awụ ana ma wụ, dị ụ waa tẹsị ọnyị awụ ịjị ọ̀ọ sị vịra. 23Asị ụ zẹ ka ịzẹyịza ọnịrị ịrẹyọyẹ ọ jị ụ ha, sị ụvọ za ịrẹyị ana a sị zụ wụ, dị eyi awụ o hweyi. 24Ozi àa mẹ̀ ebira ẹtẹẹrẹ ada anị vị anaa jẹ. Ọza ana ma ozi ana yẹ ịrẹyị vị ọnị ayị anị hine. 25Waa mẹ̀ ebira ana vaa sị ayị ada awụ ọnịrị ọnyị awụ hine. Ayị ọnyị awụ oo hine pooro. Ịrẹyị ana tụ ọ ẹwụrẹhịmba.
26Ozi emi, sị eyi pe mi, waa saasa ahụ ọnị mèe hu. 27Ọsẹrẹka vị ana sị mẹ̀ anka ịrẹpa odivi avọọ. Ayị ịbẹhị vị ana nyịnẹ anka ikangga ana nyịnẹ avọọ. 28Ẹnịnị vị eneē zi ọza anka anako nịnị avọọ. Ẹnịnị ẹ mẹ̀ ka asị anọrụ ọrụrụ-ọrụrụ mẹ ịzẹyịza ka ese ẹnịnị na nị. Ịrẹyị ana tụ ọ ẹwụrẹhịnta.
29Ẹnẹẹ̄ nyị ẹngụkata ụmẹ tụra ụmẹ? Ẹnẹ nyị ayodu? Ẹnaa zyaazị? Ẹnaa rị uhuhu? Ẹnẹẹ̄ tọ ụnava ọnị ẹ yị yẹ? Ẹnẹẹ̄ eyi anịị ee vi? 30Ọza eneē hu eche ahaahara, eneē hu eche irenyi-irenyi vabẹ. 31Sị eyi hụụnị eche èe vi, di e che mịnịmịnị, dị aa rọ china ịnị ọrọkọ awụ ẹngwọọrọ-ẹngwọọrọ nị. 32Ọ vavẹ ịrẹma anị vaa zàmà wụ anka ẹchịpa ẹ́wụ́ odivi, anka ụ̀hị̀ avọọ. 33Eche vị ana sị ohweche re ẹtẹ ọzọga-ọzọga, dị a ka ịsị ee tu ọ irenu kẹnẹ. 34Vị ọ sị mẹ̀ ẹ anka ọza anaa hụtụ ịnị akakana oku avọọ nị. Dị ọ sị mẹ anka ọza ana gẹnẹ oregerege ọchị ẹpinenyi avọọ nị. 35Ohweche kà, â nya mị ịsa ọ yị zị mị. Ê tú mị, mẹ yị hyakụ yẹ. Ịjị maa ha, di me ne hú eche ọsa kẹ.
Currently Selected:
Ụhịrẹyị 23: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ụhịrẹyị 23
23
Ịrẹyị ọhụhịnọnyị
1Ẹwụrị ọza ọbanyị aa rị ịsa, yẹ ụ mẹmẹ a rị ịsa o. 2Da ịrẹka awụ vẹ ẹtẹ wàa vị ọnị ịnẹ ọbanyị. 3Asị ụ ha ọhọha ịsa chomi-chomi ana a kụ hi ọvịdị awụ. Ịsa ẹnẹẹ vị ene e si vene wu.
Ịrẹyị ọhụhịmba
4Asị ụ wụ ẹngụ awụ tụra ịrẹsụ ẹkẹhị oyisì. Sị ịrẹyọyẹ va ahụ vị ịrẹma. 5Ẹkẹhị ọ zụ ta ịnị abọnya-abọnya. Ẹkẹhị vị onozwọọhịmị. Óo hira anka inomi anaā hị́ ọkasịmẹ avọọ nị.
Ịrẹyị ọhụhịnta
6Asị ụ rị ịsa eneyiche. Asị eyi awụ ya ịnị ịsa ozoza anị. 7Eneyiche àaa hị́ wụ ka wa va rị ịsa, ẹ yị sị ayị ọnyara hị́ wụ. Ịsị ẹ ya ịnị ayị anị vị irenyi. 8Ịsa ọnị wa rị ịzọọ vị ọnị ụ vaa hẹrẹ, dị avọ ọnị ụ kụ ọ vị ịhị kẹnẹ.
Ịrẹyị ọhụhịịna
9Asị ụ ka ịrẹyị yị ọnụra agụvị ka eyi anị e yi hweyi tu ịrẹyị ọnị waa ka.
Ịrẹyị ana gụ ọ ẹẹwụ
10Asị ụ tụ̀ ịsa ọnị ohiku sị tọ ẹtẹ ẹhwị, dị asị ụ dọ ezi-oku nịnị ẹtẹ. 11Ẹnẹyịmavara ọ vị ọnụkata anaa vụ̀ ịrẹvụ ẹnịnị nị. Ọ vaa jẹẹ yị wa.
Ịrẹyị ẹwụrọnya
12Sị ayị tụ ịrẹyị ana aa ka yị wụ, dị ụ wa sị ụtọ pe ịrẹyị ịrẹyọyẹ ọnị waa wụ́.
Ịrẹyị ẹwụrẹva
13Asị ụ yi ka wẹ yị pa ozi ewu, inori ene e tu ozi ọ mā wụ ọ. 14Wee tụ́ ọ, ẹhẹ anị u tenyi yị ọ nị. Ịrẹyị ẹwụrẹna.
15Ozi emi, wàa yẹ ịrẹyị ayị amị vị ene e hine ẹtẹẹtẹrẹ. 16Waa ka ịrẹyọyẹ, dị maa sị wụ mẹ̀ eyi. 17Asị ẹhẹ aza ọhịmị vá wụ, ama wee hí angwa Ẹnẹyịmavara ịnị ụmẹ tụra ụmẹ. 18Wàa vavọọ aa mẹ̀ wẹ yị vaa sụ ụmayịyẹ. Ịrẹyị ana tụ ọ ẹwụrẹhị.
19Ozi emi, sị ụtọ pe mé, dị ụ wa nyị ịrẹyọyẹ ọnị ụ vaa sị mẹ̀ ẹhẹ awụ. 20Asị ụ zị ògù ohweche nịnị ọnịrị ọnọhọha nịnị. 21Ohweche ọnịrị ọnọhọha nịnị vị ene vee re osiye. Ọza ana ahịka ụkọrọ ịsọyịrị ọnịrị ara ọyị sụ kẹnẹ ọọ̄ mẹ̀ nị vị ọnị ịtaa anị bó hi ẹngụ. 22Wụ ịrẹyị ada awụ ana ma wụ, dị ụ waa tẹsị ọnyị awụ ịjị ọ̀ọ sị vịra. 23Asị ụ zẹ ka ịzẹyịza ọnịrị ịrẹyọyẹ ọ jị ụ ha, sị ụvọ za ịrẹyị ana a sị zụ wụ, dị eyi awụ o hweyi. 24Ozi àa mẹ̀ ebira ẹtẹẹrẹ ada anị vị anaa jẹ. Ọza ana ma ozi ana yẹ ịrẹyị vị ọnị ayị anị hine. 25Waa mẹ̀ ebira ana vaa sị ayị ada awụ ọnịrị ọnyị awụ hine. Ayị ọnyị awụ oo hine pooro. Ịrẹyị ana tụ ọ ẹwụrẹhịmba.
26Ozi emi, sị eyi pe mi, waa saasa ahụ ọnị mèe hu. 27Ọsẹrẹka vị ana sị mẹ̀ anka ịrẹpa odivi avọọ. Ayị ịbẹhị vị ana nyịnẹ anka ikangga ana nyịnẹ avọọ. 28Ẹnịnị vị eneē zi ọza anka anako nịnị avọọ. Ẹnịnị ẹ mẹ̀ ka asị anọrụ ọrụrụ-ọrụrụ mẹ ịzẹyịza ka ese ẹnịnị na nị. Ịrẹyị ana tụ ọ ẹwụrẹhịnta.
29Ẹnẹẹ̄ nyị ẹngụkata ụmẹ tụra ụmẹ? Ẹnẹ nyị ayodu? Ẹnaa zyaazị? Ẹnaa rị uhuhu? Ẹnẹẹ̄ tọ ụnava ọnị ẹ yị yẹ? Ẹnẹẹ̄ eyi anịị ee vi? 30Ọza eneē hu eche ahaahara, eneē hu eche irenyi-irenyi vabẹ. 31Sị eyi hụụnị eche èe vi, di e che mịnịmịnị, dị aa rọ china ịnị ọrọkọ awụ ẹngwọọrọ-ẹngwọọrọ nị. 32Ọ vavẹ ịrẹma anị vaa zàmà wụ anka ẹchịpa ẹ́wụ́ odivi, anka ụ̀hị̀ avọọ. 33Eche vị ana sị ohweche re ẹtẹ ọzọga-ọzọga, dị a ka ịsị ee tu ọ irenu kẹnẹ. 34Vị ọ sị mẹ̀ ẹ anka ọza anaa hụtụ ịnị akakana oku avọọ nị. Dị ọ sị mẹ anka ọza ana gẹnẹ oregerege ọchị ẹpinenyi avọọ nị. 35Ohweche kà, â nya mị ịsa ọ yị zị mị. Ê tú mị, mẹ yị hyakụ yẹ. Ịjị maa ha, di me ne hú eche ọsa kẹ.
Ebira First Bible © Bible Society of Nigeria, 2014.