Ụhịrẹyị 2
2
Aha ana yà ịnị ịrẹyọyẹ
1Ozi emi, si ụtọ pe ịrẹyị ọnị mị kà yị wụ. Asị ụ hi ayị anị. 2Sị ụtọ pe ịrẹyọyẹ, dị wa yẹ ịrẹyị. 3Họ̀ use ịrẹyọyẹ, dị ụ wa pa ka eyi awụ o hweyi. 4Waa dụ ka wa nyị ịrẹyọyẹ anka u mee si ẹkẹhị a vị ogu avọọ. 5Ịjọnọọ ụ́ vaa yẹ Ẹnẹyịmavara dị wee hí angwa anị nị. 6Ẹnẹyịmavara ọọ̄ mẹ̀ ka ọza ọ yẹ ịrẹyị, dị ọ nyị eyohweyi nị. 7Ẹnẹyịmavara e sere ọnịzẹyịza, dị ọ raa gụ wa ụvọ nị. 8Ọnị ee sere aza anị ana a mẹ̀ ịzẹyịza ka azaa na nị. Ọnị ee sere aza anaa saasa ịrẹyị anị nị. 9Wàa wụ́ ịrẹyị Ẹnẹyịmavara, ụ vaa yẹ ịsị ẹ vọrọ, dị waa mẹ ịzẹyịza, dị waa mẹ̀ ebira ozoza. 10Ụ vaa yẹ ịrẹyị, dị ayị awụ e hine. 11Ịrẹyọyẹ vee sere wu, dị eyohweyi awụ aa dọ wụụ tụ́.
Sị ẹtẹ tịtẹ yị aza edivi
12Ịrẹyọyẹ vị anaā dọ ọzaa há hụụnị ebira odivi. Ọọ̄ mẹ ka ọza o noze hi enevene nịnị, 13ene reè ne ịzẹyịza ta naa ra ẹhẹ odivi. 14Ebira odivi ve eneē hine wa, dị ẹ yaa jẹ ịnị udivi ẹnịnị. 15Ẹnịnị ẹ yị nyị ịzẹyịza. Ọza ẹ yị zụ sị ayị tụra wa.
Ịrẹyọyẹ ọnịrị ịrẹkọyịsẹ
16Ịrẹyọyẹ ọ zụ mẹ ka ọza ọ há hụụnị evene ọsẹrẹka nị. 17Ọsẹrẹka vị ana hụrẹ ọva anị ụvọ agụvị ka ọ raà sị ayị hụụnị eku ọnị ọnịrị ọva anị hị́ yị ẹngụ. 18Ọza anaa nọ ịdị anị vị ana sị ẹhẹ anị mẹ usu ẹyịza. Ẹngụ ọza ọnọọ vị ana sị ẹhẹ anịị pe usu mẹ aahẹ. 19Ọza anaa nọ ịdị anị ẹ yị vaa há, ẹhẹ anị ọ yị vaa nọ orubo. 20Agụvị avọọ, saasa ebira aza ana aa ra ẹhẹ ozoza, dị waa sị ịzẹyịza ra ẹhẹ awụ. 21Ka ọnịzẹyịza ọ̀ vaa mẹ ẹhẹ nị. Ọnị aa ra ịnị ẹhẹ nị. 22Ama Ohomorihi vị ene vee vu aza ana mẹ̀ ebira edivi ẹtẹ hụụnị ẹhẹ. Ọ́ vaa kụ wa hụrẹ ẹtẹ anka a mee hu avịị hụrẹ ẹtẹ avọọ nị.
Currently Selected:
Ụhịrẹyị 2: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ụhịrẹyị 2
2
Aha ana yà ịnị ịrẹyọyẹ
1Ozi emi, si ụtọ pe ịrẹyị ọnị mị kà yị wụ. Asị ụ hi ayị anị. 2Sị ụtọ pe ịrẹyọyẹ, dị wa yẹ ịrẹyị. 3Họ̀ use ịrẹyọyẹ, dị ụ wa pa ka eyi awụ o hweyi. 4Waa dụ ka wa nyị ịrẹyọyẹ anka u mee si ẹkẹhị a vị ogu avọọ. 5Ịjọnọọ ụ́ vaa yẹ Ẹnẹyịmavara dị wee hí angwa anị nị. 6Ẹnẹyịmavara ọọ̄ mẹ̀ ka ọza ọ yẹ ịrẹyị, dị ọ nyị eyohweyi nị. 7Ẹnẹyịmavara e sere ọnịzẹyịza, dị ọ raa gụ wa ụvọ nị. 8Ọnị ee sere aza anị ana a mẹ̀ ịzẹyịza ka azaa na nị. Ọnị ee sere aza anaa saasa ịrẹyị anị nị. 9Wàa wụ́ ịrẹyị Ẹnẹyịmavara, ụ vaa yẹ ịsị ẹ vọrọ, dị waa mẹ ịzẹyịza, dị waa mẹ̀ ebira ozoza. 10Ụ vaa yẹ ịrẹyị, dị ayị awụ e hine. 11Ịrẹyọyẹ vee sere wu, dị eyohweyi awụ aa dọ wụụ tụ́.
Sị ẹtẹ tịtẹ yị aza edivi
12Ịrẹyọyẹ vị anaā dọ ọzaa há hụụnị ebira odivi. Ọọ̄ mẹ ka ọza o noze hi enevene nịnị, 13ene reè ne ịzẹyịza ta naa ra ẹhẹ odivi. 14Ebira odivi ve eneē hine wa, dị ẹ yaa jẹ ịnị udivi ẹnịnị. 15Ẹnịnị ẹ yị nyị ịzẹyịza. Ọza ẹ yị zụ sị ayị tụra wa.
Ịrẹyọyẹ ọnịrị ịrẹkọyịsẹ
16Ịrẹyọyẹ ọ zụ mẹ ka ọza ọ há hụụnị evene ọsẹrẹka nị. 17Ọsẹrẹka vị ana hụrẹ ọva anị ụvọ agụvị ka ọ raà sị ayị hụụnị eku ọnị ọnịrị ọva anị hị́ yị ẹngụ. 18Ọza anaa nọ ịdị anị vị ana sị ẹhẹ anị mẹ usu ẹyịza. Ẹngụ ọza ọnọọ vị ana sị ẹhẹ anịị pe usu mẹ aahẹ. 19Ọza anaa nọ ịdị anị ẹ yị vaa há, ẹhẹ anị ọ yị vaa nọ orubo. 20Agụvị avọọ, saasa ebira aza ana aa ra ẹhẹ ozoza, dị waa sị ịzẹyịza ra ẹhẹ awụ. 21Ka ọnịzẹyịza ọ̀ vaa mẹ ẹhẹ nị. Ọnị aa ra ịnị ẹhẹ nị. 22Ama Ohomorihi vị ene vee vu aza ana mẹ̀ ebira edivi ẹtẹ hụụnị ẹhẹ. Ọ́ vaa kụ wa hụrẹ ẹtẹ anka a mee hu avịị hụrẹ ẹtẹ avọọ nị.
Ebira First Bible © Bible Society of Nigeria, 2014.