Ụhịrẹyị 18
18
Ịrẹyị anaa kọ hụụnị ịrẹyọyẹ
1Wee re ka aza ẹ yà dị ẹnị rị aza ana vọ ẹ yị ma zụ mẹ uzee nị, ịrẹyị ẹngụ ẹnịnị kẹnẹ ọọ jị wa areyi nị. Ẹnịnị ẹ mā dọ yị ịsị aza ana vọ ka a ka ọ gẹ. 2Ọnụra e mē si ka ọnị ọ yẹ ịsị a na ịnị ịrẹyị, aanị kẹnẹ ọ vị ka ọnị ò tụ́ ohi anị nị. 3Ebira odivi vị anaā mẹ̀ ụhị nyị ọza. Ọza ọ̀ọ sị ụbanyị anị ne ta, vị a kụkụ sị ọ mẹ enyinyi nị. 4Ịrẹyị irenu ọza ọ zụ zụ ọza ịrẹyọyẹ; ịrẹyị ọnọọ ọ zụ nyịnẹ anka oku, dị o hunẹnẹ anka enyi ịnị okuha enee si. 5Ẹ yị vọrọ ka ọmọkarẹyị ọ̀ jị ịhị yị ọza odivi, dị ọ jị ịvị yị ọnịzẹyịza. 6Ịrẹyị irenu ọnụra vị anaā chị ịraazị, ịrẹyị ọnị ọza sị dọ arụhwọtọ ọ kà nị. 7Irenu ọnụra ọọ̄ wụ ọ nị. Ịrẹyị irenu anị vị ọnị ọọ̄ sịị va ịrẹpa za ẹngụ anị. 8Ịrẹyị ịrẹma ọza ọyị kà a hine ẹtẹẹtẹrẹ; aza hụra si ka ẹnị ẹ̀ wụ ọ. 9Onuworo ọnịrị ọza enee du ịsa ha, ẹyị jị ẹngụ nyee. 10Ịrẹha Ẹnẹyịmavara vị ana sị mẹẹ aha ọyị tẹ, ọnịzẹyịza òo zwe nị ịzọọ ọ sị ha. 11Ọnyẹkẹhị nịnị vị eneē rò ka ogu ẹnịnị ọ zụ sere ẹnị anka ọvọ ana jị kara ẹkụra avọọ. 12Ọza ana ka ẹngụ anị chi ọọ̄ nyị ụbanyị nị, ọza ọ̀ọ sị nyima àa sị ẹngụ tụ ẹba à vaa mẹ̀ ụhị nyị ẹngụ anị. 13Jẹẹ wa wụ ịzẹyịza ịrẹyị da, dị we vee tụ́ ohi, ẹ yị vavọọ ụ va sị ụra mẹ dị ọ vị ụhị yị wụ. 14Ẹngụ aa zị ọza dị ọ sị tụ́ ọtụtụrụma nị, e yi vee su ama ọza ana ka ọnị ọ rẹ zụ, ọnị òo horo yị nị. 15Aza ana yẹ ịrẹyị vị eneē sì ka ẹnị ẹ̀ẹ wụ́ ịrẹyị ịrẹyọyẹ dị ẹnị ẹ̀ẹ kọsẹ. 16Ọza anaa mẹ ẹyịza vị ọnị oze tụ yị na ngụ ọvịdị aza ọkọọka. 17Ọza anaa vịdị kụ ịrẹka ịnị ikootu vị enee rò o ka ọnị ọ rị ịhị nị, ẹ yị vị ịjị ọnịrẹyị anị òo nyima àa họ̀ use ịrẹyị. 18Aza ọkatẹngụ ẹẹva ẹ̀ẹ nyị ịrẹyị dị ẹ yaa nyị ahankata ịnị ikootu nị, ịrẹyị ọnọọ ẹ yị ta ẹ̀ẹ vị ene re tụ ọ. 19Wàa mẹ ọgụvọ yị ọnọhụva awụ, ó vee sere wụ anka ọvọ ana jị kara ẹkụra avọọ nị. Ama ịrazị vị anaa ha azaa hi anka oze ovwoovu ana sị enyusẹ chire avọọ. 20Wàa ka irenu awụ ọ ma tịtẹ, ịsị ẹ jịnẹ vẹ ịnị anị dị ụ sị ẹngụ dọ. 21Ịrẹyị irenu ọza ọ nyị ụkata ọyị mẹ ka ọza ọ yara, dị ọ rẹ zụ wụ̀ ọza nị. Agụvị avọọ wàa ka irenu awụ ọ ma tịtẹ, ịsị ẹ̀ẹ jịnẹ vẹ ịnị anị dị ụ sị ẹngụ dọ. 22Ọza ọ jịrị ọnẹẹ nyị ọ́ sị ịsị ozoza hee. Ẹnẹyịmavara ọ da sì ịrẹyị anị kẹnẹ. 23Oniruwa vị anaa sị ịrẹyị anị tụ ịpẹ, ama opisa vị anaa kà kẹnẹ-kẹnẹ. 24Aza ẹnyị vị eneē vene ẹngụ ka ọta ẹnị vị nị ama a nyị ọta ẹnyị ana gụrị ẹngụ huna ẹyịnyara.
Currently Selected:
Ụhịrẹyị 18: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ụhịrẹyị 18
18
Ịrẹyị anaa kọ hụụnị ịrẹyọyẹ
1Wee re ka aza ẹ yà dị ẹnị rị aza ana vọ ẹ yị ma zụ mẹ uzee nị, ịrẹyị ẹngụ ẹnịnị kẹnẹ ọọ jị wa areyi nị. Ẹnịnị ẹ mā dọ yị ịsị aza ana vọ ka a ka ọ gẹ. 2Ọnụra e mē si ka ọnị ọ yẹ ịsị a na ịnị ịrẹyị, aanị kẹnẹ ọ vị ka ọnị ò tụ́ ohi anị nị. 3Ebira odivi vị anaā mẹ̀ ụhị nyị ọza. Ọza ọ̀ọ sị ụbanyị anị ne ta, vị a kụkụ sị ọ mẹ enyinyi nị. 4Ịrẹyị irenu ọza ọ zụ zụ ọza ịrẹyọyẹ; ịrẹyị ọnọọ ọ zụ nyịnẹ anka oku, dị o hunẹnẹ anka enyi ịnị okuha enee si. 5Ẹ yị vọrọ ka ọmọkarẹyị ọ̀ jị ịhị yị ọza odivi, dị ọ jị ịvị yị ọnịzẹyịza. 6Ịrẹyị irenu ọnụra vị anaā chị ịraazị, ịrẹyị ọnị ọza sị dọ arụhwọtọ ọ kà nị. 7Irenu ọnụra ọọ̄ wụ ọ nị. Ịrẹyị irenu anị vị ọnị ọọ̄ sịị va ịrẹpa za ẹngụ anị. 8Ịrẹyị ịrẹma ọza ọyị kà a hine ẹtẹẹtẹrẹ; aza hụra si ka ẹnị ẹ̀ wụ ọ. 9Onuworo ọnịrị ọza enee du ịsa ha, ẹyị jị ẹngụ nyee. 10Ịrẹha Ẹnẹyịmavara vị ana sị mẹẹ aha ọyị tẹ, ọnịzẹyịza òo zwe nị ịzọọ ọ sị ha. 11Ọnyẹkẹhị nịnị vị eneē rò ka ogu ẹnịnị ọ zụ sere ẹnị anka ọvọ ana jị kara ẹkụra avọọ. 12Ọza ana ka ẹngụ anị chi ọọ̄ nyị ụbanyị nị, ọza ọ̀ọ sị nyima àa sị ẹngụ tụ ẹba à vaa mẹ̀ ụhị nyị ẹngụ anị. 13Jẹẹ wa wụ ịzẹyịza ịrẹyị da, dị we vee tụ́ ohi, ẹ yị vavọọ ụ va sị ụra mẹ dị ọ vị ụhị yị wụ. 14Ẹngụ aa zị ọza dị ọ sị tụ́ ọtụtụrụma nị, e yi vee su ama ọza ana ka ọnị ọ rẹ zụ, ọnị òo horo yị nị. 15Aza ana yẹ ịrẹyị vị eneē sì ka ẹnị ẹ̀ẹ wụ́ ịrẹyị ịrẹyọyẹ dị ẹnị ẹ̀ẹ kọsẹ. 16Ọza anaa mẹ ẹyịza vị ọnị oze tụ yị na ngụ ọvịdị aza ọkọọka. 17Ọza anaa vịdị kụ ịrẹka ịnị ikootu vị enee rò o ka ọnị ọ rị ịhị nị, ẹ yị vị ịjị ọnịrẹyị anị òo nyima àa họ̀ use ịrẹyị. 18Aza ọkatẹngụ ẹẹva ẹ̀ẹ nyị ịrẹyị dị ẹ yaa nyị ahankata ịnị ikootu nị, ịrẹyị ọnọọ ẹ yị ta ẹ̀ẹ vị ene re tụ ọ. 19Wàa mẹ ọgụvọ yị ọnọhụva awụ, ó vee sere wụ anka ọvọ ana jị kara ẹkụra avọọ nị. Ama ịrazị vị anaa ha azaa hi anka oze ovwoovu ana sị enyusẹ chire avọọ. 20Wàa ka irenu awụ ọ ma tịtẹ, ịsị ẹ jịnẹ vẹ ịnị anị dị ụ sị ẹngụ dọ. 21Ịrẹyị irenu ọza ọ nyị ụkata ọyị mẹ ka ọza ọ yara, dị ọ rẹ zụ wụ̀ ọza nị. Agụvị avọọ wàa ka irenu awụ ọ ma tịtẹ, ịsị ẹ̀ẹ jịnẹ vẹ ịnị anị dị ụ sị ẹngụ dọ. 22Ọza ọ jịrị ọnẹẹ nyị ọ́ sị ịsị ozoza hee. Ẹnẹyịmavara ọ da sì ịrẹyị anị kẹnẹ. 23Oniruwa vị anaa sị ịrẹyị anị tụ ịpẹ, ama opisa vị anaa kà kẹnẹ-kẹnẹ. 24Aza ẹnyị vị eneē vene ẹngụ ka ọta ẹnị vị nị ama a nyị ọta ẹnyị ana gụrị ẹngụ huna ẹyịnyara.
Ebira First Bible © Bible Society of Nigeria, 2014.