Ụhịrẹyị 16
16
Ẹ́nẹyịmavara ọ vaa gẹ nị
1Ọyịkà vị ọza, ama ọyịmẹ̀ vị Ẹnẹyịmavara. 2Avaba ịsa ọnị ọzaā mẹ vị ọnị o rò ka ọ̀ vọrọ, ama Ẹnẹyịmavara e re ayị ọza nị. 3Sị ịsị wàa mẹ̀ chire Ẹnẹyịmavara ụvọ, dị ọ zụ vị mẹ̀. 4Ẹnẹyịmavara ọ nyị iruvo ọnị ọ sị mẹ̀ ịsavịsavị. Ụya vị ene ku e zi ọza odivi. 5Ẹnẹyịmavara ọ nyị ịhyẹrẹ ọza anaā sịị ẹngụ anị tụ ẹba. Ọ yị vaa zẹ ka ọ mẹ̀ ẹ sị rị. 6Ọza eneē hí angwa Ẹnẹyịmavara vi ene zwe yi ebira odivi. Ohomorihi vaa vagu ebira odivi ẹngụ ọza ọnọọ agụvị ka o sì ịrẹyị anị, dị ọ wụ́ chire e nị. 7Ọza ọ̀ọ mẹ̀ ebira ana ngụ Ẹnẹyịmavara eyi, dị ọ mẹ̀ ka ọnịrị ọnịvị nịnị e zee. 8Ịsa chee ọnị ọza sị ẹhị anị si ọ mẹ̀ hu ẹkẹhị ọdẹngụ ọnị ọza sị asuvu nyị nị. 9Ọyịkà vị ọza, ọyịmẹ̀ vị Ẹnẹyịmavara. 10Ẹnẹyịmavara ọọ̄ sị ịrẹyị yị ohinọyị ka, dị asị ọ mẹ̀ ọkarẹyị akụvị nị. 11Ẹnẹyịmavara ò si ka osohu ọ̀ sị ẹnya ana vọrọ mọ ịsa yị ọza, dị ọọ̄ ná a ẹhwị ẹkẹhị anị. 12Ohinọyị vị ana vọrọ ka ọ nyị ịhyẹrẹ ebira odivi agụvị ka ịzẹyịza ọ sị ụkata yị ohinọyị nị. 13Ohinọyị vị eneē sì ịrẹyị ọza anaā ka ịzẹyịza. Ayị anị vị eneē hine tu ẹngụ ọza ọnọọ. 14Ọza ana yẹ ịrẹyị vị ana sị ayị ohinọyị nẹtẹ agụvị ka ọ nyayịnẹ wụ̀ ọza ayị ọ̀ọ kụ ọ. 15Ayị ohinọyị òo hine, aza anịị mẹ ẹngwọọrọ nị. Oyisì ọnị ọ nyị yị aza anị sị mẹ anka eguhi anaa zụ orihi ị̀rẹ̀sụ̀ avọọ nị. 16Ọza ọ nyị ịrẹyọyẹ o zoza huni ka ọza ọ nyị ẹkẹhị nị. 17Ọza ọyịza vị ene zwe yi odivi, ọza ana sị ụvọ za ẹngụ anị vị anaa dọ ẹngụ anị tụ́. 18Ụhị ọọ̄ nyị ọza anaā sịị ẹngụ tụ ẹba nị. Ịrẹsụ ọyị sị tụ́ ẹba vị anaā va ọza nẹtẹ. 19Ó vi ene zoza ka ọza ọ sị ịrẹsụ nẹtẹ beri onosiye nịnị hụụnị ka ọnịrị aza ana sị ẹngụ tụ ẹba ẹẹ sị ụkata dọ ogu aza mẹ̀ ẹnịnị nị. 20Wụ ịrẹyị ana a ka yị wụ agụvị o zee yị wụ. Sị ayị tụra Ẹnẹyịmavara dị ayị awụ ọ hine. 21Ịrẹyị ọyị yara ka vị anaa sị ịrẹyọyẹ zụ. Ẹngụ ịrẹyị ọnọọ vị anaā dọ ọza ayị. 22Ịrẹyọyẹ sị mẹ anka oswe yị ọza ana yẹ ịrẹyị avọọ nị. Ọza anaa sị vụrị ka ọnị ọ pa ọnụra venee du ụmẹ anị ha kẹnẹ. 23Ọza ana yẹ ịrẹyị vene rò ịrẹyị dị ọ vaa ka a. Ịrẹyị anị vị ana ngụ ọza ẹngụ. 24Ịrẹyị ozoza vị ene hine ọza anka ẹhụ avọọ. Ọ́ sị ọza ayị nẹtẹ, dị ọ rọ tụ ọza ẹngụ nị. 25#Ụhị 14.12Ọza ọ̀ọ nyẹngụ e rò ka oze anị ọ gẹ nị ama dị ahịka ọ sị ọ ne vu nị. 26Ọza eneē si ịsa vị anaā mẹ dị o re. Ọza ọnị ụngwẹ aa kụ vị anaā mẹ̀ dị ọ rị. 27Aza ọhịmị vị eneē si oze oyi du ọza; ịrẹyị irenu ẹnịnị rị ọza anka ịra avọọ nị. 28Aza ọhịmị vị anaā kụ ọza ịrẹsụ nya ẹngụ; ẹ́ẹ sị ireche jị ụna ọọtọta ana sị ayị yị ẹngụ nị. 29Ọza anaā zyaazị vị eneē tura ọnọhụva anị na ngụ ịrẹyị. 30Ọza anaā zị oze ịrẹma sị eyi tụ́ ịrẹyị ọ nyị aro ọhịmị tụ́ ịnị ayị anị. 31Ẹwa vị ụbanyị yị ọza ene bo tu ọ; aha ọ vị ka ọza ọ ra ẹhẹ ọyịza nị. 32Ọza ọnị ayị anị nẹtẹ o huna ọza ana nyị ụkata nị; ọza ana zụ sị ụvọ za ẹngụ anị o huni ọza ana nyị avaba ẹkụra nị. 33Yaa nyẹngụ ee rò aayị ama ịsị ẹ vaa mẹ vị ana ya ịnị ụvọ Ẹnẹyịmavara.
Currently Selected:
Ụhịrẹyị 16: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ụhịrẹyị 16
16
Ẹ́nẹyịmavara ọ vaa gẹ nị
1Ọyịkà vị ọza, ama ọyịmẹ̀ vị Ẹnẹyịmavara. 2Avaba ịsa ọnị ọzaā mẹ vị ọnị o rò ka ọ̀ vọrọ, ama Ẹnẹyịmavara e re ayị ọza nị. 3Sị ịsị wàa mẹ̀ chire Ẹnẹyịmavara ụvọ, dị ọ zụ vị mẹ̀. 4Ẹnẹyịmavara ọ nyị iruvo ọnị ọ sị mẹ̀ ịsavịsavị. Ụya vị ene ku e zi ọza odivi. 5Ẹnẹyịmavara ọ nyị ịhyẹrẹ ọza anaā sịị ẹngụ anị tụ ẹba. Ọ yị vaa zẹ ka ọ mẹ̀ ẹ sị rị. 6Ọza eneē hí angwa Ẹnẹyịmavara vi ene zwe yi ebira odivi. Ohomorihi vaa vagu ebira odivi ẹngụ ọza ọnọọ agụvị ka o sì ịrẹyị anị, dị ọ wụ́ chire e nị. 7Ọza ọ̀ọ mẹ̀ ebira ana ngụ Ẹnẹyịmavara eyi, dị ọ mẹ̀ ka ọnịrị ọnịvị nịnị e zee. 8Ịsa chee ọnị ọza sị ẹhị anị si ọ mẹ̀ hu ẹkẹhị ọdẹngụ ọnị ọza sị asuvu nyị nị. 9Ọyịkà vị ọza, ọyịmẹ̀ vị Ẹnẹyịmavara. 10Ẹnẹyịmavara ọọ̄ sị ịrẹyị yị ohinọyị ka, dị asị ọ mẹ̀ ọkarẹyị akụvị nị. 11Ẹnẹyịmavara ò si ka osohu ọ̀ sị ẹnya ana vọrọ mọ ịsa yị ọza, dị ọọ̄ ná a ẹhwị ẹkẹhị anị. 12Ohinọyị vị ana vọrọ ka ọ nyị ịhyẹrẹ ebira odivi agụvị ka ịzẹyịza ọ sị ụkata yị ohinọyị nị. 13Ohinọyị vị eneē sì ịrẹyị ọza anaā ka ịzẹyịza. Ayị anị vị eneē hine tu ẹngụ ọza ọnọọ. 14Ọza ana yẹ ịrẹyị vị ana sị ayị ohinọyị nẹtẹ agụvị ka ọ nyayịnẹ wụ̀ ọza ayị ọ̀ọ kụ ọ. 15Ayị ohinọyị òo hine, aza anịị mẹ ẹngwọọrọ nị. Oyisì ọnị ọ nyị yị aza anị sị mẹ anka eguhi anaa zụ orihi ị̀rẹ̀sụ̀ avọọ nị. 16Ọza ọ nyị ịrẹyọyẹ o zoza huni ka ọza ọ nyị ẹkẹhị nị. 17Ọza ọyịza vị ene zwe yi odivi, ọza ana sị ụvọ za ẹngụ anị vị anaa dọ ẹngụ anị tụ́. 18Ụhị ọọ̄ nyị ọza anaā sịị ẹngụ tụ ẹba nị. Ịrẹsụ ọyị sị tụ́ ẹba vị anaā va ọza nẹtẹ. 19Ó vi ene zoza ka ọza ọ sị ịrẹsụ nẹtẹ beri onosiye nịnị hụụnị ka ọnịrị aza ana sị ẹngụ tụ ẹba ẹẹ sị ụkata dọ ogu aza mẹ̀ ẹnịnị nị. 20Wụ ịrẹyị ana a ka yị wụ agụvị o zee yị wụ. Sị ayị tụra Ẹnẹyịmavara dị ayị awụ ọ hine. 21Ịrẹyị ọyị yara ka vị anaa sị ịrẹyọyẹ zụ. Ẹngụ ịrẹyị ọnọọ vị anaā dọ ọza ayị. 22Ịrẹyọyẹ sị mẹ anka oswe yị ọza ana yẹ ịrẹyị avọọ nị. Ọza anaa sị vụrị ka ọnị ọ pa ọnụra venee du ụmẹ anị ha kẹnẹ. 23Ọza ana yẹ ịrẹyị vene rò ịrẹyị dị ọ vaa ka a. Ịrẹyị anị vị ana ngụ ọza ẹngụ. 24Ịrẹyị ozoza vị ene hine ọza anka ẹhụ avọọ. Ọ́ sị ọza ayị nẹtẹ, dị ọ rọ tụ ọza ẹngụ nị. 25#Ụhị 14.12Ọza ọ̀ọ nyẹngụ e rò ka oze anị ọ gẹ nị ama dị ahịka ọ sị ọ ne vu nị. 26Ọza eneē si ịsa vị anaā mẹ dị o re. Ọza ọnị ụngwẹ aa kụ vị anaā mẹ̀ dị ọ rị. 27Aza ọhịmị vị eneē si oze oyi du ọza; ịrẹyị irenu ẹnịnị rị ọza anka ịra avọọ nị. 28Aza ọhịmị vị anaā kụ ọza ịrẹsụ nya ẹngụ; ẹ́ẹ sị ireche jị ụna ọọtọta ana sị ayị yị ẹngụ nị. 29Ọza anaā zyaazị vị eneē tura ọnọhụva anị na ngụ ịrẹyị. 30Ọza anaā zị oze ịrẹma sị eyi tụ́ ịrẹyị ọ nyị aro ọhịmị tụ́ ịnị ayị anị. 31Ẹwa vị ụbanyị yị ọza ene bo tu ọ; aha ọ vị ka ọza ọ ra ẹhẹ ọyịza nị. 32Ọza ọnị ayị anị nẹtẹ o huna ọza ana nyị ụkata nị; ọza ana zụ sị ụvọ za ẹngụ anị o huni ọza ana nyị avaba ẹkụra nị. 33Yaa nyẹngụ ee rò aayị ama ịsị ẹ vaa mẹ vị ana ya ịnị ụvọ Ẹnẹyịmavara.
Ebira First Bible © Bible Society of Nigeria, 2014.