Anihwiripi ỌYỊSỊZỤ
ỌYỊSỊZỤ
Iwe Anihwiripi vị ọnị Ịpọọrụ chẹrẹ tụ́ hi ịragụ Ohomorihi ịpaapa ọnị Ịpọọrụ si hi ẹtẹ ịnị ẹtẹ Imasedoniya. Ẹtẹ Ihwiripi vị ana ya ịnị ẹtẹ Imasedoniya, dị ahịka Aniroomi nịnị aa mẹ ịjọvaa tụra wa ịrẹsụ. Ịrẹta ọnọnị vị ọnị Ịpọọrụ chẹrẹ ọ́ mẹ̀ ya ịnị ẹngwa. Ụmẹ ọnọọ anụkọrọ evere Ikirisiti ana vọ ệ kwẹẹtẹ tu Ịpọọrụ. Dị ịrẹyị ireche ẹnẹ ẹyaa zụ aza ịnị ịragụ Ohomorihi ana yà Ihwiripi rẹ vị ẹngụkata yị Ịpọọrụ ụmẹ ọnọọ nị. Ama, â nyị ayohine ọnị ayọnẹtẹ ọnị ịrẹta ọnọnị sị zụ ana ahịka ẹdọwụ obooro ọnị Ịpọọrụ dọ Ijeesu Ikirisiti wụ kẹnẹ ọ zụ kà iruvo anị nị. Ịsị Ịpọọrụ hụvị anị chẹrẹ ịrẹta ọnọnị ọ vị ka ọ̀ sị kụ́ ọdọwụ Anihwiripi nịnị avọ yị ịsa ẹnẹ si tụ́ hi ọ ụmẹ ẹnẹ ẹ̀ yị kụkụ nyị ịsa nị. Ộ sị ụmẹ ọnọnị varẹma hú wa ụvọ, agụvị ẹnịnị ẹ̀ zụ nyị ọtụtụrụma ọnịrị ayọnẹtẹ tụ ịnị ụya ọnị aa rị, dị ẹnị raa rị bẹẹ. Ộ dá ịpẹ yị wa ka ẹ̀ nyị ẹngụ ayị oni Ijeesu nyị, dị ọ ka ẹngụ anị chi. Ama asị ẹ na dụ ịrẹyị ẹngụ ẹnịnị kẹnẹ dị asị ẹ rẹ sị ẹngụ ẹnịnị tụ ẹba. Ộ tama wa ayị ka ẹhẹ ẹnịnị ẹnịrị Ijeesu mẹ sị vị ọnya aanị vị ọnị Ohomorihi zị oze ẹyịza ọọhẹ anị sị mẹ wa ẹyịza. Dị ẹnịnị sị ẹdọwụ dọ ẹhẹ ọnọọ nị. Ẹ yị vị agụvị ka ẹyaa saasa ọda Aniju nịnị ẹ sị dọ ọ. Ộ rẹ chẹrẹ ịsa tụ́ hi wa ịnị oze ayohine ọnịrị ẹngwọọrọ oni Ohomorihi sịị yị ọza ọnị ọnịrị Ijeesu sị vị ọnya. Ịrẹyị ọnị Ịpọọrụ huvọ tụ́ ịnị ịrẹta ọnọnị ẹ vị ịrẹyị ayohine, ayọnẹtẹ, ẹvabẹ, ọnịrị ọyịsẹngụdọ ịnẹ ẹhẹ ọdọwụ. Ịrẹta ọnọnị ộ rẹ sị zụ ịzị Ịpọọrụ sì ịrẹyị ịragụ Ohomorihi ana yà Ihwiripi na za.
Eyi Ịrẹyị
Ịrẹyị iwe ọnọnị 1.1-11
Ịrẹyị ene tu Ịpọọrụ ọnị ụvọta 1.12-26
Ẹhẹ ọnị ọzaā ra ini Ijeesu 1.27—2.18
Eto ọnị Ịpọọrụ nyị yị Itimoti ọnịrị Ẹpahwịrọdịtụsị 2.19-30
Ọnọ agụvị ọnịvị nịnị ọnịrị ẹngụkata odivi 3.1—4.9
Ịpọọrụ ọnịrị ọta anị nịnị ana vị Anihwiripi 4.10-20
Ịsị ọ sị za ịrẹyị ịrẹsụ 4.21-23
Currently Selected:
Anihwiripi ỌYỊSỊZỤ: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Anihwiripi ỌYỊSỊZỤ
ỌYỊSỊZỤ
Iwe Anihwiripi vị ọnị Ịpọọrụ chẹrẹ tụ́ hi ịragụ Ohomorihi ịpaapa ọnị Ịpọọrụ si hi ẹtẹ ịnị ẹtẹ Imasedoniya. Ẹtẹ Ihwiripi vị ana ya ịnị ẹtẹ Imasedoniya, dị ahịka Aniroomi nịnị aa mẹ ịjọvaa tụra wa ịrẹsụ. Ịrẹta ọnọnị vị ọnị Ịpọọrụ chẹrẹ ọ́ mẹ̀ ya ịnị ẹngwa. Ụmẹ ọnọọ anụkọrọ evere Ikirisiti ana vọ ệ kwẹẹtẹ tu Ịpọọrụ. Dị ịrẹyị ireche ẹnẹ ẹyaa zụ aza ịnị ịragụ Ohomorihi ana yà Ihwiripi rẹ vị ẹngụkata yị Ịpọọrụ ụmẹ ọnọọ nị. Ama, â nyị ayohine ọnị ayọnẹtẹ ọnị ịrẹta ọnọnị sị zụ ana ahịka ẹdọwụ obooro ọnị Ịpọọrụ dọ Ijeesu Ikirisiti wụ kẹnẹ ọ zụ kà iruvo anị nị. Ịsị Ịpọọrụ hụvị anị chẹrẹ ịrẹta ọnọnị ọ vị ka ọ̀ sị kụ́ ọdọwụ Anihwiripi nịnị avọ yị ịsa ẹnẹ si tụ́ hi ọ ụmẹ ẹnẹ ẹ̀ yị kụkụ nyị ịsa nị. Ộ sị ụmẹ ọnọnị varẹma hú wa ụvọ, agụvị ẹnịnị ẹ̀ zụ nyị ọtụtụrụma ọnịrị ayọnẹtẹ tụ ịnị ụya ọnị aa rị, dị ẹnị raa rị bẹẹ. Ộ dá ịpẹ yị wa ka ẹ̀ nyị ẹngụ ayị oni Ijeesu nyị, dị ọ ka ẹngụ anị chi. Ama asị ẹ na dụ ịrẹyị ẹngụ ẹnịnị kẹnẹ dị asị ẹ rẹ sị ẹngụ ẹnịnị tụ ẹba. Ộ tama wa ayị ka ẹhẹ ẹnịnị ẹnịrị Ijeesu mẹ sị vị ọnya aanị vị ọnị Ohomorihi zị oze ẹyịza ọọhẹ anị sị mẹ wa ẹyịza. Dị ẹnịnị sị ẹdọwụ dọ ẹhẹ ọnọọ nị. Ẹ yị vị agụvị ka ẹyaa saasa ọda Aniju nịnị ẹ sị dọ ọ. Ộ rẹ chẹrẹ ịsa tụ́ hi wa ịnị oze ayohine ọnịrị ẹngwọọrọ oni Ohomorihi sịị yị ọza ọnị ọnịrị Ijeesu sị vị ọnya. Ịrẹyị ọnị Ịpọọrụ huvọ tụ́ ịnị ịrẹta ọnọnị ẹ vị ịrẹyị ayohine, ayọnẹtẹ, ẹvabẹ, ọnịrị ọyịsẹngụdọ ịnẹ ẹhẹ ọdọwụ. Ịrẹta ọnọnị ộ rẹ sị zụ ịzị Ịpọọrụ sì ịrẹyị ịragụ Ohomorihi ana yà Ihwiripi na za.
Eyi Ịrẹyị
Ịrẹyị iwe ọnọnị 1.1-11
Ịrẹyị ene tu Ịpọọrụ ọnị ụvọta 1.12-26
Ẹhẹ ọnị ọzaā ra ini Ijeesu 1.27—2.18
Eto ọnị Ịpọọrụ nyị yị Itimoti ọnịrị Ẹpahwịrọdịtụsị 2.19-30
Ọnọ agụvị ọnịvị nịnị ọnịrị ẹngụkata odivi 3.1—4.9
Ịpọọrụ ọnịrị ọta anị nịnị ana vị Anihwiripi 4.10-20
Ịsị ọ sị za ịrẹyị ịrẹsụ 4.21-23
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.