Ịrịka 35
35
Ẹkụra ana a ga tụ́ Anireevi nịnị
1 #
Ijos 21.1-42
Ẹnẹyịmavara ộ kà yị Imosiisi ịnị inozi Imowabi akẹnẹ Okuha Ịjọdanị ana va eyi ka Ijeriko ka, 2ọ mẹ ọda yị Anisirẹrị ka ịrẹsụ ọzọza ẹ sị ẹkụra beri ẹtẹ ana kara a hụụnị ẹtẹ ẹnịnị yị Anireevi nịnị ọnịrị ịsụpa nịnị dị ẹ ra ịnị anị. 3Anireevi nịnị vị ana va ra ịnị ẹkụra ẹnẹẹ, dị ịsụpa ẹnịnị aa rị ịnị ẹtẹ ana kara wa. 4Ẹtẹ ọnị aa kụ́ ịsụpa hi kanẹhẹ hụrị ẹngụ ọvọ ẹkụra ẹhụ imita akava tụra ẹvarẹwụ. 5Dị ọ̀ gana eyi ụvọnị-ụvọnị imita akanarẹchẹhị. Dị ịzọọ ọ vị ẹtẹ ọnị ịsụpa Anireevi nịnị vee hi.
Ẹkụra ana vị aha ọyị tẹ̀
(Ọda 19.1-13; Ijov 20.1-9)
6Ẹkụra ịhịnọnyị ịnị ẹkụra ana sị yị Anireevi vaa vị aha ọnị ọza ana nyeeyi wụ̀ ọza vee zwe naa tẹ̀ ịzọọ. Ama Imosiisi rẹ vaa sị ẹkụra ẹbẹẹva tụra ẹẹva ọsa yị wa. 7Avaba ẹkụra ana vaa sị yị wa vị ẹbẹẹva tụra ịhịnta ne beri aha ịsụpa ana kara ẹkụra ẹnịnị. 8Ẹkụra ẹnẹnị vị ana vaa sị hụụnị ẹtẹ Anisirẹrị nịnị. Ịrẹsụ ana nyị ẹtẹ ọbanyị a vaa sị ẹkụra rụrụ hụụnị ẹtẹ anị nị. Ẹtẹ ene weyi vị ana vaa da ẹkụra che hụụnị anị yị wa.
9 #
Ọda 19.2-4; Ijos 20.1-9 Ẹnẹyịmavara ộ kà yị Imosiisi ka, 10ọ̀ ka yị Anisirẹrị ka ẹ̀ẹ sị jịnẹ Okuha Ịjọdanị na ngụ ẹtẹ Ikanaani nị, 11ẹ̀ nyị ẹkụra ẹbanyị-ẹbanyị ana vaa vị aha ọnị ọza anaa nyeeyi wụ́ ọza vee zwe na tẹ̀. 12Ẹkụra ẹnẹẹ vaa vị aha ọyị tẹ̀ yị ọza ene nyeeyi wụ́, dị asị anda ọza anaa wụ́ re oze họ̀ oponu di e ve sì iruvo ịrẹyị. 13Ẹkụra ịhịnọnyị a vaa nyị mẹ̀ ẹ nị. 14Ẹtẹẹta a vaa ga hi akẹnẹ Okuha Ịjọdanị eyi ọnyị ọsa nị. 15Ẹkụra ẹnẹnị vaa vị aha ọyị tẹ̀ yị Anisirẹrị nịnị ẹnịrị azọga ene hi ịnị akakana ẹnịnị ene èe nyeeyi wụ̀ ọza di o zwe na tẹ̀ ịzị ẹ gụrị ọ.
Ọda ana za ọza ana wụ̀ ọza
16Ọza tụra ọza anaa sị enyusẹ nya ọza di o su nị, ọ wụ́ ọza avọọ nị. Ọnị vị ana vọrọ ka a rẹ wụ́ chire e. 17Ọza tụra ọza anaa sị ịrẹta nya ọza di o su nị, ọ wụ́ ọza avọọ nị. Ọnị vị ana vọrọ ka a rẹ wụ́ chire e. 18Ọza tụra ọza anaa sị ọchị nya ọza di o su nị, ọ wụ́ ọza avọọ nị. Ọnị vị ana vọrọ ka a rẹ wụ́ chire e. 19Ọza ana a wụ́ ọza anị ọ̀ vọrọ tụra ka o sì atọ nị. Òo re ọza ọnọọ dị ọnị rẹ wụ́ ọ. 20Avọọ ọ mẹ rẹ vị yị ọza anaa sị̀ ayamụkụ tụ́ ọza ụvọ, a vị di o ne ịsa ịrịra na wụ́ ọza nị. 21Ọza anaa nya ọza dị ọ wụ́ ọ, vị ana vọrọ ka a rẹ wụ́. Ọwọza ọ vị avọọ nị. Ọza ọnị ọ wụ́ ọza anị òo re e, ọnị rẹ wụ́ ọ. 22Ọza o nyeeyi tụ́ ọza ụvọ, a vị di o nyeeyi ne ịsa kẹnẹ, 23ọ vị ịrẹta na nya ọza, dị ọza ọnọọ wu su. Ama ẹ yị nyị ịrẹyị ịnị akakana ẹnị ẹyịva di o ve ro ka ọnị a mẹ odivi. 24Ịrẹyị ọ̀ọ vavọọ ya, ịragụ vaa mẹ̀ ọkarẹyị yị ọza ọnọọ ọnịrị anda ọza ana wụ́ anka ịsị ọda kà. 25Dị ịragụ dọ ọza ene nyeeyi wụ̀ ọza aanị tụ́, dị aa sị ọ na tụ́ ẹkụra aha ọyị tẹ̀. Dị ọ ya ịzọọ pooro ne tụ́ ụmẹ ọnị ohirẹsụ ọbanyị irehi Ohomorihi ohirẹsụ o sú. 26Ọ̀ọ na jịnẹ tụ ẹhẹ hụụnị ịzị ọ tẹ̀ tụ́, 27dị anda ọza ọnị ọ wụ́ òo re e, dị ọ wụ́ ọ nị, ẹ yị nyị ịvị. 28Ẹ yị vị ohirẹsụ ọbanyị irehi Ohomorihi ohirẹsụ sú, ọ yị nyayịnẹ jịnẹ tụ́ ẹhẹ. Ama o wu su ọ zụ kụkụ aa ne eehi anị. 29Avaba ọda ẹnẹnị vị ọnị ọnịrị ezi ịrẹma ẹnịnị vaa sị ụvọ za pooro. 30#Ọda 17.6; 19.15Ọkarẹyị usu ọ za ọza anaa wụ́ ọza nị. Ama a nyị ka e re onivenu ẹẹva da. 31Ọza ana wụ́ ọza vị ana a raa wụ́. Ọza ẹ yị zụ dọ ẹkẹhị jị ọ. 32Avọọ ọza òo zwe va ngụ ịnị ẹkụra ọyị tẹ̀, asị a dọ ẹkẹhị dị ọ va nọ eehi dị ohirẹsụ ọbanyị irehi Ohomorihi ohirẹsụ o vee su. 33Ọza anaa vavọọ mẹ, o reè du ẹtẹ. Ọza ana wụ́ ọza vị ene du ẹtẹ. Ẹtẹ ọ yị zụ nị, ẹ́yị vị aa rẹ wụ́ ọnị. 34Asị a nyị ọza ene du ẹtẹ ịzị ọ ra agụvị ka Ẹnẹyịmavara ọ ra ịnị akakana Anisirẹrị.
Currently Selected:
Ịrịka 35: EBTP
Highlight
Share
Compare
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ịrịka 35
35
Ẹkụra ana a ga tụ́ Anireevi nịnị
1 #
Ijos 21.1-42
Ẹnẹyịmavara ộ kà yị Imosiisi ịnị inozi Imowabi akẹnẹ Okuha Ịjọdanị ana va eyi ka Ijeriko ka, 2ọ mẹ ọda yị Anisirẹrị ka ịrẹsụ ọzọza ẹ sị ẹkụra beri ẹtẹ ana kara a hụụnị ẹtẹ ẹnịnị yị Anireevi nịnị ọnịrị ịsụpa nịnị dị ẹ ra ịnị anị. 3Anireevi nịnị vị ana va ra ịnị ẹkụra ẹnẹẹ, dị ịsụpa ẹnịnị aa rị ịnị ẹtẹ ana kara wa. 4Ẹtẹ ọnị aa kụ́ ịsụpa hi kanẹhẹ hụrị ẹngụ ọvọ ẹkụra ẹhụ imita akava tụra ẹvarẹwụ. 5Dị ọ̀ gana eyi ụvọnị-ụvọnị imita akanarẹchẹhị. Dị ịzọọ ọ vị ẹtẹ ọnị ịsụpa Anireevi nịnị vee hi.
Ẹkụra ana vị aha ọyị tẹ̀
(Ọda 19.1-13; Ijov 20.1-9)
6Ẹkụra ịhịnọnyị ịnị ẹkụra ana sị yị Anireevi vaa vị aha ọnị ọza ana nyeeyi wụ̀ ọza vee zwe naa tẹ̀ ịzọọ. Ama Imosiisi rẹ vaa sị ẹkụra ẹbẹẹva tụra ẹẹva ọsa yị wa. 7Avaba ẹkụra ana vaa sị yị wa vị ẹbẹẹva tụra ịhịnta ne beri aha ịsụpa ana kara ẹkụra ẹnịnị. 8Ẹkụra ẹnẹnị vị ana vaa sị hụụnị ẹtẹ Anisirẹrị nịnị. Ịrẹsụ ana nyị ẹtẹ ọbanyị a vaa sị ẹkụra rụrụ hụụnị ẹtẹ anị nị. Ẹtẹ ene weyi vị ana vaa da ẹkụra che hụụnị anị yị wa.
9 #
Ọda 19.2-4; Ijos 20.1-9 Ẹnẹyịmavara ộ kà yị Imosiisi ka, 10ọ̀ ka yị Anisirẹrị ka ẹ̀ẹ sị jịnẹ Okuha Ịjọdanị na ngụ ẹtẹ Ikanaani nị, 11ẹ̀ nyị ẹkụra ẹbanyị-ẹbanyị ana vaa vị aha ọnị ọza anaa nyeeyi wụ́ ọza vee zwe na tẹ̀. 12Ẹkụra ẹnẹẹ vaa vị aha ọyị tẹ̀ yị ọza ene nyeeyi wụ́, dị asị anda ọza anaa wụ́ re oze họ̀ oponu di e ve sì iruvo ịrẹyị. 13Ẹkụra ịhịnọnyị a vaa nyị mẹ̀ ẹ nị. 14Ẹtẹẹta a vaa ga hi akẹnẹ Okuha Ịjọdanị eyi ọnyị ọsa nị. 15Ẹkụra ẹnẹnị vaa vị aha ọyị tẹ̀ yị Anisirẹrị nịnị ẹnịrị azọga ene hi ịnị akakana ẹnịnị ene èe nyeeyi wụ̀ ọza di o zwe na tẹ̀ ịzị ẹ gụrị ọ.
Ọda ana za ọza ana wụ̀ ọza
16Ọza tụra ọza anaa sị enyusẹ nya ọza di o su nị, ọ wụ́ ọza avọọ nị. Ọnị vị ana vọrọ ka a rẹ wụ́ chire e. 17Ọza tụra ọza anaa sị ịrẹta nya ọza di o su nị, ọ wụ́ ọza avọọ nị. Ọnị vị ana vọrọ ka a rẹ wụ́ chire e. 18Ọza tụra ọza anaa sị ọchị nya ọza di o su nị, ọ wụ́ ọza avọọ nị. Ọnị vị ana vọrọ ka a rẹ wụ́ chire e. 19Ọza ana a wụ́ ọza anị ọ̀ vọrọ tụra ka o sì atọ nị. Òo re ọza ọnọọ dị ọnị rẹ wụ́ ọ. 20Avọọ ọ mẹ rẹ vị yị ọza anaa sị̀ ayamụkụ tụ́ ọza ụvọ, a vị di o ne ịsa ịrịra na wụ́ ọza nị. 21Ọza anaa nya ọza dị ọ wụ́ ọ, vị ana vọrọ ka a rẹ wụ́. Ọwọza ọ vị avọọ nị. Ọza ọnị ọ wụ́ ọza anị òo re e, ọnị rẹ wụ́ ọ. 22Ọza o nyeeyi tụ́ ọza ụvọ, a vị di o nyeeyi ne ịsa kẹnẹ, 23ọ vị ịrẹta na nya ọza, dị ọza ọnọọ wu su. Ama ẹ yị nyị ịrẹyị ịnị akakana ẹnị ẹyịva di o ve ro ka ọnị a mẹ odivi. 24Ịrẹyị ọ̀ọ vavọọ ya, ịragụ vaa mẹ̀ ọkarẹyị yị ọza ọnọọ ọnịrị anda ọza ana wụ́ anka ịsị ọda kà. 25Dị ịragụ dọ ọza ene nyeeyi wụ̀ ọza aanị tụ́, dị aa sị ọ na tụ́ ẹkụra aha ọyị tẹ̀. Dị ọ ya ịzọọ pooro ne tụ́ ụmẹ ọnị ohirẹsụ ọbanyị irehi Ohomorihi ohirẹsụ o sú. 26Ọ̀ọ na jịnẹ tụ ẹhẹ hụụnị ịzị ọ tẹ̀ tụ́, 27dị anda ọza ọnị ọ wụ́ òo re e, dị ọ wụ́ ọ nị, ẹ yị nyị ịvị. 28Ẹ yị vị ohirẹsụ ọbanyị irehi Ohomorihi ohirẹsụ sú, ọ yị nyayịnẹ jịnẹ tụ́ ẹhẹ. Ama o wu su ọ zụ kụkụ aa ne eehi anị. 29Avaba ọda ẹnẹnị vị ọnị ọnịrị ezi ịrẹma ẹnịnị vaa sị ụvọ za pooro. 30#Ọda 17.6; 19.15Ọkarẹyị usu ọ za ọza anaa wụ́ ọza nị. Ama a nyị ka e re onivenu ẹẹva da. 31Ọza ana wụ́ ọza vị ana a raa wụ́. Ọza ẹ yị zụ dọ ẹkẹhị jị ọ. 32Avọọ ọza òo zwe va ngụ ịnị ẹkụra ọyị tẹ̀, asị a dọ ẹkẹhị dị ọ va nọ eehi dị ohirẹsụ ọbanyị irehi Ohomorihi ohirẹsụ o vee su. 33Ọza anaa vavọọ mẹ, o reè du ẹtẹ. Ọza ana wụ́ ọza vị ene du ẹtẹ. Ẹtẹ ọ yị zụ nị, ẹ́yị vị aa rẹ wụ́ ọnị. 34Asị a nyị ọza ene du ẹtẹ ịzị ọ ra agụvị ka Ẹnẹyịmavara ọ ra ịnị akakana Anisirẹrị.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.