Ịrịka 25
25
Akụvị ọnị Anisirẹrị nịnị mẹ̀ ẹtẹ Ịpẹyọ
1Ụmẹ ọnị Anisirẹrị nịnị sị ya Isitimi, dị anọrụ ẹnịnị nyima ee pe anyẹnẹẹ Animowabi nịnị sụ̀ nị. 2Dị anẹẹ ẹnẹnị hị́ anọrụ ẹnẹẹ vẹ ịnị eche ọnị ẹẹ̄ mẹ̀ ịsọvọ yị ori ẹnịnị nị. Dị anọrụ Anisirẹrị ẹnẹẹ ne beri wa rị ịsa, dị ẹ hẹkẹ ori ẹnịnị nị. 3Ẹnẹyịmavara ộ kụ́ ayị hi wa agụvị ka ẹnịnị ẹ kụ́ ẹngụ vahụra wa hẹkẹ ori ana aā hị́ Ịbaarị-Ịpẹyọ. 4Dị ọ kà yị Imosiisi ka, ọ wụ́ avaba ọdọvịdị aza ẹnẹẹ ọvịdị anị ọọdụ, dị ọzọza ee re e agụvị asị ọnị du ayị hi wa. 5Dị Imosiisi kà yị ọdọvịdị Anisirẹrị ka ọzọza wụ̀ aza anị ana kụ ẹngụ ẹnịnị va hura wa na hẹkẹ ori Ịbaarị-Ịpẹyọ.
6Ịnị ụmẹ ọnọọ gẹdẹ-gẹdẹ, ọnọrụ ịnya ịnị ẹnịnị na sị ọnyẹnẹẹ Animidiya va ngụ ịzọọ eyi Imosiisi ọnịrị avaba ịragụ Anisirẹrị. Ụmẹ ọnọọ avaba aza vị ene hi ọvịdị ajẹngụ Ẹnẹyịmavara aa jị òrèrè. 7Ịjị Ihwinehasi ozi Eriyaza ana vị ozi Eerọnị ohirẹsụ irehi Ohomorihi re e kẹnẹ, dị ọ kwẹẹtẹ na sị́ ọha anị, 8dị ọ tụra wa na, dị ọ jị ọha ngụ ana vị ọnọrụ ẹngụ na jịnẹ ịnị ịrẹka ana vị ọnẹẹ nị; avọọ, dị Ohomorihi za ụkụ odivi ọnị aa sị wụ̀ wa ha jẹẹ nị. 9Ama avaba aza ọnị ụkụ odivi ọnọọ wụ̀ va ha vị aza akahị oze ohurẹẹna. 10Dị Ẹnẹyịmavara kà yị Imosiisi ka, 11agụvị ịsị Ịhwịnẹhasị mẹ̀ aanị, ọnị ẹ yị kụkụ vee du ayị hi wa. Ẹ yị dọ ka aa hẹkẹ ori ẹnyẹnyị, agụvị avọọ ọnị ẹ yị vu wa ẹtẹ nị. 12Avọọ Ẹnẹyịmavara hị́ eku ka ẹ yị va nyị ịrẹyị ịnị akakana ọnịrị ọ pooro nị. 13Dị ọ kà agụvị ka Ịhwịnẹhasị ọ̀ sị ịrẹsụ yị ọnị, ọnịrị evere anị ẹ vaa vị ohirẹsụ irehi anị pooro nị. 14Ịrẹha ọnọrụ ana aa wụ̀ ọnịrị ọnẹẹ Animidiya ọ rị Izimiri nị. Izimiri ọnọnị vị ozi Isaru ana vị ohirẹsụ ovwoovu ọnya ịnị ịrẹsụ Isimiyọnị. 15Ịrẹha ọnẹẹ Animidiya ana aa wụ̀ ọnịrị ọ ọ rị Ikozibi ozi Izuri ana vị ọnya ịnị ọdọvịdị Animidiya. 16Dị Ẹnẹyịmavara kà yị Imosiisi ka, 17ọ kụ́ ịrẹkụ tu Animidiya, di o vu wa ẹtẹ 18agụvị ka ẹnịnị e vene Anisirẹrị na hẹkẹ ori Ịpẹyọ ọnịrị Ikozibi ana a wụ̀ ịnị ụmẹ ụkụ odivi ana wụ̀ ẹnịnị ha.
Currently Selected:
Ịrịka 25: EBTP
Highlight
Share
Compare
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ịrịka 25
25
Akụvị ọnị Anisirẹrị nịnị mẹ̀ ẹtẹ Ịpẹyọ
1Ụmẹ ọnị Anisirẹrị nịnị sị ya Isitimi, dị anọrụ ẹnịnị nyima ee pe anyẹnẹẹ Animowabi nịnị sụ̀ nị. 2Dị anẹẹ ẹnẹnị hị́ anọrụ ẹnẹẹ vẹ ịnị eche ọnị ẹẹ̄ mẹ̀ ịsọvọ yị ori ẹnịnị nị. Dị anọrụ Anisirẹrị ẹnẹẹ ne beri wa rị ịsa, dị ẹ hẹkẹ ori ẹnịnị nị. 3Ẹnẹyịmavara ộ kụ́ ayị hi wa agụvị ka ẹnịnị ẹ kụ́ ẹngụ vahụra wa hẹkẹ ori ana aā hị́ Ịbaarị-Ịpẹyọ. 4Dị ọ kà yị Imosiisi ka, ọ wụ́ avaba ọdọvịdị aza ẹnẹẹ ọvịdị anị ọọdụ, dị ọzọza ee re e agụvị asị ọnị du ayị hi wa. 5Dị Imosiisi kà yị ọdọvịdị Anisirẹrị ka ọzọza wụ̀ aza anị ana kụ ẹngụ ẹnịnị va hura wa na hẹkẹ ori Ịbaarị-Ịpẹyọ.
6Ịnị ụmẹ ọnọọ gẹdẹ-gẹdẹ, ọnọrụ ịnya ịnị ẹnịnị na sị ọnyẹnẹẹ Animidiya va ngụ ịzọọ eyi Imosiisi ọnịrị avaba ịragụ Anisirẹrị. Ụmẹ ọnọọ avaba aza vị ene hi ọvịdị ajẹngụ Ẹnẹyịmavara aa jị òrèrè. 7Ịjị Ihwinehasi ozi Eriyaza ana vị ozi Eerọnị ohirẹsụ irehi Ohomorihi re e kẹnẹ, dị ọ kwẹẹtẹ na sị́ ọha anị, 8dị ọ tụra wa na, dị ọ jị ọha ngụ ana vị ọnọrụ ẹngụ na jịnẹ ịnị ịrẹka ana vị ọnẹẹ nị; avọọ, dị Ohomorihi za ụkụ odivi ọnị aa sị wụ̀ wa ha jẹẹ nị. 9Ama avaba aza ọnị ụkụ odivi ọnọọ wụ̀ va ha vị aza akahị oze ohurẹẹna. 10Dị Ẹnẹyịmavara kà yị Imosiisi ka, 11agụvị ịsị Ịhwịnẹhasị mẹ̀ aanị, ọnị ẹ yị kụkụ vee du ayị hi wa. Ẹ yị dọ ka aa hẹkẹ ori ẹnyẹnyị, agụvị avọọ ọnị ẹ yị vu wa ẹtẹ nị. 12Avọọ Ẹnẹyịmavara hị́ eku ka ẹ yị va nyị ịrẹyị ịnị akakana ọnịrị ọ pooro nị. 13Dị ọ kà agụvị ka Ịhwịnẹhasị ọ̀ sị ịrẹsụ yị ọnị, ọnịrị evere anị ẹ vaa vị ohirẹsụ irehi anị pooro nị. 14Ịrẹha ọnọrụ ana aa wụ̀ ọnịrị ọnẹẹ Animidiya ọ rị Izimiri nị. Izimiri ọnọnị vị ozi Isaru ana vị ohirẹsụ ovwoovu ọnya ịnị ịrẹsụ Isimiyọnị. 15Ịrẹha ọnẹẹ Animidiya ana aa wụ̀ ọnịrị ọ ọ rị Ikozibi ozi Izuri ana vị ọnya ịnị ọdọvịdị Animidiya. 16Dị Ẹnẹyịmavara kà yị Imosiisi ka, 17ọ kụ́ ịrẹkụ tu Animidiya, di o vu wa ẹtẹ 18agụvị ka ẹnịnị e vene Anisirẹrị na hẹkẹ ori Ịpẹyọ ọnịrị Ikozibi ana a wụ̀ ịnị ụmẹ ụkụ odivi ana wụ̀ ẹnịnị ha.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.