Ịrịka 21
21
Anisirẹrị nịnị ẹ nyị ẹbẹẹba Anikenaani nịnị
1 #
Ịrị 33.40
 nyị Anikenaani ọnya aanị ana vị ohinọyị Aradi ana ra Ịnẹgẹvị. Ọ mẹ wụ́ ka Anisirẹrị nịnị ẹ zị oze Atarimi aa vẹ, dị o ne pe wa kụ ịrẹkụ, dị ọ za aza ẹnyị ẹnịnị ọrịhị nị. 2Dị Anisirẹrị nịnị hị́ eku ka Ẹnẹyịmavara ọ̀ọ sị aza ẹnịnị chire ẹnị ụvọ, ẹnị ee vu avaba ẹkụra ẹtẹ nị. 3Ẹnẹyịmavara ộ wụ́ wa, dị ọ sị Anikenaani nịnị yị wa, dị ẹ vu ẹnịrị ẹkụra ẹnịnị ẹtẹ nị; avọọ aa hị́ ịzọọ Ịhọma ọnị iruvo ana vị ịzị ê du.
Ẹwụ ana a sị enyusẹ ibironzi mẹ̀
4 #
Ọda 2.1
Dị ẹ hụrị ataba Ihuuri zị oze oku ịkẹ ne jesi kara ẹtẹ Edomi nị. Ẹ vavọọ aa na, dị aza ee du ayị na nị. 5#1 Ịkọ 10.9Dị ẹ yaa rị uhuhu hi Ẹnẹyịmavara ọnịrị Imosiisi nị. Dị ẹ kà sị ẹ vẹ dị ẹ kụ ẹnị hụrị Ijipiti ka ẹnị e vee su hi ịnị ụnọmị ịzẹnị? Ẹ yị nyị ịsọyịrị ọnịrị enyi ana vọrọ ka ẹnị e hu. Ịsa ọyịrị odivi ọnị ẹnị aa rị aanị ọ kụ nyị ēnị ịhyẹrẹ. 6Ebira ẹnịnị, dị Ẹnẹyịmavara kụ́ ẹ́wụ́ odivi hi wa ẹhẹ, dị ẹ yaa da wa rị, dị ọrụrụ-ọrụrụ ẹnịnị ee su nị. 7Dị aza ve tu Imosiisi dị ẹ kà ẹnị sị mẹ divi hi ọnịrị Ẹnẹyịmavara. Ẹnị ẹ raà kà chire wa. Aarịhịnị, Imosiisi ò beri ẹnịnị da ịpẹ yị Ẹnẹyịmavara dị ọ kụ ẹ́wụ́ ẹnẹnị hụrị ẹtẹ kwooze yị ẹnị; ẹnịnị dị Imosiisi mẹ̀ aduwa nị. 8Dị Ẹnẹyịmavara kà Imosiisi ọ sị enyusẹ mẹ̀ ẹwụ, dị ọ sị ọ gẹ ọchị. Ọza tụra ọza ọnị ẹ́wụ́ ọ̀ọ da rị, di o re ẹwụ enyusẹ ọnọọ nị, ọ yị ve su. 9#2 Ohi 18.4; Ịjọ 3.14Ịzẹyịza dị Imosiisi sị enyusẹ mẹ̀ ẹ́wụ́, dị ọ sị ọ gẹ ọchị nị. Ọza ọnị ẹ́wụ́ ọ̀ọ da rị, òo re e dị ọ yị su.
Anisirẹrị ẹ̀ na ngụ Imowabi
10Anisirẹrị nịnị ệ na ngụ Oboti ịzị ka ahụ jẹẹ chee. 11Dị ẹ̀ rẹ hụụ ịzọọ na ngụ Iye-Abarimi ịnị ụnọmị ana gụrị Imowabi eyi ịzị ọyịị̄ kwẹẹtẹ hụrẹ. 12Dị ẹ hụụ ịzọọ na ngụ Iwadi Ịzẹrẹdị nị. 13Dị ẹ hụrị Iwadi Ịzẹrẹdị na ngụ akẹnẹ Arinọnị nị. Ẹkụra ọnọọ vị ẹhwị ẹtẹ Animowabi ọnịrị Anamọrị nịnị nị. 14Aanị a mẹ ka tụ ịnị ịtọpa iwe ịrẹkụ Ẹnẹyịmavara nị. Ẹkụra ana hị́ Iwahebu vị ana ya ịnị ẹtẹ Ịsụpa ọnịrị inozi irehu Arinọnị. 15Ọwọrọ hu chi inozi ọnọọ vị ana na ngụ ẹkụra Ari, dị ọ na ngụ ẹhwị ẹtẹ Imowabi.
16Anisirẹrị nịnị ẹ hụrị Arinọnị na ngụ ẹkụra ana a hị́ Ịbẹẹrị ọnị iruvo anị vị ịkangga. Ịzọọ Ẹnẹyịmavara ya kà yị Imosiisi ka ọ hị́ aza gụ dị ọnị ọ sị enyi yị wa. 17Ịjọnọọ Anisirẹrị nịnị jị ahẹ ọnọnị nị: Ịkangga sị enyi vẹ, dị ya jị ahẹ gono wu. 18Ịkangga ọnị ọdọvịdị ayị nịnị chị. Okutẹ ohinọyị ẹnịnị ẹ̀ sị ka ịzị a chị nị. Dị Anisirẹrị nịnị hụrị ịnị ụnọmị ọnọọ na ngụ Imatana nị. 19Hụrị Imatana na ngụ Inaharẹrị na ngụ Ibamoti. 20Hụrị Ibamoti na ngụ inozi ịnị ẹtẹ Imowabi ịrẹsụ ataba Ipisiga ana va ụnọmị osusu chire.
Anisirẹrị ê huna Isihoni ọnịrị ẹkụra anị
(Ọda 2.26—3.11)
21Enube ọnọnị Anisirẹrị tụ́ aza anị hi Isihoni ohinọyị yị, 22“Aarịhịnị ọ navọ ẹnị e che ẹtẹ anị parahu dee! Ẹnị ẹ vaa ha ngụ ịnị aarẹ, a vị ụbazị ẹnịnị. Ẹnị e yee hú enyi ini ịkangga ọnyọọnyị. Ẹnị vaa vatụra oze ọbanyị pooro dị ẹnị para ẹtẹ ẹnịnị hu nị.” 23Ama dị Isihoni kà ọnị ẹ yị dọ nị. Dị ọ hị́ aza anị hi ẹhẹ, dị ọ kụ wa nọ ịrẹkụ Anisirẹrị ịnị ụnọmị ịzị a hị́ Ijahazi nị. 24Dị Anisirẹrị nịnị wụ̀ wa, dị ẹ dọ wa ẹtẹ hụrị Arinọnị na ngụ Ijabọkị huu ne tu ẹtẹ Anamọnị ana nyị ụkata hu Anisirẹrị nị. 25Dị Anisirẹrị dọ avaba ẹkụra ẹnẹẹ, dị ẹ ra ịnị avaba ẹkụra Anamọrị nịnị na vaka Ịhẹsịbọnị ọnịrị ẹkụra eweyi-eweyi ana vọ. 26Ịhẹsịbọnị ọ vị ẹkụra ọbanyị Isihoni ohinọyị Anamọrị ana nyị ẹbẹẹba ohinọyị Animowabi, dị ọ dọ avaba ẹtẹ anị huu na ngụ Arinọnị nị. 27Ọjahẹ ẹnịnị sị ahẹ ka, “Vẹ Ịhẹsịbọnị, ẹkụra ọbanyị Isihoni ohinọyị. E tenyi ọ da, dị ọ jẹẹ. 28#Ijer 48.45,46Ịra vị ana jịnẹ hụụnị irenu anị, Ịra vị ana za hụụnị ẹkụra ọbanyị Isihoni. Ịra ana rị ẹkụra Arị ịnị ẹtẹ Imowabi, dị ọ mụnẹ avaba ohinọyị ịrẹsụ ataba Arinọnị nịnị. 29O du ku, ẹwụnị Animowabi! Awụ nịnị ọ ta, ẹwụnị anaa hẹkẹ ori Ichemosi. Ezi ewu nịnị ẹ sị vara ọrịhị tụ aha ọsa, ezi anẹẹ awụ nịnị ẹ sị vara ọrịhị Isihoni ohinọyị Anamọrị. 30Ama booro aanị, evere anị ệ ta hụrị Ịhẹsịbọnị na ngụ Idiboni, hụrị Inasimi na ngụ Inopa ana gụrị Imedeba.” 31Ịjị Anisirẹrị sị ra ịnị ẹtẹ Anamọrị, 32dị Imosiisi tụ́ aza ka ene re ẹkụra ana a hị́ Ijazeeri nị. Dị Anisirẹrị nịnị dọ avaba ẹkụra eweyi-eweyi ịnị ẹtẹ ọnọọ, dị ẹ dụ Anamọrị ene hi ịzọọ jịnẹ nị. 33Dị ẹ va ịrẹsụ ka oze Ịbasanị, dị Ọgị ohinọyị Ịbasanị ọnịrị aza anị jịnẹ tụ́ wa, dị ẹ gẹ ịrẹkụ Edireyi nị. 34Ama dị Ẹnẹyịmavara kà yị Imosiisi ka, asị e hí angwa anị agụvị ka ọnị ọ raà sị ọnịrị aza anị ne beri avaba ẹtẹ chire wa ụvọ; ẹnịnị ẹ mẹ Ọgị anka ịsị ẹ mẹ mẹ̀ Isihoni ohinọyị Anamọrị ana ya Ịhẹsịbọnị avọọ. 35Dị Anisirẹrị nịnị wụ̀ ọnịrị ezi anị ne beri aza anị bemi-bemi, dị ẹ dọ ẹtẹ anị.
Currently Selected:
Ịrịka 21: EBTP
Highlight
Share
Compare
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ịrịka 21
21
Anisirẹrị nịnị ẹ nyị ẹbẹẹba Anikenaani nịnị
1 #
Ịrị 33.40
 nyị Anikenaani ọnya aanị ana vị ohinọyị Aradi ana ra Ịnẹgẹvị. Ọ mẹ wụ́ ka Anisirẹrị nịnị ẹ zị oze Atarimi aa vẹ, dị o ne pe wa kụ ịrẹkụ, dị ọ za aza ẹnyị ẹnịnị ọrịhị nị. 2Dị Anisirẹrị nịnị hị́ eku ka Ẹnẹyịmavara ọ̀ọ sị aza ẹnịnị chire ẹnị ụvọ, ẹnị ee vu avaba ẹkụra ẹtẹ nị. 3Ẹnẹyịmavara ộ wụ́ wa, dị ọ sị Anikenaani nịnị yị wa, dị ẹ vu ẹnịrị ẹkụra ẹnịnị ẹtẹ nị; avọọ aa hị́ ịzọọ Ịhọma ọnị iruvo ana vị ịzị ê du.
Ẹwụ ana a sị enyusẹ ibironzi mẹ̀
4 #
Ọda 2.1
Dị ẹ hụrị ataba Ihuuri zị oze oku ịkẹ ne jesi kara ẹtẹ Edomi nị. Ẹ vavọọ aa na, dị aza ee du ayị na nị. 5#1 Ịkọ 10.9Dị ẹ yaa rị uhuhu hi Ẹnẹyịmavara ọnịrị Imosiisi nị. Dị ẹ kà sị ẹ vẹ dị ẹ kụ ẹnị hụrị Ijipiti ka ẹnị e vee su hi ịnị ụnọmị ịzẹnị? Ẹ yị nyị ịsọyịrị ọnịrị enyi ana vọrọ ka ẹnị e hu. Ịsa ọyịrị odivi ọnị ẹnị aa rị aanị ọ kụ nyị ēnị ịhyẹrẹ. 6Ebira ẹnịnị, dị Ẹnẹyịmavara kụ́ ẹ́wụ́ odivi hi wa ẹhẹ, dị ẹ yaa da wa rị, dị ọrụrụ-ọrụrụ ẹnịnị ee su nị. 7Dị aza ve tu Imosiisi dị ẹ kà ẹnị sị mẹ divi hi ọnịrị Ẹnẹyịmavara. Ẹnị ẹ raà kà chire wa. Aarịhịnị, Imosiisi ò beri ẹnịnị da ịpẹ yị Ẹnẹyịmavara dị ọ kụ ẹ́wụ́ ẹnẹnị hụrị ẹtẹ kwooze yị ẹnị; ẹnịnị dị Imosiisi mẹ̀ aduwa nị. 8Dị Ẹnẹyịmavara kà Imosiisi ọ sị enyusẹ mẹ̀ ẹwụ, dị ọ sị ọ gẹ ọchị. Ọza tụra ọza ọnị ẹ́wụ́ ọ̀ọ da rị, di o re ẹwụ enyusẹ ọnọọ nị, ọ yị ve su. 9#2 Ohi 18.4; Ịjọ 3.14Ịzẹyịza dị Imosiisi sị enyusẹ mẹ̀ ẹ́wụ́, dị ọ sị ọ gẹ ọchị nị. Ọza ọnị ẹ́wụ́ ọ̀ọ da rị, òo re e dị ọ yị su.
Anisirẹrị ẹ̀ na ngụ Imowabi
10Anisirẹrị nịnị ệ na ngụ Oboti ịzị ka ahụ jẹẹ chee. 11Dị ẹ̀ rẹ hụụ ịzọọ na ngụ Iye-Abarimi ịnị ụnọmị ana gụrị Imowabi eyi ịzị ọyịị̄ kwẹẹtẹ hụrẹ. 12Dị ẹ hụụ ịzọọ na ngụ Iwadi Ịzẹrẹdị nị. 13Dị ẹ hụrị Iwadi Ịzẹrẹdị na ngụ akẹnẹ Arinọnị nị. Ẹkụra ọnọọ vị ẹhwị ẹtẹ Animowabi ọnịrị Anamọrị nịnị nị. 14Aanị a mẹ ka tụ ịnị ịtọpa iwe ịrẹkụ Ẹnẹyịmavara nị. Ẹkụra ana hị́ Iwahebu vị ana ya ịnị ẹtẹ Ịsụpa ọnịrị inozi irehu Arinọnị. 15Ọwọrọ hu chi inozi ọnọọ vị ana na ngụ ẹkụra Ari, dị ọ na ngụ ẹhwị ẹtẹ Imowabi.
16Anisirẹrị nịnị ẹ hụrị Arinọnị na ngụ ẹkụra ana a hị́ Ịbẹẹrị ọnị iruvo anị vị ịkangga. Ịzọọ Ẹnẹyịmavara ya kà yị Imosiisi ka ọ hị́ aza gụ dị ọnị ọ sị enyi yị wa. 17Ịjọnọọ Anisirẹrị nịnị jị ahẹ ọnọnị nị: Ịkangga sị enyi vẹ, dị ya jị ahẹ gono wu. 18Ịkangga ọnị ọdọvịdị ayị nịnị chị. Okutẹ ohinọyị ẹnịnị ẹ̀ sị ka ịzị a chị nị. Dị Anisirẹrị nịnị hụrị ịnị ụnọmị ọnọọ na ngụ Imatana nị. 19Hụrị Imatana na ngụ Inaharẹrị na ngụ Ibamoti. 20Hụrị Ibamoti na ngụ inozi ịnị ẹtẹ Imowabi ịrẹsụ ataba Ipisiga ana va ụnọmị osusu chire.
Anisirẹrị ê huna Isihoni ọnịrị ẹkụra anị
(Ọda 2.26—3.11)
21Enube ọnọnị Anisirẹrị tụ́ aza anị hi Isihoni ohinọyị yị, 22“Aarịhịnị ọ navọ ẹnị e che ẹtẹ anị parahu dee! Ẹnị ẹ vaa ha ngụ ịnị aarẹ, a vị ụbazị ẹnịnị. Ẹnị e yee hú enyi ini ịkangga ọnyọọnyị. Ẹnị vaa vatụra oze ọbanyị pooro dị ẹnị para ẹtẹ ẹnịnị hu nị.” 23Ama dị Isihoni kà ọnị ẹ yị dọ nị. Dị ọ hị́ aza anị hi ẹhẹ, dị ọ kụ wa nọ ịrẹkụ Anisirẹrị ịnị ụnọmị ịzị a hị́ Ijahazi nị. 24Dị Anisirẹrị nịnị wụ̀ wa, dị ẹ dọ wa ẹtẹ hụrị Arinọnị na ngụ Ijabọkị huu ne tu ẹtẹ Anamọnị ana nyị ụkata hu Anisirẹrị nị. 25Dị Anisirẹrị dọ avaba ẹkụra ẹnẹẹ, dị ẹ ra ịnị avaba ẹkụra Anamọrị nịnị na vaka Ịhẹsịbọnị ọnịrị ẹkụra eweyi-eweyi ana vọ. 26Ịhẹsịbọnị ọ vị ẹkụra ọbanyị Isihoni ohinọyị Anamọrị ana nyị ẹbẹẹba ohinọyị Animowabi, dị ọ dọ avaba ẹtẹ anị huu na ngụ Arinọnị nị. 27Ọjahẹ ẹnịnị sị ahẹ ka, “Vẹ Ịhẹsịbọnị, ẹkụra ọbanyị Isihoni ohinọyị. E tenyi ọ da, dị ọ jẹẹ. 28#Ijer 48.45,46Ịra vị ana jịnẹ hụụnị irenu anị, Ịra vị ana za hụụnị ẹkụra ọbanyị Isihoni. Ịra ana rị ẹkụra Arị ịnị ẹtẹ Imowabi, dị ọ mụnẹ avaba ohinọyị ịrẹsụ ataba Arinọnị nịnị. 29O du ku, ẹwụnị Animowabi! Awụ nịnị ọ ta, ẹwụnị anaa hẹkẹ ori Ichemosi. Ezi ewu nịnị ẹ sị vara ọrịhị tụ aha ọsa, ezi anẹẹ awụ nịnị ẹ sị vara ọrịhị Isihoni ohinọyị Anamọrị. 30Ama booro aanị, evere anị ệ ta hụrị Ịhẹsịbọnị na ngụ Idiboni, hụrị Inasimi na ngụ Inopa ana gụrị Imedeba.” 31Ịjị Anisirẹrị sị ra ịnị ẹtẹ Anamọrị, 32dị Imosiisi tụ́ aza ka ene re ẹkụra ana a hị́ Ijazeeri nị. Dị Anisirẹrị nịnị dọ avaba ẹkụra eweyi-eweyi ịnị ẹtẹ ọnọọ, dị ẹ dụ Anamọrị ene hi ịzọọ jịnẹ nị. 33Dị ẹ va ịrẹsụ ka oze Ịbasanị, dị Ọgị ohinọyị Ịbasanị ọnịrị aza anị jịnẹ tụ́ wa, dị ẹ gẹ ịrẹkụ Edireyi nị. 34Ama dị Ẹnẹyịmavara kà yị Imosiisi ka, asị e hí angwa anị agụvị ka ọnị ọ raà sị ọnịrị aza anị ne beri avaba ẹtẹ chire wa ụvọ; ẹnịnị ẹ mẹ Ọgị anka ịsị ẹ mẹ mẹ̀ Isihoni ohinọyị Anamọrị ana ya Ịhẹsịbọnị avọọ. 35Dị Anisirẹrị nịnị wụ̀ ọnịrị ezi anị ne beri aza anị bemi-bemi, dị ẹ dọ ẹtẹ anị.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.