Ịrịka 13
13
Imosiisi ọ tụ aza ẹnị ẹwụrẹva ne re ẹtẹ
(Ọda 1.19-33)
1Ẹnẹyịmavara ộ kà yị Imosiisi ka, 2Ọ tụ́ anọrụ ne re ẹtẹ Ikanaani ọnị ọnị aa sị yị Anisirẹrị, ọ ka Imosiisi ọ tụ ọdọvịdị ịrẹsụ ọnyọọnya na. 3Dị Imosiisi tụ́ anọrụ ẹnẹẹ hụụ ịnị ụnọmị Ịparanị anka Ẹnẹyịmavara mẹ mẹ̀ ọda yọ nị. Avaba ẹnịnị vị ọdọvịdị Anisirẹrị. 4Ịrẹha aza ẹnẹẹ yị: Isamuwa ozi Izaku hụụnị ịrẹsụ Iruveni 5Isahwati ozi Ihori hụụnị ịrẹsụ Isimiyọnị 6Ịkarẹbị ozi Ijehwụnẹ hụụnị ịrẹsụ Ijuda 7Ịgarị ozi Ijosẹẹhụ hụụnị ịrẹsụ Iisaka 8Ihoseya ozi Inuni hụụnị ịrẹsụ Ehwireemi 9Ipariti ozi Ịrahụ hụụnị ịrẹsụ Ịbẹnjamịnị 10Igadirẹrị ozi Isodi hụụnị ịrẹsụ Izeburuni 11Igadi ozi Isusi hụụnị ịrẹsụ Ijosẹẹhụ ana vị Ịmanasẹ 12Amịyẹrị ozi Igemari hụụnị ịrẹsụ Ịdaanị 13Iseturi ozi Ịmayịkẹẹrị hụụnị ịrẹsụ Aseri 14Inabi ozi Ivohwisi hụụnị ịrẹsụ Inahwitari 15Igewẹrị ozi Imaki hụụnị ịrẹsụ Igadi 16Ịrẹha ẹnịnị ẹ vị anọrụ ọnị Imosiisi tụ́ ne re ẹtẹ nị; Imosiisi vị ana sị Ijosuwa yị Ihoseya ozi Inuni. 17Imosiisi mèe tụ́ wa ka e ne re Ikanaani, ô ka yị wa ka ẹ zị oze Ịnẹgẹvị na zị oze ịnị ataba. 18Ẹnịnị e ne re ịzọọ mẹmẹ ya. Aza ene hi ịzọọ ẹ́ẹ́ nyị ụkataa? Ẹnịnị ẹ́ẹ́ rụrụ? 19Ẹtẹ aza ẹnẹẹ óó zoza avị odivi? Áá jị ọvọ kara ẹkụra ọbanyị-ọbanyị ene hi ẹtẹ ọnọọ nị? 20Ịzọọ óó zoza ẹtẹ ịrụkụ? Ịzọọ óó nyị ochị a vị ẹ yị nyị ọchị? Imosiisi kà ọnụtụ ẹnẹẹ ẹ sị vụrị ẹ jị ẹtụtụ ịsa ẹtẹ ịzọọ va zụ ọnị. Ụmẹ ịsa ọyịna ọ vị nị. 21Ịzẹyịza dị ẹnịnị re ẹtẹ ọnọọ hụrị ụnọmị Izini na ngụ ẹhwị ẹtẹ Anihamati nị. 22Dị ẹ zị oze Ịnẹgẹvị na ngụ Ihebirọnị, ịzị Ahimanị, ọnịrị Isesayi ne beri Itarimayi ra. Ẹnịnị vị evere Anaki. Ẹkụra Ihebirọnị vị ana da ịrayị ịhịmba dị a vaa da Izowanị ịnị ẹtẹ Ijipiti. 23Ịjị ẹ va ngụ inozi Esikori, dị ẹ da avọ́ Igirepi. Dị aza ẹnị ẹẹva sị ọchị za tụra ịza nị. Dị ẹ rẹ sị Ipomegiraneti ọnịrị uhwigi vaka a vẹ nị. 24Ụmẹ ọnọọ Anisirẹrị nịnị sị sị ịrẹha yị ịzọọ Iwadi Esikori agụvị ka igirepi avụsụ ana a sị vẹ tu wa ịzọọ nị.
Enube ẹtẹ ọnị ọnụtụ nịnị re
25Ịhị ẹ tụ ọ ẹkụhị ẹbẹẹva ọnị aza ene ne re ẹtẹ Ikanaani ẹ vavẹ va kà ụtụ nị. 26Ẹnịnị vị ene ve tu Imosiisi ọnịrị Eerọnị ne beri ịragụ Anisirẹrị Íkadesi ịnị ụnọmị Ịparanị. É kà enube, dị ẹ kụ ẹtụtụ ọchị ẹnẹ ha hụụnị ẹtẹ ịzọọ va zụ wa nị. 27Ệ ka ẹnị ẹ̀ nọ ịzị a tụ ẹnị. Ẹtẹ ize ịzọọ vị nị. Dị ẹ sị ẹtụtụ ịsa ịnị aarẹ ịzọọ zụ wa nị. 28Ama aza ene hi ịzọọ ẹ̀ nyị ụkata. Ẹkụra ẹnịnị ọ́ banyị dị ẹ jị ọvọ kara wa nị. Ẹnị ê re evere Anaki ịzọọ. 29Anamarẹkị nịnị vị ana ra Ịnẹgẹvị, dị Anihiti nịnị ọnịrị Anijebusi nịnị ne beri Anamọrị nịnị vị ana ra ịrẹsụ ataba. Anikenaani vị ana ra utenyi Òkū Imeditareniya ọnịrị ụtụtọ irehi Ijodani. 30Dị Ịkarẹbị mẹ̀ ka aza anaa rị uhuhu hi Imosiisi e ku irenu ẹnịnị nị. Dị ọ ka, a vẹ ẹnịnị ẹ na dọ ẹtẹ ọnọọ booro aanị. Ẹnị ẹ zụ huuna wa. 31Dị aza ọnị ẹnịrị Ịkarẹbị zị na ịzọọ ka, ẹnị ẹ yị zụ nọ wa ịrẹvụ. Aza ene hi ịnị ẹtẹ ọnọọ ẹ kata hụụnị ẹnị ẹtẹẹtẹrẹ. 32Dị ẹ yaa kà odivi-odivi ene e si du ẹtẹ ọnị e ne re aanị yị Anisirẹrị nịnị. Ẹtẹ anaa rị aza ene hi ịnị anị ọ vị nị. Avaba aza ene hi ịzọọ vị ana nyayịnẹ hụ ẹtẹẹtẹrẹ. 33#Oyn 6.4Ẹnẹ é re evere Inehurimi ezi Anaki. Anisirẹrị nịnị sị mẹẹ anka ịchaacha ọvịdị ẹnịnị avọọ nị. Avọọ ẹnịị mee re Anisirẹrị nịnị nị.
Currently Selected:
Ịrịka 13: EBTP
Highlight
Share
Compare
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ịrịka 13
13
Imosiisi ọ tụ aza ẹnị ẹwụrẹva ne re ẹtẹ
(Ọda 1.19-33)
1Ẹnẹyịmavara ộ kà yị Imosiisi ka, 2Ọ tụ́ anọrụ ne re ẹtẹ Ikanaani ọnị ọnị aa sị yị Anisirẹrị, ọ ka Imosiisi ọ tụ ọdọvịdị ịrẹsụ ọnyọọnya na. 3Dị Imosiisi tụ́ anọrụ ẹnẹẹ hụụ ịnị ụnọmị Ịparanị anka Ẹnẹyịmavara mẹ mẹ̀ ọda yọ nị. Avaba ẹnịnị vị ọdọvịdị Anisirẹrị. 4Ịrẹha aza ẹnẹẹ yị: Isamuwa ozi Izaku hụụnị ịrẹsụ Iruveni 5Isahwati ozi Ihori hụụnị ịrẹsụ Isimiyọnị 6Ịkarẹbị ozi Ijehwụnẹ hụụnị ịrẹsụ Ijuda 7Ịgarị ozi Ijosẹẹhụ hụụnị ịrẹsụ Iisaka 8Ihoseya ozi Inuni hụụnị ịrẹsụ Ehwireemi 9Ipariti ozi Ịrahụ hụụnị ịrẹsụ Ịbẹnjamịnị 10Igadirẹrị ozi Isodi hụụnị ịrẹsụ Izeburuni 11Igadi ozi Isusi hụụnị ịrẹsụ Ijosẹẹhụ ana vị Ịmanasẹ 12Amịyẹrị ozi Igemari hụụnị ịrẹsụ Ịdaanị 13Iseturi ozi Ịmayịkẹẹrị hụụnị ịrẹsụ Aseri 14Inabi ozi Ivohwisi hụụnị ịrẹsụ Inahwitari 15Igewẹrị ozi Imaki hụụnị ịrẹsụ Igadi 16Ịrẹha ẹnịnị ẹ vị anọrụ ọnị Imosiisi tụ́ ne re ẹtẹ nị; Imosiisi vị ana sị Ijosuwa yị Ihoseya ozi Inuni. 17Imosiisi mèe tụ́ wa ka e ne re Ikanaani, ô ka yị wa ka ẹ zị oze Ịnẹgẹvị na zị oze ịnị ataba. 18Ẹnịnị e ne re ịzọọ mẹmẹ ya. Aza ene hi ịzọọ ẹ́ẹ́ nyị ụkataa? Ẹnịnị ẹ́ẹ́ rụrụ? 19Ẹtẹ aza ẹnẹẹ óó zoza avị odivi? Áá jị ọvọ kara ẹkụra ọbanyị-ọbanyị ene hi ẹtẹ ọnọọ nị? 20Ịzọọ óó zoza ẹtẹ ịrụkụ? Ịzọọ óó nyị ochị a vị ẹ yị nyị ọchị? Imosiisi kà ọnụtụ ẹnẹẹ ẹ sị vụrị ẹ jị ẹtụtụ ịsa ẹtẹ ịzọọ va zụ ọnị. Ụmẹ ịsa ọyịna ọ vị nị. 21Ịzẹyịza dị ẹnịnị re ẹtẹ ọnọọ hụrị ụnọmị Izini na ngụ ẹhwị ẹtẹ Anihamati nị. 22Dị ẹ zị oze Ịnẹgẹvị na ngụ Ihebirọnị, ịzị Ahimanị, ọnịrị Isesayi ne beri Itarimayi ra. Ẹnịnị vị evere Anaki. Ẹkụra Ihebirọnị vị ana da ịrayị ịhịmba dị a vaa da Izowanị ịnị ẹtẹ Ijipiti. 23Ịjị ẹ va ngụ inozi Esikori, dị ẹ da avọ́ Igirepi. Dị aza ẹnị ẹẹva sị ọchị za tụra ịza nị. Dị ẹ rẹ sị Ipomegiraneti ọnịrị uhwigi vaka a vẹ nị. 24Ụmẹ ọnọọ Anisirẹrị nịnị sị sị ịrẹha yị ịzọọ Iwadi Esikori agụvị ka igirepi avụsụ ana a sị vẹ tu wa ịzọọ nị.
Enube ẹtẹ ọnị ọnụtụ nịnị re
25Ịhị ẹ tụ ọ ẹkụhị ẹbẹẹva ọnị aza ene ne re ẹtẹ Ikanaani ẹ vavẹ va kà ụtụ nị. 26Ẹnịnị vị ene ve tu Imosiisi ọnịrị Eerọnị ne beri ịragụ Anisirẹrị Íkadesi ịnị ụnọmị Ịparanị. É kà enube, dị ẹ kụ ẹtụtụ ọchị ẹnẹ ha hụụnị ẹtẹ ịzọọ va zụ wa nị. 27Ệ ka ẹnị ẹ̀ nọ ịzị a tụ ẹnị. Ẹtẹ ize ịzọọ vị nị. Dị ẹ sị ẹtụtụ ịsa ịnị aarẹ ịzọọ zụ wa nị. 28Ama aza ene hi ịzọọ ẹ̀ nyị ụkata. Ẹkụra ẹnịnị ọ́ banyị dị ẹ jị ọvọ kara wa nị. Ẹnị ê re evere Anaki ịzọọ. 29Anamarẹkị nịnị vị ana ra Ịnẹgẹvị, dị Anihiti nịnị ọnịrị Anijebusi nịnị ne beri Anamọrị nịnị vị ana ra ịrẹsụ ataba. Anikenaani vị ana ra utenyi Òkū Imeditareniya ọnịrị ụtụtọ irehi Ijodani. 30Dị Ịkarẹbị mẹ̀ ka aza anaa rị uhuhu hi Imosiisi e ku irenu ẹnịnị nị. Dị ọ ka, a vẹ ẹnịnị ẹ na dọ ẹtẹ ọnọọ booro aanị. Ẹnị ẹ zụ huuna wa. 31Dị aza ọnị ẹnịrị Ịkarẹbị zị na ịzọọ ka, ẹnị ẹ yị zụ nọ wa ịrẹvụ. Aza ene hi ịnị ẹtẹ ọnọọ ẹ kata hụụnị ẹnị ẹtẹẹtẹrẹ. 32Dị ẹ yaa kà odivi-odivi ene e si du ẹtẹ ọnị e ne re aanị yị Anisirẹrị nịnị. Ẹtẹ anaa rị aza ene hi ịnị anị ọ vị nị. Avaba aza ene hi ịzọọ vị ana nyayịnẹ hụ ẹtẹẹtẹrẹ. 33#Oyn 6.4Ẹnẹ é re evere Inehurimi ezi Anaki. Anisirẹrị nịnị sị mẹẹ anka ịchaacha ọvịdị ẹnịnị avọọ nị. Avọọ ẹnịị mee re Anisirẹrị nịnị nị.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.