Inehemaya 8
8
Ẹzịra ọ za ọda ịrịka zụ aza
1Avaba Anisirẹrị ệ vị ayị bẹ dị ẹ ku ẹngụ gụ ịnị orere ẹkụra ọ gụrị ịzị aā hị́ Oze Ọbanyị Enyi. Dị ẹ kà a yị Ẹzịra ana vị ọchẹrịsa ka ọ̀ sị iwe Imosiisi ọnị Ẹnẹyịmavara sị yị wa tụ ẹhẹ nị. 2Ịhị ẹ tụ ọ ẹkụhị ịpaapa ịnị ụhwẹ ịhịmba ịrayị dị aza kụ ẹngụ gụ nị, anọrụ ọnịrị anẹẹ ana sị hụ ọ wụ́ ịrẹyị. Dị Ẹzịra ana vị ohirẹsụ irehi Ohomorihi sị iwe ọda ọnọọ vẹ ọvịdị ịragụ nị. 3Dị ọ zà iwe ọda ọnọọ ịrẹka eyi avaba aza hụrẹ ẹnẹnẹ na ngụ ọọdụ ịnị orere nị. Dị ọzọza sị ụtọ pe e, dị ẹ wụ́ ịrẹyị ọnọọ nị. 4Ẹzịra ana vị ọchẹrịsa vị ana hịrẹ ịrẹsụ ụta ana a sị ipako mẹ̀ jẹẹ agụvị ẹkụhị ọnọnị. Imatitiya, Ịsẹma, Anaya, Uriya, Ihirikaya, ọnịrị Imaseya nịnị ệ jẹẹ eyi ụvọrị anị nị. Dị Ipedaya, Imisẹrị, Imarikija, Ihasumi Ihasibadana, Ịzakaraya ọnịrị Imesurami nịnị ẹnị jẹẹ eyi ụvọha anị nị. 5Ẹzịra ộ hụ̀ iwe ọnọọ, dị avaba aza re e agụvị ka vị ọ và aza chire ịrẹsụ ụta nị. Ọ mẹ hụ iwe ọnọọ dị avaba aza kwẹẹtẹ jẹẹ nị. 6Dị Ẹzịra kụ́ Ẹnẹyịmavara, Ohomorihi ene hu avọ nị. Dị avaba aza vaa ụvọ hịrẹ dị ẹ ka, Aamị! Aamị! nị. Dị avaba ẹnịnị va ku ẹtẹ dị ẹ kụ ịrẹsụ ka ẹtẹ aa kụ Ẹnẹyịmavara avọ nị. 7Anireevi anaa sị ịrẹyị zụ aza ịhị ọnọọ ẹ vị Ijesuwa, Ibani, Iserebiya, Ijamini, Akubi, Isabetayi, Ihodiya, Imaseya, Ikerita, Azariya, Ijozabadi, Ihanani ọnịrị Iperaya. 8Dị ẹ za iwe ọda ịrịka zụ wa, dị ẹ mẹ ẹhahi anị zụ wa agụvị aza ẹ̀ nyẹngụ yẹ ẹ. 9Áza ẹnẹẹ mẹ wụ́ ịrẹyị ọda Ohomorihi, dị ẹ yaa jị òrèrè nị. Dị Inehemaya ana vị Ịgọvọnọ, ọnịrị Ẹzịra ohirẹsụ irehi Ohomorihi neberi Anireevi, anaa zụ ọza ịsa aa kụ wa ẹngụ nịya nị. Dị ẹ ka asị ẹnịnị va ẹngụ hi agụvị ka ẹkụhị ọnọnị vị ana sị tịtẹ yị Ẹnẹyịmavara ana vị Ohomorihi ẹnịnị nị. 10Â kà a yị wa ka asị e du ayị, ẹẹ nọ eehi dị ẹ̀ naa rị ịsa, dị e hú eche ohine, dị ẹ̀ da ịsa yị aza ẹnẹ ẹ yị nyị rị. Ayohine ọnị Ẹnẹyịmavara mẹ yị wa aanị vaa mẹ ka ẹ̀ nyị ụkata. 11Dị Anireevi nịnị kà a yị wa ka ẹ̀ vayị nẹtẹ agụvị ka ẹkụhị ọnọnị vị ẹkụhị Ohomorihi, asị e du ayị. 12Avaba aza ệ và nọ eehi ka ẹnị ẹ̀ naa rị, dị ẹnị ee hú, dị ẹnị ẹ̀ dà ịsa na yị aza ẹnẹ ẹ̀ yị nyị, dị ẹnị ẹẹ mẹ ayohine agụvị ka ẹnịnị ẹ raà yẹ ịrẹyị Ohomorihi ana a za ịrịka yị wa.
Ọyị rị eche ajẹngụ
13Eyinẹhẹ anị, dị ọdọvịdị ovwoovu-ovwoovu, ọnịrị ohirẹsụ irehi Ohomorihi nịnị neberi Anireevi nịnị kụ ẹngụ gụ ka Ẹzịra ana vị ọchẹrịsa ọ̀ zụ ẹnị ịsị ọda Ohomorihi kà nị. 14#Ire 23.33-36,39-43; Ọda 16.13-15Ẹnịnị ê re ini iwe ọda ọnị Ẹnẹyịmavara sị tụ Imosiisi hi wa ka ẹ̀ ra ịnị ajẹngụ ịnị ụmẹ eche ajẹngụ ana aā rị ịnị ụhwẹ ịhịmba ịrayị. 15A ka ẹnịnị ẹ̀ nọ Ijerusarẹmị ọnịrị avaba ẹkụra ana vọ dị ẹ̀ na kà a yị avaba aza ka ẹ̀ nọ ịnị ataba na jị ávọ́ ọchị orivi, ọchị ọsa ana aā sị mẹ angwẹ, ọchị ododo ana aā hị́ Ihadasa, avị ụda, ọnịrị ọchị ọbụrụ; dị ẹ̀ jị ajẹngụ ẹnẹ ẹ vaa ya ịnị anị dị eche ọ̀ ta rị anka a mẹ chẹrẹ tụ ịnị ọda. 16Agụvị avọọ dị aza jịnẹ hi ẹhẹ, dị ẹ da avọ́ ọchị, dị ẹ sị jị ajẹngụ tụra ịrẹsụ irehi ẹnịnị ọnịrị ịnị ohweje ẹnịnị neberi ohweje irehi Ohomorihi, ọnịrị ịnị orere oze ọbanyị ana aā hị́ Enyi ọnịrị oze ọbanyị Ehwireemi nị. 17Dị aza ana hụrẹ Ịbabịrọnị vẹ eehi jị ajẹngụ ẹnẹ ẹ ra ịnị anị ẹkụhị ịhịmba nị, dị ọzọza aa jẹ nị. Anisirẹrị ẹ yị vana maanị rị eche Ijesuwa ozi Inuni me hụrẹ su. 18Ẹzịra ộ za iwe ọda Ohomorihi ịrịka zụ wa eyinị-eyinị ẹkụhị ịhịmba. Ịhyẹgwịhịnta anị ẹnịnị kụ ẹngụ gụ mẹ̀ aduwa anka ọda Imosiisi mẹ kà a nị.
Currently Selected:
Inehemaya 8: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Inehemaya 8
8
Ẹzịra ọ za ọda ịrịka zụ aza
1Avaba Anisirẹrị ệ vị ayị bẹ dị ẹ ku ẹngụ gụ ịnị orere ẹkụra ọ gụrị ịzị aā hị́ Oze Ọbanyị Enyi. Dị ẹ kà a yị Ẹzịra ana vị ọchẹrịsa ka ọ̀ sị iwe Imosiisi ọnị Ẹnẹyịmavara sị yị wa tụ ẹhẹ nị. 2Ịhị ẹ tụ ọ ẹkụhị ịpaapa ịnị ụhwẹ ịhịmba ịrayị dị aza kụ ẹngụ gụ nị, anọrụ ọnịrị anẹẹ ana sị hụ ọ wụ́ ịrẹyị. Dị Ẹzịra ana vị ohirẹsụ irehi Ohomorihi sị iwe ọda ọnọọ vẹ ọvịdị ịragụ nị. 3Dị ọ zà iwe ọda ọnọọ ịrẹka eyi avaba aza hụrẹ ẹnẹnẹ na ngụ ọọdụ ịnị orere nị. Dị ọzọza sị ụtọ pe e, dị ẹ wụ́ ịrẹyị ọnọọ nị. 4Ẹzịra ana vị ọchẹrịsa vị ana hịrẹ ịrẹsụ ụta ana a sị ipako mẹ̀ jẹẹ agụvị ẹkụhị ọnọnị. Imatitiya, Ịsẹma, Anaya, Uriya, Ihirikaya, ọnịrị Imaseya nịnị ệ jẹẹ eyi ụvọrị anị nị. Dị Ipedaya, Imisẹrị, Imarikija, Ihasumi Ihasibadana, Ịzakaraya ọnịrị Imesurami nịnị ẹnị jẹẹ eyi ụvọha anị nị. 5Ẹzịra ộ hụ̀ iwe ọnọọ, dị avaba aza re e agụvị ka vị ọ và aza chire ịrẹsụ ụta nị. Ọ mẹ hụ iwe ọnọọ dị avaba aza kwẹẹtẹ jẹẹ nị. 6Dị Ẹzịra kụ́ Ẹnẹyịmavara, Ohomorihi ene hu avọ nị. Dị avaba aza vaa ụvọ hịrẹ dị ẹ ka, Aamị! Aamị! nị. Dị avaba ẹnịnị va ku ẹtẹ dị ẹ kụ ịrẹsụ ka ẹtẹ aa kụ Ẹnẹyịmavara avọ nị. 7Anireevi anaa sị ịrẹyị zụ aza ịhị ọnọọ ẹ vị Ijesuwa, Ibani, Iserebiya, Ijamini, Akubi, Isabetayi, Ihodiya, Imaseya, Ikerita, Azariya, Ijozabadi, Ihanani ọnịrị Iperaya. 8Dị ẹ za iwe ọda ịrịka zụ wa, dị ẹ mẹ ẹhahi anị zụ wa agụvị aza ẹ̀ nyẹngụ yẹ ẹ. 9Áza ẹnẹẹ mẹ wụ́ ịrẹyị ọda Ohomorihi, dị ẹ yaa jị òrèrè nị. Dị Inehemaya ana vị Ịgọvọnọ, ọnịrị Ẹzịra ohirẹsụ irehi Ohomorihi neberi Anireevi, anaa zụ ọza ịsa aa kụ wa ẹngụ nịya nị. Dị ẹ ka asị ẹnịnị va ẹngụ hi agụvị ka ẹkụhị ọnọnị vị ana sị tịtẹ yị Ẹnẹyịmavara ana vị Ohomorihi ẹnịnị nị. 10Â kà a yị wa ka asị e du ayị, ẹẹ nọ eehi dị ẹ̀ naa rị ịsa, dị e hú eche ohine, dị ẹ̀ da ịsa yị aza ẹnẹ ẹ yị nyị rị. Ayohine ọnị Ẹnẹyịmavara mẹ yị wa aanị vaa mẹ ka ẹ̀ nyị ụkata. 11Dị Anireevi nịnị kà a yị wa ka ẹ̀ vayị nẹtẹ agụvị ka ẹkụhị ọnọnị vị ẹkụhị Ohomorihi, asị e du ayị. 12Avaba aza ệ và nọ eehi ka ẹnị ẹ̀ naa rị, dị ẹnị ee hú, dị ẹnị ẹ̀ dà ịsa na yị aza ẹnẹ ẹ̀ yị nyị, dị ẹnị ẹẹ mẹ ayohine agụvị ka ẹnịnị ẹ raà yẹ ịrẹyị Ohomorihi ana a za ịrịka yị wa.
Ọyị rị eche ajẹngụ
13Eyinẹhẹ anị, dị ọdọvịdị ovwoovu-ovwoovu, ọnịrị ohirẹsụ irehi Ohomorihi nịnị neberi Anireevi nịnị kụ ẹngụ gụ ka Ẹzịra ana vị ọchẹrịsa ọ̀ zụ ẹnị ịsị ọda Ohomorihi kà nị. 14#Ire 23.33-36,39-43; Ọda 16.13-15Ẹnịnị ê re ini iwe ọda ọnị Ẹnẹyịmavara sị tụ Imosiisi hi wa ka ẹ̀ ra ịnị ajẹngụ ịnị ụmẹ eche ajẹngụ ana aā rị ịnị ụhwẹ ịhịmba ịrayị. 15A ka ẹnịnị ẹ̀ nọ Ijerusarẹmị ọnịrị avaba ẹkụra ana vọ dị ẹ̀ na kà a yị avaba aza ka ẹ̀ nọ ịnị ataba na jị ávọ́ ọchị orivi, ọchị ọsa ana aā sị mẹ angwẹ, ọchị ododo ana aā hị́ Ihadasa, avị ụda, ọnịrị ọchị ọbụrụ; dị ẹ̀ jị ajẹngụ ẹnẹ ẹ vaa ya ịnị anị dị eche ọ̀ ta rị anka a mẹ chẹrẹ tụ ịnị ọda. 16Agụvị avọọ dị aza jịnẹ hi ẹhẹ, dị ẹ da avọ́ ọchị, dị ẹ sị jị ajẹngụ tụra ịrẹsụ irehi ẹnịnị ọnịrị ịnị ohweje ẹnịnị neberi ohweje irehi Ohomorihi, ọnịrị ịnị orere oze ọbanyị ana aā hị́ Enyi ọnịrị oze ọbanyị Ehwireemi nị. 17Dị aza ana hụrẹ Ịbabịrọnị vẹ eehi jị ajẹngụ ẹnẹ ẹ ra ịnị anị ẹkụhị ịhịmba nị, dị ọzọza aa jẹ nị. Anisirẹrị ẹ yị vana maanị rị eche Ijesuwa ozi Inuni me hụrẹ su. 18Ẹzịra ộ za iwe ọda Ohomorihi ịrịka zụ wa eyinị-eyinị ẹkụhị ịhịmba. Ịhyẹgwịhịnta anị ẹnịnị kụ ẹngụ gụ mẹ̀ aduwa anka ọda Imosiisi mẹ kà a nị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.