Inehemaya 2
2
Inehemaya ộ nọ Ijerusarẹmị
1Ịnị ụhwẹ ọhụna ana a hị́ Inisanị ịnị ịrayị ana tụ ọ oohu ọnị Atazazasisi rị ohinọyị, Inehemaya ọ sị eche na yị ohinọyị. Dị ahịka ọ vara eyi hi ne tu ohinọyị nị. Ọ yị vịdị vavọọ vara eyi hi ne tu ohinọyị daa. 2Ohinọyị mẹ vavọọ re e, dị ọ họ̀ ọ use ka sị ẹ vẹ dị ọ vara eyi hi ịrẹma ọnị ẹngụ ẹ yị zị ọ? Â nyị ịsa ana aa kata a ẹngụ. Inehemaya kà ụmẹ ọnọọ ayị anị ọ kụ sẹ hi ọnị ịnẹ. 3#2 Ohi 25.8-10; 2 Ịtọ 36.19; Ijer 52.12-14Dị Inehemaya kà, “taarụ! U vee ku orubo ọcha, orubo ẹya”. Ọ kà, sị ẹ vị ayohine anị ịrẹma ọnị ẹkụra ene e ne ohiku ẹnịnị tụ sị vara eburu, dị ukere oze ana na ngụ ẹkụra kụ rị ịra va ha. 4Dị ohinọyị họ̀ ọ use ka ịsị e si ka ọnị ọ mẹ tụ ọ? Dị Inehemaya mẹ̀ aduwa hi Ohomorihi ana nyị ẹbẹẹba. 5Dị ọ kà, ohinọyị ọ̀ọ nyị ozi ahụ anị iyi, dị ayị anị vavọọ hine tu ọ nị, ọ navọ ọnị ọ varẹma nọ Ijuda, di oni o ne tenyi ịzị ukuta ohiku ẹnịnị ya. 6Ụmẹ ọnị ohinọyị ee si họ̀ use ịrẹyị ọnọnị, ose anị vị ana yaayịtẹ akaha anị. Dị ọ họ̀ Inehemaya ka ẹkụhị yaa ụkọrọ ọnọọ va dọ ọ? Ịhị ọ vaa varẹma vẹ? Dị ohinọyị sị oze yị ọ nị. Dị Inehemaya jị ụmẹ ọnị ọ va sị vaa vẹ yị ọ nị. 7Dị ọ rẹ da ịpẹ yị ohinọyị ka ọ sị iwe yị ọnị na yị Ịgọvọnọ nịnị ene si eyi pe ẹtẹ akẹnẹ enyi agụvị dị ẹ sị oze yị ẹnị ka ẹnị ẹ parahu na ngụ Ijuda. 8Dị ọ ka ohinọyị ọ rẹ sị iwe ọsa yị ọnị na yị Asahwi ana sị eyi pe uruku anị. Dị Asahwi ọ kụ ipako yị ọnị dị a sị mẹ̀ ukere oze irehi ana gụrị irehi Ohomorihi, ọnịrị oze ẹkụra ene hi ịnị ọvọ. Ọchị anaa vọ dị ọnị ọ kụ́ da irehi ọnị ọnị vaa ra. Dị ohinọyị mẹ avaba ịsa ọnị ọ họ̀ use anị agụvị ka Ohomorihi ọ sị ụvọ tụ ọ yị ọ. 9Dị ohinọyị nyị ọdọvịdị isoja ọnịrị isoja anaā sịị umaata kụ ịrẹkụ ka ee sere e nị. Ịjị ọnị o tu Ịgọvọnọ nịnị ene hi akẹnẹ enyi, dị ọ sị iwe ọzọza yị ọ nị. 10Â nyị anọrụ ẹẹva ene hi Ijuda. Ịrẹha ọnyara ọ rị Ịsanbaratị ana vị Anihoroni, dị ọsa rị Itobaya ana vị Anamọnị nị. Ịjị ẹnịnị wụ ịsa ana mẹ, dị ayị ẹnịnị du chuku-chuku, agụvị ka ẹnịnị e yi si ka ọza ọ gụ Anisirẹrị nịnị ụvọ.
Inehemaya ô ne re ọvọ Ijerusarẹmị
11Ịhyẹgwẹta ọnị Inehemaya ngụ Ijerusarẹmị, 12agẹvịrahụ anị ộ kwẹẹtẹ, dị ọ kụ anọrụ chee beri ẹngụ, dị ẹ yị nyị ọza ọnị ọ kà zụ ịsị Ohomorihi sị tụ ọ ayị ka ọ mẹ Ijerusarẹmị nị. Dị ahịka ịkẹrịkẹtẹ ikonya ọnị ọ tụra kẹnẹ ọ sị nị. 13Ịrahụ ọnọọ, o ne re ọvọ ene e wu ọnịrị ukere oze ana ngụ ẹkụra nịnị ana a rị ịra. Ẹnịnị ệ zị oze ọbanyị inozi ngụ ịnị oswe ana aā hị́ agụgụ, dị ẹ hụrẹ ịzọọ na ngụ oze ọbanyị ọsa ana va eyi ka ututu. 14Avọọ ọ mẹ na ngụ oze ọbanyị ana a hị́ adagu ọnịrị imisi ohinọyị. Ututu ana ya ịzọọ ọyị zẹ ka ịkẹrịkẹtẹ ò re oze parahu. 15Agụvị avọọ, dị Inehemaya va chi hụrẹ ịzọọ na ngụ inozi Ikidironi ne re ọvọ ana vọ nị, dị ọ varẹma zị oze ọbanyị inozi va ngụ ẹkụra nị. 16Ẹ yị nyị ọdọvịdị ẹkụra ana yẹ ịzị ọ nọ ọnịrị ịsa ana aa mẹ. Ẹ yị nyị ịsị Inehemaya kà zụ́ Aniju nịnị, a vị ohirẹsụ irehi Ohomorihi nịnị ọnịrị azọkụ beri ọdọvịdị ẹkụra nịnị ana vaa nyị ụvọ tụ ịnị ụkọrọ ọnọnị. 17Ịrẹma ụsẹ ọnị ọ zị aanị, ọ vaa kà ịrẹyị yị wa nị. Ọ kà ẹnịnị é re akanya ene tu ẹnị aanị. Ijerusarẹmị ẹkụra ẹnịnị ọ sị vara eburu, dị ukere oze ẹkụra nịnị kụ rị ịra nị. Dị ọ hị́ wa ka ẹ kwẹẹtẹ, dị e tenyi ọvọ ene wu aanị tụra, dị ẹnị ẹ hụụnị ụhị. 18Dị Inehemaya ộ kà yị wa Ohomorihi mẹmẹ jẹẹ ọnị ịrẹma ọnịrị ịrẹyị ọnị ohinọyị kà. Dị avaba aza tụ ohi vabẹ ka, ozoza! Aa vẹ ẹnị ẹ kwẹẹtẹ ẹnị ẹ tenyi ọvọ ọnọọ tụra. Avọọ ẹnịnị mẹ tụ ẹngụ ọtụtụrụma mẹ̀ ụkọrọ ọnọọ nị. 19Ịjị Ịsanbaratị Anihoroni ọnịrị Itobaya Anamọnị neberi Ịgẹsẹmị Anarabi wụ́ ịrẹyị ọnọọ, dị ẹ ya sị Inehemaya nịnị mẹ enyinyi nị. Dị ẹ kà sị Aniju nịnị ro ka ẹnị aa mẹ kẹ? Ẹnịnị wáá mẹ akamawụ hị́ ohinọyị nị? 20Dị Inehemaya tụ wa ohi ka, “Ohomorihi ana nyị ẹbẹẹba vaa sị ẹnị nyị ehuna. Ẹnị ezi ahụ anị vee nyima ọyị tenyi ọvọ ẹkụra tụra. Ama Ịsanbaratị ọnịrị aza anị ẹ yị nyị ụvọ tụ ụkọrọ Ijerusarẹmị agụvị ka ẹ yị nyị ẹtẹ ọnị ụkọnkọnọ ẹnịnị aa vaa chị ụsị tụ́.”
Currently Selected:
Inehemaya 2: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Inehemaya 2
2
Inehemaya ộ nọ Ijerusarẹmị
1Ịnị ụhwẹ ọhụna ana a hị́ Inisanị ịnị ịrayị ana tụ ọ oohu ọnị Atazazasisi rị ohinọyị, Inehemaya ọ sị eche na yị ohinọyị. Dị ahịka ọ vara eyi hi ne tu ohinọyị nị. Ọ yị vịdị vavọọ vara eyi hi ne tu ohinọyị daa. 2Ohinọyị mẹ vavọọ re e, dị ọ họ̀ ọ use ka sị ẹ vẹ dị ọ vara eyi hi ịrẹma ọnị ẹngụ ẹ yị zị ọ? Â nyị ịsa ana aa kata a ẹngụ. Inehemaya kà ụmẹ ọnọọ ayị anị ọ kụ sẹ hi ọnị ịnẹ. 3#2 Ohi 25.8-10; 2 Ịtọ 36.19; Ijer 52.12-14Dị Inehemaya kà, “taarụ! U vee ku orubo ọcha, orubo ẹya”. Ọ kà, sị ẹ vị ayohine anị ịrẹma ọnị ẹkụra ene e ne ohiku ẹnịnị tụ sị vara eburu, dị ukere oze ana na ngụ ẹkụra kụ rị ịra va ha. 4Dị ohinọyị họ̀ ọ use ka ịsị e si ka ọnị ọ mẹ tụ ọ? Dị Inehemaya mẹ̀ aduwa hi Ohomorihi ana nyị ẹbẹẹba. 5Dị ọ kà, ohinọyị ọ̀ọ nyị ozi ahụ anị iyi, dị ayị anị vavọọ hine tu ọ nị, ọ navọ ọnị ọ varẹma nọ Ijuda, di oni o ne tenyi ịzị ukuta ohiku ẹnịnị ya. 6Ụmẹ ọnị ohinọyị ee si họ̀ use ịrẹyị ọnọnị, ose anị vị ana yaayịtẹ akaha anị. Dị ọ họ̀ Inehemaya ka ẹkụhị yaa ụkọrọ ọnọọ va dọ ọ? Ịhị ọ vaa varẹma vẹ? Dị ohinọyị sị oze yị ọ nị. Dị Inehemaya jị ụmẹ ọnị ọ va sị vaa vẹ yị ọ nị. 7Dị ọ rẹ da ịpẹ yị ohinọyị ka ọ sị iwe yị ọnị na yị Ịgọvọnọ nịnị ene si eyi pe ẹtẹ akẹnẹ enyi agụvị dị ẹ sị oze yị ẹnị ka ẹnị ẹ parahu na ngụ Ijuda. 8Dị ọ ka ohinọyị ọ rẹ sị iwe ọsa yị ọnị na yị Asahwi ana sị eyi pe uruku anị. Dị Asahwi ọ kụ ipako yị ọnị dị a sị mẹ̀ ukere oze irehi ana gụrị irehi Ohomorihi, ọnịrị oze ẹkụra ene hi ịnị ọvọ. Ọchị anaa vọ dị ọnị ọ kụ́ da irehi ọnị ọnị vaa ra. Dị ohinọyị mẹ avaba ịsa ọnị ọ họ̀ use anị agụvị ka Ohomorihi ọ sị ụvọ tụ ọ yị ọ. 9Dị ohinọyị nyị ọdọvịdị isoja ọnịrị isoja anaā sịị umaata kụ ịrẹkụ ka ee sere e nị. Ịjị ọnị o tu Ịgọvọnọ nịnị ene hi akẹnẹ enyi, dị ọ sị iwe ọzọza yị ọ nị. 10Â nyị anọrụ ẹẹva ene hi Ijuda. Ịrẹha ọnyara ọ rị Ịsanbaratị ana vị Anihoroni, dị ọsa rị Itobaya ana vị Anamọnị nị. Ịjị ẹnịnị wụ ịsa ana mẹ, dị ayị ẹnịnị du chuku-chuku, agụvị ka ẹnịnị e yi si ka ọza ọ gụ Anisirẹrị nịnị ụvọ.
Inehemaya ô ne re ọvọ Ijerusarẹmị
11Ịhyẹgwẹta ọnị Inehemaya ngụ Ijerusarẹmị, 12agẹvịrahụ anị ộ kwẹẹtẹ, dị ọ kụ anọrụ chee beri ẹngụ, dị ẹ yị nyị ọza ọnị ọ kà zụ ịsị Ohomorihi sị tụ ọ ayị ka ọ mẹ Ijerusarẹmị nị. Dị ahịka ịkẹrịkẹtẹ ikonya ọnị ọ tụra kẹnẹ ọ sị nị. 13Ịrahụ ọnọọ, o ne re ọvọ ene e wu ọnịrị ukere oze ana ngụ ẹkụra nịnị ana a rị ịra. Ẹnịnị ệ zị oze ọbanyị inozi ngụ ịnị oswe ana aā hị́ agụgụ, dị ẹ hụrẹ ịzọọ na ngụ oze ọbanyị ọsa ana va eyi ka ututu. 14Avọọ ọ mẹ na ngụ oze ọbanyị ana a hị́ adagu ọnịrị imisi ohinọyị. Ututu ana ya ịzọọ ọyị zẹ ka ịkẹrịkẹtẹ ò re oze parahu. 15Agụvị avọọ, dị Inehemaya va chi hụrẹ ịzọọ na ngụ inozi Ikidironi ne re ọvọ ana vọ nị, dị ọ varẹma zị oze ọbanyị inozi va ngụ ẹkụra nị. 16Ẹ yị nyị ọdọvịdị ẹkụra ana yẹ ịzị ọ nọ ọnịrị ịsa ana aa mẹ. Ẹ yị nyị ịsị Inehemaya kà zụ́ Aniju nịnị, a vị ohirẹsụ irehi Ohomorihi nịnị ọnịrị azọkụ beri ọdọvịdị ẹkụra nịnị ana vaa nyị ụvọ tụ ịnị ụkọrọ ọnọnị. 17Ịrẹma ụsẹ ọnị ọ zị aanị, ọ vaa kà ịrẹyị yị wa nị. Ọ kà ẹnịnị é re akanya ene tu ẹnị aanị. Ijerusarẹmị ẹkụra ẹnịnị ọ sị vara eburu, dị ukere oze ẹkụra nịnị kụ rị ịra nị. Dị ọ hị́ wa ka ẹ kwẹẹtẹ, dị e tenyi ọvọ ene wu aanị tụra, dị ẹnị ẹ hụụnị ụhị. 18Dị Inehemaya ộ kà yị wa Ohomorihi mẹmẹ jẹẹ ọnị ịrẹma ọnịrị ịrẹyị ọnị ohinọyị kà. Dị avaba aza tụ ohi vabẹ ka, ozoza! Aa vẹ ẹnị ẹ kwẹẹtẹ ẹnị ẹ tenyi ọvọ ọnọọ tụra. Avọọ ẹnịnị mẹ tụ ẹngụ ọtụtụrụma mẹ̀ ụkọrọ ọnọọ nị. 19Ịjị Ịsanbaratị Anihoroni ọnịrị Itobaya Anamọnị neberi Ịgẹsẹmị Anarabi wụ́ ịrẹyị ọnọọ, dị ẹ ya sị Inehemaya nịnị mẹ enyinyi nị. Dị ẹ kà sị Aniju nịnị ro ka ẹnị aa mẹ kẹ? Ẹnịnị wáá mẹ akamawụ hị́ ohinọyị nị? 20Dị Inehemaya tụ wa ohi ka, “Ohomorihi ana nyị ẹbẹẹba vaa sị ẹnị nyị ehuna. Ẹnị ezi ahụ anị vee nyima ọyị tenyi ọvọ ẹkụra tụra. Ama Ịsanbaratị ọnịrị aza anị ẹ yị nyị ụvọ tụ ụkọrọ Ijerusarẹmị agụvị ka ẹ yị nyị ẹtẹ ọnị ụkọnkọnọ ẹnịnị aa vaa chị ụsị tụ́.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.