Inehemaya 13
13
Inehemaya ộ va ahẹkẹ Aniju nịnị vẹ
1 #
Ọda 23.3-5
Ịhị ana a sị ọvọ Ijerusarẹmị chire Ohomorihi ụvọ gẹdẹ-gẹdẹ, â za iwe Imosiisi ịrịka ka aza ana gụ ẹ̀ wụ ọ. A maa ka a na, dị ẹ va yẹ ka â nyị ịzị a chẹrẹ ẹ tụ ka asị a nyị Anamọnị àvị Animowabi ana a zẹẹ ka ọ̀ vahura aza Ohomorihi nị. 2#Ịrị 22.1-6Â vavọọ kà a tịtẹ, agụvị ka ẹnịnị ẹ yị sị ịsọyịrị ọnịrị enyi yị Anisirẹrị nịnị ẹ mẹ̀ hụrẹ Ijipiti aa parahu. Ama dị ẹ na hị́ Ịbaraamị ka ò ve chi hi wa nị. 3Ịjị aza maanị wụ ọ, dị ẹ kwẹẹtẹ, dị ẹ dụ avaba azọga ana ra va hura wa kwooze nị.
Inehemaya ộ vara ịsa ẹnyị ụvọ
4Dị ụmẹ ọnọnị va tu, Eriyasibi ohirẹsụ irehi Ohomorihi a ka ò sị eyi pe aku ana aa kụ ịsaa hi nị. Ọnịrị Itobaya ê ze ẹtẹẹtẹrẹ. 5Ộ navọ Itobaya ka ọ̀ ra ịnị aku ana a vịdị kụ akụ ana a sị va yị Ohomorihi ọnịrị eturare beri ẹnya ụkọrọ irehi Ohomorihi hi. Ịzọọ a rẹẹ kụ agẹẹwụ akụ, eche, ọnịrị angwẹ orivi, ọnị ọda ka aa sịị yị Anireevi, ọjahẹ, ọnịrị oserẹtẹ nịnị beri ẹyịza ana a kụ va yị ohirẹsụ irehi Ohomorihi nịnịị hi nị. 6Ịsa ẹnẹnị vị ana mẹ ịnị ịrayị ohurẹẹwụ tụra ẹẹva ọnị Atazazasisi sị rị ohinọyị. Ụmẹ ọnọọ, Inehemaya ẹ yị ya Ijerusarẹmị agụvị ka o ne heyi ohinọyị. Ộ daku chee di Inehemaya dọ oze hụụnị ụvọ ohinọyị ka ọnị aa vaavẹ Ijerusarẹmị nị. 7M mẹ̀ va ngụ Ijerusarẹmị dị mị wụ ebira odivi ọnị Eriyasibi mẹ nị. Eriyasibi ộ sị aku ọnya yị Itobaya ịnị irehi Ohomorihi. 8Ịrẹyị ọnọọ ộ kụ mị ayị ẹtẹẹtẹrẹ, dị mị kụ avaba ẹnya Itobaya ne và hi ẹhẹ nị. 9Mâ mẹ ọda ka aa nyịna akụ ọnọọ, dị mị varẹma kụ ẹnya irehi Ohomorihi ọnịrị akụ ana a sị va yị Ohomorihi neberi eturare hi ịzọọ nị. 10#Ọda 12.19Dị mị rẹ va wụ ọ ka ọza ẹ yị kụkụ sị ịsa ana aā sịị yị Anireevi nịnị yị wa nị. Agụvị avọ avaba Anireevi ọnịrị ọjahẹ nịnị ana aā mẹ̀ ụkọrọ ini irehi Ohomorihi ẹ kụ varẹma naa da aarẹ. 11Mâ hị́ ọdọvịdị nịnị gụ, dị mị du ayị hi wa nị. Mâ họ̀ wa ka sị ẹ vẹ dị ẹnịnị ẹ yị tẹsị irehi Ohomorihi? Dị mị va hị́ Anireevi nịnị ẹnịrị ẹnị ọmaahẹ nịnị gụ, dị mị va ọzọza nọ aha ụkọrọ anị ịnị irehi Ohomorihi nị. 12#Ịma 3.10Dị avaba Anijuda nịnị kụ agẹẹwụ akụ ọnịrị eche neberi angwẹ orivi ve hi ịnị aku ana aā kụ ịsaa hi irehi Ohomorihi nị. 13Dị mị nyị aza ẹnị ẹẹta ana nyị ịzẹyịza ka ẹ̀ a sị eyi pe ịsa ana kụ vẹ ịnị irehi Ohomorihi aanị nị, dị ẹẹ ga ịsa ene tu ọzọzaa yị wa nị. Aza ọnị mị vavọọ nyị ẹ vị Iseremaya, ohirẹsụ irehi Ohomorihi ọnịrị Ịzadọkị ana aā zụ̀ aza ọda Imosiisi, ọnịrị Ipedaya ana vị Anireevi nị. Mâ sị Ihanani, ozi Izaku dị ọ vị aazị Imataniya ka ọọ gụ wa ụvọ. 14Mâ da ịpẹ yị Ohomorihi amị ka ọ̀ navọ ọ̀ tama ayị amị agụvị ịsa ọnọnị, dị asị ọ kụ ịsị mị sị ịzẹyịza mẹ yị irehi Ohomorihi amị ọnịrị ahẹkẹ ana aa mẹ ịnị anị aanị kwooze. 15#Kụra 20.8-10; Ọda 5.12-14; Ijer 17.21,22Ụmẹ ọnọọ ịnị ẹtẹ Ijuda mê re aza anaa kwọrọ ẹtụtụ ịnị ẹkụhị ụhwọtụ. Aza ẹnyị ee kune akụ, eche, igirepi, ihwigi, ọnịrị ẹnya ana vọ tụra ịkẹrịkẹtẹ, dị ẹyaa kụ ọ vẹ Ijerusarẹmị ịnị ẹkụhị ụhwọtụ nị. Dị mị kà wa ọnọ ka asị ẹ vana ná ịsọyịrị ẹkụhị ụhwọtụ nị. 16Anẹkụra Ịtaya ana ra Ijerusarẹmị aa kụ ivovo ọnịrị ịsa ohu vaa náa yị Anịjuda nịnị ọnịrị Anijerusarẹmị nịnị ẹkụhị ụhwọtụ nị. 17Mâ tụ́ ọdọvịdị Anijuda nịnị ohuvọ nị. Mị ka sị ẹ vẹ dị ẹyaa mẹ̀ ebira ọhịmị ọnọnị, dị ẹnịnị ẹ̀ yị sị ẹkụhị ụhwọtụ tịtẹ yị Ohomorihi? 18Mị ka, ẹngụ ebira odivi ọnọnị ohiku awụ nịnị vịdị mẹ oni Ohomorihi sị sị ụya rị yị, dị ọ mẹ ka è du ẹkụra ọnọnị ha nị. Ama ẹwụ nịnị ree du ẹkụhị ụhwọtụ ka Ohomorihi ọ̀ kụ ayị hi Anisirẹrị hu avọọ. 19Agụvị avọọ dị mị mẹ ọda ka oruva ọ̀ọ maanị ee tù kẹnẹ ẹkụhị ụhwọtụ ọ̀ọ sị vị ụhwọọ è gu oze ọbanyị ẹkụra. Dị mị nyị aza amị ẹnyị ka ẹ̀ jẹẹ oze ọbanyị ịzọọ agụvị asị a nyị ẹnya ana a kụ vẹ Ijerusarẹmị ẹkụhị ụhwọtụ nị. 20Ụmẹ ẹnyị ọsa, ósohu nịnị ẹnịrị ẹnya ẹnịnị sụ hi ẹhẹ ịrẹma Ijerusarẹmị nị. 21Ama mâ kà wa ọnọ ka dị mị ka sị ẹ yaa mẹ ọvịdị ẹkụra ịzọọ ka ẹkụhị ụhwọtụ ò tù? Ọza ana àa vana vavọọ mẹ, m maa tana ụvọ za a nị. Hụrẹ ịhị ọnọọ, ẹnịnị ẹ yị vana sị ẹkụhị ụhwọtụ vẹ. 22Dị mị mẹ ọda yị Anireevi ka ẹ sị ụvọ za ẹngụ ẹnịnị, di e si eyi pe oze ọbanyị ẹkụra agụvị à sị ẹkụhị ụhwọtụ tịtẹ yị Ohomorihi nị.
Inehemaya ô du ayị hi aza ana nyị anẹẹ anẹkụra ọsa
23 #
Kụra 34.11-16; Ọda 7.1-5 Ụmẹ ọnọọ gẹdẹ-gẹdẹ, mê re anọrụ Anijuda ana nyị anẹẹ Anasidodi, Anamọnị, ọnịrị Animowabi nịnị. 24Achẹva ezi ẹnịnị vị a naa kà ẹkụra Asidodi ọnịrị ẹkụra ana vọ, ama ẹnịnị ẹ yị wụ ẹkụra ẹnịnị ụvọta. 25Mâ tụ wa ohuvọ, di mi chì hi wa nị. Mê tu wa, di mi hu aza ẹnyị ẹyị ịrẹsụ nị. Mâ mẹ wa ka ẹ̀ sị Ohomorihi hị́ eku ka ẹnị ẹ yị vana sị ezi anẹẹ ẹnịnị gà anẹkụra ọsa; ẹnị ẹ yị ma vana nyị ezi anẹẹ anẹkụra ọsa yị ezi anọrụ ẹnịnị àvị yị ẹngụ ẹnịnị ụvọta. 26#2 Ịsa 12.24,25; 1 Ohi 11.1-8Mị ka, ẹngụ anẹẹ anẹkụra ọsa ẹnẹnị ọnị Isoromọnị ohinọyị nyị ọ mẹ̀ ẹ mẹ ịvị nị. Ẹ yị nyị ohinọyị ana ya anka Isoromọnị avaba ịrẹsụ. Ohomorihi anị ô sì ịrẹyị anị, dị ọ sị ọ rị ohinọyị avaba Anisirẹrị nị, ama anẹẹ anẹkụra ọsa ẹ mẹ̀ ẹ mẹ ịvị dị ọ hyẹdụ nị. 27Ị́ yaa vaa dọ ịrẹyị awụ nịnị dị ụ waa mẹ̀ ebira odivi ọnọnị nịnị ka à sị ụ saasa ọda Ohomorihi dị ụ waa nyị anẹẹ anẹkụra ọsa nịnị nị? 28#Ine 4.1Ijehoyada vị ozi Eriyasibi, ohirẹsụ ọbanyị irehi Ohomorihi. Â nyị ozi ọnọrụ anị ọnya ana nyị ozi Ịsanbaratị Anihoroni. Dị mị dụ ọ hụrẹ ẹkụra nị. 29Ẹwụ Ohomorihi amị, tama ayị aza ẹnẹnị mẹmẹ jịnẹ ọda ụkọrọ ohirẹsụ irehi Ohomorihi beri oto oni u wo yi ohirẹsụ irehi Ohomorihi ọnịrị Anireevi nịnị. 30Avọọ m mẹmẹ dụ wa hụụnị avaba ịsị azọga, dị mị zụ ọ yị wa ịsị ẹ vị ụkọrọ ohirẹsụ irehi Ohomorihi ọnịrị Anireevi nịnị, dị ọzọza yẹ ụkọrọ anị nị. 31Mâ mẹ eto ọkụ ene e ve sii hù ịsa ịsọvọ ịnị ụmẹ ana vọrọ, dị mị kà a yị aza ka ẹẹ sị ịsa ịpaapa ịnị aarẹ ẹnịnịị vẹ nị. Ẹwụ Ohomorihi amị, tama ayị amị dị ụ wa mẹ ọyịza yị mị o.
Currently Selected:
Inehemaya 13: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Inehemaya 13
13
Inehemaya ộ va ahẹkẹ Aniju nịnị vẹ
1 #
Ọda 23.3-5
Ịhị ana a sị ọvọ Ijerusarẹmị chire Ohomorihi ụvọ gẹdẹ-gẹdẹ, â za iwe Imosiisi ịrịka ka aza ana gụ ẹ̀ wụ ọ. A maa ka a na, dị ẹ va yẹ ka â nyị ịzị a chẹrẹ ẹ tụ ka asị a nyị Anamọnị àvị Animowabi ana a zẹẹ ka ọ̀ vahura aza Ohomorihi nị. 2#Ịrị 22.1-6Â vavọọ kà a tịtẹ, agụvị ka ẹnịnị ẹ yị sị ịsọyịrị ọnịrị enyi yị Anisirẹrị nịnị ẹ mẹ̀ hụrẹ Ijipiti aa parahu. Ama dị ẹ na hị́ Ịbaraamị ka ò ve chi hi wa nị. 3Ịjị aza maanị wụ ọ, dị ẹ kwẹẹtẹ, dị ẹ dụ avaba azọga ana ra va hura wa kwooze nị.
Inehemaya ộ vara ịsa ẹnyị ụvọ
4Dị ụmẹ ọnọnị va tu, Eriyasibi ohirẹsụ irehi Ohomorihi a ka ò sị eyi pe aku ana aa kụ ịsaa hi nị. Ọnịrị Itobaya ê ze ẹtẹẹtẹrẹ. 5Ộ navọ Itobaya ka ọ̀ ra ịnị aku ana a vịdị kụ akụ ana a sị va yị Ohomorihi ọnịrị eturare beri ẹnya ụkọrọ irehi Ohomorihi hi. Ịzọọ a rẹẹ kụ agẹẹwụ akụ, eche, ọnịrị angwẹ orivi, ọnị ọda ka aa sịị yị Anireevi, ọjahẹ, ọnịrị oserẹtẹ nịnị beri ẹyịza ana a kụ va yị ohirẹsụ irehi Ohomorihi nịnịị hi nị. 6Ịsa ẹnẹnị vị ana mẹ ịnị ịrayị ohurẹẹwụ tụra ẹẹva ọnị Atazazasisi sị rị ohinọyị. Ụmẹ ọnọọ, Inehemaya ẹ yị ya Ijerusarẹmị agụvị ka o ne heyi ohinọyị. Ộ daku chee di Inehemaya dọ oze hụụnị ụvọ ohinọyị ka ọnị aa vaavẹ Ijerusarẹmị nị. 7M mẹ̀ va ngụ Ijerusarẹmị dị mị wụ ebira odivi ọnị Eriyasibi mẹ nị. Eriyasibi ộ sị aku ọnya yị Itobaya ịnị irehi Ohomorihi. 8Ịrẹyị ọnọọ ộ kụ mị ayị ẹtẹẹtẹrẹ, dị mị kụ avaba ẹnya Itobaya ne và hi ẹhẹ nị. 9Mâ mẹ ọda ka aa nyịna akụ ọnọọ, dị mị varẹma kụ ẹnya irehi Ohomorihi ọnịrị akụ ana a sị va yị Ohomorihi neberi eturare hi ịzọọ nị. 10#Ọda 12.19Dị mị rẹ va wụ ọ ka ọza ẹ yị kụkụ sị ịsa ana aā sịị yị Anireevi nịnị yị wa nị. Agụvị avọ avaba Anireevi ọnịrị ọjahẹ nịnị ana aā mẹ̀ ụkọrọ ini irehi Ohomorihi ẹ kụ varẹma naa da aarẹ. 11Mâ hị́ ọdọvịdị nịnị gụ, dị mị du ayị hi wa nị. Mâ họ̀ wa ka sị ẹ vẹ dị ẹnịnị ẹ yị tẹsị irehi Ohomorihi? Dị mị va hị́ Anireevi nịnị ẹnịrị ẹnị ọmaahẹ nịnị gụ, dị mị va ọzọza nọ aha ụkọrọ anị ịnị irehi Ohomorihi nị. 12#Ịma 3.10Dị avaba Anijuda nịnị kụ agẹẹwụ akụ ọnịrị eche neberi angwẹ orivi ve hi ịnị aku ana aā kụ ịsaa hi irehi Ohomorihi nị. 13Dị mị nyị aza ẹnị ẹẹta ana nyị ịzẹyịza ka ẹ̀ a sị eyi pe ịsa ana kụ vẹ ịnị irehi Ohomorihi aanị nị, dị ẹẹ ga ịsa ene tu ọzọzaa yị wa nị. Aza ọnị mị vavọọ nyị ẹ vị Iseremaya, ohirẹsụ irehi Ohomorihi ọnịrị Ịzadọkị ana aā zụ̀ aza ọda Imosiisi, ọnịrị Ipedaya ana vị Anireevi nị. Mâ sị Ihanani, ozi Izaku dị ọ vị aazị Imataniya ka ọọ gụ wa ụvọ. 14Mâ da ịpẹ yị Ohomorihi amị ka ọ̀ navọ ọ̀ tama ayị amị agụvị ịsa ọnọnị, dị asị ọ kụ ịsị mị sị ịzẹyịza mẹ yị irehi Ohomorihi amị ọnịrị ahẹkẹ ana aa mẹ ịnị anị aanị kwooze. 15#Kụra 20.8-10; Ọda 5.12-14; Ijer 17.21,22Ụmẹ ọnọọ ịnị ẹtẹ Ijuda mê re aza anaa kwọrọ ẹtụtụ ịnị ẹkụhị ụhwọtụ. Aza ẹnyị ee kune akụ, eche, igirepi, ihwigi, ọnịrị ẹnya ana vọ tụra ịkẹrịkẹtẹ, dị ẹyaa kụ ọ vẹ Ijerusarẹmị ịnị ẹkụhị ụhwọtụ nị. Dị mị kà wa ọnọ ka asị ẹ vana ná ịsọyịrị ẹkụhị ụhwọtụ nị. 16Anẹkụra Ịtaya ana ra Ijerusarẹmị aa kụ ivovo ọnịrị ịsa ohu vaa náa yị Anịjuda nịnị ọnịrị Anijerusarẹmị nịnị ẹkụhị ụhwọtụ nị. 17Mâ tụ́ ọdọvịdị Anijuda nịnị ohuvọ nị. Mị ka sị ẹ vẹ dị ẹyaa mẹ̀ ebira ọhịmị ọnọnị, dị ẹnịnị ẹ̀ yị sị ẹkụhị ụhwọtụ tịtẹ yị Ohomorihi? 18Mị ka, ẹngụ ebira odivi ọnọnị ohiku awụ nịnị vịdị mẹ oni Ohomorihi sị sị ụya rị yị, dị ọ mẹ ka è du ẹkụra ọnọnị ha nị. Ama ẹwụ nịnị ree du ẹkụhị ụhwọtụ ka Ohomorihi ọ̀ kụ ayị hi Anisirẹrị hu avọọ. 19Agụvị avọọ dị mị mẹ ọda ka oruva ọ̀ọ maanị ee tù kẹnẹ ẹkụhị ụhwọtụ ọ̀ọ sị vị ụhwọọ è gu oze ọbanyị ẹkụra. Dị mị nyị aza amị ẹnyị ka ẹ̀ jẹẹ oze ọbanyị ịzọọ agụvị asị a nyị ẹnya ana a kụ vẹ Ijerusarẹmị ẹkụhị ụhwọtụ nị. 20Ụmẹ ẹnyị ọsa, ósohu nịnị ẹnịrị ẹnya ẹnịnị sụ hi ẹhẹ ịrẹma Ijerusarẹmị nị. 21Ama mâ kà wa ọnọ ka dị mị ka sị ẹ yaa mẹ ọvịdị ẹkụra ịzọọ ka ẹkụhị ụhwọtụ ò tù? Ọza ana àa vana vavọọ mẹ, m maa tana ụvọ za a nị. Hụrẹ ịhị ọnọọ, ẹnịnị ẹ yị vana sị ẹkụhị ụhwọtụ vẹ. 22Dị mị mẹ ọda yị Anireevi ka ẹ sị ụvọ za ẹngụ ẹnịnị, di e si eyi pe oze ọbanyị ẹkụra agụvị à sị ẹkụhị ụhwọtụ tịtẹ yị Ohomorihi nị.
Inehemaya ô du ayị hi aza ana nyị anẹẹ anẹkụra ọsa
23 #
Kụra 34.11-16; Ọda 7.1-5 Ụmẹ ọnọọ gẹdẹ-gẹdẹ, mê re anọrụ Anijuda ana nyị anẹẹ Anasidodi, Anamọnị, ọnịrị Animowabi nịnị. 24Achẹva ezi ẹnịnị vị a naa kà ẹkụra Asidodi ọnịrị ẹkụra ana vọ, ama ẹnịnị ẹ yị wụ ẹkụra ẹnịnị ụvọta. 25Mâ tụ wa ohuvọ, di mi chì hi wa nị. Mê tu wa, di mi hu aza ẹnyị ẹyị ịrẹsụ nị. Mâ mẹ wa ka ẹ̀ sị Ohomorihi hị́ eku ka ẹnị ẹ yị vana sị ezi anẹẹ ẹnịnị gà anẹkụra ọsa; ẹnị ẹ yị ma vana nyị ezi anẹẹ anẹkụra ọsa yị ezi anọrụ ẹnịnị àvị yị ẹngụ ẹnịnị ụvọta. 26#2 Ịsa 12.24,25; 1 Ohi 11.1-8Mị ka, ẹngụ anẹẹ anẹkụra ọsa ẹnẹnị ọnị Isoromọnị ohinọyị nyị ọ mẹ̀ ẹ mẹ ịvị nị. Ẹ yị nyị ohinọyị ana ya anka Isoromọnị avaba ịrẹsụ. Ohomorihi anị ô sì ịrẹyị anị, dị ọ sị ọ rị ohinọyị avaba Anisirẹrị nị, ama anẹẹ anẹkụra ọsa ẹ mẹ̀ ẹ mẹ ịvị dị ọ hyẹdụ nị. 27Ị́ yaa vaa dọ ịrẹyị awụ nịnị dị ụ waa mẹ̀ ebira odivi ọnọnị nịnị ka à sị ụ saasa ọda Ohomorihi dị ụ waa nyị anẹẹ anẹkụra ọsa nịnị nị? 28#Ine 4.1Ijehoyada vị ozi Eriyasibi, ohirẹsụ ọbanyị irehi Ohomorihi. Â nyị ozi ọnọrụ anị ọnya ana nyị ozi Ịsanbaratị Anihoroni. Dị mị dụ ọ hụrẹ ẹkụra nị. 29Ẹwụ Ohomorihi amị, tama ayị aza ẹnẹnị mẹmẹ jịnẹ ọda ụkọrọ ohirẹsụ irehi Ohomorihi beri oto oni u wo yi ohirẹsụ irehi Ohomorihi ọnịrị Anireevi nịnị. 30Avọọ m mẹmẹ dụ wa hụụnị avaba ịsị azọga, dị mị zụ ọ yị wa ịsị ẹ vị ụkọrọ ohirẹsụ irehi Ohomorihi ọnịrị Anireevi nịnị, dị ọzọza yẹ ụkọrọ anị nị. 31Mâ mẹ eto ọkụ ene e ve sii hù ịsa ịsọvọ ịnị ụmẹ ana vọrọ, dị mị kà a yị aza ka ẹẹ sị ịsa ịpaapa ịnị aarẹ ẹnịnịị vẹ nị. Ẹwụ Ohomorihi amị, tama ayị amị dị ụ wa mẹ ọyịza yị mị o.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.