Imika 7
7
Anisirẹrị ệ ta du ha
1Ẹma sị dà me yi re ẹpẹ sị va o. Ịrẹyị amị sị mẹẹ anka ọ́za ọnị ụngwẹ aa kụ̀ ọnị e yi re ẹtụtụ ana vọrọ ka ọ há rị ịrẹsụ ọchị avọọ nị. A raà há avaba ẹtụtụ ọchị ene hi ịzọọ ụmẹ avọọ. Ẹ yị nyị ana vọ vụrụ-vụrụ.
2Aza ana a mẹ ịzẹyịza ee ta hụrẹ ẹhẹ. A mẹ̀ vavọọ kụ́ wa, ikonya ọ yị vẹtẹ ịnị anị. Avaba aza ee bè ẹngụ, ẹnịnị ee sì ka ẹnị ẹ̀ dọ ẹngụ ụhwẹ. Ẹnịnị vị ana nyị ịrẹpa ẹnẹ ẹ yaa vàa zi ẹngụụ zị. 3Ịsị ẹnịnị yẹ eyi anị, ọ vị ebira odivi nị. Ohinọyị ọnịrị ọmọkarẹyị aa dọ ochirerenu. Ịsa aza ana nyị ụkata sì, ịsa ọnọọ ẹ vaa mẹ nị Avọọ ọ maa mịị mẹ, dị ẹ vabẹ, dị ẹ yaa gẹ eyi zi nị.
4Ana dahi hu ịnị ẹnịnị ê divi huna ikeyi Ọnịsẹ ệ vịdị kà wụ nịnị ọ̀nọ̀ ịhyọọ ka a vaa nyị ịrẹyị. Ịrẹyị ọnọọ ọ vẹ, o, ewee họ̀ use ka ụ mẹ̀ vaa zị.
5Asị ụ dọ ịrẹyị ọta awụ tụ́ ịzọọ asị ẹwụ na sị ayị tụra a. Ịda ose ewu ụvọta, mị yarị ẹwụ, wa sị ụvọ za irenu awụ. 6#Imt 10.35,36; Irk 12.53Ezi e yị sị ụbanyị yi ada ọnịrị ọnyị ana ma wa vẹ ẹhẹ Ose ozi ọ sị kwẹẹtẹ tù ọnyị ọva anị ka ọ sị dà ajịnị. Anineehi ọza ọ Ẹ kụkụ vị ọnịvị ọza nị, e.
7Emi ee zi Ẹnẹyịmavara, mâ yẹ ka ẹ vaa mẹ ọgụvọ Mị ka maa jẹẹ zị ọnị ọnị ana vị ọdọzaha amị. Ọnị ọ vị Ohomorihi amị nị, mâ yẹ ka ẹ vaa wụ́ aamị.
Anisirẹrị vanaa kwẹẹtẹ
8Ọnịvị ayị asị u rè nyinyi ka vị ẹyị sị hyẹdụ nị Yàa hyẹdụ ẹ yaa yẹ ka ị vaa kwẹẹtẹ. Ịnị ịrahụ ị ya booro nị. Ama Ẹnẹyịmavara vaa sị ẹtohweyi yị yị. 9Ẹnẹyịmavara ya raà rị ịvị awụ, agụvị avọọ yaa sị ẹngụ dọ ọyịkụ awụ. Ama ọ vị ịrẹma anị, ụ vaa vụ ịrẹvụ yị yị, di u sí atọ ịsị a mẹ yị. Ọ vaa sị yị vẹ ịnị ẹtohweyi; ọ vaa dọ yị ha. 10Ọnịvị ayị ò re e dị ahịka ụhị ọ kụkụ nyị wa nị. Aza ọnyị vị ene ee họ̀ use ka ịzị ayị ka Ohomorihi ayị ộ yà Ị ka eyee họ̀ use ka ịzị Ẹnẹyịmavara vị ana yà kẹ? Eyi ayị ẹ vaa hyẹdụ dị aa kụ́ ahụụ hi wa zẹtẹ nị Ị ka ẹnịnị vaa hyẹdụ dị ahịka vị ẹ vara eteesu nị.
11Ẹwụ nịnị Anịjerusarẹmị, a vanaa jịị jị ọvọọ kara ẹkụra wụ nịnị. Ụmẹ ọnọọ ọ̀ọ vẹ, ẹkụra awụ nịnị vaa banyịị hu avọọ. 12Ịnị ụmẹ ọnọọ, aza ệ va hụrị avaba aha vẹ; hụrị Asiriya ọnịrị Ijipiti beri Iyuhwuretisi vaa vẹ. Dị ẹ vavọọ wara hụrẹ ẹkụra ene hi akẹnẹ enyi ọnịrị avaba aha ene noze aa vẹ nị. 13Avaba aha ana vọ ịnị ẹhẹ vị ana vaa chakaa ha. Ebira odivi aza ene hi ẹhẹ ọ vaa kụ́ ọnọọ vẹ nị.
Ẹnẹyịmavara ộ vayị Anisirẹrị
14Ẹnẹ yị mā vara o, si okutẹ awụ we sii sere aza awụ. Aza ẹnẹẹ vị ogu awụ, dị ẹ ra ịnị ọpaapara nị. Dị ẹ vavọọ hi ịzọọ, â nyị ẹtẹ ozoza kara wa; kụ́ wa nọ ịnị ẹtẹ Ịbasanị ọnịrị ẹtẹ Anigiriyadi Ẹnịnị mẹ̀ vịdị ra ịzọọ, ẹtẹ ọnọọ ô zoza yị wa.
15Ohomorihi ka ọnị vaa mẹ ka ẹnịnị è re ịvọpa Irima ịvọpa ọnọọ e re, ẹ mẹ̀ hụrẹ Ijipiti aa vẹ. 16Anẹhẹ ve re e dị ahịka ụhị ọ kụkụ aa nyị wa nị. Mị ka ụhị vaa nyị wa tụ́ ịnị ụkata ẹnị ẹ vịdị ka ẹnị ệ nyị Mị ka ụhị vaa nyị wa ana vaa mẹ ka ẹ sị ụvọ kú irenu. Ụhị ọ̀ọ màa nyị wa, ẹ vaa sị ụvọ ẹnịnịị sụnẹ ụtọ. 17Vị ẹ vaa ba ẹtẹẹ rị anka ẹ́wụ́ mẹ̀ẹ ba ẹtẹẹ rị nị. Ịzị ẹnịnị ẹ̀ẹ na na tẹ̀ tụ́, angwahi ẹ vá sịị vẹ nị. Ẹnịnị vee hí angwa ẹwụ Ẹnẹyịmavara Ohomorihi ayị. Ẹnịnị vee hí angwa awụ dị ẹ si và aa ka wụụ vẹ.
18Ẹwụ Ohomorihi o, ẹ yị nyị ịsa ọnị ọza zụ si juwe awụ. Aza awụ ana vọ ana mẹ akụvị, dị ẹnịnị rị ịvị awụ Ẹngụ aza ẹnịnị, Ohomorihi, ẹwaa vagu wa. Wẹ mā kụ́ ayị pooro, ẹwụ vi ene eē sì ka wa vayị ọza. 19Mâ yẹ ka ụ vaa vayị ayị, dị ụ mẹ ka asị ịvị huna ayị Ụ vaa kụ́ ịvị ayị na và hị́ adagu, idi u hí ayị anị 20U sì ịrẹyị aza awụ pooro nị a yi nyị ka u vee vene wa Avọọ ụ mẹ̀ kà a yị Abụrahamị ohiku ayị nị vị ọyaanị, hụrẹ ụmọrụmọ ụ vavọọ kà nị.
Currently Selected:
Imika 7: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Imika 7
7
Anisirẹrị ệ ta du ha
1Ẹma sị dà me yi re ẹpẹ sị va o. Ịrẹyị amị sị mẹẹ anka ọ́za ọnị ụngwẹ aa kụ̀ ọnị e yi re ẹtụtụ ana vọrọ ka ọ há rị ịrẹsụ ọchị avọọ nị. A raà há avaba ẹtụtụ ọchị ene hi ịzọọ ụmẹ avọọ. Ẹ yị nyị ana vọ vụrụ-vụrụ.
2Aza ana a mẹ ịzẹyịza ee ta hụrẹ ẹhẹ. A mẹ̀ vavọọ kụ́ wa, ikonya ọ yị vẹtẹ ịnị anị. Avaba aza ee bè ẹngụ, ẹnịnị ee sì ka ẹnị ẹ̀ dọ ẹngụ ụhwẹ. Ẹnịnị vị ana nyị ịrẹpa ẹnẹ ẹ yaa vàa zi ẹngụụ zị. 3Ịsị ẹnịnị yẹ eyi anị, ọ vị ebira odivi nị. Ohinọyị ọnịrị ọmọkarẹyị aa dọ ochirerenu. Ịsa aza ana nyị ụkata sì, ịsa ọnọọ ẹ vaa mẹ nị Avọọ ọ maa mịị mẹ, dị ẹ vabẹ, dị ẹ yaa gẹ eyi zi nị.
4Ana dahi hu ịnị ẹnịnị ê divi huna ikeyi Ọnịsẹ ệ vịdị kà wụ nịnị ọ̀nọ̀ ịhyọọ ka a vaa nyị ịrẹyị. Ịrẹyị ọnọọ ọ vẹ, o, ewee họ̀ use ka ụ mẹ̀ vaa zị.
5Asị ụ dọ ịrẹyị ọta awụ tụ́ ịzọọ asị ẹwụ na sị ayị tụra a. Ịda ose ewu ụvọta, mị yarị ẹwụ, wa sị ụvọ za irenu awụ. 6#Imt 10.35,36; Irk 12.53Ezi e yị sị ụbanyị yi ada ọnịrị ọnyị ana ma wa vẹ ẹhẹ Ose ozi ọ sị kwẹẹtẹ tù ọnyị ọva anị ka ọ sị dà ajịnị. Anineehi ọza ọ Ẹ kụkụ vị ọnịvị ọza nị, e.
7Emi ee zi Ẹnẹyịmavara, mâ yẹ ka ẹ vaa mẹ ọgụvọ Mị ka maa jẹẹ zị ọnị ọnị ana vị ọdọzaha amị. Ọnị ọ vị Ohomorihi amị nị, mâ yẹ ka ẹ vaa wụ́ aamị.
Anisirẹrị vanaa kwẹẹtẹ
8Ọnịvị ayị asị u rè nyinyi ka vị ẹyị sị hyẹdụ nị Yàa hyẹdụ ẹ yaa yẹ ka ị vaa kwẹẹtẹ. Ịnị ịrahụ ị ya booro nị. Ama Ẹnẹyịmavara vaa sị ẹtohweyi yị yị. 9Ẹnẹyịmavara ya raà rị ịvị awụ, agụvị avọọ yaa sị ẹngụ dọ ọyịkụ awụ. Ama ọ vị ịrẹma anị, ụ vaa vụ ịrẹvụ yị yị, di u sí atọ ịsị a mẹ yị. Ọ vaa sị yị vẹ ịnị ẹtohweyi; ọ vaa dọ yị ha. 10Ọnịvị ayị ò re e dị ahịka ụhị ọ kụkụ nyị wa nị. Aza ọnyị vị ene ee họ̀ use ka ịzị ayị ka Ohomorihi ayị ộ yà Ị ka eyee họ̀ use ka ịzị Ẹnẹyịmavara vị ana yà kẹ? Eyi ayị ẹ vaa hyẹdụ dị aa kụ́ ahụụ hi wa zẹtẹ nị Ị ka ẹnịnị vaa hyẹdụ dị ahịka vị ẹ vara eteesu nị.
11Ẹwụ nịnị Anịjerusarẹmị, a vanaa jịị jị ọvọọ kara ẹkụra wụ nịnị. Ụmẹ ọnọọ ọ̀ọ vẹ, ẹkụra awụ nịnị vaa banyịị hu avọọ. 12Ịnị ụmẹ ọnọọ, aza ệ va hụrị avaba aha vẹ; hụrị Asiriya ọnịrị Ijipiti beri Iyuhwuretisi vaa vẹ. Dị ẹ vavọọ wara hụrẹ ẹkụra ene hi akẹnẹ enyi ọnịrị avaba aha ene noze aa vẹ nị. 13Avaba aha ana vọ ịnị ẹhẹ vị ana vaa chakaa ha. Ebira odivi aza ene hi ẹhẹ ọ vaa kụ́ ọnọọ vẹ nị.
Ẹnẹyịmavara ộ vayị Anisirẹrị
14Ẹnẹ yị mā vara o, si okutẹ awụ we sii sere aza awụ. Aza ẹnẹẹ vị ogu awụ, dị ẹ ra ịnị ọpaapara nị. Dị ẹ vavọọ hi ịzọọ, â nyị ẹtẹ ozoza kara wa; kụ́ wa nọ ịnị ẹtẹ Ịbasanị ọnịrị ẹtẹ Anigiriyadi Ẹnịnị mẹ̀ vịdị ra ịzọọ, ẹtẹ ọnọọ ô zoza yị wa.
15Ohomorihi ka ọnị vaa mẹ ka ẹnịnị è re ịvọpa Irima ịvọpa ọnọọ e re, ẹ mẹ̀ hụrẹ Ijipiti aa vẹ. 16Anẹhẹ ve re e dị ahịka ụhị ọ kụkụ aa nyị wa nị. Mị ka ụhị vaa nyị wa tụ́ ịnị ụkata ẹnị ẹ vịdị ka ẹnị ệ nyị Mị ka ụhị vaa nyị wa ana vaa mẹ ka ẹ sị ụvọ kú irenu. Ụhị ọ̀ọ màa nyị wa, ẹ vaa sị ụvọ ẹnịnịị sụnẹ ụtọ. 17Vị ẹ vaa ba ẹtẹẹ rị anka ẹ́wụ́ mẹ̀ẹ ba ẹtẹẹ rị nị. Ịzị ẹnịnị ẹ̀ẹ na na tẹ̀ tụ́, angwahi ẹ vá sịị vẹ nị. Ẹnịnị vee hí angwa ẹwụ Ẹnẹyịmavara Ohomorihi ayị. Ẹnịnị vee hí angwa awụ dị ẹ si và aa ka wụụ vẹ.
18Ẹwụ Ohomorihi o, ẹ yị nyị ịsa ọnị ọza zụ si juwe awụ. Aza awụ ana vọ ana mẹ akụvị, dị ẹnịnị rị ịvị awụ Ẹngụ aza ẹnịnị, Ohomorihi, ẹwaa vagu wa. Wẹ mā kụ́ ayị pooro, ẹwụ vi ene eē sì ka wa vayị ọza. 19Mâ yẹ ka ụ vaa vayị ayị, dị ụ mẹ ka asị ịvị huna ayị Ụ vaa kụ́ ịvị ayị na và hị́ adagu, idi u hí ayị anị 20U sì ịrẹyị aza awụ pooro nị a yi nyị ka u vee vene wa Avọọ ụ mẹ̀ kà a yị Abụrahamị ohiku ayị nị vị ọyaanị, hụrẹ ụmọrụmọ ụ vavọọ kà nị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.