Imika 5
5
1Ẹwụ nịnị Anijerusarẹmị kụ́ ẹnya ịrẹkụ nịnị ka ọnị ọ sị kara yị Wéē re ẹ mẹ̀ za ohinọyị Anisirẹrị dị ẹ yaa sị okutẹẹ nya a okura.
Ohomorihi ka a vaa nyị ohinọyị Ịbẹtịrẹhẹmị
2 #
Imt 2.6; Ịjọ 7.42 Ẹnẹyịmavara kà wéē re Ịbẹtịrẹhẹmị ana yà ini ẹtẹ Ehwirati avọọ Ọza ee re ka oni o weyi ini ovwoovu Anijuda. Ẹnẹyịmavara kà ọnị vaa sị ọza ịnya hụụ ịzọọ mẹ ohinọyị Anisirẹrị. Hụrẹ ụmọrụmọ ovwoovu ọza ọnọọ hụrẹ aa vẹ nị. 3Ohomorihi vaa navọ Anisirẹrị yị ọnịvị pooro di ò tù ụmẹ ọnị ọnịrẹẹ sịị ma ozi. Dị ọ va kụ́ anda ẹnịnị ọnị ịrẹsụ vịdị hụ. Dị ọ kụ́ wa ve beri wa. 4Ẹnẹyịmavara vaa sị ụkataa yị aza ọnị ọ vaa sị vẹ. Ụkata ọnọọ o ve sii sere aza anị. Mị ka ụkata Ẹnẹyịmavara Ohomorihi ana nyị ụbanyị o ve sii sere wa nị. Angwa o yi kuku vee hi aza Ohomorihi agụvị ka avaba anẹhẹ vaa yẹ ka Ohomorihi ộ banyị.
Ẹngwara ọnịrị ụyọrị
5Ọza oni Ohomorihi vaa sị rị ohinọyị aanị vị ana vaa kụ́ ẹngwọọrọ vẹ. Ịhị Anasiriya ẹ̀ẹ kụ́ ịrẹkụ vẹ ịnị ẹkụra ayị dị ẹ va ngụ ịzị ị tẹ tụ́ nị, Dị ị kụ́ ọdọvịdị ayị ana nyị ụkata tù wa. 6#Oyn 10.8-11Dị ọdọvịdị ayị tụ́ Anasiriya ịnị ịrẹkụ Mị ka ịhị Anasiriya ẹ̀ẹ kụ́ ịrẹkụ vẹ ịda ayị Dị ẹ ngụ ịzị ị tẹ tụ́ nị Dị ọdọvịdị ayị dọ yị hụrẹ wa ụvọ. 7Anisirẹrị ana vọ vi ene vee hi ịnị anẹkụra ọrụrụ. Ẹnịnị vaa sị ẹngụ azaa hunẹnẹ anka eguhi ọnịrị orihi. Ẹngụ enyi ẹnẹẹ Ẹnẹyịmavara sịị sị ẹngụ avịị hunẹnẹ nị. Ohomorihi ọ ka ẹ̀ vavọọ yà nị, ẹ yị vị ọza. 8Anisirẹrị ana vọ vị ana a vaa navọ hi ịnị ẹkụra irenyi-irenyi. Ẹnịnị vị ana vaa sị mẹ anka idu ene ee sì ịsọyịrị ngụ ịnị avịị zị avọọ. Mị ka vị ẹ vaa sị mẹ anka idu ana yà ịzị atẹmẹ hi nị. Ọnị ọ̀ọ za, dị ọ na a pẹrẹ-pẹrẹ, ẹ yị nyị ọza ana aā dọ ọ tụ́. 9Anisirẹrị, ene vee huna ọnịvị awụ nị. Avaba ọnịvị awụ vị ọnị ụ vaa wụụ ha. 10Ẹnẹyịmavara kà ụmẹ vaa vẹ dị ọnị wụ umaata awụ nịnị và ha. Ọ kà ọnị vee du ịkẹkẹ ịrẹkụ awụ nịnị ha. 11Ọ kà ọnị vee du ịkẹkẹ ịrẹkụ awụ nịnị dị ọnị gara ịzị ụụ̄ tẹ nịnị. 12Ẹnẹyịmavara kà ọnị vaa gara ịrakwọ awụ nịnịị ha. Ọ kà wẹ yị kụkụ vaa nyị ọpọchị. 13Ọ kà ọnị rẹ vaa chaka ori ọnị ụ bẹ nịnịị ha Dị ọnị gara ịrẹta ọnị waa hẹkẹ nịnịị ha. Ọ kà we mē vene ku ẹtẹ kụ́ ịsa ọnị ụ sị ụvọ awụ nịnị mẹ. 14Ọ kà ori Asẹra ini u hì jẹẹ vị ọnị vee hu, dị ọnị chaka ẹkụra awụ nịnị. 15Ọ kà ayị vaa kụ́ ọnịị tù anẹkụra ana ka ẹnị ẹ mā wụ́ ịrẹyị anị Dị ọnị tana ụvọ za wa.
Currently Selected:
Imika 5: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Imika 5
5
1Ẹwụ nịnị Anijerusarẹmị kụ́ ẹnya ịrẹkụ nịnị ka ọnị ọ sị kara yị Wéē re ẹ mẹ̀ za ohinọyị Anisirẹrị dị ẹ yaa sị okutẹẹ nya a okura.
Ohomorihi ka a vaa nyị ohinọyị Ịbẹtịrẹhẹmị
2 #
Imt 2.6; Ịjọ 7.42 Ẹnẹyịmavara kà wéē re Ịbẹtịrẹhẹmị ana yà ini ẹtẹ Ehwirati avọọ Ọza ee re ka oni o weyi ini ovwoovu Anijuda. Ẹnẹyịmavara kà ọnị vaa sị ọza ịnya hụụ ịzọọ mẹ ohinọyị Anisirẹrị. Hụrẹ ụmọrụmọ ovwoovu ọza ọnọọ hụrẹ aa vẹ nị. 3Ohomorihi vaa navọ Anisirẹrị yị ọnịvị pooro di ò tù ụmẹ ọnị ọnịrẹẹ sịị ma ozi. Dị ọ va kụ́ anda ẹnịnị ọnị ịrẹsụ vịdị hụ. Dị ọ kụ́ wa ve beri wa. 4Ẹnẹyịmavara vaa sị ụkataa yị aza ọnị ọ vaa sị vẹ. Ụkata ọnọọ o ve sii sere aza anị. Mị ka ụkata Ẹnẹyịmavara Ohomorihi ana nyị ụbanyị o ve sii sere wa nị. Angwa o yi kuku vee hi aza Ohomorihi agụvị ka avaba anẹhẹ vaa yẹ ka Ohomorihi ộ banyị.
Ẹngwara ọnịrị ụyọrị
5Ọza oni Ohomorihi vaa sị rị ohinọyị aanị vị ana vaa kụ́ ẹngwọọrọ vẹ. Ịhị Anasiriya ẹ̀ẹ kụ́ ịrẹkụ vẹ ịnị ẹkụra ayị dị ẹ va ngụ ịzị ị tẹ tụ́ nị, Dị ị kụ́ ọdọvịdị ayị ana nyị ụkata tù wa. 6#Oyn 10.8-11Dị ọdọvịdị ayị tụ́ Anasiriya ịnị ịrẹkụ Mị ka ịhị Anasiriya ẹ̀ẹ kụ́ ịrẹkụ vẹ ịda ayị Dị ẹ ngụ ịzị ị tẹ tụ́ nị Dị ọdọvịdị ayị dọ yị hụrẹ wa ụvọ. 7Anisirẹrị ana vọ vi ene vee hi ịnị anẹkụra ọrụrụ. Ẹnịnị vaa sị ẹngụ azaa hunẹnẹ anka eguhi ọnịrị orihi. Ẹngụ enyi ẹnẹẹ Ẹnẹyịmavara sịị sị ẹngụ avịị hunẹnẹ nị. Ohomorihi ọ ka ẹ̀ vavọọ yà nị, ẹ yị vị ọza. 8Anisirẹrị ana vọ vị ana a vaa navọ hi ịnị ẹkụra irenyi-irenyi. Ẹnịnị vị ana vaa sị mẹ anka idu ene ee sì ịsọyịrị ngụ ịnị avịị zị avọọ. Mị ka vị ẹ vaa sị mẹ anka idu ana yà ịzị atẹmẹ hi nị. Ọnị ọ̀ọ za, dị ọ na a pẹrẹ-pẹrẹ, ẹ yị nyị ọza ana aā dọ ọ tụ́. 9Anisirẹrị, ene vee huna ọnịvị awụ nị. Avaba ọnịvị awụ vị ọnị ụ vaa wụụ ha. 10Ẹnẹyịmavara kà ụmẹ vaa vẹ dị ọnị wụ umaata awụ nịnị và ha. Ọ kà ọnị vee du ịkẹkẹ ịrẹkụ awụ nịnị ha. 11Ọ kà ọnị vee du ịkẹkẹ ịrẹkụ awụ nịnị dị ọnị gara ịzị ụụ̄ tẹ nịnị. 12Ẹnẹyịmavara kà ọnị vaa gara ịrakwọ awụ nịnịị ha. Ọ kà wẹ yị kụkụ vaa nyị ọpọchị. 13Ọ kà ọnị rẹ vaa chaka ori ọnị ụ bẹ nịnịị ha Dị ọnị gara ịrẹta ọnị waa hẹkẹ nịnịị ha. Ọ kà we mē vene ku ẹtẹ kụ́ ịsa ọnị ụ sị ụvọ awụ nịnị mẹ. 14Ọ kà ori Asẹra ini u hì jẹẹ vị ọnị vee hu, dị ọnị chaka ẹkụra awụ nịnị. 15Ọ kà ayị vaa kụ́ ọnịị tù anẹkụra ana ka ẹnị ẹ mā wụ́ ịrẹyị anị Dị ọnị tana ụvọ za wa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.