Imatiwu 6
6
Asị ụ nọọ ẹngụ awụ, wàaa mẹ ẹyịza!
1 #
Imt 23.5
“Sị eyi pe ẹngụ awụ nịnị! Asị ụ mẹ ahẹkẹ awụ nịnị agụvị aza è ree kẹnẹ, ka ẹ̀ yị va avọọ, wẹ yị vaa dọ ọgụ hụụnị ụvọ Ada awụ nịnị ẹbẹẹba. 2Agụvị avọọ, wàa mẹ ẹyịza, asị ụ nọọ ẹngụ awụ, anka ónogevegeve nịnị mẹ̀ẹ̄ mẹ ini irehi ahẹkẹ Aniju ọnịrị ini orere ka aza ẹ̀ẹ ga ẹnị. Ịzẹyịza mị kà wụ nị, ẹ sị ọgụ ẹnịnị dọ da. 3Ama wàa mẹ ẹyịza, asị ụ zẹẹ ka ụvọha awụ ọ̀ yẹ ịsa ọnị ụvọrị awụ aa mẹ! 4Ama waa mẹ ẹyịza awụ ini ewere! Ada awụ eneē re ẹtẹ ini ewere vee sí wu atọ ịnị eyigede.”
A mẹ̀ vọrọ ka ọza ọ̀ọ mẹ̀ aduwa
(Ịmk 11.25-26; Irk 11.2-4)
5 #
Irk 18.10-14
Wàa mẹ̀ aduwa, asị ụ mẹ̀ anka ọmọzakụyẹ nịnị. Eē sì ka ẹnị ẹẹ̄ jẹẹ ini irehi ahẹkẹ Aniju ọnịrị ini oreree mẹ̀ aduwa ka aza è zụ re ẹnị. Ịzẹyịza, mị kà wụ nịnị nị, ẹ sị ọgụ ẹnịnị dọ da. 6Ama ẹwụ àa mẹ̀ aduwa, ngụ ini aku awụ! Wàa sị oze awụ gù, dị ụ waa mẹ̀ aduwaa hi Ada awụ ana yà aha ẹvagu! Ada awụ nịnị eneē re ẹtẹ aha ẹvagu vee sí wu atọ ịnị eyigede. 7Ama wàaa mẹ̀ aduwa nịnị, asị ụ rẹ̀ kụ́ ịrẹka ọrụrụ kẹnẹ-kẹnẹ nịnị, anka anarịmadọwụ nịnị mẹ̀ẹ̄ mẹ. Eē roo ka agụvị ịrẹyị ọrụrụ ẹnịnị Óhomorihi a sịị wụ́ aduwa ẹnịnị nị. 8Asị ụ mẹ̀ ebira véné wa, agụvị ka Ada awụ nịnị ộ yẹ ịsị a vọrọ ka wa nyị nịnị, dị ụ va họ̀ ọ nịnị. 9Agụvị avọọ, waa mẹ ẹngụ aduwa ọnọnị nịnị:
Ada ayị ẹbẹẹba,
ya sị ụbanyịị yị ịrẹha awụ;
10ọyịrị ohinọyị awụ ọ̀ vẹ
Dị à mẹ̀ ịsị u wee sì
ịnị ẹhẹ ọnọnị, anka a maā mẹẹ ẹ́bẹẹba.
11Sị ịsọyịrị ẹkụhị ajịnị yị yị,
12Vagu yi ịnị ịvị ayị,
anka ẹyị mẹ rẹ vagu aza ana mẹ̀ odivi hi yi.
13Asị ụ sị yị tụ ịnị ọyịzamare,
ama dọ yị ha hụụnị ụvọ Echu.
(Agụvị ka ẹwa vị Ohinọyị, dị ụ nyị avaba ụkata ọnịrị igirima pooro zịna-zịna Aamị!)
14 #
Ịmk 11.25,26 Wàa vagu aza ịnị ịvị ẹnẹẹ mẹ hi wu nịnị, Ada awụ ẹbẹẹba ọnị rẹ vaa vagu wu nịnị bẹẹ. 15Ama wẹ̀ yị vagu aza ịnị ịvị ẹnẹ ẹ̀ẹ mẹ hi wu nịnị, Ada awụ ẹbẹẹba ọ yị vaa vagu wu ịnị ịvị awụ nịnị.
Asị ụ sị ahẹkẹ awụ tụra eyi
16“Wàa raa sị awẹ nịnị bẹẹ, asị ụ sị tụra eyi anka ọmọzakụyẹ nịnị anaā và ẹngụụ hi ka aza è re ka ẹnị aa ba awẹ. Ịzẹyịza, mị kà wụ nịnị, ẹ sị ọgụ ẹnịnị dọ da. 17Ama ẹwụ nịnị, wàa sị awẹ, nyịna eyi awụ, dị ụ wa dá ịsa sisi ịrẹsụ awụ, 18dị asị aza ana vọ yẹ ka waa sị awẹ nịnị, ẹ̀ yị vị Ada awụ nịnị ana yà aha ẹvagu kẹnẹ. Ada awụ nịnị eneē re ẹtẹ aha ẹvagu vaa sị ọgụụ wụ (ịnị eyigede).”
Sị ogu awụ nịnị tẹ̀ ẹbẹẹba
(Irk 12.33-34)
19 #
Ije 5.2,3 “Asị ụ kụ́ ogu tẹ yị ẹngụ awụ nịnị ịnị ẹhẹ ịzị ikereē rị ọ, di o reē kú ụrẹ, di oyi rẹ zụ chaka irehi di e ne yi ọ! 20Ama kụ́ ogu tẹ yị ẹngụ awụ nịnị ẹ́bẹẹba ịzị ikere ẹ̀ yị zụ rị ọ, di è yi re zụ kú ụrẹ, di oyi nịnị ẹ̀ yị rẹ zụ na chaka irehi di è ne yi ọ! 21Agụvị ka ịzị ogu awụ nịnị ọ̀ọ yà, ịzọọ áyị awụ nịnị rẹ vaa yà nị.”
Etohweyi ọnịrị ịrahụ
(Irk 11.34-36)
22“Eyi ọ vị ẹtohweyi yị ẹngụ ọza nị; eyi ọza òo zoza, ẹtohweyi vaa ngụ ịnị avaba ẹngụ anị. 23Ama eyi ọza òo si divi, avaba ẹngụ anị vị ana vaa vị ịrahụ-ịrahụ. Etohweyi ana yà ịnị ẹngụ ọza ọ̀ọ sị vara ịrahụ, ịrahụ ọnọọ vaa daa banyị kẹnẹ.”
Ariro ịsa ẹhẹ
(Irk 16.13; 12.22-31)
24“Ẹ yị nyị ọza ịnya ana nyẹngụ aa hẹkẹ ọga ẹẹva; ọ vaa nyị ịhyẹrẹ ọnya, di o sì ịrẹyị ọsa; ẹ̀ yị vị avọọ, dị ọ sị ayị yị ọnya, dị aa sị eyii wụ ọsa. Wẹ yị nyẹngụ aa hẹkẹ Ohomorihi, dị ụ waa rẹẹ hẹkẹ ẹkẹhị nịnị. 25Agụvị avọọ dị ma kà a wụ nịnị ka, asị ụ rẹ̀ mẹ ariro ini oze ẹhẹ awụ nịnị ka, sị ụ vaa rị kẹ, à vị ka si u vee hú. Asị ụ rẹ̀ rẹ mẹ ariro agụvị ọchẹngụ awụ nịnị ka si u ve sii kú ẹngụ nịnị. Aanịka ụhwẹ ọza o yi huna ịsọyịrị, à vị ẹngụ ọza o yi huna ịta? 26Wee re inomi nịnị; Ẹnịnị e yi mē chire ịsa, ẹnịnị ẹ yị mā rẹ kụ́ ịsa gụ, ẹ yị mā kụ́ ịsa hi ini oje. Ama Ada awụ nịnị ẹbẹẹba aa yịị pá wa. Aanịka we yi huna inomi nịnị? 27Ẹnẹ nyẹngụ sị ariro ọyịmẹ̀ dà ụvọ ọnya tụ́ ịnị ụgọdọ anị ịnị ẹngụ awụ nịnị? 28Sị ẹ vẹ dị ụ waa mẹ ariro agụvị awuru nịnị? Ro ịrẹyị ododo ene hi ịnị avị, ẹ mẹmẹẹ̄ hụ! Ẹ mā mẹ akanya ka vi eni ee hí ịta nị. 29#1 Ohi 10.4-7; 2 Ịtọ 9.3-6Dị ma kà a wụ nịnị ka Isoromọnị ộ nyị ụbanyị obodaasụ, ama ọ yị nyị ịta ene zoza anka ọnya ini ododo ẹnẹẹ. 30Ohomorihi ọ̀ọ vavọọ sị uzoza yị avị, oni u wèe re ajịnị, ụhwọọ dị a sị ọọ ká tụ́ ịnị ịra, wé ro ka ọ yị vaa sị ịta ene zoza hu avọọ kú wu nịnị ẹngụ? Ẹdọwụ awụ nịnị ộ da weyi kẹnẹ! 31Agụvị avọọ asị ụ rẹ̀ mẹ ariro nịnị ka: ‘Sị ị vaa rị?’ À vị ka, ‘Si i vee hú’ ọnịrị ‘Si i ve sii kú ẹngụ?’ 32Agụvị ka avaba ịsa ẹnẹnị ánẹhẹ ee sìi zị nị. Ada awụ nịnị ẹbẹẹba ộ yẹ ka áa vọrọ ka wa nyị ịsa ẹnẹnị nịnị. 33Ama we vidii sì ka Ohomorihi ọ̀ọ mẹ ịjọva tụra wụ nịnị ịrẹsụ da, dị ụ wa rẹẹ mẹ̀ ịsa ana vọrọ nịnị, ka ọ vaa sị avaba ịsa ana vọ aanịị tụ̀ ọọ yị wụ nịnị. 34Agụvị avọọ asị ụ rẹ̀ mẹ ariro agụvị ụhwọọ. Ụhwọọ ọ vaa mẹ ariro ẹngụ anị nị. Sị eyi pe ariro ajịnị kẹnẹ!”
Currently Selected:
Imatiwu 6: EBTP
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Imatiwu 6
6
Asị ụ nọọ ẹngụ awụ, wàaa mẹ ẹyịza!
1 #
Imt 23.5
“Sị eyi pe ẹngụ awụ nịnị! Asị ụ mẹ ahẹkẹ awụ nịnị agụvị aza è ree kẹnẹ, ka ẹ̀ yị va avọọ, wẹ yị vaa dọ ọgụ hụụnị ụvọ Ada awụ nịnị ẹbẹẹba. 2Agụvị avọọ, wàa mẹ ẹyịza, asị ụ nọọ ẹngụ awụ, anka ónogevegeve nịnị mẹ̀ẹ̄ mẹ ini irehi ahẹkẹ Aniju ọnịrị ini orere ka aza ẹ̀ẹ ga ẹnị. Ịzẹyịza mị kà wụ nị, ẹ sị ọgụ ẹnịnị dọ da. 3Ama wàa mẹ ẹyịza, asị ụ zẹẹ ka ụvọha awụ ọ̀ yẹ ịsa ọnị ụvọrị awụ aa mẹ! 4Ama waa mẹ ẹyịza awụ ini ewere! Ada awụ eneē re ẹtẹ ini ewere vee sí wu atọ ịnị eyigede.”
A mẹ̀ vọrọ ka ọza ọ̀ọ mẹ̀ aduwa
(Ịmk 11.25-26; Irk 11.2-4)
5 #
Irk 18.10-14
Wàa mẹ̀ aduwa, asị ụ mẹ̀ anka ọmọzakụyẹ nịnị. Eē sì ka ẹnị ẹẹ̄ jẹẹ ini irehi ahẹkẹ Aniju ọnịrị ini oreree mẹ̀ aduwa ka aza è zụ re ẹnị. Ịzẹyịza, mị kà wụ nịnị nị, ẹ sị ọgụ ẹnịnị dọ da. 6Ama ẹwụ àa mẹ̀ aduwa, ngụ ini aku awụ! Wàa sị oze awụ gù, dị ụ waa mẹ̀ aduwaa hi Ada awụ ana yà aha ẹvagu! Ada awụ nịnị eneē re ẹtẹ aha ẹvagu vee sí wu atọ ịnị eyigede. 7Ama wàaa mẹ̀ aduwa nịnị, asị ụ rẹ̀ kụ́ ịrẹka ọrụrụ kẹnẹ-kẹnẹ nịnị, anka anarịmadọwụ nịnị mẹ̀ẹ̄ mẹ. Eē roo ka agụvị ịrẹyị ọrụrụ ẹnịnị Óhomorihi a sịị wụ́ aduwa ẹnịnị nị. 8Asị ụ mẹ̀ ebira véné wa, agụvị ka Ada awụ nịnị ộ yẹ ịsị a vọrọ ka wa nyị nịnị, dị ụ va họ̀ ọ nịnị. 9Agụvị avọọ, waa mẹ ẹngụ aduwa ọnọnị nịnị:
Ada ayị ẹbẹẹba,
ya sị ụbanyịị yị ịrẹha awụ;
10ọyịrị ohinọyị awụ ọ̀ vẹ
Dị à mẹ̀ ịsị u wee sì
ịnị ẹhẹ ọnọnị, anka a maā mẹẹ ẹ́bẹẹba.
11Sị ịsọyịrị ẹkụhị ajịnị yị yị,
12Vagu yi ịnị ịvị ayị,
anka ẹyị mẹ rẹ vagu aza ana mẹ̀ odivi hi yi.
13Asị ụ sị yị tụ ịnị ọyịzamare,
ama dọ yị ha hụụnị ụvọ Echu.
(Agụvị ka ẹwa vị Ohinọyị, dị ụ nyị avaba ụkata ọnịrị igirima pooro zịna-zịna Aamị!)
14 #
Ịmk 11.25,26 Wàa vagu aza ịnị ịvị ẹnẹẹ mẹ hi wu nịnị, Ada awụ ẹbẹẹba ọnị rẹ vaa vagu wu nịnị bẹẹ. 15Ama wẹ̀ yị vagu aza ịnị ịvị ẹnẹ ẹ̀ẹ mẹ hi wu nịnị, Ada awụ ẹbẹẹba ọ yị vaa vagu wu ịnị ịvị awụ nịnị.
Asị ụ sị ahẹkẹ awụ tụra eyi
16“Wàa raa sị awẹ nịnị bẹẹ, asị ụ sị tụra eyi anka ọmọzakụyẹ nịnị anaā và ẹngụụ hi ka aza è re ka ẹnị aa ba awẹ. Ịzẹyịza, mị kà wụ nịnị, ẹ sị ọgụ ẹnịnị dọ da. 17Ama ẹwụ nịnị, wàa sị awẹ, nyịna eyi awụ, dị ụ wa dá ịsa sisi ịrẹsụ awụ, 18dị asị aza ana vọ yẹ ka waa sị awẹ nịnị, ẹ̀ yị vị Ada awụ nịnị ana yà aha ẹvagu kẹnẹ. Ada awụ nịnị eneē re ẹtẹ aha ẹvagu vaa sị ọgụụ wụ (ịnị eyigede).”
Sị ogu awụ nịnị tẹ̀ ẹbẹẹba
(Irk 12.33-34)
19 #
Ije 5.2,3 “Asị ụ kụ́ ogu tẹ yị ẹngụ awụ nịnị ịnị ẹhẹ ịzị ikereē rị ọ, di o reē kú ụrẹ, di oyi rẹ zụ chaka irehi di e ne yi ọ! 20Ama kụ́ ogu tẹ yị ẹngụ awụ nịnị ẹ́bẹẹba ịzị ikere ẹ̀ yị zụ rị ọ, di è yi re zụ kú ụrẹ, di oyi nịnị ẹ̀ yị rẹ zụ na chaka irehi di è ne yi ọ! 21Agụvị ka ịzị ogu awụ nịnị ọ̀ọ yà, ịzọọ áyị awụ nịnị rẹ vaa yà nị.”
Etohweyi ọnịrị ịrahụ
(Irk 11.34-36)
22“Eyi ọ vị ẹtohweyi yị ẹngụ ọza nị; eyi ọza òo zoza, ẹtohweyi vaa ngụ ịnị avaba ẹngụ anị. 23Ama eyi ọza òo si divi, avaba ẹngụ anị vị ana vaa vị ịrahụ-ịrahụ. Etohweyi ana yà ịnị ẹngụ ọza ọ̀ọ sị vara ịrahụ, ịrahụ ọnọọ vaa daa banyị kẹnẹ.”
Ariro ịsa ẹhẹ
(Irk 16.13; 12.22-31)
24“Ẹ yị nyị ọza ịnya ana nyẹngụ aa hẹkẹ ọga ẹẹva; ọ vaa nyị ịhyẹrẹ ọnya, di o sì ịrẹyị ọsa; ẹ̀ yị vị avọọ, dị ọ sị ayị yị ọnya, dị aa sị eyii wụ ọsa. Wẹ yị nyẹngụ aa hẹkẹ Ohomorihi, dị ụ waa rẹẹ hẹkẹ ẹkẹhị nịnị. 25Agụvị avọọ dị ma kà a wụ nịnị ka, asị ụ rẹ̀ mẹ ariro ini oze ẹhẹ awụ nịnị ka, sị ụ vaa rị kẹ, à vị ka si u vee hú. Asị ụ rẹ̀ rẹ mẹ ariro agụvị ọchẹngụ awụ nịnị ka si u ve sii kú ẹngụ nịnị. Aanịka ụhwẹ ọza o yi huna ịsọyịrị, à vị ẹngụ ọza o yi huna ịta? 26Wee re inomi nịnị; Ẹnịnị e yi mē chire ịsa, ẹnịnị ẹ yị mā rẹ kụ́ ịsa gụ, ẹ yị mā kụ́ ịsa hi ini oje. Ama Ada awụ nịnị ẹbẹẹba aa yịị pá wa. Aanịka we yi huna inomi nịnị? 27Ẹnẹ nyẹngụ sị ariro ọyịmẹ̀ dà ụvọ ọnya tụ́ ịnị ụgọdọ anị ịnị ẹngụ awụ nịnị? 28Sị ẹ vẹ dị ụ waa mẹ ariro agụvị awuru nịnị? Ro ịrẹyị ododo ene hi ịnị avị, ẹ mẹmẹẹ̄ hụ! Ẹ mā mẹ akanya ka vi eni ee hí ịta nị. 29#1 Ohi 10.4-7; 2 Ịtọ 9.3-6Dị ma kà a wụ nịnị ka Isoromọnị ộ nyị ụbanyị obodaasụ, ama ọ yị nyị ịta ene zoza anka ọnya ini ododo ẹnẹẹ. 30Ohomorihi ọ̀ọ vavọọ sị uzoza yị avị, oni u wèe re ajịnị, ụhwọọ dị a sị ọọ ká tụ́ ịnị ịra, wé ro ka ọ yị vaa sị ịta ene zoza hu avọọ kú wu nịnị ẹngụ? Ẹdọwụ awụ nịnị ộ da weyi kẹnẹ! 31Agụvị avọọ asị ụ rẹ̀ mẹ ariro nịnị ka: ‘Sị ị vaa rị?’ À vị ka, ‘Si i vee hú’ ọnịrị ‘Si i ve sii kú ẹngụ?’ 32Agụvị ka avaba ịsa ẹnẹnị ánẹhẹ ee sìi zị nị. Ada awụ nịnị ẹbẹẹba ộ yẹ ka áa vọrọ ka wa nyị ịsa ẹnẹnị nịnị. 33Ama we vidii sì ka Ohomorihi ọ̀ọ mẹ ịjọva tụra wụ nịnị ịrẹsụ da, dị ụ wa rẹẹ mẹ̀ ịsa ana vọrọ nịnị, ka ọ vaa sị avaba ịsa ana vọ aanịị tụ̀ ọọ yị wụ nịnị. 34Agụvị avọọ asị ụ rẹ̀ mẹ ariro agụvị ụhwọọ. Ụhwọọ ọ vaa mẹ ariro ẹngụ anị nị. Sị eyi pe ariro ajịnị kẹnẹ!”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.