Imatiwu 15
15
Ido oni ohiku Aniju jị
(Ịmk 7.1-13; Irk 11.37-41)
1Ẹkụhị ọnya ọzwọzọda nịnị ọnịrị Anihwarisi nịnị ệ hụrẹ Ijerusarẹmị ká Ijeesu vẹ. Dị ẹ ka: 2“Sị ẹ vẹ dị ezirẹma awụ ẹ̀ yị mẹ ido oni ohiku ayị jị? Agụvị ka ẹyaa rị ịsa, ẹ yị nyịna ụvọ.” 3Dị Ijeesu tụ́ ohi, dị ọ ka, “Sị ẹ vẹ dị ẹwụ nịnị raa sị ido oni ohiku awụ nịnị jịị jịnẹ ọda Ohomorihi? 4#Kụra 20.12; Ọda 5.16; Kụra 21.17; Ire 20.9Ohomorihi ộ mẹ̀ ọda ka ‘Sị ụbanyị yị ada awụ ọnịrị ọnyị awụ!’ Ọ rẹ ka ọza ana àa kà ịrẹyị odivi hi ada anị, ọ̀ọ vị ọnyị anị, à wụ ọọ. 5Ama ẹwụ nịnị ka: Ọza ọ̀ọ kà a yị ada anị, àa vị ọnyị anị ka: ‘Ịsa ana a vọrọ ka ma yaanị sị mẹ ọgụvọ wụ, maa sị naa yị Ohomorihi’, 6ẹ yị nyị ka ọ̀ kụkụ tẹsị ada anị ọnịrị ọnyị anị. Aanị ụ mẹ̀ navọ ọda Ohomorihi tịtẹ, dị ụ sị ido oni ohiku awụ nịnị jị, dọ ọ ịrẹsụ nị. 7Ẹwụ nịnị ọmọzakụyẹ ẹnẹnị! Ịrẹyị ana Ayịsaya chẹrẹ ịyẹẹyẹ ộ da sẹrẹ wụ nịnị kẹnẹ. Ọ kà, 8#Ayị 29.13‘Irenu kẹnẹ aza ẹnẹnị sị gụrị mị nị, irenu kẹnẹ ẹ sị sị ụbanyị yị mị nị. Ama ẹnịnị ẹ yị dọ ịrẹyị amị tụ́ ịnị ayị ẹnịnị. 9Ahẹkẹ ẹnẹẹ ka ẹnị aa hẹkẹ mị vị osusu kẹnẹ, agụvị ka ọda aza kẹnẹ ẹ́ yaa sịị zụ̀, dị ẹ ka ọda Ohomorihi yọ nị.’ ”
Ịsa eneē du ọza ẹngụ
(Ịmk 7.14-23; Irk 6.39)
10Ijeesu ộ hị́ ọkọnị aza gụ, dị ọ kà a yị wa ka, “Avaba awụ nịnị ọ̀ sị ụtọ pe ẹtẹ, dị ụ wa wụ́ ịrẹyị nịnị! 11Ẹ yị vị ịsa ọza sị nọ irenu, oō du ọza ẹngụ nị. Ama ịsị e hụụnị irenu ọza jịnẹ vẹ, oō du ọza ẹngụ nị.” 12Dị ezirẹma anị kà vẹ, dị ẹ ka, “Wáá yẹ ka ịrẹyị ọnị ụ kà, ộ kụ́ Anihwarisi nịnị ayị, ẹ mẹ̀ wụ́?” 13Dị Ijeesu tụ́ ohi, dị ọ ka, “Avaba ọchị ẹnẹ ẹ̀ yị vị Ada amị o chire, vị enee vee hu nee ta. 14#Irk 6.39Navọ wa, ka ogweyi ana aa zụ̀ ogweyi oze, ẹ vị nị. Ogweyi àaa zụ̀ ogweyi oze, ẹnị ẹyịva vị anaa hyẹdụ nee ngụ ini orosi.” 15Dị Ipita ka, “Kà iruvo ụhịrẹyị ọnọnị zụ̀ yị de!” 16Dị Ijeesu ka, “Aa, ẹwụ nịnị ẹ́ yị rẹ yẹ bẹẹ? 17Wẹ́ yị yẹ nịnị ka ịsa ọza ọ̀ọ sị nọ irenu vị anaa nọ ịnị ịnẹ anị, di o ne he e ha ịnị itutu nịị? 18#Imt 12.34Ama ịsị ẹ jịnẹ hụrẹ ọza irenu, vị ana hụụnị ayị vẹ. Eni eē du ọza ẹngụ nị, 19agụvị ka ịnị ayị ọza áriro odiviī hụrẹẹ vẹ nị, anaā mẹ ka ọ̀ọ wụ̀ ọza, dị ọ̀ọ sẹ̀ ịrẹka, di òo yi oyi, di ò ree dọ ivenu ireche, di ò ree du ọza ịrẹsụ. 20Ịsa ẹnẹnị eē du ọza ẹngụ nị. Ama wàaa rị ịsa dị ụ wẹ̀ yị nyịna ụvọ awụ anka ọda ohiku nị, o yi zụ du wu ẹngụ.”
Ọzọga ọnya ana sị ayị tụra Ijeesu
(Ịmk 7.24-30)
21Ijeesu ộ hụụ ịzọọ, dị aa nọ ọgụrị ẹkụra Ịtaya ọnịrị Ịsịdọnị nị. 22Â nyị ọnẹẹ ọnyara aanị ana yà ịzọọ. Anikenaani ọ vị nị. Dị ọ vẹ, di ee nowu nị, dị ọ ka, “Ọga, ozi Idevidi, vayị amị de! Ozi emi ọnẹẹ ộ nyị ụhwẹ echu; aa sị ụyaa rị ọ ẹtẹẹtẹrẹ.” 23Ama Ijeesu o yi tụ́ ọọ ohi vụrụ-vụrụ. Dị ezirẹma anị ve tù ọọ, dị ẹ ka ọ̀ dụ ọọ kwooze, ka ee nowuu dụ ẹnị ịrẹma nị. 24Dị Ijeesu tụ́ ohi, dị ọ ka, “Agụvị Anisirẹrị nịnị ana sị mẹẹ anka atẹmẹ ene vú kẹnẹ a tụ̀ mị vẹ ẹhẹ nị”. 25Ịjọnọọ dị ọnẹẹ ọnọọ vẹ, dị ọ va ku ẹtẹ ọ́vịdị anị, dị ọ ka, “Ọga, gụ mị ụvọ de!” 26Dị Ijeesu tụ́ ohi, dị ọ ka, “Ẹ yị vọrọ ka à sị ịsọyịrị ezi, dị è ne e tịtẹ yị irezi nịnị.” 27Dị ọnẹẹ ọnọọ ka, “Avọọ yịị yọ, Ọga, ama ẹhụ ana àa jị tịtẹ hụrẹ ịzị ọga ẹnịnị yà aa rị ịsa, irezi nịnị rẹẹ̄ tọ̀ọ́ yọọ rị.” 28Dị Ijeesu tụ́ ohi, dị ọ ka, “Ẹdọwụ awụ ọ́ọ da banyị kẹnẹ ọnẹẹ ọnọnị! Ịsị u wèe sì gẹdẹ-gẹdẹ, ọ̀ vavọọ yàa yị wụ!” Ụmẹ ọnọọ gẹdẹ-gẹdẹ, dị ẹngụ ozi anị ta nị.
Ijeesu ộ mẹ̀ aza ọrụrụ-ọrụrụ ụkụ
29Ijeesu ộ hụụ ịzọọ, dị ọ zị oze ụtọ irehu Igariri, dị ọ hịrẹ nọ ịnị ataba, dị ọ na yaayịtẹ ịzọọ nị. 30Ọkọnị aza ệ ká a vẹ, dị ẹ kụ́ oswahụ ọnịrị ogweyi beri oswẹngụ ne beri ogurenu ọnịrị ọnịkụ ana vọ ve hi agada Ijeesu, dị ọ mẹ wa ụkụ nị. 31Ô hí aza ẹnẹẹ irenu, e mè re ka ogurenu aa kà ịrẹyị, dị ẹngụ oswẹngụ ta, dị oswahụ nịnị aa zị ụsẹ, dị ogweyi nịnị ree re ẹtẹ nị. Dị ẹyaa ga Ohomorihi Anisirẹrị nịnị nị.
Ijeesu ọ rẹ sị ịsọyịrị pá aza ọrụrụ-ọrụrụ
(Ịmk 8.1-10)
32Ijeesu ộ hị́ ezirẹma anị, dị ọ kà a yị wa ka, “Ayị ọkọnị aza ẹnẹnị aa vá mị, agụvị ka hụrẹ ajịnọgwẹẹta ẹ hụrẹ yà ịzẹnị nị, ẹ yị nyị ịsa ana a vọrọ ka ẹ̀ rị. Mẹ yị vaa kà a ka ẹnịrị ụngwẹ ẹ̀ẹ nọ eehi, ka èwù va za wa óze.” 33Dị ezirẹma anị ka, “Ịnị ụnọmị ịzẹnị ịzị aza è yi hi aanị, ịzị i zụ re ịsa ana hụ otomiroku aza ẹnẹnị rị?” 34Dị Ijeesu họ̀ wa ka, “Ákara yà ụ nyị nịnị?” Dị ẹ ka ịhịmba beri ivovo chee aanị nị. 35Dị ọ ka aza ẹnẹẹ ẹ̀ yaayịtẹ ini eteesu nị 36Dị ọ sị Ịbụrẹẹdị ịhịmba beri ivovo ẹnẹẹ, dị ọ kụ́ Ohomorihi avọ tụ́ ọọ, dị ọ dà wa, dị ọ sị yị ezirẹma anị, dị ẹ gà ẹ yị aza ẹnẹẹ nị. 37Avaba ẹnịnị ệ rị ịsa, ịnẹ ộ há wa. Ệ sị uji kụ́ ana vọ, dị ọ vị ohihi uji ịhịmba nị. 38Aza ana rị ịsa vị ẹnị akahị-akahị oze ẹẹna (4,000). Ọza ọ yị za anẹẹ ọnịrị ezweyi tụ́ ọọ. 39Dị Ijeesu ka aza ẹnẹẹ ẹ̀ẹ na, dị ọnị ngụ ẹpa, dị ọ vẹ ịnị ẹkụra Ịmagadanị nị.
Currently Selected:
Imatiwu 15: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Imatiwu 15
15
Ido oni ohiku Aniju jị
(Ịmk 7.1-13; Irk 11.37-41)
1Ẹkụhị ọnya ọzwọzọda nịnị ọnịrị Anihwarisi nịnị ệ hụrẹ Ijerusarẹmị ká Ijeesu vẹ. Dị ẹ ka: 2“Sị ẹ vẹ dị ezirẹma awụ ẹ̀ yị mẹ ido oni ohiku ayị jị? Agụvị ka ẹyaa rị ịsa, ẹ yị nyịna ụvọ.” 3Dị Ijeesu tụ́ ohi, dị ọ ka, “Sị ẹ vẹ dị ẹwụ nịnị raa sị ido oni ohiku awụ nịnị jịị jịnẹ ọda Ohomorihi? 4#Kụra 20.12; Ọda 5.16; Kụra 21.17; Ire 20.9Ohomorihi ộ mẹ̀ ọda ka ‘Sị ụbanyị yị ada awụ ọnịrị ọnyị awụ!’ Ọ rẹ ka ọza ana àa kà ịrẹyị odivi hi ada anị, ọ̀ọ vị ọnyị anị, à wụ ọọ. 5Ama ẹwụ nịnị ka: Ọza ọ̀ọ kà a yị ada anị, àa vị ọnyị anị ka: ‘Ịsa ana a vọrọ ka ma yaanị sị mẹ ọgụvọ wụ, maa sị naa yị Ohomorihi’, 6ẹ yị nyị ka ọ̀ kụkụ tẹsị ada anị ọnịrị ọnyị anị. Aanị ụ mẹ̀ navọ ọda Ohomorihi tịtẹ, dị ụ sị ido oni ohiku awụ nịnị jị, dọ ọ ịrẹsụ nị. 7Ẹwụ nịnị ọmọzakụyẹ ẹnẹnị! Ịrẹyị ana Ayịsaya chẹrẹ ịyẹẹyẹ ộ da sẹrẹ wụ nịnị kẹnẹ. Ọ kà, 8#Ayị 29.13‘Irenu kẹnẹ aza ẹnẹnị sị gụrị mị nị, irenu kẹnẹ ẹ sị sị ụbanyị yị mị nị. Ama ẹnịnị ẹ yị dọ ịrẹyị amị tụ́ ịnị ayị ẹnịnị. 9Ahẹkẹ ẹnẹẹ ka ẹnị aa hẹkẹ mị vị osusu kẹnẹ, agụvị ka ọda aza kẹnẹ ẹ́ yaa sịị zụ̀, dị ẹ ka ọda Ohomorihi yọ nị.’ ”
Ịsa eneē du ọza ẹngụ
(Ịmk 7.14-23; Irk 6.39)
10Ijeesu ộ hị́ ọkọnị aza gụ, dị ọ kà a yị wa ka, “Avaba awụ nịnị ọ̀ sị ụtọ pe ẹtẹ, dị ụ wa wụ́ ịrẹyị nịnị! 11Ẹ yị vị ịsa ọza sị nọ irenu, oō du ọza ẹngụ nị. Ama ịsị e hụụnị irenu ọza jịnẹ vẹ, oō du ọza ẹngụ nị.” 12Dị ezirẹma anị kà vẹ, dị ẹ ka, “Wáá yẹ ka ịrẹyị ọnị ụ kà, ộ kụ́ Anihwarisi nịnị ayị, ẹ mẹ̀ wụ́?” 13Dị Ijeesu tụ́ ohi, dị ọ ka, “Avaba ọchị ẹnẹ ẹ̀ yị vị Ada amị o chire, vị enee vee hu nee ta. 14#Irk 6.39Navọ wa, ka ogweyi ana aa zụ̀ ogweyi oze, ẹ vị nị. Ogweyi àaa zụ̀ ogweyi oze, ẹnị ẹyịva vị anaa hyẹdụ nee ngụ ini orosi.” 15Dị Ipita ka, “Kà iruvo ụhịrẹyị ọnọnị zụ̀ yị de!” 16Dị Ijeesu ka, “Aa, ẹwụ nịnị ẹ́ yị rẹ yẹ bẹẹ? 17Wẹ́ yị yẹ nịnị ka ịsa ọza ọ̀ọ sị nọ irenu vị anaa nọ ịnị ịnẹ anị, di o ne he e ha ịnị itutu nịị? 18#Imt 12.34Ama ịsị ẹ jịnẹ hụrẹ ọza irenu, vị ana hụụnị ayị vẹ. Eni eē du ọza ẹngụ nị, 19agụvị ka ịnị ayị ọza áriro odiviī hụrẹẹ vẹ nị, anaā mẹ ka ọ̀ọ wụ̀ ọza, dị ọ̀ọ sẹ̀ ịrẹka, di òo yi oyi, di ò ree dọ ivenu ireche, di ò ree du ọza ịrẹsụ. 20Ịsa ẹnẹnị eē du ọza ẹngụ nị. Ama wàaa rị ịsa dị ụ wẹ̀ yị nyịna ụvọ awụ anka ọda ohiku nị, o yi zụ du wu ẹngụ.”
Ọzọga ọnya ana sị ayị tụra Ijeesu
(Ịmk 7.24-30)
21Ijeesu ộ hụụ ịzọọ, dị aa nọ ọgụrị ẹkụra Ịtaya ọnịrị Ịsịdọnị nị. 22Â nyị ọnẹẹ ọnyara aanị ana yà ịzọọ. Anikenaani ọ vị nị. Dị ọ vẹ, di ee nowu nị, dị ọ ka, “Ọga, ozi Idevidi, vayị amị de! Ozi emi ọnẹẹ ộ nyị ụhwẹ echu; aa sị ụyaa rị ọ ẹtẹẹtẹrẹ.” 23Ama Ijeesu o yi tụ́ ọọ ohi vụrụ-vụrụ. Dị ezirẹma anị ve tù ọọ, dị ẹ ka ọ̀ dụ ọọ kwooze, ka ee nowuu dụ ẹnị ịrẹma nị. 24Dị Ijeesu tụ́ ohi, dị ọ ka, “Agụvị Anisirẹrị nịnị ana sị mẹẹ anka atẹmẹ ene vú kẹnẹ a tụ̀ mị vẹ ẹhẹ nị”. 25Ịjọnọọ dị ọnẹẹ ọnọọ vẹ, dị ọ va ku ẹtẹ ọ́vịdị anị, dị ọ ka, “Ọga, gụ mị ụvọ de!” 26Dị Ijeesu tụ́ ohi, dị ọ ka, “Ẹ yị vọrọ ka à sị ịsọyịrị ezi, dị è ne e tịtẹ yị irezi nịnị.” 27Dị ọnẹẹ ọnọọ ka, “Avọọ yịị yọ, Ọga, ama ẹhụ ana àa jị tịtẹ hụrẹ ịzị ọga ẹnịnị yà aa rị ịsa, irezi nịnị rẹẹ̄ tọ̀ọ́ yọọ rị.” 28Dị Ijeesu tụ́ ohi, dị ọ ka, “Ẹdọwụ awụ ọ́ọ da banyị kẹnẹ ọnẹẹ ọnọnị! Ịsị u wèe sì gẹdẹ-gẹdẹ, ọ̀ vavọọ yàa yị wụ!” Ụmẹ ọnọọ gẹdẹ-gẹdẹ, dị ẹngụ ozi anị ta nị.
Ijeesu ộ mẹ̀ aza ọrụrụ-ọrụrụ ụkụ
29Ijeesu ộ hụụ ịzọọ, dị ọ zị oze ụtọ irehu Igariri, dị ọ hịrẹ nọ ịnị ataba, dị ọ na yaayịtẹ ịzọọ nị. 30Ọkọnị aza ệ ká a vẹ, dị ẹ kụ́ oswahụ ọnịrị ogweyi beri oswẹngụ ne beri ogurenu ọnịrị ọnịkụ ana vọ ve hi agada Ijeesu, dị ọ mẹ wa ụkụ nị. 31Ô hí aza ẹnẹẹ irenu, e mè re ka ogurenu aa kà ịrẹyị, dị ẹngụ oswẹngụ ta, dị oswahụ nịnị aa zị ụsẹ, dị ogweyi nịnị ree re ẹtẹ nị. Dị ẹyaa ga Ohomorihi Anisirẹrị nịnị nị.
Ijeesu ọ rẹ sị ịsọyịrị pá aza ọrụrụ-ọrụrụ
(Ịmk 8.1-10)
32Ijeesu ộ hị́ ezirẹma anị, dị ọ kà a yị wa ka, “Ayị ọkọnị aza ẹnẹnị aa vá mị, agụvị ka hụrẹ ajịnọgwẹẹta ẹ hụrẹ yà ịzẹnị nị, ẹ yị nyị ịsa ana a vọrọ ka ẹ̀ rị. Mẹ yị vaa kà a ka ẹnịrị ụngwẹ ẹ̀ẹ nọ eehi, ka èwù va za wa óze.” 33Dị ezirẹma anị ka, “Ịnị ụnọmị ịzẹnị ịzị aza è yi hi aanị, ịzị i zụ re ịsa ana hụ otomiroku aza ẹnẹnị rị?” 34Dị Ijeesu họ̀ wa ka, “Ákara yà ụ nyị nịnị?” Dị ẹ ka ịhịmba beri ivovo chee aanị nị. 35Dị ọ ka aza ẹnẹẹ ẹ̀ yaayịtẹ ini eteesu nị 36Dị ọ sị Ịbụrẹẹdị ịhịmba beri ivovo ẹnẹẹ, dị ọ kụ́ Ohomorihi avọ tụ́ ọọ, dị ọ dà wa, dị ọ sị yị ezirẹma anị, dị ẹ gà ẹ yị aza ẹnẹẹ nị. 37Avaba ẹnịnị ệ rị ịsa, ịnẹ ộ há wa. Ệ sị uji kụ́ ana vọ, dị ọ vị ohihi uji ịhịmba nị. 38Aza ana rị ịsa vị ẹnị akahị-akahị oze ẹẹna (4,000). Ọza ọ yị za anẹẹ ọnịrị ezweyi tụ́ ọọ. 39Dị Ijeesu ka aza ẹnẹẹ ẹ̀ẹ na, dị ọnị ngụ ẹpa, dị ọ vẹ ịnị ẹkụra Ịmagadanị nị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.