Ịmarakayị 2
2
Ẹnẹyịmavara ộ ka Ohirẹsụ Irehi Ohomorihi ọ̀nọ̀
1Ẹnẹyịmavara Ochẹtẹẹngụ ộ hị́ ohirẹsụ irehi Ohomorihi nịnị, dị ọ mẹ ọda yị wa nị. 2Ộ kà yị wa ka, ẹnịnị ẹ yị zẹẹ ka ẹnị ẹ saasa ịrẹyị anị, dị ẹ yị sị ụbanyị yi ọnị nị. Ọ kà ọnị vee chì hi wa. Ọnị vaa vara ize ẹnịnị ozirenu. Ọ kà ọnị ộ hyakụ raà vara a ozirenu agụvị ka ẹnịnị ẹ sị ịrẹyị anị tụ́ aruvore. 3Ọ kà ọnị vaa pa ịva yị ezi ẹnịnị, dị ọnị vaa ịhyẹrẹ ịsụpa ẹnị ẹ sị va mẹ̀ ịsọvọ kụ wa eyi, dị ọnị rẹ dụ wa hụrẹ ọvịdị anị. 4#Ịrị 3.11-13Dị Ẹnẹyịmavara ana vị Ochẹtẹẹngụ rẹ ka, ọda ọnọnị vị ọnị ọnị mẹ agụvị dị ẹ saasa ịsị ọnị ọnị ka yị Anireevi ka ọnị vaa mẹ yị wa, dị asị ọ jesi. 5#Ịrị 25.12Ọ kà vị́ ọnị hị́ eku yị wa ka ọnị vaa mẹ ka ẹhẹ ẹnịnị o zee yị wa, dị ọ rọ wa ẹngụ. Ọnị vaa mẹ ka ẹ sị ụbanyị yị ọnị, dị ẹ kụkụ hí angwa anị. 6Ẹnịnị ệ sị ịrẹyị ịzẹyịza zụ aza, ẹnịnị e yi cheeche vụrụ-vụrụ. Ẹnịnị ệ ra ẹhẹ ozoza, dị ẹ mẹ̀ ebira ana vọrọ. Dị ẹ mẹ ka aza ọrụrụ-ọrụrụ ẹ hụụnị ebira odivi ẹnị ẹ yaa mẹ nị. 7Ịsị a vọrọ ka ohirẹsụ irehi Ohomorihi ọ mẹ ọ vị ka ẹ sị ịrẹyị ịzẹyịza Ohomorihi zụ aza nị. Ẹ̀ẹ vavọọ a mẹ̀ ẹ, dị aza ee ne tu wa ka ẹnị ẹ wụ́ ịrẹyị irenu ẹnịnị agụvị ka ọnụtụ Ẹnẹyịmavara Ochẹtẹẹngụ ẹ vị nị. 8Ẹnẹyịmavara kà ẹnịnị ohirẹsụ irehi Ohomorihi ẹ sị ha hụrẹ oze ịrẹyị ịzẹyịza. Ẹ raà mẹ aza ọrụrụ-ọrụrụ ka e nyee eyi agụvị ka e yee cheeche tụ ịnị ịrẹyị Ohomorihi. E reè du ịsị Ohomorihi ka yị Anireevi ka ọnị vaa mẹ yị wa. 9Agụvị ka ẹnịnị ẹ yị saasa ịrẹyị anị, ọnị sị eyi wụ́ wa, dị ọnị mẹ̀ ụhị nyị wa eyi avaba aza nị. Òo si tù ka ẹ sị ọda Ohomorihi zụ aza, dị ẹ yaa nyị ọza remeyi.
Aza ẹ yị mẹ ịzẹyịza ka Ohomorihi na
10Dị Ịmarakayị ka, aanịka ẹ yị vị ada ọnya ọ ma ayị? Áa vị ẹ yị vị Ohomorihi ọnya ọ tụ yị vẹ ẹhẹ? Sị ẹ vaa vẹ di e yee vene ẹngụ? Sị ẹ vẹ dị ẹ yaa sị eyi kẹnẹ-kẹnẹ re ịsa ọnị Ohomorihi ka ọnị a mẹ yị ohiku ẹnịnị? 11Ezi Anijuda nịnị ẹ yị mẹ ịzẹyịza ka Ẹnẹyịmavara na. Ụ̀nọ̀ ọnị ẹ yaa mẹ ọ sị charaga hi Ijerusarẹmị ọnịrị ẹtẹ Anisirẹrị ana vọ. E re du irehi Ẹnẹyịmavara. Irehi ọnọọ vị ọnị Ohomorihi sì ịrẹyị anị. Anọrụ ẹnịnị ẹ na raà nyị anẹẹ ana hẹkẹ ori. 12Ịmarakayị ô mẹ̀ aduwa ka Ẹnẹyịmavara o vu wa ẹtẹ hụụnị ịnị akakana Anisirẹrị nịnị, dị asị ẹngụ aza ẹnẹẹ kụkụ nyị ụvọ tụ ịnị ịsa ana sị va yị Ẹnẹyịmavara ana vị Ochẹtẹẹngụ.
13Dị Ịmarakayị rẹ ka, ịsa ọsa ọnị ẹnịnị yaa mẹ yi. Ẹ yaa sị ẹgọ ẹnịnị họ̀rọ ịzị a mẹ̀ ịsọvọ yị Ẹnẹyịmavara. Dị ẹ yaa jị òrèrè booro-booro agụvị ka Ẹnẹyịmavara ẹ yị kụkụ dọ ịsọvọ ẹnẹ ẹ yaa mẹ nị. 14Ama dị ẹ ya họ̀ use ka sị ẹ vẹ nị? Dị ọ ka agụvị ka Ohomorihi ọ vị onivenu amẹrị ọnị ẹ yaa mẹ̀ hi ese ẹnịnị ẹnị ẹ nyị hụụnị ozweyi ẹnịnị. Anẹẹ ẹnẹẹ ẹ vị ọnọhụva ẹnịnị ini eku ọnị ẹ hị́ yi ẹngụ nị. Ama ẹnịnị ẹ yi mẹ̀ ịzẹyịza ka ese ẹnịnị na. 15Wéé yi yẹ ka ọnyara Ẹnẹyịmavara mẹ̀ ewuri ese wụ nịnị nị? Ộ vavọọ mẹ̀ agụvị dị ezi ewu nịnị ẹ vị aza Ohomorihi. Sị ụvọ za ẹngụ awụ ịnị ịrẹyị ese ọnị ụ nyị hụụnị ozweyi awụ nịnị nị. Asị a nyị aza awụ nịnị ana mẹ̀ wa rị. 16Ẹnẹyịmavara Ohomorihi Anisirẹrị kà, ọnị ọ nyị ịhyẹrẹ ẹhahi ẹvarose. Dị ọ ka, ọnị ọ nyị ịhyẹrẹ ọza ana vavọọ aa chamayị yị ose anị. Sị eyi pe ẹngụ awụ, asị ụ mẹ̀ ose wụ rị.
Ẹkụhị Ọkarẹyị aa gụrị ẹtẹ
17Ẹnẹyịmavara kà, ịsị ẹnịnị aa ka ô du ọnị eyi. Ama dị ẹyaa họ̀ ọ use ka, sị ẹnị ka ene du ọ eyi? Dị ọ ka ẹnịnị aa kà a ka, Ẹnẹyịmavara o sì ịrẹyị aza ana mẹ̀ ebira odivi, Dị ẹnịnị re họ̀ o use ka, ịzị Ohomorihi anaā mẹ̀ ọkarẹyị ya?
Currently Selected:
Ịmarakayị 2: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ịmarakayị 2
2
Ẹnẹyịmavara ộ ka Ohirẹsụ Irehi Ohomorihi ọ̀nọ̀
1Ẹnẹyịmavara Ochẹtẹẹngụ ộ hị́ ohirẹsụ irehi Ohomorihi nịnị, dị ọ mẹ ọda yị wa nị. 2Ộ kà yị wa ka, ẹnịnị ẹ yị zẹẹ ka ẹnị ẹ saasa ịrẹyị anị, dị ẹ yị sị ụbanyị yi ọnị nị. Ọ kà ọnị vee chì hi wa. Ọnị vaa vara ize ẹnịnị ozirenu. Ọ kà ọnị ộ hyakụ raà vara a ozirenu agụvị ka ẹnịnị ẹ sị ịrẹyị anị tụ́ aruvore. 3Ọ kà ọnị vaa pa ịva yị ezi ẹnịnị, dị ọnị vaa ịhyẹrẹ ịsụpa ẹnị ẹ sị va mẹ̀ ịsọvọ kụ wa eyi, dị ọnị rẹ dụ wa hụrẹ ọvịdị anị. 4#Ịrị 3.11-13Dị Ẹnẹyịmavara ana vị Ochẹtẹẹngụ rẹ ka, ọda ọnọnị vị ọnị ọnị mẹ agụvị dị ẹ saasa ịsị ọnị ọnị ka yị Anireevi ka ọnị vaa mẹ yị wa, dị asị ọ jesi. 5#Ịrị 25.12Ọ kà vị́ ọnị hị́ eku yị wa ka ọnị vaa mẹ ka ẹhẹ ẹnịnị o zee yị wa, dị ọ rọ wa ẹngụ. Ọnị vaa mẹ ka ẹ sị ụbanyị yị ọnị, dị ẹ kụkụ hí angwa anị. 6Ẹnịnị ệ sị ịrẹyị ịzẹyịza zụ aza, ẹnịnị e yi cheeche vụrụ-vụrụ. Ẹnịnị ệ ra ẹhẹ ozoza, dị ẹ mẹ̀ ebira ana vọrọ. Dị ẹ mẹ ka aza ọrụrụ-ọrụrụ ẹ hụụnị ebira odivi ẹnị ẹ yaa mẹ nị. 7Ịsị a vọrọ ka ohirẹsụ irehi Ohomorihi ọ mẹ ọ vị ka ẹ sị ịrẹyị ịzẹyịza Ohomorihi zụ aza nị. Ẹ̀ẹ vavọọ a mẹ̀ ẹ, dị aza ee ne tu wa ka ẹnị ẹ wụ́ ịrẹyị irenu ẹnịnị agụvị ka ọnụtụ Ẹnẹyịmavara Ochẹtẹẹngụ ẹ vị nị. 8Ẹnẹyịmavara kà ẹnịnị ohirẹsụ irehi Ohomorihi ẹ sị ha hụrẹ oze ịrẹyị ịzẹyịza. Ẹ raà mẹ aza ọrụrụ-ọrụrụ ka e nyee eyi agụvị ka e yee cheeche tụ ịnị ịrẹyị Ohomorihi. E reè du ịsị Ohomorihi ka yị Anireevi ka ọnị vaa mẹ yị wa. 9Agụvị ka ẹnịnị ẹ yị saasa ịrẹyị anị, ọnị sị eyi wụ́ wa, dị ọnị mẹ̀ ụhị nyị wa eyi avaba aza nị. Òo si tù ka ẹ sị ọda Ohomorihi zụ aza, dị ẹ yaa nyị ọza remeyi.
Aza ẹ yị mẹ ịzẹyịza ka Ohomorihi na
10Dị Ịmarakayị ka, aanịka ẹ yị vị ada ọnya ọ ma ayị? Áa vị ẹ yị vị Ohomorihi ọnya ọ tụ yị vẹ ẹhẹ? Sị ẹ vaa vẹ di e yee vene ẹngụ? Sị ẹ vẹ dị ẹ yaa sị eyi kẹnẹ-kẹnẹ re ịsa ọnị Ohomorihi ka ọnị a mẹ yị ohiku ẹnịnị? 11Ezi Anijuda nịnị ẹ yị mẹ ịzẹyịza ka Ẹnẹyịmavara na. Ụ̀nọ̀ ọnị ẹ yaa mẹ ọ sị charaga hi Ijerusarẹmị ọnịrị ẹtẹ Anisirẹrị ana vọ. E re du irehi Ẹnẹyịmavara. Irehi ọnọọ vị ọnị Ohomorihi sì ịrẹyị anị. Anọrụ ẹnịnị ẹ na raà nyị anẹẹ ana hẹkẹ ori. 12Ịmarakayị ô mẹ̀ aduwa ka Ẹnẹyịmavara o vu wa ẹtẹ hụụnị ịnị akakana Anisirẹrị nịnị, dị asị ẹngụ aza ẹnẹẹ kụkụ nyị ụvọ tụ ịnị ịsa ana sị va yị Ẹnẹyịmavara ana vị Ochẹtẹẹngụ.
13Dị Ịmarakayị rẹ ka, ịsa ọsa ọnị ẹnịnị yaa mẹ yi. Ẹ yaa sị ẹgọ ẹnịnị họ̀rọ ịzị a mẹ̀ ịsọvọ yị Ẹnẹyịmavara. Dị ẹ yaa jị òrèrè booro-booro agụvị ka Ẹnẹyịmavara ẹ yị kụkụ dọ ịsọvọ ẹnẹ ẹ yaa mẹ nị. 14Ama dị ẹ ya họ̀ use ka sị ẹ vẹ nị? Dị ọ ka agụvị ka Ohomorihi ọ vị onivenu amẹrị ọnị ẹ yaa mẹ̀ hi ese ẹnịnị ẹnị ẹ nyị hụụnị ozweyi ẹnịnị. Anẹẹ ẹnẹẹ ẹ vị ọnọhụva ẹnịnị ini eku ọnị ẹ hị́ yi ẹngụ nị. Ama ẹnịnị ẹ yi mẹ̀ ịzẹyịza ka ese ẹnịnị na. 15Wéé yi yẹ ka ọnyara Ẹnẹyịmavara mẹ̀ ewuri ese wụ nịnị nị? Ộ vavọọ mẹ̀ agụvị dị ezi ewu nịnị ẹ vị aza Ohomorihi. Sị ụvọ za ẹngụ awụ ịnị ịrẹyị ese ọnị ụ nyị hụụnị ozweyi awụ nịnị nị. Asị a nyị aza awụ nịnị ana mẹ̀ wa rị. 16Ẹnẹyịmavara Ohomorihi Anisirẹrị kà, ọnị ọ nyị ịhyẹrẹ ẹhahi ẹvarose. Dị ọ ka, ọnị ọ nyị ịhyẹrẹ ọza ana vavọọ aa chamayị yị ose anị. Sị eyi pe ẹngụ awụ, asị ụ mẹ̀ ose wụ rị.
Ẹkụhị Ọkarẹyị aa gụrị ẹtẹ
17Ẹnẹyịmavara kà, ịsị ẹnịnị aa ka ô du ọnị eyi. Ama dị ẹyaa họ̀ ọ use ka, sị ẹnị ka ene du ọ eyi? Dị ọ ka ẹnịnị aa kà a ka, Ẹnẹyịmavara o sì ịrẹyị aza ana mẹ̀ ebira odivi, Dị ẹnịnị re họ̀ o use ka, ịzị Ohomorihi anaā mẹ̀ ọkarẹyị ya?
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.