Ireevi 4
4
Ịsọvọ ịvị ọnị ọza nyeeyi mẹ
(Ire 6.24-30)
1Ẹnẹyịmavara ộ kà a yị Imosiisi ka 2ọ̀ kà yị Anisirẹrị nịnị ka ọza ọ̀ọ nyeeyi sị ahụ jịnẹ ọda Ẹnẹyịmavara, dị ọ mẹ̀ ịvị vaa mẹ saasa ọda ẹnịnị.
Ohirẹsụ ọbanyị irehi Ohomorihi ọ̀ọ mẹ ịvị
3Àa vị ohirẹsụ ọbanyị irehi Ohomorihi ọ mẹ ịvị nị, ọ raa mẹ ka aza ana vọ ẹ̀ rị ịvị, ịvị ọnị ọ́ mẹ avọọ, ọ vaa sị ozi ụnọ araka ọnị ẹ̀ yị tụ ọkụmị vaa mẹ̀ ịsọvọ ịvị anịị yị Ẹnẹyịmavara. 4Ọ vaa sị ọ vẹ enoze ajẹngụ Ẹnẹyịmavara, òo tu ịzọọ, dị ọ sị ụvọ tụra a ịrẹsụ, dị ọ wụ̀ ọ ọvịdị Ẹnẹyịmavara ịzọọ. 5Dị ohirẹsụ ọbanyị irehi Ohomorihi ọnọọ ka ụnọ ọnọọ, dị ọ sị ọ ngụ ịnị ajẹngụ Ẹnẹyịmavara 6Òo tụ ịzọọ dị ọ jị igege ngụ ọnọọ, dị o che e sẹ ẹtẹ ụpẹ ịhịmba ọvịdị ịta ana a sị jị oze aha ọnịnị ịzọọ. 7Ohirẹsụ ọbanyị irehi Ohomorihi ọnọọ vaa ka ọnọọ ku ọpanyị ẹyịna ịrẹsụ ụta ana aā rị eturare ịra ịnị anị ana ya ịnị ajẹngụ ịzọọ. Dị ọ và ana vọ kara iruvo ụta ana a sịị rị ịsị ịsọvọ ịra ene hi tu enoze ajẹngụ Ẹnẹyịmavara ọnọọ. 8Ọ vaa kụ avaba ụhị ụnọ ọnọnị, avaba ụhị ẹnya ịnị ịnẹ anị, 9Ọ rẹ vaa kụ ẹhụ anị ẹyịva beri ụhị ẹnịnị ọnịrị ịpa ene hu ịnị ayị uye ọnọọ. 10Dị ohirẹsụ irehi Ohomorihi ọnọọ rị avaba ụhị ọnọọ ịra ịrẹsụ ụta ịsọvọ. Ọ vaa rị ọ ịra anka ọ́ mẹẹ̄ rị ụhị uye ana a sị vaa mẹ̀ ịsọvọ oyi pe Ohomorihi mẹ uzee ịra avọọ. 11Ama ọ vaa sị ụpa ụnọ ọnọọ ọnịrị uye anị beri ịrẹsụ, ahụ, ẹnya ịnị ịnẹ anị beri iruvu 12dị ọ sị ọ jịnẹ tụ ẹhẹ hụrị udi ana aza hị́. Dị ọ sị ọ nọ aha ana nị ịzị aa va atịtọọ ha, òo tu ịzọọ, dị ọ sị ọkụ ka ịra, dị ọ sị rị avaba ụnọ ọnọọ ịra.
Avaba anẹkụra ẹ̀ẹ mẹ ịvị
13Àa vị avaba Anisirẹrị e nyeeyi jịnẹ ọda Ẹnẹyịmavara dị ẹ mẹ ịvị, dị eyi ẹnịnị e yi tu ọ nị. Ẹnịnị ẹ̀ẹ mẹ̀ ịsa ọnyọọnyị ọnị Ẹnẹyịmavara kà à sị á mẹ, dị ẹ rị ịvị nị 14obobooro ọnị ẹnịnị ẹ̀ẹ yẹ ka ẹnị ẹ́ sị ịvị mẹ, avaba ẹkụra vaa sị ozi ụnọ ọ yị mẹ̀ ịsọvọ ịvị ẹnịnị. Ẹ vaa sị ọ vẹ enoze ajẹngụ Ẹnẹyịmavara. 15Ẹnị ọdọvịdị nịnị ẹkụra vaa sị ụvọ tụra ụnọ ọnọọ ịrẹsụ dị ẹ wụ̀ ọ ịzọọ. 16Ohirẹsụ ọbanyị irehi Ohomorihi vaa ka ụnọ ọnọọ, dị ọ sị ọ ngụ ịnị ajẹngụ Ẹnẹyịmavara na 17Ọ vaa jị igege ngụ ọnọọ, dị o che e sẹ ẹtẹ ụpẹ ịhịmba ọvịdị ịta ana a sị jị aha ọnịnị ịzọọ. 18Ọ vaa ka ọnọọ kụ ọpanyị ẹyịna ịrẹsụ ụta ana a rị eturare ịra ịnị anị ana ya ịnị ajẹngụ ọnọọ. Dị ọ và ana vọ kara iruvo ụta ana a sịị rị ịsị ịsọvọ ịra ene hi tụ enoze ajẹngụ Ẹnẹyịmavara ọnọọ. 19Dị ọ vaa sị avaba ụhị araka Imaaru ọnọọ dị ọ rị ọ ịra ịrẹsụ ụta ịsọvọ. 20Ọ vaa mẹ araka imaaru ọnọnị anka ọ́ mẹ mẹ ana á sị vaa mẹ̀ ịsọvọ ịvị avọọ. Aanị ọ mẹ vaa mẹ̀ ịsọvọ yị aza agụvị ịvị ẹnịnị, dị a vagu ịvị ẹnịnị yị wa nị. 21Ohirẹsụ ọbanyị irehi Ohomorihi vaa sị araka imaaru ọnọọ tụ ẹhẹ hụrị udi ana aza hi, dị ọ na rị ọ ịra anka ọ mẹ rị ọnị ọ sị mẹ̀ ịsọvọ ịvị ọnị ụvọta ịra avọọ. Ịsọvọ ọnọnị a sịị vaa gu ịvị ana avaba anẹkụra mẹ nị.
Àa nyị ọdọvịdị ịrẹsụ ana mẹ ịvị
22Àa vị ọdọvịdị ẹkụra o nyeeyi jịnẹ ọda Ẹnẹyịmavara dị ọ sị ịvị mẹ̀ nị, 23Àa maanịị ka a yọ kẹnẹ ka ọ sị ịvị mẹ, ọ vaa sị ịdẹ ẹnẹ ẹ̀ yị tụ ọkụmị vaa mẹ̀ ịsọvọ ịvị anị. 24Ọ vaa sị ụvọ tụra ịdẹ ọnọọ ịrẹsụ, dị ọ wụ̀ ọ ịzị a yaa wụ ịsị ịsọvọ ana aā rị ịra ọvịdị Ẹnẹyịmavara ịsị ịsọvọ ana aa sịị vaa gụ ịvị ọ vị nị. 25Ohirẹsụ irehi Ohomorihi vaa jị igegee ngụ ịsụpa ọnọọ dị ọ sị da ọpanyị ẹyịna ụta ịsọvọ, dị ọ và ana vọ kara iruvo ụta ọnọọ. 26Ọ vaa rị avaba ụhị ịsụpa ọnọọ ịra ịrẹsụ ụta ịsọvọ anka ọ mẹ rị ụhị ịsụpa ana a sị mẹ̀ ịsọvọ ọ yị pe Ohomorihi mẹ uzee ịra avọọ. Aanị ohirẹsụ irehi Ohomorihi mẹ vaa mẹ̀ ịsọvọ yị ọdọvịdị ọnọọ, dị aa va gụ ịvị anị yọ nị.
Ọza kẹnẹ ọ̀ọ mẹ ịvị
27 #
Ịrị 15.27,28 Àa vị ọza ịnya ịnị aza kẹnẹ ana vọ, o nyeeyi jịnẹ ọda Ẹnẹyịmavara, dị ọ sị ịvị mẹ̀ nị, 28Àa maanịị kà a yọ kẹnẹ ka ọ sị ịvị mẹ, ọ vaa sị ọnyị ẹvụ ẹnẹ ẹ̀ yị tụ ọkụmị vaa mẹ̀ ịsọvọ ịvị anị. 29Ọ vaa sị ụvọ tụra ọnyị ẹvụ ọnọọ ịrẹsụ, dị aa wụ̀ ọ ịzị a yàa wụ̀ ịsụpa ana a sị vaa mẹ̀ ịsọvọ ana a rị ịra. 30Ohirẹsụ irehi Ohomorihi vaa jị igegee ngụ ịsụpa ọnọọ, dị ọ sị da ọpanyị ẹyịna ụta ịsọvọ, dị ọ và ana vọ kara iruvo ụta ọnọọ. 31Ọ vaa kụ avaba ụhị ịsụpa ọnọọ anka a mẹ kụ ụhị ịsụpa ana a sị vaa mẹ̀ ịsọvọ ọ yị pe Ohomorihi mẹ uzee avọọ. Ohirẹsụ irehi Ohomorihi vaa rị ọ ịra ịrẹsụ ụta ịsọvọ dị ọọ dà agụ ohine hi Ẹnẹyịmavara. Aanị ohirẹsụ irehi Ohomorihi mẹ vaa mẹ̀ ịsọvọ yị ọza ọnọọ, dị aa vagu ịvị anị yọ nị. 32Ọza àa sị ozi atẹmẹ vaa mẹ̀ ịsọvọ agụvị ịvị anị, ọ sị ẹnẹ ẹ̀ yị tụ ọkụmị. 33Ọ vaa sị ụvọ tụra a ịrẹsụ, dị a wụ̀ ọ ịzị a yaa wụ̀ ịsụpa ana a sị va mẹ̀ ịsọvọ ana a rị ịra. 34Ohirẹsụ irehi Ohomorihi vaa jị igegee ngụ ịsụpa ọnọọ, dị ọ sị da ọpanyị ẹyịna ụta ịsọvọ. Dị ọ va ana vọ kara iruvo ụta ọnọọ. 35Ọ vaa kụ avaba ụhị atẹmẹ ọnọọ anka a mẹ kụ ụhị atẹmẹ ana a sị va mẹ̀ ịsọvọ ọyị pe Ohomorihi mẹ uzee avọọ, dị ọ rị ọ ịra ịrẹsụ ụta beri ịsọyịrị ana a sì va mẹ̀ ịsọvọ yị Ẹnẹyịmavara. Aanị ohirẹsụ irehi Ohomorihi mẹ vaa mẹ vaa mẹ̀ ịsọvọ yị ọza ọnọọ, dị a vagu ịvị anị yọ nị.
Currently Selected:
Ireevi 4: EBTP
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ireevi 4
4
Ịsọvọ ịvị ọnị ọza nyeeyi mẹ
(Ire 6.24-30)
1Ẹnẹyịmavara ộ kà a yị Imosiisi ka 2ọ̀ kà yị Anisirẹrị nịnị ka ọza ọ̀ọ nyeeyi sị ahụ jịnẹ ọda Ẹnẹyịmavara, dị ọ mẹ̀ ịvị vaa mẹ saasa ọda ẹnịnị.
Ohirẹsụ ọbanyị irehi Ohomorihi ọ̀ọ mẹ ịvị
3Àa vị ohirẹsụ ọbanyị irehi Ohomorihi ọ mẹ ịvị nị, ọ raa mẹ ka aza ana vọ ẹ̀ rị ịvị, ịvị ọnị ọ́ mẹ avọọ, ọ vaa sị ozi ụnọ araka ọnị ẹ̀ yị tụ ọkụmị vaa mẹ̀ ịsọvọ ịvị anịị yị Ẹnẹyịmavara. 4Ọ vaa sị ọ vẹ enoze ajẹngụ Ẹnẹyịmavara, òo tu ịzọọ, dị ọ sị ụvọ tụra a ịrẹsụ, dị ọ wụ̀ ọ ọvịdị Ẹnẹyịmavara ịzọọ. 5Dị ohirẹsụ ọbanyị irehi Ohomorihi ọnọọ ka ụnọ ọnọọ, dị ọ sị ọ ngụ ịnị ajẹngụ Ẹnẹyịmavara 6Òo tụ ịzọọ dị ọ jị igege ngụ ọnọọ, dị o che e sẹ ẹtẹ ụpẹ ịhịmba ọvịdị ịta ana a sị jị oze aha ọnịnị ịzọọ. 7Ohirẹsụ ọbanyị irehi Ohomorihi ọnọọ vaa ka ọnọọ ku ọpanyị ẹyịna ịrẹsụ ụta ana aā rị eturare ịra ịnị anị ana ya ịnị ajẹngụ ịzọọ. Dị ọ và ana vọ kara iruvo ụta ana a sịị rị ịsị ịsọvọ ịra ene hi tu enoze ajẹngụ Ẹnẹyịmavara ọnọọ. 8Ọ vaa kụ avaba ụhị ụnọ ọnọnị, avaba ụhị ẹnya ịnị ịnẹ anị, 9Ọ rẹ vaa kụ ẹhụ anị ẹyịva beri ụhị ẹnịnị ọnịrị ịpa ene hu ịnị ayị uye ọnọọ. 10Dị ohirẹsụ irehi Ohomorihi ọnọọ rị avaba ụhị ọnọọ ịra ịrẹsụ ụta ịsọvọ. Ọ vaa rị ọ ịra anka ọ́ mẹẹ̄ rị ụhị uye ana a sị vaa mẹ̀ ịsọvọ oyi pe Ohomorihi mẹ uzee ịra avọọ. 11Ama ọ vaa sị ụpa ụnọ ọnọọ ọnịrị uye anị beri ịrẹsụ, ahụ, ẹnya ịnị ịnẹ anị beri iruvu 12dị ọ sị ọ jịnẹ tụ ẹhẹ hụrị udi ana aza hị́. Dị ọ sị ọ nọ aha ana nị ịzị aa va atịtọọ ha, òo tu ịzọọ, dị ọ sị ọkụ ka ịra, dị ọ sị rị avaba ụnọ ọnọọ ịra.
Avaba anẹkụra ẹ̀ẹ mẹ ịvị
13Àa vị avaba Anisirẹrị e nyeeyi jịnẹ ọda Ẹnẹyịmavara dị ẹ mẹ ịvị, dị eyi ẹnịnị e yi tu ọ nị. Ẹnịnị ẹ̀ẹ mẹ̀ ịsa ọnyọọnyị ọnị Ẹnẹyịmavara kà à sị á mẹ, dị ẹ rị ịvị nị 14obobooro ọnị ẹnịnị ẹ̀ẹ yẹ ka ẹnị ẹ́ sị ịvị mẹ, avaba ẹkụra vaa sị ozi ụnọ ọ yị mẹ̀ ịsọvọ ịvị ẹnịnị. Ẹ vaa sị ọ vẹ enoze ajẹngụ Ẹnẹyịmavara. 15Ẹnị ọdọvịdị nịnị ẹkụra vaa sị ụvọ tụra ụnọ ọnọọ ịrẹsụ dị ẹ wụ̀ ọ ịzọọ. 16Ohirẹsụ ọbanyị irehi Ohomorihi vaa ka ụnọ ọnọọ, dị ọ sị ọ ngụ ịnị ajẹngụ Ẹnẹyịmavara na 17Ọ vaa jị igege ngụ ọnọọ, dị o che e sẹ ẹtẹ ụpẹ ịhịmba ọvịdị ịta ana a sị jị aha ọnịnị ịzọọ. 18Ọ vaa ka ọnọọ kụ ọpanyị ẹyịna ịrẹsụ ụta ana a rị eturare ịra ịnị anị ana ya ịnị ajẹngụ ọnọọ. Dị ọ và ana vọ kara iruvo ụta ana a sịị rị ịsị ịsọvọ ịra ene hi tụ enoze ajẹngụ Ẹnẹyịmavara ọnọọ. 19Dị ọ vaa sị avaba ụhị araka Imaaru ọnọọ dị ọ rị ọ ịra ịrẹsụ ụta ịsọvọ. 20Ọ vaa mẹ araka imaaru ọnọnị anka ọ́ mẹ mẹ ana á sị vaa mẹ̀ ịsọvọ ịvị avọọ. Aanị ọ mẹ vaa mẹ̀ ịsọvọ yị aza agụvị ịvị ẹnịnị, dị a vagu ịvị ẹnịnị yị wa nị. 21Ohirẹsụ ọbanyị irehi Ohomorihi vaa sị araka imaaru ọnọọ tụ ẹhẹ hụrị udi ana aza hi, dị ọ na rị ọ ịra anka ọ mẹ rị ọnị ọ sị mẹ̀ ịsọvọ ịvị ọnị ụvọta ịra avọọ. Ịsọvọ ọnọnị a sịị vaa gu ịvị ana avaba anẹkụra mẹ nị.
Àa nyị ọdọvịdị ịrẹsụ ana mẹ ịvị
22Àa vị ọdọvịdị ẹkụra o nyeeyi jịnẹ ọda Ẹnẹyịmavara dị ọ sị ịvị mẹ̀ nị, 23Àa maanịị ka a yọ kẹnẹ ka ọ sị ịvị mẹ, ọ vaa sị ịdẹ ẹnẹ ẹ̀ yị tụ ọkụmị vaa mẹ̀ ịsọvọ ịvị anị. 24Ọ vaa sị ụvọ tụra ịdẹ ọnọọ ịrẹsụ, dị ọ wụ̀ ọ ịzị a yaa wụ ịsị ịsọvọ ana aā rị ịra ọvịdị Ẹnẹyịmavara ịsị ịsọvọ ana aa sịị vaa gụ ịvị ọ vị nị. 25Ohirẹsụ irehi Ohomorihi vaa jị igegee ngụ ịsụpa ọnọọ dị ọ sị da ọpanyị ẹyịna ụta ịsọvọ, dị ọ và ana vọ kara iruvo ụta ọnọọ. 26Ọ vaa rị avaba ụhị ịsụpa ọnọọ ịra ịrẹsụ ụta ịsọvọ anka ọ mẹ rị ụhị ịsụpa ana a sị mẹ̀ ịsọvọ ọ yị pe Ohomorihi mẹ uzee ịra avọọ. Aanị ohirẹsụ irehi Ohomorihi mẹ vaa mẹ̀ ịsọvọ yị ọdọvịdị ọnọọ, dị aa va gụ ịvị anị yọ nị.
Ọza kẹnẹ ọ̀ọ mẹ ịvị
27 #
Ịrị 15.27,28 Àa vị ọza ịnya ịnị aza kẹnẹ ana vọ, o nyeeyi jịnẹ ọda Ẹnẹyịmavara, dị ọ sị ịvị mẹ̀ nị, 28Àa maanịị kà a yọ kẹnẹ ka ọ sị ịvị mẹ, ọ vaa sị ọnyị ẹvụ ẹnẹ ẹ̀ yị tụ ọkụmị vaa mẹ̀ ịsọvọ ịvị anị. 29Ọ vaa sị ụvọ tụra ọnyị ẹvụ ọnọọ ịrẹsụ, dị aa wụ̀ ọ ịzị a yàa wụ̀ ịsụpa ana a sị vaa mẹ̀ ịsọvọ ana a rị ịra. 30Ohirẹsụ irehi Ohomorihi vaa jị igegee ngụ ịsụpa ọnọọ, dị ọ sị da ọpanyị ẹyịna ụta ịsọvọ, dị ọ và ana vọ kara iruvo ụta ọnọọ. 31Ọ vaa kụ avaba ụhị ịsụpa ọnọọ anka a mẹ kụ ụhị ịsụpa ana a sị vaa mẹ̀ ịsọvọ ọ yị pe Ohomorihi mẹ uzee avọọ. Ohirẹsụ irehi Ohomorihi vaa rị ọ ịra ịrẹsụ ụta ịsọvọ dị ọọ dà agụ ohine hi Ẹnẹyịmavara. Aanị ohirẹsụ irehi Ohomorihi mẹ vaa mẹ̀ ịsọvọ yị ọza ọnọọ, dị aa vagu ịvị anị yọ nị. 32Ọza àa sị ozi atẹmẹ vaa mẹ̀ ịsọvọ agụvị ịvị anị, ọ sị ẹnẹ ẹ̀ yị tụ ọkụmị. 33Ọ vaa sị ụvọ tụra a ịrẹsụ, dị a wụ̀ ọ ịzị a yaa wụ̀ ịsụpa ana a sị va mẹ̀ ịsọvọ ana a rị ịra. 34Ohirẹsụ irehi Ohomorihi vaa jị igegee ngụ ịsụpa ọnọọ, dị ọ sị da ọpanyị ẹyịna ụta ịsọvọ. Dị ọ va ana vọ kara iruvo ụta ọnọọ. 35Ọ vaa kụ avaba ụhị atẹmẹ ọnọọ anka a mẹ kụ ụhị atẹmẹ ana a sị va mẹ̀ ịsọvọ ọyị pe Ohomorihi mẹ uzee avọọ, dị ọ rị ọ ịra ịrẹsụ ụta beri ịsọyịrị ana a sì va mẹ̀ ịsọvọ yị Ẹnẹyịmavara. Aanị ohirẹsụ irehi Ohomorihi mẹ vaa mẹ vaa mẹ̀ ịsọvọ yị ọza ọnọọ, dị a vagu ịvị anị yọ nị.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.