Ireevi 12
12
Ọnyẹnẹẹ̄ mẹmẹẹ hụ̀ enyi ọmande
1Ẹnẹyịmavara ộ kà a yị Imosiisi ka, 2Ọ̀ kà a yị Anisirẹrị nịnị ka, ọnyẹnẹẹ òo zyẹẹ, dị ọ́ ma ozi ọnọrụ nị, pooro dị ọ̀ mẹ ẹkụhị ịhịmba, ọnịrị ịdọtị ọ vị nị. Vị́ ọ́ rẹ sị mẹ anka èe ré ịsị ụhwẹ anị avọọ nị. Ọnyẹnẹẹ ọnọọ ẹ́ yị nị. 3#Oyn 17.12; Irk 2.21Ọ kà ịhị ẹgwẹhịnta ọnị ọ́ ma ozi ọnọọ, a vaa jị ọ ụvẹvẹnẹ. 4Dị ọnẹẹ ọnọọ vana mẹ ẹkụhị ohurẹẹwụ tụra ẹẹta dị à va nyị ka ọ́ọ nị. Ẹ́ yị vaa nyayịnẹẹ kanyị ịsa ọnịnị ọnyọọnyị à vị̀ ka ọ̀ ngụ ịnị irehi Ohomorihi ẹ̀ yị vị ịjị ẹkụhị ana vọrọ ka ọ̀ mẹ dị ọ̀ nị sị gụ. 5Ama àa vị ozi ọnẹẹ ọ́ ma nị, ọsẹ ẹẹva ọ́ vaa vị ọnịrị ịdọtịị vị, anka èe ré ịsị ụhwẹ anị avọọ nị. Dị ọ varẹma mẹ ẹkụhị ẹbẹẹta tụra ịhịnọnyị dị ọ̀ va nị hụụnị ọnị ọ́ va ha nị. 6Ịhị ẹkụhị ana a vọrọ ka ọnẹẹ ọnọọ ọ̀ mẹ dị ọ̀ nị ọ̀ọ sị gụ, ọ̀ọ vị ẹkụhị ozi ọnọrụ, ọ̀ọ vị ẹkụhị ozi ọnẹẹ, ọ vaa sị ozi atẹmẹ ịrayị ọnyara vee tu ohirẹsụ irehi Ohomorihi enoze irehi Ohomorihi dị ọ sị mẹ̀ ịsọvọ ana aā rị ịra. Ọ rẹ vaa sị arekuku ọnyara à vị arivadi ọnyara vẹ ọ̀ yị mẹ̀ ịsọvọ ịvị. 7Ohirẹsụ Irehi Ohomorihi ọnọọ vaa sị ịsị ịsọvọ ọnẹẹ ọnọnịị yị Ẹnẹyịmavara, dị ọ mẹ avaba ido ana a vaa sị kụ ịdọtị ọnẹẹ ọnọọ kwooze. Ọnẹẹ ọnọọ vaa nị hụụnị ịdọtị anya ọnị ọ́ va ha. Aanị ọnyẹnẹẹ ana ma ozi vaa saasa ọda ọnọnị nị. 8#Irk 2.24Ọnyẹnẹẹ ọnọọ ẹ̀ yị zụ sị ozi atẹmẹ ọnyara vẹ, ọ vaa sị arekuku à vị arivadi ẹẹva, àa sị ọnya mẹ̀ ịsọvọ ana aā rị ịra, dị aa sị ọsa mẹ̀ ịsọvọ ịvị. Ohirẹsụ irehi Ohomorihi vaa mẹ ido ana a vaa sị kụ ịdọtị anịị kwooze, dị ọnẹẹ ọnọọ nị.
Currently Selected:
Ireevi 12: EBTP
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ireevi 12
12
Ọnyẹnẹẹ̄ mẹmẹẹ hụ̀ enyi ọmande
1Ẹnẹyịmavara ộ kà a yị Imosiisi ka, 2Ọ̀ kà a yị Anisirẹrị nịnị ka, ọnyẹnẹẹ òo zyẹẹ, dị ọ́ ma ozi ọnọrụ nị, pooro dị ọ̀ mẹ ẹkụhị ịhịmba, ọnịrị ịdọtị ọ vị nị. Vị́ ọ́ rẹ sị mẹ anka èe ré ịsị ụhwẹ anị avọọ nị. Ọnyẹnẹẹ ọnọọ ẹ́ yị nị. 3#Oyn 17.12; Irk 2.21Ọ kà ịhị ẹgwẹhịnta ọnị ọ́ ma ozi ọnọọ, a vaa jị ọ ụvẹvẹnẹ. 4Dị ọnẹẹ ọnọọ vana mẹ ẹkụhị ohurẹẹwụ tụra ẹẹta dị à va nyị ka ọ́ọ nị. Ẹ́ yị vaa nyayịnẹẹ kanyị ịsa ọnịnị ọnyọọnyị à vị̀ ka ọ̀ ngụ ịnị irehi Ohomorihi ẹ̀ yị vị ịjị ẹkụhị ana vọrọ ka ọ̀ mẹ dị ọ̀ nị sị gụ. 5Ama àa vị ozi ọnẹẹ ọ́ ma nị, ọsẹ ẹẹva ọ́ vaa vị ọnịrị ịdọtịị vị, anka èe ré ịsị ụhwẹ anị avọọ nị. Dị ọ varẹma mẹ ẹkụhị ẹbẹẹta tụra ịhịnọnyị dị ọ̀ va nị hụụnị ọnị ọ́ va ha nị. 6Ịhị ẹkụhị ana a vọrọ ka ọnẹẹ ọnọọ ọ̀ mẹ dị ọ̀ nị ọ̀ọ sị gụ, ọ̀ọ vị ẹkụhị ozi ọnọrụ, ọ̀ọ vị ẹkụhị ozi ọnẹẹ, ọ vaa sị ozi atẹmẹ ịrayị ọnyara vee tu ohirẹsụ irehi Ohomorihi enoze irehi Ohomorihi dị ọ sị mẹ̀ ịsọvọ ana aā rị ịra. Ọ rẹ vaa sị arekuku ọnyara à vị arivadi ọnyara vẹ ọ̀ yị mẹ̀ ịsọvọ ịvị. 7Ohirẹsụ Irehi Ohomorihi ọnọọ vaa sị ịsị ịsọvọ ọnẹẹ ọnọnịị yị Ẹnẹyịmavara, dị ọ mẹ avaba ido ana a vaa sị kụ ịdọtị ọnẹẹ ọnọọ kwooze. Ọnẹẹ ọnọọ vaa nị hụụnị ịdọtị anya ọnị ọ́ va ha. Aanị ọnyẹnẹẹ ana ma ozi vaa saasa ọda ọnọnị nị. 8#Irk 2.24Ọnyẹnẹẹ ọnọọ ẹ̀ yị zụ sị ozi atẹmẹ ọnyara vẹ, ọ vaa sị arekuku à vị arivadi ẹẹva, àa sị ọnya mẹ̀ ịsọvọ ana aā rị ịra, dị aa sị ọsa mẹ̀ ịsọvọ ịvị. Ohirẹsụ irehi Ohomorihi vaa mẹ ido ana a vaa sị kụ ịdọtị anịị kwooze, dị ọnẹẹ ọnọọ nị.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.