Ijudi 1
1
1 #
Imt 13.55; Ịmk 6.3 Ẹmị Ijudi ọyịnyara Ijemiisi ana vị ozi ahụ Ijeesu Ikirisiti. Maa chẹrẹ iwe ọnọnịị túu hi ẹwụ nịnị aza oni Ohomorihi hị́ ka wa vị aza anị nịnị. Ohomorihi Ada ayị ô sì ịrẹyị awụ nịnị, di ee sere wu nịnị ịnị oze Ijeesu Ikirisiti nị. 2Ohomorihi ọ̀ vayị awụ nịnị, ọ̀ sị ẹngwọọrọ yị wụ nịnị, di ò sì ịrẹyị awụ nịnị hu avọọ ẹtẹẹtẹrẹ.
Ọzwọzịsa Onireche nịnị
3Ẹwụ nịnị ẹyịnyara amị, mị vịdị ee sì ka ma chẹrẹ iwe tụ́ hi wu nịnị ịnị oze ẹdọha ọnị i dudu nyị. Ama me ve ree ka â vọrọ ka ma chẹrẹ iwe da ịpẹ wụ nịnị ka wa sị ụvọ za ẹdọwụ oni Ohomorihi sị chire aza anị ụvọ ụpẹ ọnya gene-gene, dụ wa sị eyi pe e ngịrị-ngịrị nịnị. 4Agụvị ka aza ẹnyị ẹnẹ ẹ̀ yị yẹ Ohomorihi ệ tangwa sị ngụ ịnị akakana ịragụ awụ nịnị. Aza ẹnẹnị ẹ́ raà vara ayamva Ohomorihi tụ́ ịnị ịsị e sị eyi ka, dị ẹyaa mẹ ịsị e ze wa eyi nị. Ẹnịnị ê yi Ijeesu Ikirisiti tịtẹ, ana ahịka ọyịnyara ọ vị ọga ayị, dị ọ vị Ananyị yị nị. Á sị ọ chẹrẹ tịtẹ hụrị ụmọrụmọ ka ọza ana àa maanị mẹ, vị́ Ohomorihi vaa jị ịvịị yọ nị. 5#Kụra 12.51; Ịrị 14.29,30Máa yẹ ka â vịdị sị ọ kà yị wụ nịnị, ama mee sì ka ma rẹ tama wụ nịnị ayị ịrẹyị ọnọnị: Ohomorihi ộ dọ aza anị ha hụụnị ẹtẹ Ijipiti. Aza ẹnyị ẹ̀ yị mẹ̀ wụ́ ịrẹyị anị, dị ọ wụ̀ wa nị. 6Rẹ tamayị anggẹẹrị nịnị ene è yi sị eyi pe udi ana a sị yị wa, ệ hụrẹ ịzị a sị wa tụ́. Ohomorihi ộ sị ẹba tụ́ wa ọnị ọza ọ̀ yị vaa ngwa pooro zịna-zịna, dị ọ sị wa tụ́ ịnị ịrahụ tụ ụvẹtẹ-ụvẹtẹ ka ẹ̀ yà ịzọọ pooro ne tù ẹkụhị ọbanyị ọnọọ oni Ohomorihi vaa mẹ̀ ọkarẹyị ẹhẹ nị. 7#Oyn 19.1-24Rẹ tamayị ịrẹyị anẹkụra Isodọmị ọnịrị Igomora ne beri ẹkụra ana kara wa avọọ, ẹ́nị mẹ̀ raa mẹ ụnọ, dị ẹ rẹ yaa sẹ̀ ịrẹka irenyi-irenyi nị. E hi ịnị ịra, ẹyaa rị ụya pooro zịna-zịna, agụvị ọzọza ọ̀ kọ ịrẹyọyẹ hụụnị ịrẹyị ẹnịnị 8Anka aza edivi ịyẹẹyẹ ẹnẹẹ, aza ẹnẹnị ệ kwẹẹtẹ, dị ẹ ka vị́ ẹnị ee re ẹtẹ, di eyee du ẹngụ ẹnịnịị ha nị. Ẹnịnị ẹ́ yị ma jẹẹ pe ọda ọnyọọnyị ana àa mẹ, dị ẹyaa mẹ anggẹẹrị nịnị isiya. 9#Ịda 10.13,21; 12.1; Ẹtẹ 12.7; Ọda 34.6; Iza 3.2Ụmẹ oni ohirẹsụ anggẹẹrị nịnị ana aā hị́ Ịmayịkẹẹrị, ọnịrị Echu gẹ, dị ẹyaa nyị ahankata tụ́ ịrẹsụ oku Imosiisi, Ịmayịkẹẹrị ọ́ yị hyakụ nyayịnẹ kụ̀ Echu ụhụ, dị ọ mẹ̀ ọkarẹyị yọ. Vị́ ọ kà a yọ kẹnẹ ka: Ohomorihi ọ vaa tụ́ wụ ohuvọ nị. 10Àa vị aza ẹnẹnị yọ, ịsa ọnị ẹnịnị ẹ̀ yị yẹ ịnị oze anị e yee du avọọ nị. Ịsị ẹ̀ẹ vẹ ịnị ayị ẹnịnị kẹnẹ, ẹẹ̄ mẹ anka ịsụpa avọọ, dị ẹyaa wụ ẹngụ ẹnịnị nị. 11#Oyn 4.3-8; Ịrị 22.1-35; Ịrị 16.1-35Aza ẹnẹnị ẹ sị da. Ẹyaa mẹ̀ ebira odivi anka Ikeeni. Ẹ raa sị avaba ẹngụ ẹnịnị tụ́ ịnị ịsa odivi ọyị mẹ, agụvị ẹ zụ nyị ẹkẹhị, anka Ịbaraamị ọnị mẹ̀ rẹ mẹ. Ẹnịnị vị anaā kwẹẹtẹ tu ọza ene huna wa, anka Ikora mẹ̀ mẹ, dị o sú ne ta. 12Wàa kụ gụ aa rị ịsa ịnị oze ana sị zụ ka wee sì ịrẹyị ẹngụ nịnị, ịdọtị ẹ vị tụ́ ịnị akakana awụ nịnị nị. Sị ẹ vẹ? Agụvị ka ẹnịnị vị anaā rị ịsa anka ọza ọnị ụhị ọ̀yị ma nyị avọọ. Ẹngụ ẹnịnị kẹnẹ ee ro ịrẹyị anị nị. Ẹnịnị vị ana sị mẹẹ anka eguhi ana ahị aa kụ́ụ zịịzị, oni orihi anị ọ̀ yị mā zụ̀. Ịrẹyị ẹnịnị vị osusu anka ọchị ene wusu hụrị ụmọrụmọ, di e si o hu ne ta, dị ọ̀ yị kụkụ zụ tụ́ ẹtụtụ ịnị ụmẹ anị. 13Eē si ka ẹnị ẹ̀ sị ebira odivi ẹnịnị tụ́ ẹhẹ anka enyi ini òkū mẹ̀ẹ̄ da, dị ọ kụ́ ịdọtị tụ́ ẹhẹ avọọ. Vị́ ẹ rẹ sị mẹẹ anka ụzọmị anaa ngwọọ zịịzị nị. Ịnị ịrahụ ruma-ruma a sị eehi aza ẹnẹnị tụ́ nị. Ịzọọ a vaa kụ́ wa hi pooro zịna-zịna nị. 14#Oyn 5.18,21-24Enọkị ana vị ọnọhụhịmba ịnị ịrẹsụ Adamị ộ vịdị kà ịsẹ ịnị oze aza ẹnẹnị ka: Re, Ananyị yị vaa vẹ beri otomiroku anggẹẹrị ọnịnị anị, 15dị ọ va mẹ̀ ọkarẹyị yị avaba aza. Ọ vaa jị ịvịị yị aza ẹnẹ ẹ̀ yị yẹ Ohomorihi agụvị ịsa edivi ẹnẹ ẹ́ mẹ̀ hi Ohomorihi, ọnịrị agụvị ịrẹyị edivi-edivi ọnị ọnịvị ẹnẹẹ aa kà a hi Ohomorihi. 16Aza ẹnẹnị vị anaā rị ihuhu, ẹnịnị ẹ́ yị ma rị dọ irenu. Ịsa odivi ọnị ayị ẹnịnị èe sì kẹnẹ ẹẹ̄ mẹ nị, dị ẹyaa nyị irenu, dị e re yee gono ọza agụvị è re oze dọ ọ ịsa.
Ijuda ộ kà wa ọnọ
17Ẹwụ nịnị ẹyịnyara amị, tamayị ịsa odeyi Ijeesu Ikirisiti Ananyị yị vịdị sị kà nịnị ka ọ vaa mẹ. 18#2 Ipi 3.3Ệ kà a yị wụ nịnị ka: Ịnị ụmẹ ọdịrẹma, a vaa nyị onisiya nịnị, dị ẹyaa mẹ̀ ịsa edivi ene hi ịnị ayị ẹnịnị oni Ohomorihi o yi sì. 19Aza ẹnẹnị ẹ sị aza há hi. Ịsị ivehu ẹnịnị ọ̀ọ kà yị wa kẹnẹ ẹẹ̄ mẹ nị, ẹnịnị ẹ́ yị nyị Ụhwẹ Ọnịnị tụ́ ịnị ayị ẹnịnị. 20Ama yị ẹwụ nịnị anda ayị, waa gụ ẹngụ ụvọ nịnị, di ụ waa vịra nịnị tụ́ ịnị ẹdọwụ oni Ohomorihi sị wụ nịnị. Waa mẹ̀ aduwa nịnị anka Ụhwẹ Ọnịnị ọ̀ọ mẹ sị ụkata yị wụ nịnị. 21Sị ẹngụ awụ nịnị tụ́ ịnị ụvọ Ohomorihi, dị ụ wa tamayị ka ô sì ịrẹyị awụ nịnị, ụ mẹ jẹẹ ee zí ụmẹ ọnị Ijeesu Ikirisiti Ananyị yị vaa vẹ ịnị ayamva anị, dị ọ̀ va sị wụ nịnị ne pe ẹngụ ị́dị anị pooro zịna-zịna. 22Waa vayị aza anaa mẹ ayị ẹẹva, 23di u wee tura wa, dị ụ wa dọ wa há hụụnị ẹkụra. Waa vayị aza ẹnyị, ama di u we hí angwa ẹngụ awụ; asị ụ hyakụ nyị ụvọ tụ́ ini ebira ẹnịnị ẹnẹ ẹ́ raa sị ụnọ ọ̀yị mẹ du há.
À vẹ ya ga Ohomorihi
24Ohomorihi ọ nyẹngụ sị eyi pe wu nịnị ka asị ụ hyẹdụ hụụnị oze anị; dị ọ sị́ wụ nịnị va tụ ịdị anị ịnị ụbanyị anị, wẹ́ yị vaa nyị ịvị vụrụ-vụrụ ịzọọ nịnị, dị ayị awụ nịnị ee hine ẹtẹẹtẹrẹ. 25Yáa kụ́ Ohomorihi avọ; ọnya ọ́ vị nị. Ọnị ọ dọ yị há ini oze Ijeesu Ikirisiti Ananyị yị, ọnị ọ nyị igirima nị, dị ọ nyị ụbanyị nị, ọnị ọ rẹ vị ohinọyị nị, dị ọ rẹ nyị ụkata nị. Avọọ ọ mẹ̀ yị yà hụrẹ ụmọrụmọ dị a va mẹ ẹhẹ nị. Avọọ ọ mẹ yị yà nị. Avọọ ọ mẹ̀ rẹ vaa yà pooro zịna-zịna nị. Aamị.
Currently Selected:
Ijudi 1: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ijudi 1
1
1 #
Imt 13.55; Ịmk 6.3 Ẹmị Ijudi ọyịnyara Ijemiisi ana vị ozi ahụ Ijeesu Ikirisiti. Maa chẹrẹ iwe ọnọnịị túu hi ẹwụ nịnị aza oni Ohomorihi hị́ ka wa vị aza anị nịnị. Ohomorihi Ada ayị ô sì ịrẹyị awụ nịnị, di ee sere wu nịnị ịnị oze Ijeesu Ikirisiti nị. 2Ohomorihi ọ̀ vayị awụ nịnị, ọ̀ sị ẹngwọọrọ yị wụ nịnị, di ò sì ịrẹyị awụ nịnị hu avọọ ẹtẹẹtẹrẹ.
Ọzwọzịsa Onireche nịnị
3Ẹwụ nịnị ẹyịnyara amị, mị vịdị ee sì ka ma chẹrẹ iwe tụ́ hi wu nịnị ịnị oze ẹdọha ọnị i dudu nyị. Ama me ve ree ka â vọrọ ka ma chẹrẹ iwe da ịpẹ wụ nịnị ka wa sị ụvọ za ẹdọwụ oni Ohomorihi sị chire aza anị ụvọ ụpẹ ọnya gene-gene, dụ wa sị eyi pe e ngịrị-ngịrị nịnị. 4Agụvị ka aza ẹnyị ẹnẹ ẹ̀ yị yẹ Ohomorihi ệ tangwa sị ngụ ịnị akakana ịragụ awụ nịnị. Aza ẹnẹnị ẹ́ raà vara ayamva Ohomorihi tụ́ ịnị ịsị e sị eyi ka, dị ẹyaa mẹ ịsị e ze wa eyi nị. Ẹnịnị ê yi Ijeesu Ikirisiti tịtẹ, ana ahịka ọyịnyara ọ vị ọga ayị, dị ọ vị Ananyị yị nị. Á sị ọ chẹrẹ tịtẹ hụrị ụmọrụmọ ka ọza ana àa maanị mẹ, vị́ Ohomorihi vaa jị ịvịị yọ nị. 5#Kụra 12.51; Ịrị 14.29,30Máa yẹ ka â vịdị sị ọ kà yị wụ nịnị, ama mee sì ka ma rẹ tama wụ nịnị ayị ịrẹyị ọnọnị: Ohomorihi ộ dọ aza anị ha hụụnị ẹtẹ Ijipiti. Aza ẹnyị ẹ̀ yị mẹ̀ wụ́ ịrẹyị anị, dị ọ wụ̀ wa nị. 6Rẹ tamayị anggẹẹrị nịnị ene è yi sị eyi pe udi ana a sị yị wa, ệ hụrẹ ịzị a sị wa tụ́. Ohomorihi ộ sị ẹba tụ́ wa ọnị ọza ọ̀ yị vaa ngwa pooro zịna-zịna, dị ọ sị wa tụ́ ịnị ịrahụ tụ ụvẹtẹ-ụvẹtẹ ka ẹ̀ yà ịzọọ pooro ne tù ẹkụhị ọbanyị ọnọọ oni Ohomorihi vaa mẹ̀ ọkarẹyị ẹhẹ nị. 7#Oyn 19.1-24Rẹ tamayị ịrẹyị anẹkụra Isodọmị ọnịrị Igomora ne beri ẹkụra ana kara wa avọọ, ẹ́nị mẹ̀ raa mẹ ụnọ, dị ẹ rẹ yaa sẹ̀ ịrẹka irenyi-irenyi nị. E hi ịnị ịra, ẹyaa rị ụya pooro zịna-zịna, agụvị ọzọza ọ̀ kọ ịrẹyọyẹ hụụnị ịrẹyị ẹnịnị 8Anka aza edivi ịyẹẹyẹ ẹnẹẹ, aza ẹnẹnị ệ kwẹẹtẹ, dị ẹ ka vị́ ẹnị ee re ẹtẹ, di eyee du ẹngụ ẹnịnịị ha nị. Ẹnịnị ẹ́ yị ma jẹẹ pe ọda ọnyọọnyị ana àa mẹ, dị ẹyaa mẹ anggẹẹrị nịnị isiya. 9#Ịda 10.13,21; 12.1; Ẹtẹ 12.7; Ọda 34.6; Iza 3.2Ụmẹ oni ohirẹsụ anggẹẹrị nịnị ana aā hị́ Ịmayịkẹẹrị, ọnịrị Echu gẹ, dị ẹyaa nyị ahankata tụ́ ịrẹsụ oku Imosiisi, Ịmayịkẹẹrị ọ́ yị hyakụ nyayịnẹ kụ̀ Echu ụhụ, dị ọ mẹ̀ ọkarẹyị yọ. Vị́ ọ kà a yọ kẹnẹ ka: Ohomorihi ọ vaa tụ́ wụ ohuvọ nị. 10Àa vị aza ẹnẹnị yọ, ịsa ọnị ẹnịnị ẹ̀ yị yẹ ịnị oze anị e yee du avọọ nị. Ịsị ẹ̀ẹ vẹ ịnị ayị ẹnịnị kẹnẹ, ẹẹ̄ mẹ anka ịsụpa avọọ, dị ẹyaa wụ ẹngụ ẹnịnị nị. 11#Oyn 4.3-8; Ịrị 22.1-35; Ịrị 16.1-35Aza ẹnẹnị ẹ sị da. Ẹyaa mẹ̀ ebira odivi anka Ikeeni. Ẹ raa sị avaba ẹngụ ẹnịnị tụ́ ịnị ịsa odivi ọyị mẹ, agụvị ẹ zụ nyị ẹkẹhị, anka Ịbaraamị ọnị mẹ̀ rẹ mẹ. Ẹnịnị vị anaā kwẹẹtẹ tu ọza ene huna wa, anka Ikora mẹ̀ mẹ, dị o sú ne ta. 12Wàa kụ gụ aa rị ịsa ịnị oze ana sị zụ ka wee sì ịrẹyị ẹngụ nịnị, ịdọtị ẹ vị tụ́ ịnị akakana awụ nịnị nị. Sị ẹ vẹ? Agụvị ka ẹnịnị vị anaā rị ịsa anka ọza ọnị ụhị ọ̀yị ma nyị avọọ. Ẹngụ ẹnịnị kẹnẹ ee ro ịrẹyị anị nị. Ẹnịnị vị ana sị mẹẹ anka eguhi ana ahị aa kụ́ụ zịịzị, oni orihi anị ọ̀ yị mā zụ̀. Ịrẹyị ẹnịnị vị osusu anka ọchị ene wusu hụrị ụmọrụmọ, di e si o hu ne ta, dị ọ̀ yị kụkụ zụ tụ́ ẹtụtụ ịnị ụmẹ anị. 13Eē si ka ẹnị ẹ̀ sị ebira odivi ẹnịnị tụ́ ẹhẹ anka enyi ini òkū mẹ̀ẹ̄ da, dị ọ kụ́ ịdọtị tụ́ ẹhẹ avọọ. Vị́ ẹ rẹ sị mẹẹ anka ụzọmị anaa ngwọọ zịịzị nị. Ịnị ịrahụ ruma-ruma a sị eehi aza ẹnẹnị tụ́ nị. Ịzọọ a vaa kụ́ wa hi pooro zịna-zịna nị. 14#Oyn 5.18,21-24Enọkị ana vị ọnọhụhịmba ịnị ịrẹsụ Adamị ộ vịdị kà ịsẹ ịnị oze aza ẹnẹnị ka: Re, Ananyị yị vaa vẹ beri otomiroku anggẹẹrị ọnịnị anị, 15dị ọ va mẹ̀ ọkarẹyị yị avaba aza. Ọ vaa jị ịvịị yị aza ẹnẹ ẹ̀ yị yẹ Ohomorihi agụvị ịsa edivi ẹnẹ ẹ́ mẹ̀ hi Ohomorihi, ọnịrị agụvị ịrẹyị edivi-edivi ọnị ọnịvị ẹnẹẹ aa kà a hi Ohomorihi. 16Aza ẹnẹnị vị anaā rị ihuhu, ẹnịnị ẹ́ yị ma rị dọ irenu. Ịsa odivi ọnị ayị ẹnịnị èe sì kẹnẹ ẹẹ̄ mẹ nị, dị ẹyaa nyị irenu, dị e re yee gono ọza agụvị è re oze dọ ọ ịsa.
Ijuda ộ kà wa ọnọ
17Ẹwụ nịnị ẹyịnyara amị, tamayị ịsa odeyi Ijeesu Ikirisiti Ananyị yị vịdị sị kà nịnị ka ọ vaa mẹ. 18#2 Ipi 3.3Ệ kà a yị wụ nịnị ka: Ịnị ụmẹ ọdịrẹma, a vaa nyị onisiya nịnị, dị ẹyaa mẹ̀ ịsa edivi ene hi ịnị ayị ẹnịnị oni Ohomorihi o yi sì. 19Aza ẹnẹnị ẹ sị aza há hi. Ịsị ivehu ẹnịnị ọ̀ọ kà yị wa kẹnẹ ẹẹ̄ mẹ nị, ẹnịnị ẹ́ yị nyị Ụhwẹ Ọnịnị tụ́ ịnị ayị ẹnịnị. 20Ama yị ẹwụ nịnị anda ayị, waa gụ ẹngụ ụvọ nịnị, di ụ waa vịra nịnị tụ́ ịnị ẹdọwụ oni Ohomorihi sị wụ nịnị. Waa mẹ̀ aduwa nịnị anka Ụhwẹ Ọnịnị ọ̀ọ mẹ sị ụkata yị wụ nịnị. 21Sị ẹngụ awụ nịnị tụ́ ịnị ụvọ Ohomorihi, dị ụ wa tamayị ka ô sì ịrẹyị awụ nịnị, ụ mẹ jẹẹ ee zí ụmẹ ọnị Ijeesu Ikirisiti Ananyị yị vaa vẹ ịnị ayamva anị, dị ọ̀ va sị wụ nịnị ne pe ẹngụ ị́dị anị pooro zịna-zịna. 22Waa vayị aza anaa mẹ ayị ẹẹva, 23di u wee tura wa, dị ụ wa dọ wa há hụụnị ẹkụra. Waa vayị aza ẹnyị, ama di u we hí angwa ẹngụ awụ; asị ụ hyakụ nyị ụvọ tụ́ ini ebira ẹnịnị ẹnẹ ẹ́ raa sị ụnọ ọ̀yị mẹ du há.
À vẹ ya ga Ohomorihi
24Ohomorihi ọ nyẹngụ sị eyi pe wu nịnị ka asị ụ hyẹdụ hụụnị oze anị; dị ọ sị́ wụ nịnị va tụ ịdị anị ịnị ụbanyị anị, wẹ́ yị vaa nyị ịvị vụrụ-vụrụ ịzọọ nịnị, dị ayị awụ nịnị ee hine ẹtẹẹtẹrẹ. 25Yáa kụ́ Ohomorihi avọ; ọnya ọ́ vị nị. Ọnị ọ dọ yị há ini oze Ijeesu Ikirisiti Ananyị yị, ọnị ọ nyị igirima nị, dị ọ nyị ụbanyị nị, ọnị ọ rẹ vị ohinọyị nị, dị ọ rẹ nyị ụkata nị. Avọọ ọ mẹ̀ yị yà hụrẹ ụmọrụmọ dị a va mẹ ẹhẹ nị. Avọọ ọ mẹ yị yà nị. Avọọ ọ mẹ̀ rẹ vaa yà pooro zịna-zịna nị. Aamị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.