Ijosuwa 5
5
Anisirẹrị ê rị eche ọyịparahu ịpaapa Ikanaani
1Ịjị avaba ohinọyị Anamọrị nịnị ana ya eyi ịzị ọyị zị na ngụ ẹtẹ ọnịrị ohinọyị Anikenaani nịnị ana ra utenyi Imeditareniya wụ́ ịvọpa ana mẹ dị ivovo za wa nị. Dị ayị ẹnịnị ẹ yị vị gẹ Anisirẹrị nịnị ịrẹkụ nị. 2Ịnị ụmẹ ọnọọ Ẹnẹyịmavara kà yị Ijosuwa ka ọ sị ịrẹta enyusẹ ana a hị́ hwirinti, tu ịrẹkụ, dị ẹ sị jị anọrụ Anisirẹrị ụvẹvẹnẹ. 3Ịzẹyịza, dị Ijosuwa tụ́ ìrèkù ịrẹta apaana, dị ọ jị wa ụvẹvẹnẹ ẹtẹ Igibeti Ihaararoti, 4#Ịrị 14.28-35Ijosuwa ộ vavọọ jị wa ụvẹvẹnẹ agụvị ka ẹnị anọrụ ana hụ̀ tu ịrẹkụ dị ẹ va hụrẹ Ijipiti vị ene su ịnị ụnọmị. 5Nyị ọza ịnị ẹnị ana a ma ịnị ụnọmị ana a vịdị jị ụvẹvẹnẹ ịrẹma aza ẹnẹẹ ene sụ ịnị ụnọmị. 6Anisirẹrị nịnị vị ana ngụ ụnọmị zịịzị ịrayị ẹbẹẹva dị avaba anọrụ ana hụ̀ ọ tu ịrẹkụ ana hụrẹ Ijipiti su ha ịnị ụnọmị. Ẹnịnị ẹ yị rẹ va zụ ngụ ẹtẹ ọyịza ọyịza ọnị Ẹnẹyịmavara kà ọnị aa sị yị wa agụvị akamawụ ẹngụ ẹnịnị. 7Anọrụ ẹnị Ijosuwa jị ụvẹvẹnẹ aanị ẹ vị aza ẹnị ẹ yị jị ụvẹvẹnẹ ana kụkụ vị ọdọmịrẹsụ ada ẹnịnị nị. 8Ịjị a ra jị wa ụvẹvẹnẹ ta, dị ọzọza ya udi anị pooro dị ụnava ẹnịnị vị nị. 9Dị Ẹnẹyịmavara kà yị Ijosuwa ka ọnị ọ ra sị wa hụụnị ụhị ọnị ẹ ya ịnị anị ẹ mẹ vị ọrịhị tụ Ijipiti. Agụvị avọọ dị ọ hị́ ịzọọ Igirigari ana vị ịrẹha anị pooro tu ajịnị. 10#Kụra 12.1-13Dị Anisirẹrị kụ́ udi tu Igirigari ana vị inozi Ijeriko. Ịzọọ Anisirẹrị ya rị eche ọyịparahu oruva ẹkụhị ẹwụrẹna ịnị ụhwẹ ọnọọ nị. 11Eyinẹhẹ anị ẹnịnị rị ịsa ịnị aarẹ ẹtẹ ọnọọ nị. Dị ẹ rị ịbụrẹẹdị ọnị ẹ yị nyị òwù ọnịrị akụra nị. 12#Kụra 16.35Ịhyẹgwẹta anị Ẹnẹyịmavara za ịsọyịrị ọnị ẹ ya hị́ Imana jẹẹ nị. Dị ẹnịnị kụkụ nyima a rị ịsa ịnị aarẹ Anikenaani nị.
Ijosuwa ọnịrị ọnọrụ ana sị ụhwọ̀ rị ụvọ
13Ijosuwa maa gụrị Ijeriko na, dị ọ kana eyi, dị o re ọnọrụ ana sị ụhwọ rị ụvọ tu ọvịdị anị nị. Dị ọ ka pe e, dị ọ họ̀ ọnọrụ use ka ọnịrị ọ óó ya nị avị ọnịvị anị ọ vị nị? 14Dị ọnọrụ ọnọọ tụ́ ọ ohi ka ọnị o yị jẹẹ yị ọza ọnyọọnyị. Ama ọnị vị ana vẹ ịzọọ anka Ọga ịrẹkụ ọkụrẹkụ Ẹnẹyịmavara, obobooro ọnọọ Ijosuwa va ku ẹtẹ kụ́ ọ nị. Dị Ijosuwa ka ọnị ozi ahụ anị yị ọ ka yị ọnị ịsị a vọrọ ka ọnị ọ mẹ. 15Dị ọ ka yị Ijosuwa ka ọ tù adava anị agụvị ka ịzị ọ jẹẹ aanị vị aha enyisi, ịzẹyịza dị Ijosuwa mẹ̀ ịsị ọ ka yọ nị.
Currently Selected:
Ijosuwa 5: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ijosuwa 5
5
Anisirẹrị ê rị eche ọyịparahu ịpaapa Ikanaani
1Ịjị avaba ohinọyị Anamọrị nịnị ana ya eyi ịzị ọyị zị na ngụ ẹtẹ ọnịrị ohinọyị Anikenaani nịnị ana ra utenyi Imeditareniya wụ́ ịvọpa ana mẹ dị ivovo za wa nị. Dị ayị ẹnịnị ẹ yị vị gẹ Anisirẹrị nịnị ịrẹkụ nị. 2Ịnị ụmẹ ọnọọ Ẹnẹyịmavara kà yị Ijosuwa ka ọ sị ịrẹta enyusẹ ana a hị́ hwirinti, tu ịrẹkụ, dị ẹ sị jị anọrụ Anisirẹrị ụvẹvẹnẹ. 3Ịzẹyịza, dị Ijosuwa tụ́ ìrèkù ịrẹta apaana, dị ọ jị wa ụvẹvẹnẹ ẹtẹ Igibeti Ihaararoti, 4#Ịrị 14.28-35Ijosuwa ộ vavọọ jị wa ụvẹvẹnẹ agụvị ka ẹnị anọrụ ana hụ̀ tu ịrẹkụ dị ẹ va hụrẹ Ijipiti vị ene su ịnị ụnọmị. 5Nyị ọza ịnị ẹnị ana a ma ịnị ụnọmị ana a vịdị jị ụvẹvẹnẹ ịrẹma aza ẹnẹẹ ene sụ ịnị ụnọmị. 6Anisirẹrị nịnị vị ana ngụ ụnọmị zịịzị ịrayị ẹbẹẹva dị avaba anọrụ ana hụ̀ ọ tu ịrẹkụ ana hụrẹ Ijipiti su ha ịnị ụnọmị. Ẹnịnị ẹ yị rẹ va zụ ngụ ẹtẹ ọyịza ọyịza ọnị Ẹnẹyịmavara kà ọnị aa sị yị wa agụvị akamawụ ẹngụ ẹnịnị. 7Anọrụ ẹnị Ijosuwa jị ụvẹvẹnẹ aanị ẹ vị aza ẹnị ẹ yị jị ụvẹvẹnẹ ana kụkụ vị ọdọmịrẹsụ ada ẹnịnị nị. 8Ịjị a ra jị wa ụvẹvẹnẹ ta, dị ọzọza ya udi anị pooro dị ụnava ẹnịnị vị nị. 9Dị Ẹnẹyịmavara kà yị Ijosuwa ka ọnị ọ ra sị wa hụụnị ụhị ọnị ẹ ya ịnị anị ẹ mẹ vị ọrịhị tụ Ijipiti. Agụvị avọọ dị ọ hị́ ịzọọ Igirigari ana vị ịrẹha anị pooro tu ajịnị. 10#Kụra 12.1-13Dị Anisirẹrị kụ́ udi tu Igirigari ana vị inozi Ijeriko. Ịzọọ Anisirẹrị ya rị eche ọyịparahu oruva ẹkụhị ẹwụrẹna ịnị ụhwẹ ọnọọ nị. 11Eyinẹhẹ anị ẹnịnị rị ịsa ịnị aarẹ ẹtẹ ọnọọ nị. Dị ẹ rị ịbụrẹẹdị ọnị ẹ yị nyị òwù ọnịrị akụra nị. 12#Kụra 16.35Ịhyẹgwẹta anị Ẹnẹyịmavara za ịsọyịrị ọnị ẹ ya hị́ Imana jẹẹ nị. Dị ẹnịnị kụkụ nyima a rị ịsa ịnị aarẹ Anikenaani nị.
Ijosuwa ọnịrị ọnọrụ ana sị ụhwọ̀ rị ụvọ
13Ijosuwa maa gụrị Ijeriko na, dị ọ kana eyi, dị o re ọnọrụ ana sị ụhwọ rị ụvọ tu ọvịdị anị nị. Dị ọ ka pe e, dị ọ họ̀ ọnọrụ use ka ọnịrị ọ óó ya nị avị ọnịvị anị ọ vị nị? 14Dị ọnọrụ ọnọọ tụ́ ọ ohi ka ọnị o yị jẹẹ yị ọza ọnyọọnyị. Ama ọnị vị ana vẹ ịzọọ anka Ọga ịrẹkụ ọkụrẹkụ Ẹnẹyịmavara, obobooro ọnọọ Ijosuwa va ku ẹtẹ kụ́ ọ nị. Dị Ijosuwa ka ọnị ozi ahụ anị yị ọ ka yị ọnị ịsị a vọrọ ka ọnị ọ mẹ. 15Dị ọ ka yị Ijosuwa ka ọ tù adava anị agụvị ka ịzị ọ jẹẹ aanị vị aha enyisi, ịzẹyịza dị Ijosuwa mẹ̀ ịsị ọ ka yọ nị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.