Ijosuwa 3
3
Anisirẹrị nịnị ẹ jịnẹ irehu Ijodani
1Ịnị ẹnẹnẹ eyinẹhẹ anị, dị Ijosuwa ọnịrị avaba Anisirẹrị kwẹẹtẹ hụrẹ Isitimi, dị ẹ nọ utenyi irehu Ijodani nị. Dị ẹ jẹẹ tụ ụ́hwọ́ ịzọọ dị ẹ vaa jịnẹ irehi ọnọọ nị. 2Ịhyẹgwẹta ọnị ẹ ya ịzọọ, ẹnị ọdọvịdị ẹnịnị ngụ udi ọzọza ne tu wa nị. 3Dị ệ mẹ ọda yị wa ka yi ẹnịnị ee re kẹnẹ ka ohirẹsụ irehi Ohomorihi ọnịrị ezi Ireevi ẹ sị apoti oto ẹ kwẹẹtẹ dị ẹ saasa wa. 4E vavọọ dụ wa ịrẹma na agụvị ka ẹnịnị ẹ yị vịdị zị oze avọọ da. Dị ẹnịnị e sị ẹtẹ tịtẹ yị apoti oto ẹhụ achẹva Imeri ọnya. 5Dị Ijosuwa ka yị wa ka ẹnịnị ẹ za ịdo ana vaa sị wa ọnịnị agụvị ka Ẹnẹyịmavara vaa mẹ̀ ịvọpa ịnị akakana ẹnịnị eyinẹhẹ ịhị ọnọọ. 6Dị Ijosuwa ka yị ohirẹsụ irehi Ohomorihi ka ẹ sị apoti oto dọ ọvịdị aza, dị ẹ jịnẹ irehu Ijodani. Ịzẹyịza, dị ẹnịnị sị o tụ́ ọvịdị aza ana vọ nị. 7Dị Ẹnẹyịmavara kà yị Ijosuwa ka hụrẹ ẹkụhị ọnọọ tụ ọvịdị ọnị vaa sị ọ tu ẹba eyi Anisirẹrị nị ọzọza vaa yẹ ka ọnị ọ ya pe e anka ọnị mẹ vịdị jẹẹ pe Imosiisi avọọ. 8Dị Ijosuwa ò ka yị ẹnịnị ana za apoti oto ka e maanị jị ahụ ngụ irehu kẹnẹ dị ẹ jẹẹ. 9Dị Ijosuwa hí avaba Anisirẹrị ka ẹ wụ́ ịsa ọnị Ẹnẹyịmavara Ohomorihi ẹnịnị ka ọnị vaa mẹ̀. 10Ọ kà ọnị vaa sị wa nyị ẹbẹẹba Anikenaani, Anihiti, Anihivi, Aniperizi, Anigirigasi ọnịrị Anamọrị ne beri Anijebusi. Ịjị ọnị ọ̀ ra dụ anẹkụra ẹnẹẹ jịnẹ yị wa ẹnịnị vaa yẹ ka Ohomorihi ana yara ya pe Ijosuwa. 11Avọọ apoti oto Ananyị yị ana nyị avaba ẹhẹ vaa dọ ọvịdị ẹnịnị na gụ irehu Ijodani. 12Ẹnẹyịmavara kà Ijosuwa vaa nyị ọza ikiiko hụrẹ ịrẹsụ ẹwụrẹva Anisirẹrị. 13Obobooro ọnị ohirẹsụ irehi Ohomorihi nịnị ana za apoti oto Ẹnẹyịmavara, ana nyị avaba ẹhẹ mẹ jị ahụ ngụ irehu Ijodani kẹnẹ, enyi ene si chi vẹ vaa za jẹẹ. Dị ọ za gụ jẹẹ anka ọza o rere jị akata yị enyi avọọ nị. 14Ịzẹyịza, dị Anisirẹrị nịnị kwẹẹtẹ hụụ ịzị ẹ ya dị ohirẹsụ irehi Ohomorihi nịnị sị apoti oto tụ́ ọvịdị ẹnịnị aa na nị. 15Ụmẹ ọnọọ vị ụmẹ ịrẹsụ dị irehu hi, dị aa ka jịnẹ abobo anị nị. Ịjị aza ana za apoti oto tu ụtọ irehu Ijodani, dị ẹ jị ahụ ngụ enyi nị. 16Ẹ mẹ jị ahụ ngụ ọ kẹnẹ enyi ana kụ́ ọhara chi vẹ jẹẹ saka-saka nị. Dị enyi ka jẹẹ anka ugene hụrẹ ẹkụra ana a hị́ Adamị ọ gụrị Izaretani. Dị Anisirẹrị zị ụsẹ ịrẹsụ ẹtẹ ọyịwụ jịnẹ ịrẹhụ ọ gụrị Ijeriko nị. 17Dị aza ana za apoti oto Ẹnẹyịmavara jẹẹ ịnị akana irehu Ijodani pooro dị avaba Anisirẹrị jịnẹ ẹ ta nị.
Currently Selected:
Ijosuwa 3: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ijosuwa 3
3
Anisirẹrị nịnị ẹ jịnẹ irehu Ijodani
1Ịnị ẹnẹnẹ eyinẹhẹ anị, dị Ijosuwa ọnịrị avaba Anisirẹrị kwẹẹtẹ hụrẹ Isitimi, dị ẹ nọ utenyi irehu Ijodani nị. Dị ẹ jẹẹ tụ ụ́hwọ́ ịzọọ dị ẹ vaa jịnẹ irehi ọnọọ nị. 2Ịhyẹgwẹta ọnị ẹ ya ịzọọ, ẹnị ọdọvịdị ẹnịnị ngụ udi ọzọza ne tu wa nị. 3Dị ệ mẹ ọda yị wa ka yi ẹnịnị ee re kẹnẹ ka ohirẹsụ irehi Ohomorihi ọnịrị ezi Ireevi ẹ sị apoti oto ẹ kwẹẹtẹ dị ẹ saasa wa. 4E vavọọ dụ wa ịrẹma na agụvị ka ẹnịnị ẹ yị vịdị zị oze avọọ da. Dị ẹnịnị e sị ẹtẹ tịtẹ yị apoti oto ẹhụ achẹva Imeri ọnya. 5Dị Ijosuwa ka yị wa ka ẹnịnị ẹ za ịdo ana vaa sị wa ọnịnị agụvị ka Ẹnẹyịmavara vaa mẹ̀ ịvọpa ịnị akakana ẹnịnị eyinẹhẹ ịhị ọnọọ. 6Dị Ijosuwa ka yị ohirẹsụ irehi Ohomorihi ka ẹ sị apoti oto dọ ọvịdị aza, dị ẹ jịnẹ irehu Ijodani. Ịzẹyịza, dị ẹnịnị sị o tụ́ ọvịdị aza ana vọ nị. 7Dị Ẹnẹyịmavara kà yị Ijosuwa ka hụrẹ ẹkụhị ọnọọ tụ ọvịdị ọnị vaa sị ọ tu ẹba eyi Anisirẹrị nị ọzọza vaa yẹ ka ọnị ọ ya pe e anka ọnị mẹ vịdị jẹẹ pe Imosiisi avọọ. 8Dị Ijosuwa ò ka yị ẹnịnị ana za apoti oto ka e maanị jị ahụ ngụ irehu kẹnẹ dị ẹ jẹẹ. 9Dị Ijosuwa hí avaba Anisirẹrị ka ẹ wụ́ ịsa ọnị Ẹnẹyịmavara Ohomorihi ẹnịnị ka ọnị vaa mẹ̀. 10Ọ kà ọnị vaa sị wa nyị ẹbẹẹba Anikenaani, Anihiti, Anihivi, Aniperizi, Anigirigasi ọnịrị Anamọrị ne beri Anijebusi. Ịjị ọnị ọ̀ ra dụ anẹkụra ẹnẹẹ jịnẹ yị wa ẹnịnị vaa yẹ ka Ohomorihi ana yara ya pe Ijosuwa. 11Avọọ apoti oto Ananyị yị ana nyị avaba ẹhẹ vaa dọ ọvịdị ẹnịnị na gụ irehu Ijodani. 12Ẹnẹyịmavara kà Ijosuwa vaa nyị ọza ikiiko hụrẹ ịrẹsụ ẹwụrẹva Anisirẹrị. 13Obobooro ọnị ohirẹsụ irehi Ohomorihi nịnị ana za apoti oto Ẹnẹyịmavara, ana nyị avaba ẹhẹ mẹ jị ahụ ngụ irehu Ijodani kẹnẹ, enyi ene si chi vẹ vaa za jẹẹ. Dị ọ za gụ jẹẹ anka ọza o rere jị akata yị enyi avọọ nị. 14Ịzẹyịza, dị Anisirẹrị nịnị kwẹẹtẹ hụụ ịzị ẹ ya dị ohirẹsụ irehi Ohomorihi nịnị sị apoti oto tụ́ ọvịdị ẹnịnị aa na nị. 15Ụmẹ ọnọọ vị ụmẹ ịrẹsụ dị irehu hi, dị aa ka jịnẹ abobo anị nị. Ịjị aza ana za apoti oto tu ụtọ irehu Ijodani, dị ẹ jị ahụ ngụ enyi nị. 16Ẹ mẹ jị ahụ ngụ ọ kẹnẹ enyi ana kụ́ ọhara chi vẹ jẹẹ saka-saka nị. Dị enyi ka jẹẹ anka ugene hụrẹ ẹkụra ana a hị́ Adamị ọ gụrị Izaretani. Dị Anisirẹrị zị ụsẹ ịrẹsụ ẹtẹ ọyịwụ jịnẹ ịrẹhụ ọ gụrị Ijeriko nị. 17Dị aza ana za apoti oto Ẹnẹyịmavara jẹẹ ịnị akana irehu Ijodani pooro dị avaba Anisirẹrị jịnẹ ẹ ta nị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.