Ijosuwa 13
13
Ẹtẹ ana vọ ọnị Anisirẹrị ẹ yị rị
1Ịnị ụmẹ ọnọọ, Ijosuwa ô si bo, dị Ẹnẹyịmavara kà yị ọ ka ô sị vịra ama ẹtẹ ọ vọ dẹngụ ọnị ẹnị ẹ yị dọ: 2avaba ẹtẹ Anihwirisiti ọnịrị ẹtẹ Anigesuri, 3hụrị irehu Isihoni ana ya eyi ịzị ọyịị̄ zịị vẹ ịnị ẹtẹ Ijipiti na ngụ eyi ẹbẹẹba ịnị ẹtẹ Ekironi ana a kà a ọnị vị ẹtẹ Anikenaani. Anihwirisiti nini ẹ nyị ohinọyị ẹẹhị ana ya Igaza, Asidodi, Asikeroni, Igati, ọnịrị Ekironi ne beri Awimi. 4Avọọ a mẹrị nyị avaba ẹtẹ Anikenaani ọnịrị ẹtẹ Imera ana vị ẹtẹ Anisidoni na ngụ Ahwẹkị ana ya ẹhwị ẹtẹ Anamọrị; 5ẹtẹ Anigebari; avaba ẹtẹ Ịrẹbanọnị na ngụ eyi ịzị ọyịị̄ zịị vẹ hụrẹ Ịbaarị-Igadi ana ya eyi ụvẹtẹ ataba Ihamọnị na ngụ oze Ihamati. 6#Ịrị 33.54Ẹnẹyịmavara kà a ọnị vaa dụ avaba Anisidoni ene hi ịnị ẹkụra ana ya ịrẹsụ ataba ịnị akakana Ịrẹbanọnị na ngụ Imisehwoti Imayimi eyi Anisirẹrị nịnị. Ọ kà Ijosuwa o re ka ọnị ọ ga ẹtẹ ọnọọ yị Anisirẹrị nịnị anka ọnị mẹ ka yọ. 7Ọ ga ẹtẹ ọnọọ yị ẹnị ịrẹsụ ịhịịna beri achẹva ịrẹsụ Ịmanasẹ dị ọ vị ẹnịnị booro aanị.
A mẹmẹ ga ẹtẹ ana ya eyi ịzị ọyịị̄ hụrẹ akẹnẹ Ijodani
8 #
Ịrị 32.33; Ọda 3.12 Ịrẹsụ Irubẹnị ọnịrị Igadi beri achẹva Ịmanasẹ ệ vịdị raà dọ ẹtẹ hụụnị ụvọ Imosiisi ozi ahụ Ẹnẹyịmavara akẹnẹ Ijodani. 9Ẹtẹ ọnọọ ộ kwẹẹtẹ hụrẹ Aroyeri, ẹgẹ osusu Arinọnị ọnịrị ẹkụra ana ya ịzọọ beri avaba ịrẹsụha hụrị Imedeba na ngụ Idiboni. 10Ẹtẹ ọnọọ ộ na na ngụ ẹhwị ẹtẹ Amọnị, dị ọ za avaba ẹkụra ẹbanyị-ẹbanyị ọnị Isihoni ohinọyị Anamọrị vịdị aa mẹ̀ ịjọva tụra ịrẹsụ hụrẹ Ịhẹsịbọnị. 11Ẹtẹ ọnọọ ộ za Igiriyadi ẹtẹ Anigesuri ọnịrị Animaaka, avaba ataba Ihamọnị beri avaba Ịbasanị huuu na ngụ Isareka. 12Avọọ ẹ mẹ yịị dọ ẹtẹ na ngụ ẹtẹ Ịbasanị ịzị Ọgị vị ohinọyị anị ọnị Asịtarọtị ọnịrị Edireyi. Ọnị ịnya kẹnẹ ọ ha ịnị Irehwayimi. Ẹtẹ ẹnẹnị Imosiisi huna anẹkụra ẹnẹẹ, dị ọ sị ụkata-ụkata dụ wa hụrẹ ẹkụra ẹnịnị. 13Ama Anisirẹrị nịnị ẹ yị dụ Anigesuri nịnị ọnịrị Animaaka nịnị hụụnị ẹtẹ ẹnịnị. Ẹnịnị vị ana ra chire Anisirẹrị ịnẹ pooro ve tu ajịnị. 14#Ọda 18.1Imosiisi ộ yị sị ẹtẹ yị Anireevi nịnị anka Ẹnẹyịmavara mẹ̀ kà yọ. Ịsa ịsọvọ ana aā rị ịra ana aā sị va yị Ẹnẹyịmavara ọ vị ogu ẹnịnị.
Ẹtẹ Irubẹnị
15Imosiisi ộ sị ẹtẹ yị abara-abara ene hi ịnị ịrẹsụ Irubẹnị. 16Ẹtẹ ẹnịnị vị ene nyima hụrị, Aroyeri ana ya ụtọ Irehu Amọnị ọnịrị ẹkụra ana ya ịnị akakana inozi ọnịrị avaba ẹtẹ inozi ịrẹsụ ataba Imedeba, 17beri Ịhẹsịbọnị, ọnịrị avaba ẹkụra ene hi ịrẹsụ ataba anị. Ẹkụra ẹnẹẹ ẹ vị Idiboni, Ibamoti-Ịbaarị beri Ịbẹtị-Ịbaarị-Imeyoni, 18ọnịrị Ijahazi, Ikedemoti ọnịrị Imehwaati 19Ikiriyatayimi, Isibimati, ọnịrị Ịzẹrẹtị-Isahari ịrẹsụ otutu inozi. 20Ịbẹtịpori, ọvahuchi ataba Ipisiga ọnịrị Ịbẹtị-Ijesimoni, 21avaba ẹkụra ẹbanyị-ẹbanyị ene hi ịrẹsụ ataba ọnịrị ẹtẹ Isihoni ana vị ohinọyị Anamọrị ana ya Ịhẹsịbọnị. Imosiisi ộ huna ọnịrị ọdọvịdị Animidiya nịnị. Evi, Irekemi, Izuri, Ihuri ọnịrị Ireba. Avaba ẹnịnị ệ mẹ̀ ịjọva ẹtẹ ọnọọ beri Isihoni ohinọyị. 22Ịbaraamị ana vị ozi Ịbẹyọ ana vị ọhẹva vị ọnị Anisirẹrị nịnị wụ̀ beri aza ana vọ. 23Okuha Ịjọdanị ọ vị ẹhwị ẹtẹ Irubẹnị. Avaba ẹkụra ẹbanyị-ẹbanyị ọnịrị eweyi-eweyi ene hi ẹtẹ ọnọọ ẹ vị ogu yi Anirubẹnị nịnị nị.
Ẹtẹ ana sị yị Anigadi nịnị.
24Imosiisi ộ sị aha ịnị ẹtẹ ọnọọ yị Anigadi nịnị ka ọ vị ẹnịnị. 25Ẹtẹ ẹnịnị ộ za Ijazeri ọnịrị avaba ẹkụra ẹbanyị-ẹbanyị Igiriyadi, achẹva ẹtẹ Amọnị huu na ngụ Aroyeri ana ya eyi ịzị ọyịị̄ kwẹẹtẹ hụrẹ Ịraba. 26Avọọ ẹtẹ ẹnịnị ộ kwẹẹtẹ hụrẹ Ịhẹsịbọnị na ngụ Iramati Imizipe ọnịrị Ibetonimi; hụrẹ Imahanayimi na ngụ ẹhwị ẹtẹ Iro-Idebari. 27Inozi Ijodani, ẹtẹ ọ za, Ịbẹtị-Iharami, Ịbẹtịnimira, Isukoti, Isihọnị, ọnịrị avaba ẹtẹ Isihoni ohinọyị Ịhẹsịbọnị. 28Avaba ẹkụra ẹbanyị-ẹbanyị ọnịrị eweyi-eweyi ẹnẹnị a sị yị abara-abara ịrẹsụ Igadi nị.
Ẹtẹ ọnị Imosiisi sị yị achẹva Ịmanasẹ
29Imosiisi ộ sị ịnị ẹtẹ ọnọọ yị abara-abara eni hi ịnị achẹva ịrẹsụ ka ọ vị ẹnẹnị. 30Ẹtẹ ẹnịnị ọ na ngụ Imahanayimi beri avaba ẹtẹ Ịbasanị ọnị Ọgị vị ohinọyị anị. Avọọ ọ mẹ̀ za ẹkụra Ịjarị eweyi-eweyi ẹbẹẹta ịnị ẹtẹ Ịbasanị nị. 31Ẹtẹ ọnọọ ọ za achẹva Igiriyadi beri Asịtarọtị ọnịrị Edireyi ana vị ohyẹtẹ ẹkụra Ọgị ohinọyị Ịbasanị. Avaba ẹtẹ ẹnẹnị vị ana a sị yị achẹva evere Imakiri ozi Ịmanasẹ. 32Avọọ Imosiisi mẹ ga ẹtẹ eyi ịzị ọyịị̄ kwẹẹtẹ hụrẹ Ijeriko ọnịrị Ijodani ịnị ụmẹ ọnị ọ ya inozi Imowabi nị. 33#Ịrị 18.20; Ọda 18.2Ama Imosiisi e yị ga ẹtẹ tu ezi Ireevi. Ộ kà a yị wa ka ogu ẹnịnị ọ vị ịsa ịsọvọ ana aā sị vẹ ịnị irehi Ẹnẹyịmavara Ohomorihi Anisirẹrị nị.
Currently Selected:
Ijosuwa 13: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ijosuwa 13
13
Ẹtẹ ana vọ ọnị Anisirẹrị ẹ yị rị
1Ịnị ụmẹ ọnọọ, Ijosuwa ô si bo, dị Ẹnẹyịmavara kà yị ọ ka ô sị vịra ama ẹtẹ ọ vọ dẹngụ ọnị ẹnị ẹ yị dọ: 2avaba ẹtẹ Anihwirisiti ọnịrị ẹtẹ Anigesuri, 3hụrị irehu Isihoni ana ya eyi ịzị ọyịị̄ zịị vẹ ịnị ẹtẹ Ijipiti na ngụ eyi ẹbẹẹba ịnị ẹtẹ Ekironi ana a kà a ọnị vị ẹtẹ Anikenaani. Anihwirisiti nini ẹ nyị ohinọyị ẹẹhị ana ya Igaza, Asidodi, Asikeroni, Igati, ọnịrị Ekironi ne beri Awimi. 4Avọọ a mẹrị nyị avaba ẹtẹ Anikenaani ọnịrị ẹtẹ Imera ana vị ẹtẹ Anisidoni na ngụ Ahwẹkị ana ya ẹhwị ẹtẹ Anamọrị; 5ẹtẹ Anigebari; avaba ẹtẹ Ịrẹbanọnị na ngụ eyi ịzị ọyịị̄ zịị vẹ hụrẹ Ịbaarị-Igadi ana ya eyi ụvẹtẹ ataba Ihamọnị na ngụ oze Ihamati. 6#Ịrị 33.54Ẹnẹyịmavara kà a ọnị vaa dụ avaba Anisidoni ene hi ịnị ẹkụra ana ya ịrẹsụ ataba ịnị akakana Ịrẹbanọnị na ngụ Imisehwoti Imayimi eyi Anisirẹrị nịnị. Ọ kà Ijosuwa o re ka ọnị ọ ga ẹtẹ ọnọọ yị Anisirẹrị nịnị anka ọnị mẹ ka yọ. 7Ọ ga ẹtẹ ọnọọ yị ẹnị ịrẹsụ ịhịịna beri achẹva ịrẹsụ Ịmanasẹ dị ọ vị ẹnịnị booro aanị.
A mẹmẹ ga ẹtẹ ana ya eyi ịzị ọyịị̄ hụrẹ akẹnẹ Ijodani
8 #
Ịrị 32.33; Ọda 3.12 Ịrẹsụ Irubẹnị ọnịrị Igadi beri achẹva Ịmanasẹ ệ vịdị raà dọ ẹtẹ hụụnị ụvọ Imosiisi ozi ahụ Ẹnẹyịmavara akẹnẹ Ijodani. 9Ẹtẹ ọnọọ ộ kwẹẹtẹ hụrẹ Aroyeri, ẹgẹ osusu Arinọnị ọnịrị ẹkụra ana ya ịzọọ beri avaba ịrẹsụha hụrị Imedeba na ngụ Idiboni. 10Ẹtẹ ọnọọ ộ na na ngụ ẹhwị ẹtẹ Amọnị, dị ọ za avaba ẹkụra ẹbanyị-ẹbanyị ọnị Isihoni ohinọyị Anamọrị vịdị aa mẹ̀ ịjọva tụra ịrẹsụ hụrẹ Ịhẹsịbọnị. 11Ẹtẹ ọnọọ ộ za Igiriyadi ẹtẹ Anigesuri ọnịrị Animaaka, avaba ataba Ihamọnị beri avaba Ịbasanị huuu na ngụ Isareka. 12Avọọ ẹ mẹ yịị dọ ẹtẹ na ngụ ẹtẹ Ịbasanị ịzị Ọgị vị ohinọyị anị ọnị Asịtarọtị ọnịrị Edireyi. Ọnị ịnya kẹnẹ ọ ha ịnị Irehwayimi. Ẹtẹ ẹnẹnị Imosiisi huna anẹkụra ẹnẹẹ, dị ọ sị ụkata-ụkata dụ wa hụrẹ ẹkụra ẹnịnị. 13Ama Anisirẹrị nịnị ẹ yị dụ Anigesuri nịnị ọnịrị Animaaka nịnị hụụnị ẹtẹ ẹnịnị. Ẹnịnị vị ana ra chire Anisirẹrị ịnẹ pooro ve tu ajịnị. 14#Ọda 18.1Imosiisi ộ yị sị ẹtẹ yị Anireevi nịnị anka Ẹnẹyịmavara mẹ̀ kà yọ. Ịsa ịsọvọ ana aā rị ịra ana aā sị va yị Ẹnẹyịmavara ọ vị ogu ẹnịnị.
Ẹtẹ Irubẹnị
15Imosiisi ộ sị ẹtẹ yị abara-abara ene hi ịnị ịrẹsụ Irubẹnị. 16Ẹtẹ ẹnịnị vị ene nyima hụrị, Aroyeri ana ya ụtọ Irehu Amọnị ọnịrị ẹkụra ana ya ịnị akakana inozi ọnịrị avaba ẹtẹ inozi ịrẹsụ ataba Imedeba, 17beri Ịhẹsịbọnị, ọnịrị avaba ẹkụra ene hi ịrẹsụ ataba anị. Ẹkụra ẹnẹẹ ẹ vị Idiboni, Ibamoti-Ịbaarị beri Ịbẹtị-Ịbaarị-Imeyoni, 18ọnịrị Ijahazi, Ikedemoti ọnịrị Imehwaati 19Ikiriyatayimi, Isibimati, ọnịrị Ịzẹrẹtị-Isahari ịrẹsụ otutu inozi. 20Ịbẹtịpori, ọvahuchi ataba Ipisiga ọnịrị Ịbẹtị-Ijesimoni, 21avaba ẹkụra ẹbanyị-ẹbanyị ene hi ịrẹsụ ataba ọnịrị ẹtẹ Isihoni ana vị ohinọyị Anamọrị ana ya Ịhẹsịbọnị. Imosiisi ộ huna ọnịrị ọdọvịdị Animidiya nịnị. Evi, Irekemi, Izuri, Ihuri ọnịrị Ireba. Avaba ẹnịnị ệ mẹ̀ ịjọva ẹtẹ ọnọọ beri Isihoni ohinọyị. 22Ịbaraamị ana vị ozi Ịbẹyọ ana vị ọhẹva vị ọnị Anisirẹrị nịnị wụ̀ beri aza ana vọ. 23Okuha Ịjọdanị ọ vị ẹhwị ẹtẹ Irubẹnị. Avaba ẹkụra ẹbanyị-ẹbanyị ọnịrị eweyi-eweyi ene hi ẹtẹ ọnọọ ẹ vị ogu yi Anirubẹnị nịnị nị.
Ẹtẹ ana sị yị Anigadi nịnị.
24Imosiisi ộ sị aha ịnị ẹtẹ ọnọọ yị Anigadi nịnị ka ọ vị ẹnịnị. 25Ẹtẹ ẹnịnị ộ za Ijazeri ọnịrị avaba ẹkụra ẹbanyị-ẹbanyị Igiriyadi, achẹva ẹtẹ Amọnị huu na ngụ Aroyeri ana ya eyi ịzị ọyịị̄ kwẹẹtẹ hụrẹ Ịraba. 26Avọọ ẹtẹ ẹnịnị ộ kwẹẹtẹ hụrẹ Ịhẹsịbọnị na ngụ Iramati Imizipe ọnịrị Ibetonimi; hụrẹ Imahanayimi na ngụ ẹhwị ẹtẹ Iro-Idebari. 27Inozi Ijodani, ẹtẹ ọ za, Ịbẹtị-Iharami, Ịbẹtịnimira, Isukoti, Isihọnị, ọnịrị avaba ẹtẹ Isihoni ohinọyị Ịhẹsịbọnị. 28Avaba ẹkụra ẹbanyị-ẹbanyị ọnịrị eweyi-eweyi ẹnẹnị a sị yị abara-abara ịrẹsụ Igadi nị.
Ẹtẹ ọnị Imosiisi sị yị achẹva Ịmanasẹ
29Imosiisi ộ sị ịnị ẹtẹ ọnọọ yị abara-abara eni hi ịnị achẹva ịrẹsụ ka ọ vị ẹnẹnị. 30Ẹtẹ ẹnịnị ọ na ngụ Imahanayimi beri avaba ẹtẹ Ịbasanị ọnị Ọgị vị ohinọyị anị. Avọọ ọ mẹ̀ za ẹkụra Ịjarị eweyi-eweyi ẹbẹẹta ịnị ẹtẹ Ịbasanị nị. 31Ẹtẹ ọnọọ ọ za achẹva Igiriyadi beri Asịtarọtị ọnịrị Edireyi ana vị ohyẹtẹ ẹkụra Ọgị ohinọyị Ịbasanị. Avaba ẹtẹ ẹnẹnị vị ana a sị yị achẹva evere Imakiri ozi Ịmanasẹ. 32Avọọ Imosiisi mẹ ga ẹtẹ eyi ịzị ọyịị̄ kwẹẹtẹ hụrẹ Ijeriko ọnịrị Ijodani ịnị ụmẹ ọnị ọ ya inozi Imowabi nị. 33#Ịrị 18.20; Ọda 18.2Ama Imosiisi e yị ga ẹtẹ tu ezi Ireevi. Ộ kà a yị wa ka ogu ẹnịnị ọ vị ịsa ịsọvọ ana aā sị vẹ ịnị irehi Ẹnẹyịmavara Ohomorihi Anisirẹrị nị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.