Ijosuwa 10
10
Anisirẹrị e hu Anamọrị ẹtẹ
1Â nyị ọnọrụ ọnya aanị ọnị ịrẹha anị rị Adonizedeki. Ọnị ọ vị ohinọyị Ijerusarẹmị ịnị ụmẹ ọnọọ nị. Ộ wụ́ ọ ka Ijosuwa ọ ra rị Eyayị, dị ọ du ẹkụra ọnọọ ha nị. Dị ọ wụ́ ohinọyị ana ya ịzọọ anka ọ mẹ rẹ mẹ Ijeriko nị. Ama dị ọ Anisirẹrị ẹnịrị Anigibiyọnị dọ yị ẹngụ ka ẹnị ra vabẹ ịnị ẹngwọọrọ nị. 2Ịjị Adonizedeki ọnịrị aza maanị wụ́ kẹnẹ, dị angwa ngụ wa ẹngụ agụvị ka Igibiyọnị vị ẹkụra ọdẹngụ. Ọnị ọ banyị hụụnị Eyayị ọnịrị ẹkụra ana vọ ana nyị ohinọyị nị. Anigibiyọnị nịnị vị ọkụrẹkụ ọkụmị-ọkụmị. 3Avọọ, dị Adonizedeki tụ́ hị́ ohinọyị ẹkụra ẹẹna ka ẹ va gụ́ ọnị ụvọ gẹ ịrẹkụ tu Anigibiyọnị nị. Ô hị́ Ihohamị ohinọyị Ihebirọnị, Ipiramị ohinọyị Ijarimuti, Ijapiya, ohinọyị Irakisi, ọnịrị Idebiri ohinọyị Egironi. 4Adonizedeki ọ́ hị́ wa ka e beri ọnị wụ́ Anigibiyọnị ha agụvị ka ẹnịnị ẹ ra va ụvọ beri Ijosuwa ọnịrị Anisirẹrị. 5Dị ohinọyị ẹyịịhị ẹnẹẹ kụ isoja ẹnịnị vabẹ dị ẹ nọ ịrẹkụ Anigibiyọnị nịnị nị. 6Adonizedeki me re wa kẹnẹ, ô tụ́ ụtụ eyiha-eyiha ne tu Ijosuwa Ígirigari ịzị e hi nị. Dị ọ da ịpẹ ka Ijosuwa ọ va dọ ẹnị ha hụụnị ụvọ ohinọyị Anamọrị ẹẹhị ana gẹ tu ọnị aanị. Dị ọ ka Ijosuwa ọ navọ asị ụhị nyị ẹnị ana vị Ezi ahụ anị aanị. Aarịhịnị ụsẹ ọ hụụ ọ ịra. 7Ịzẹyịza, dị Ijosuwa vavọọ kụ avaba isoja anị kụ ịrẹma na gụ Anigibiyọnị ụvọ nị. 8Dị Ẹnẹyịmavara kà asị Ijosuwa hí angwa ẹnịnị agụvị ka ọnị vaa sị wa nyị ẹbẹẹba ẹnịnị nị; vaa nyị ọza ikonya ana vaa nyẹngụ jẹẹ zị wa. 9Dị Ijosuwa ọnịrị isoja anị nịnị sị ịrahụ hụrẹ Igirigari na ngụ Igibiyọnị ịzị ẹ hụrẹ na sụ Anamọrị avaavo. 10Dị Ẹnẹyịmavara sị angwahi va wa zịị, dị Anisirẹrị wụ̀ wa va ha ẹtẹẹtẹrẹ nị. Dị ẹ dụ wa va tụra oze na ngụ Ịbẹtị-Ihoroni, dị ẹ wụ̀ wa oze Azeeka ọnịrị Imakeda. 11Anamọrị nịnị mẹ vavọọ e zwe hụrẹ Ịbẹtị-Ihoroni, dị Ẹnẹyịmavara zụ ịrẹta ọdẹngụ-ọdẹngụ hụrẹ ẹbẹẹba va wụ̀ wa ha nị. Isoja ẹnị ịrẹta wụ̀ ẹ rụrụ hụụnị aza ọnị Anisirẹrị sị ụ̀hwọ̀ wụ̀ nị. 12Ịhị ọnọọ ọnị Ẹnẹyịmavara sị Anisirẹrị nyị ẹbẹẹba Anamọrị nịnị, Ijosuwa ọ̀ mẹ̀ aduwa eyi aza anị. Dị ọ ka Ẹnẹyịmavara ọ mẹ ka ọyị ọ jẹẹ ịrẹsụ ẹkụra Igibiyọnị dị ụhwẹ ọ jẹẹ ịnị osuusu Ayijaroni. 13#2 Ịsa 1.18Avọọ gẹdẹ-gẹdẹ ọyị ọnịrị ụhwẹ mẹẹ jẹẹ pooro dị Anisirẹrị huna ọnịvị ẹnịnị nị. A sị ịrẹyị jị ahẹ ana chẹrẹ tụ ịnị iwe Ijasarị ka ọyị ô jẹẹ dị ẹ yị ngụ ẹtẹ ịnị ẹkụhị ọyịvụrụ ịhị ọnọọ. 14E yị vịdị nyị dị ọza ẹ yị vene re ẹngụ ẹkụhị ọnọọ, ọnị Ẹnẹyịmavara wụ́ ọngwẹ ọzarẹyịrẹsụ mẹ ịrẹyị. Ẹnẹyịmavara ọ kụ́ ịrẹkụ yị Anisirẹrị nịnị ịhị ọnọọ nị. 15Ịjị ịrẹkụ sị jị, dị Ijosuwa ọnịrị aza anị varẹma nọ ịzị e chi Igirigari nị.
Ijosuwa ộ za ohinọyị Anamọrị ẹẹhị
16Ụmẹ ọnị ịrẹkụ ọ sị jị odo, dị isoja ọnịvị nịnị e zwe, dị ohinọyị ẹnịnị ẹẹhị ẹnẹẹ zwe na tẹ̀ ịnị ụtẹha ana gụrị Imakeda nị. 17Ijosuwa mẹ wụ́ ka isoja anị e re wa ịnị ụtẹha ọnọọ. 18Dị ọ kà ẹnịnị e zina ịrẹta kụ irenu ụtẹha ọnọọ dị aa nyị aza che ene sere e nị. 19Dị ọ ka aza ana vọ ẹ kụ chire isoja ọnịvị ẹnịnị dị asị e re oze ngụ ẹkụra ẹnịnị ana jị ọvọ kara. Asị a nyị ọza ẹnịnị ene zwe agụvị ka Ẹnẹyịmavara Ohomorihi vaa gu Anisirẹrị nịnị ụvọ dị ẹ wụ̀ wa saka-saka. 20Ijosuwa ọnịrị aza anị vana nyayịnẹ wụ̀ wa ẹnẹmẹhị, dị ahịka aza che ẹnịnị ẹ javọ ịrẹsụ-ịrẹsụ na ngụ ẹkụra ẹnịnị nị. 21Dị isoja Anisirẹrị ve tu Ijosuwa me zi wa ịzị ẹ jị ajẹngụ hị́ Imakeda nị. Ẹ yị nyị ọza ana nyayịnẹ ka ịrẹyị odivi Anisirẹrị nịnị ịzọọ. 22Ịjọnọọ Ijosuwa kà yị isoja ka e na oze ụtẹha ọnọọ dị ẹ kụ́ ohinọyị ẹyịhị ẹnẹẹ va yị ọnị nị. 23Ịzẹyịza, dị isoja ẹnẹẹ kụ ohinọyị Ijerusarẹmị, Ihebirọnị, Ijarimuti, Irakisi, ọnịrị Egirọnị tụ ẹhẹ nị. 24Ịrẹma ọnị Ijosuwa raa hị́ avaba isoja gụ, dị ọ kà ẹnị ọdọvịdị isoja anị ana nọ ịrẹkụ ohinọyị ẹnẹẹ, ẹ sị ahụ hi wa ọrọkọ jẹẹ. Dị ẹnịnị mẹ ịsị Ijosuwa kà yị wa nị. 25Dị Ijosuwa kà yị wa ka asị e hí angwa, asị o hi wa eyi. Eyayị ẹnịnị ẹ vị, dị ẹ nyị ọtụtụrụma, ka avọọ Ẹnẹyịmavara mẹ vaa mẹ ọnịvị ẹnịnị ene beri wa kụ ịrẹkụ nị. 26Ịrẹma ana a vavọọ mẹ wa, Ijosuwa wụ̀ ohinọyị ẹnẹẹ, dị ọ ka a kụ wa gẹ ịrẹsụ ọchị ẹẹhị ne tu oruva anị nị. 27Ẹtẹ mẹẹ hozi kẹnẹ, Ijosuwa kà a ka a hụrẹ wa, di e ne ne wa tụ ịnị ụtẹha ịzị vịdị tẹ tụ. Dị a sị ịrẹta ọbanyị ku ọ irenu pooro ve tu ajịnị nị.
Ijosuwa ộ vana rẹ dọ ẹtẹ Anamọrị ọrụrụ-ọrụrụ
28Ịhị ọnọọ ọnyọọnya, Ijosuwa vu ẹkụra ọbanyị ana a hị́ Imakeda ẹtẹ, dị ẹ yị nyị ọza ana ha ịzọọ anka ọ mẹ Ijeriko avọọ nị. 29Dị Ijosuwa ọnịrị Anisirẹrị nọ Iribina na kụ ịrẹkụ nị. 30Ẹnẹyịmavara sị ẹkụra ọnọọ chi wa ụvọ, dị ẹ wụ̀ avaba aza ọnịrị isoja ẹnịnị ha nị. Ijosuwa ọnị ụvọta wụ ohinọyị Iribina anka ọ mẹ wụ ohinọyị Ijeriko avọọ nị. 31Dị Ijosuwa ọnịrị Anisirẹrị hụrị ịzọọ kụ ịrẹkụ ne tu ẹkụra ana a hị́ Irakisi 32Eyinẹhẹ ọnị ẹ ngụ ịzọọ, Ẹnẹyịmavara za wa chire Anisirẹrị ụvọ, di e vu wa ẹtẹ saka-saka anka Iribina nị. 33Ihoramị ohinọyị Ịgẹzẹrị ana vẹ ịnị ọgụvọ Anirakisi vị ọnị Ijosuwa wụ̀ ọnịrị isoja ọnị ọ kụ nọ ịrẹkụ. 34Dị Ijosuwa ọnịrị isoja Anisirẹrị rẹ nọ ịrẹkụ Egirọnị nị. 35Ẹkụhị ọnya ẹ sị rị wa, dị ẹ wụ̀ avaba aza ene hi ịzọọ ha anka ịsị ẹ mẹ Irakisi avọọ nị. 36Ịrẹma ọnọọ Ijosuwa ọnịrị avaba Isirẹrị hụrị Egirọnị kụ ịrẹkụ na tana ụvọ za aza ene hi Ihebirọnị nị. 37Dị ẹ sị ụ̀hwọ̀ wụ̀ ohinọyị ẹkụra ọnọọ ọnịrị avaba aza anị saka-saka, dị ọza ikonya ẹ yị ha anka Egirọnị avọọ nị. 38Dị Ijosuwa ọnịrị isoja Anisirẹrị varẹma vaa va eyi ka Idebiri nị. 39Dị ẹ rị ẹkụra ọnọọ vaka avaba ẹkụra eweyi-eweyi ana kara a nị. Di e vu wa ẹtẹ bemi-bemi anka Iribina ọnịrị Ihebirọnị.
40Avọọ Ijosuwa mẹ vu avaba ẹkụra ene hi ịrẹsụ ataba va chi va ngụ Ịnẹgẹvị ọnịrị ẹkụra ene hi inozi. Ẹ yị nyị ọza ana ha anka Ẹnẹyịmavara mẹ mẹ ọda anị yị wa. 41Ijosuwa vị ana wụ̀ wa hụrị Ịkẹdẹsị Ibaneya na ngụ Igaza ọnịrị avaba ẹkụra Igoseni na ngụ Igibiyọnị. 42Agụvị ka Ẹnẹyịmavara ộ vụ ịrẹvụ yị Ijosuwa, dị ọ wụ ohinọyị ẹnẹẹ dị ọ dọ wa ẹtẹ nị. 43Ịrẹma ịrẹkụ ẹnẹnị, dị Ijosuwa ọnịrị avaba Anisirẹrị nịnị vavẹ Igirigari ịzị e hi nị.
Currently Selected:
Ijosuwa 10: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ijosuwa 10
10
Anisirẹrị e hu Anamọrị ẹtẹ
1Â nyị ọnọrụ ọnya aanị ọnị ịrẹha anị rị Adonizedeki. Ọnị ọ vị ohinọyị Ijerusarẹmị ịnị ụmẹ ọnọọ nị. Ộ wụ́ ọ ka Ijosuwa ọ ra rị Eyayị, dị ọ du ẹkụra ọnọọ ha nị. Dị ọ wụ́ ohinọyị ana ya ịzọọ anka ọ mẹ rẹ mẹ Ijeriko nị. Ama dị ọ Anisirẹrị ẹnịrị Anigibiyọnị dọ yị ẹngụ ka ẹnị ra vabẹ ịnị ẹngwọọrọ nị. 2Ịjị Adonizedeki ọnịrị aza maanị wụ́ kẹnẹ, dị angwa ngụ wa ẹngụ agụvị ka Igibiyọnị vị ẹkụra ọdẹngụ. Ọnị ọ banyị hụụnị Eyayị ọnịrị ẹkụra ana vọ ana nyị ohinọyị nị. Anigibiyọnị nịnị vị ọkụrẹkụ ọkụmị-ọkụmị. 3Avọọ, dị Adonizedeki tụ́ hị́ ohinọyị ẹkụra ẹẹna ka ẹ va gụ́ ọnị ụvọ gẹ ịrẹkụ tu Anigibiyọnị nị. Ô hị́ Ihohamị ohinọyị Ihebirọnị, Ipiramị ohinọyị Ijarimuti, Ijapiya, ohinọyị Irakisi, ọnịrị Idebiri ohinọyị Egironi. 4Adonizedeki ọ́ hị́ wa ka e beri ọnị wụ́ Anigibiyọnị ha agụvị ka ẹnịnị ẹ ra va ụvọ beri Ijosuwa ọnịrị Anisirẹrị. 5Dị ohinọyị ẹyịịhị ẹnẹẹ kụ isoja ẹnịnị vabẹ dị ẹ nọ ịrẹkụ Anigibiyọnị nịnị nị. 6Adonizedeki me re wa kẹnẹ, ô tụ́ ụtụ eyiha-eyiha ne tu Ijosuwa Ígirigari ịzị e hi nị. Dị ọ da ịpẹ ka Ijosuwa ọ va dọ ẹnị ha hụụnị ụvọ ohinọyị Anamọrị ẹẹhị ana gẹ tu ọnị aanị. Dị ọ ka Ijosuwa ọ navọ asị ụhị nyị ẹnị ana vị Ezi ahụ anị aanị. Aarịhịnị ụsẹ ọ hụụ ọ ịra. 7Ịzẹyịza, dị Ijosuwa vavọọ kụ avaba isoja anị kụ ịrẹma na gụ Anigibiyọnị ụvọ nị. 8Dị Ẹnẹyịmavara kà asị Ijosuwa hí angwa ẹnịnị agụvị ka ọnị vaa sị wa nyị ẹbẹẹba ẹnịnị nị; vaa nyị ọza ikonya ana vaa nyẹngụ jẹẹ zị wa. 9Dị Ijosuwa ọnịrị isoja anị nịnị sị ịrahụ hụrẹ Igirigari na ngụ Igibiyọnị ịzị ẹ hụrẹ na sụ Anamọrị avaavo. 10Dị Ẹnẹyịmavara sị angwahi va wa zịị, dị Anisirẹrị wụ̀ wa va ha ẹtẹẹtẹrẹ nị. Dị ẹ dụ wa va tụra oze na ngụ Ịbẹtị-Ihoroni, dị ẹ wụ̀ wa oze Azeeka ọnịrị Imakeda. 11Anamọrị nịnị mẹ vavọọ e zwe hụrẹ Ịbẹtị-Ihoroni, dị Ẹnẹyịmavara zụ ịrẹta ọdẹngụ-ọdẹngụ hụrẹ ẹbẹẹba va wụ̀ wa ha nị. Isoja ẹnị ịrẹta wụ̀ ẹ rụrụ hụụnị aza ọnị Anisirẹrị sị ụ̀hwọ̀ wụ̀ nị. 12Ịhị ọnọọ ọnị Ẹnẹyịmavara sị Anisirẹrị nyị ẹbẹẹba Anamọrị nịnị, Ijosuwa ọ̀ mẹ̀ aduwa eyi aza anị. Dị ọ ka Ẹnẹyịmavara ọ mẹ ka ọyị ọ jẹẹ ịrẹsụ ẹkụra Igibiyọnị dị ụhwẹ ọ jẹẹ ịnị osuusu Ayijaroni. 13#2 Ịsa 1.18Avọọ gẹdẹ-gẹdẹ ọyị ọnịrị ụhwẹ mẹẹ jẹẹ pooro dị Anisirẹrị huna ọnịvị ẹnịnị nị. A sị ịrẹyị jị ahẹ ana chẹrẹ tụ ịnị iwe Ijasarị ka ọyị ô jẹẹ dị ẹ yị ngụ ẹtẹ ịnị ẹkụhị ọyịvụrụ ịhị ọnọọ. 14E yị vịdị nyị dị ọza ẹ yị vene re ẹngụ ẹkụhị ọnọọ, ọnị Ẹnẹyịmavara wụ́ ọngwẹ ọzarẹyịrẹsụ mẹ ịrẹyị. Ẹnẹyịmavara ọ kụ́ ịrẹkụ yị Anisirẹrị nịnị ịhị ọnọọ nị. 15Ịjị ịrẹkụ sị jị, dị Ijosuwa ọnịrị aza anị varẹma nọ ịzị e chi Igirigari nị.
Ijosuwa ộ za ohinọyị Anamọrị ẹẹhị
16Ụmẹ ọnị ịrẹkụ ọ sị jị odo, dị isoja ọnịvị nịnị e zwe, dị ohinọyị ẹnịnị ẹẹhị ẹnẹẹ zwe na tẹ̀ ịnị ụtẹha ana gụrị Imakeda nị. 17Ijosuwa mẹ wụ́ ka isoja anị e re wa ịnị ụtẹha ọnọọ. 18Dị ọ kà ẹnịnị e zina ịrẹta kụ irenu ụtẹha ọnọọ dị aa nyị aza che ene sere e nị. 19Dị ọ ka aza ana vọ ẹ kụ chire isoja ọnịvị ẹnịnị dị asị e re oze ngụ ẹkụra ẹnịnị ana jị ọvọ kara. Asị a nyị ọza ẹnịnị ene zwe agụvị ka Ẹnẹyịmavara Ohomorihi vaa gu Anisirẹrị nịnị ụvọ dị ẹ wụ̀ wa saka-saka. 20Ijosuwa ọnịrị aza anị vana nyayịnẹ wụ̀ wa ẹnẹmẹhị, dị ahịka aza che ẹnịnị ẹ javọ ịrẹsụ-ịrẹsụ na ngụ ẹkụra ẹnịnị nị. 21Dị isoja Anisirẹrị ve tu Ijosuwa me zi wa ịzị ẹ jị ajẹngụ hị́ Imakeda nị. Ẹ yị nyị ọza ana nyayịnẹ ka ịrẹyị odivi Anisirẹrị nịnị ịzọọ. 22Ịjọnọọ Ijosuwa kà yị isoja ka e na oze ụtẹha ọnọọ dị ẹ kụ́ ohinọyị ẹyịhị ẹnẹẹ va yị ọnị nị. 23Ịzẹyịza, dị isoja ẹnẹẹ kụ ohinọyị Ijerusarẹmị, Ihebirọnị, Ijarimuti, Irakisi, ọnịrị Egirọnị tụ ẹhẹ nị. 24Ịrẹma ọnị Ijosuwa raa hị́ avaba isoja gụ, dị ọ kà ẹnị ọdọvịdị isoja anị ana nọ ịrẹkụ ohinọyị ẹnẹẹ, ẹ sị ahụ hi wa ọrọkọ jẹẹ. Dị ẹnịnị mẹ ịsị Ijosuwa kà yị wa nị. 25Dị Ijosuwa kà yị wa ka asị e hí angwa, asị o hi wa eyi. Eyayị ẹnịnị ẹ vị, dị ẹ nyị ọtụtụrụma, ka avọọ Ẹnẹyịmavara mẹ vaa mẹ ọnịvị ẹnịnị ene beri wa kụ ịrẹkụ nị. 26Ịrẹma ana a vavọọ mẹ wa, Ijosuwa wụ̀ ohinọyị ẹnẹẹ, dị ọ ka a kụ wa gẹ ịrẹsụ ọchị ẹẹhị ne tu oruva anị nị. 27Ẹtẹ mẹẹ hozi kẹnẹ, Ijosuwa kà a ka a hụrẹ wa, di e ne ne wa tụ ịnị ụtẹha ịzị vịdị tẹ tụ. Dị a sị ịrẹta ọbanyị ku ọ irenu pooro ve tu ajịnị nị.
Ijosuwa ộ vana rẹ dọ ẹtẹ Anamọrị ọrụrụ-ọrụrụ
28Ịhị ọnọọ ọnyọọnya, Ijosuwa vu ẹkụra ọbanyị ana a hị́ Imakeda ẹtẹ, dị ẹ yị nyị ọza ana ha ịzọọ anka ọ mẹ Ijeriko avọọ nị. 29Dị Ijosuwa ọnịrị Anisirẹrị nọ Iribina na kụ ịrẹkụ nị. 30Ẹnẹyịmavara sị ẹkụra ọnọọ chi wa ụvọ, dị ẹ wụ̀ avaba aza ọnịrị isoja ẹnịnị ha nị. Ijosuwa ọnị ụvọta wụ ohinọyị Iribina anka ọ mẹ wụ ohinọyị Ijeriko avọọ nị. 31Dị Ijosuwa ọnịrị Anisirẹrị hụrị ịzọọ kụ ịrẹkụ ne tu ẹkụra ana a hị́ Irakisi 32Eyinẹhẹ ọnị ẹ ngụ ịzọọ, Ẹnẹyịmavara za wa chire Anisirẹrị ụvọ, di e vu wa ẹtẹ saka-saka anka Iribina nị. 33Ihoramị ohinọyị Ịgẹzẹrị ana vẹ ịnị ọgụvọ Anirakisi vị ọnị Ijosuwa wụ̀ ọnịrị isoja ọnị ọ kụ nọ ịrẹkụ. 34Dị Ijosuwa ọnịrị isoja Anisirẹrị rẹ nọ ịrẹkụ Egirọnị nị. 35Ẹkụhị ọnya ẹ sị rị wa, dị ẹ wụ̀ avaba aza ene hi ịzọọ ha anka ịsị ẹ mẹ Irakisi avọọ nị. 36Ịrẹma ọnọọ Ijosuwa ọnịrị avaba Isirẹrị hụrị Egirọnị kụ ịrẹkụ na tana ụvọ za aza ene hi Ihebirọnị nị. 37Dị ẹ sị ụ̀hwọ̀ wụ̀ ohinọyị ẹkụra ọnọọ ọnịrị avaba aza anị saka-saka, dị ọza ikonya ẹ yị ha anka Egirọnị avọọ nị. 38Dị Ijosuwa ọnịrị isoja Anisirẹrị varẹma vaa va eyi ka Idebiri nị. 39Dị ẹ rị ẹkụra ọnọọ vaka avaba ẹkụra eweyi-eweyi ana kara a nị. Di e vu wa ẹtẹ bemi-bemi anka Iribina ọnịrị Ihebirọnị.
40Avọọ Ijosuwa mẹ vu avaba ẹkụra ene hi ịrẹsụ ataba va chi va ngụ Ịnẹgẹvị ọnịrị ẹkụra ene hi inozi. Ẹ yị nyị ọza ana ha anka Ẹnẹyịmavara mẹ mẹ ọda anị yị wa. 41Ijosuwa vị ana wụ̀ wa hụrị Ịkẹdẹsị Ibaneya na ngụ Igaza ọnịrị avaba ẹkụra Igoseni na ngụ Igibiyọnị. 42Agụvị ka Ẹnẹyịmavara ộ vụ ịrẹvụ yị Ijosuwa, dị ọ wụ ohinọyị ẹnẹẹ dị ọ dọ wa ẹtẹ nị. 43Ịrẹma ịrẹkụ ẹnẹnị, dị Ijosuwa ọnịrị avaba Anisirẹrị nịnị vavẹ Igirigari ịzị e hi nị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.