Ijona 3
3
Ijona ộ na ka enube yi Anininivẹ
1Ivovo ọnọọ mẹ̀ raà hẹrẹ Ijona tịtẹ, dị Ẹnẹyịmavara re tenyi Ijona tụ́ ụtụ ụpọhụva nị. 2Dị ọ kà Ijona ọ̀ nọ Ininivẹ, ẹkụra ọbanyị ọnọọ, dị ọ na ka ụtụ ọnị ọnị tụ́ ọ hi wa nị. 3Dị Ijona kwẹẹtẹ na Ininivẹ anka Ẹnẹyịmavara mẹ kà a yọ nị. Ininivẹ vị ẹkụra ana banyị ẹtẹẹtẹrẹ ana ahịka ẹkụhị ẹẹta ọza aa sị zị ụsẹẹ che e parahu nị. 4#Imt 12.41; Irk 11.32Ijona mẹ ngụ ẹkụra ọnọọ, ộ zị ụsẹ ịzọọ ẹkụhị ọnya, di o ve nyima ee nowuu kà a ka ọ sị vọ ẹkụhị ẹbẹẹva di ee vu ẹkụra ọnọọ ẹtẹ nị. 5Ịjị Anininivẹ nini wụ́ enube ọnọnị, dị ẹ dọ Ohomorihi wụ́, dị ẹ̀ nọ̀ ọ ka ọzọza ọ za awẹ agụvị avọọ nị. Dị ọzọkụ hi ozweyi ẹnịnị kụ ẹnya anaā sịị zụ ka ẹ yaa zị ẹngụ nị. 6Ohinọyị Ininivẹ mẹ vavọọ wụ́ ịrẹyị ọnọọ kẹnẹ, ộ kwẹẹtẹ hụrẹ ịrẹsụ aga ohinọyị anị, dị ọ ngwa irikimba anị tịtẹ nị. Dị ọnị rẹ sị achị ana aā sị zị ẹngụ ku ẹngụ anị, dị ọ yaayịtẹ ịrẹsụ atịtọ nị. 7Dị ộ tụ ka a nọ̀ ọ yị Anininivẹ ọda ọnị ọnịrị ohirẹsụ ẹkụra nịnị mẹ nị. Ọ kà asị a nyị ọza ọnịrị ịsụpa ana rị ịsa ọnyọọnyị, a vị dị ọ hyakụ hú enyi vụrụ-vụrụ. 8Dị aza ọnịrị ịsụpa ẹẹ kụ ẹnya ana aā sịị zị ẹngụ. Dị ọzọza oo sụ ùnè hì Ohomorihi ẹngụ. Dị ọzọza ọ vaa hụụnị ebira odivi ọnị ọ vịdị aa mẹ̀ nị. 9Ẹnịnị ẹ̀ẹ vavọọ mẹ̀, ẹnẹ yẹ̀ ẹyịyara ayị Ohomorihi vaa rọ, dị ọ va hụụnị ọyịkụ anị, di o yi vu ẹnị ẹtẹ. 10Ịjị Ohomorihi re ịsị ẹnẹ ẹ mẹ̀, ẹ mẹmẹ ro ịnẹ hụụnị ebira odivi ẹnịnị, dị ọ vaa hụụnị ụya ọnị ọ vịdị ro ka ọnị aa sị rị wa nị. Dị ọ navọ wa nị.
Currently Selected:
Ijona 3: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ijona 3
3
Ijona ộ na ka enube yi Anininivẹ
1Ivovo ọnọọ mẹ̀ raà hẹrẹ Ijona tịtẹ, dị Ẹnẹyịmavara re tenyi Ijona tụ́ ụtụ ụpọhụva nị. 2Dị ọ kà Ijona ọ̀ nọ Ininivẹ, ẹkụra ọbanyị ọnọọ, dị ọ na ka ụtụ ọnị ọnị tụ́ ọ hi wa nị. 3Dị Ijona kwẹẹtẹ na Ininivẹ anka Ẹnẹyịmavara mẹ kà a yọ nị. Ininivẹ vị ẹkụra ana banyị ẹtẹẹtẹrẹ ana ahịka ẹkụhị ẹẹta ọza aa sị zị ụsẹẹ che e parahu nị. 4#Imt 12.41; Irk 11.32Ijona mẹ ngụ ẹkụra ọnọọ, ộ zị ụsẹ ịzọọ ẹkụhị ọnya, di o ve nyima ee nowuu kà a ka ọ sị vọ ẹkụhị ẹbẹẹva di ee vu ẹkụra ọnọọ ẹtẹ nị. 5Ịjị Anininivẹ nini wụ́ enube ọnọnị, dị ẹ dọ Ohomorihi wụ́, dị ẹ̀ nọ̀ ọ ka ọzọza ọ za awẹ agụvị avọọ nị. Dị ọzọkụ hi ozweyi ẹnịnị kụ ẹnya anaā sịị zụ ka ẹ yaa zị ẹngụ nị. 6Ohinọyị Ininivẹ mẹ vavọọ wụ́ ịrẹyị ọnọọ kẹnẹ, ộ kwẹẹtẹ hụrẹ ịrẹsụ aga ohinọyị anị, dị ọ ngwa irikimba anị tịtẹ nị. Dị ọnị rẹ sị achị ana aā sị zị ẹngụ ku ẹngụ anị, dị ọ yaayịtẹ ịrẹsụ atịtọ nị. 7Dị ộ tụ ka a nọ̀ ọ yị Anininivẹ ọda ọnị ọnịrị ohirẹsụ ẹkụra nịnị mẹ nị. Ọ kà asị a nyị ọza ọnịrị ịsụpa ana rị ịsa ọnyọọnyị, a vị dị ọ hyakụ hú enyi vụrụ-vụrụ. 8Dị aza ọnịrị ịsụpa ẹẹ kụ ẹnya ana aā sịị zị ẹngụ. Dị ọzọza oo sụ ùnè hì Ohomorihi ẹngụ. Dị ọzọza ọ vaa hụụnị ebira odivi ọnị ọ vịdị aa mẹ̀ nị. 9Ẹnịnị ẹ̀ẹ vavọọ mẹ̀, ẹnẹ yẹ̀ ẹyịyara ayị Ohomorihi vaa rọ, dị ọ va hụụnị ọyịkụ anị, di o yi vu ẹnị ẹtẹ. 10Ịjị Ohomorihi re ịsị ẹnẹ ẹ mẹ̀, ẹ mẹmẹ ro ịnẹ hụụnị ebira odivi ẹnịnị, dị ọ vaa hụụnị ụya ọnị ọ vịdị ro ka ọnị aa sị rị wa nị. Dị ọ navọ wa nị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.