Ijona 1
1
Ijona ộ mẹ̀ akamawụ hi Ẹnẹyịmavara
1 #
2 Ohi 14.25
 nyị ọnọrụ ọnya aanị ana aā hị́ Ijona ana vị ozi Amitayi. Ẹkụhị ọnya aanị dị Ẹnẹyịmavara hị́ ọ, 2dị ọ kà a yọ ka ọ̀ nọ ẹkụra ọbanyị ana aā hị́ Ininivẹ nị. Ọ kà anẹkụra ọnọọ ọ̀nọ̀ agụvị ka ọnị ee re ebira odivi ọnị ẹ yaa mẹ. 3Ama dị Ijona kwẹẹtẹ, dị ọ sị ịrẹsụ ka oze ẹkụra ana aā hị́ Itasisii ka ọnị ò zwe yị Ẹnẹyịmavara nị. Ộ nọ ẹkụra ana aā hị́ Ịjọpa ịzị ọ ya re ẹpa ini enyi ana nọ Itasisii nị. Ịjị o reè si ụta ẹpa, dị ọ ngụ ọ vaka aza ana vọ ana aa nọ Ịtasisii nị. Ijona vị ene si ka ọnị o zwe agụvị asị ọnị na kà ụtụ ọnị Ẹnẹyịmavara tụ́ ọ hi Anininivẹ nịnị. 4Ama dị Ẹnẹyịmavara tụ́ ahị ọbanyị ọnya aanị vara gẹrị wa nị. Dị opomi ọnọọ aa và irehuu zi ọ maa tụ́ ahị kukuku nị. Ịjị ahị ọnọọ ta jị odo, dị ẹpa ẹnịnị ee si ọyị che ẹẹva nị. 5Ịjị aza anaā sịị ẹpa zị vavọọ re e, dị angwahi sị ngụ wa ẹngụ nị. Dị aza ene hi ịnị ẹpa ẹ yaa ta ori ẹnịnị ubo ka ẹ̀ va gụ ẹnị ụvọ nị. Dị anụkọrọ ẹpa ọnọọ kụ́ ẹnya ene hi ịnị ẹpa ne và hi enyi agụvị ẹpa ọ hẹ̀rẹ̀, dị asị o chi ngụ enyi nị. Ịnị ụmẹ ana aa kà aanị, ara ọ sị Ijona dọ tụ́ iruvo ẹpa ịzị ọ hụtẹtẹ tụ́. 6Ohirẹsụ anụkọrọ ẹpa ọnọọ ô nee tù Ijona ịzọọ, dị ọ hā a kwẹẹtẹ nị. Dị ọ ka, ọ̀ mẹmẹ nyẹngụ maanị aa sụ̀ ara isu? Dị ọ ka ọ kwẹẹtẹ dị ọnị ọ rẹ hị́ ori ịrẹsụ anị ka ọ̀ va gụ ẹnị ụvọ nị. Dị ohirẹsụ ẹpa ọnọọ kà, ẹnẹ yẹ, ẹyịyara ọ vaa vayị ẹnịnị, dị ọ dọ ẹnị ha hụụnị ụvọ opomi ọnọnị. 7Dị anụkọrọ ẹpa ẹnẹẹ gẹ eyi ka eni è sì iruvo ọza ana kụ́ odivi ọnọọ tù ẹnị nị. Ẹ mẹ̀ zama ẹtẹ re, dị ọ za Ijona nị. 8Dị ẹ hị́ Ijona ka ọ̀ kà a yị ẹnị ebira odivi ọnị ọ mẹ̀ ana kụ ẹngụkata ọnọnị tù ẹnị booro aanị nị? Dị ẹ họ̀ ọ use ka sị ẹ vị ụkọrọ anị? Ịzị ọ hụrẹ aa vẹ? Anẹkụra ịzị ọ vị? 9Dị Ijona ka, Anihiburu ọnị vị nị. Ẹnẹyịmavara, Ohomorihi ana nyị ẹbẹẹba, dị ọ́ mẹ̀ eteesu ọnịrị oku ọnịī hẹkẹ nị. 10Dị ọ ka ọnị ee zwe agụvị asị ọnị na ka ụtụ ọnị Ẹnẹyịmavara tụ ọnị nị. Ịjị ẹ maanị wụ́ ọ kẹnẹ, dị angwa hí wa ẹtẹẹtẹrẹ nị. Dị ẹ họ̀ ọ ụsẹ ka ebira ịsị ọ mẹ̀ aanị nị? 11Dị ẹ rẹ họ̀ ọ ụsẹ ka, sị ẹnị zụ mẹ̀ dị opomi ọnọọ ọ za ku, agụvị ka ekuku anị aa hịrẹ ụnaa hu avọọ? 12Dị ọ kà ẹnịnị è ne ọnị ngụ enyi, dị ahị ọnọọ ọ za kú yị wa nị. Dị ọ ka ọnị ộ yẹ ka agụvị anị opomi aa tụ́ kukuku, dị a và enyi zi nị. 13Agụvị ka ẹnịnị e yi si ka ẹnị e nee e ngụ enyi, dị ẹ yaa sị vụrị ka ẹnị ẹ họ̀ ẹpa na ngụ ụtọ irehu nị. Ama dị opomi ọnọọ chi ẹtẹ ẹngụ huu avọọ, dị enyi sị da wa ụvọ, dị ẹnịnị ẹ yị zụ hụrị ịzị ẹ ya nị. 14Ịjị enyi sị da wa ụvọ, dị e yee nowu hí Ẹnẹyịmavara kà ọ̀ navọ asị o vu ẹnị ẹtẹ agụvị ọnọrụ ọnọnị nị. Dị asị o kune ẹnya ịvị isu anị gẹ ẹnị ọbẹ. Dị ẹ ka ẹnị ệ yẹ ka ịnị ụvọ anị akanya ọnọnị hụrẹ vẹ nị. Ẹnẹyịmavara vị ana mẹ̀ ịsa ò me zee e eyi. 15Dị ẹ sị Ijona di e ne ngụ ịnị enyi nị. Obobooro ọnọọ dị opomi za ku, dị ẹtẹ tịtẹ sisisii nị. 16Dị ịsa ana mẹ̀ aanị chire anụkọrọ ẹpa ọnọọ angwahi ẹtẹẹtẹrẹ, dị ẹ mẹ̀ ịsọvọ yi Ẹnẹyịmavara. Dị ẹ zẹ Ẹnẹyịmavara ịzẹzẹ ọrụrụ-ọrụrụ nị. 17#Imt 12.40Dị Ẹnẹyịmavara mẹ̀ ka ivovo ọbanyị ọnya aanị ọ mụnẹ Ijona nị. Dị ọ yà ịnị ịnẹ ivovo ọnọọ mẹ ẹkụhị ẹẹta nị.
Currently Selected:
Ijona 1: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ijona 1
1
Ijona ộ mẹ̀ akamawụ hi Ẹnẹyịmavara
1 #
2 Ohi 14.25
 nyị ọnọrụ ọnya aanị ana aā hị́ Ijona ana vị ozi Amitayi. Ẹkụhị ọnya aanị dị Ẹnẹyịmavara hị́ ọ, 2dị ọ kà a yọ ka ọ̀ nọ ẹkụra ọbanyị ana aā hị́ Ininivẹ nị. Ọ kà anẹkụra ọnọọ ọ̀nọ̀ agụvị ka ọnị ee re ebira odivi ọnị ẹ yaa mẹ. 3Ama dị Ijona kwẹẹtẹ, dị ọ sị ịrẹsụ ka oze ẹkụra ana aā hị́ Itasisii ka ọnị ò zwe yị Ẹnẹyịmavara nị. Ộ nọ ẹkụra ana aā hị́ Ịjọpa ịzị ọ ya re ẹpa ini enyi ana nọ Itasisii nị. Ịjị o reè si ụta ẹpa, dị ọ ngụ ọ vaka aza ana vọ ana aa nọ Ịtasisii nị. Ijona vị ene si ka ọnị o zwe agụvị asị ọnị na kà ụtụ ọnị Ẹnẹyịmavara tụ́ ọ hi Anininivẹ nịnị. 4Ama dị Ẹnẹyịmavara tụ́ ahị ọbanyị ọnya aanị vara gẹrị wa nị. Dị opomi ọnọọ aa và irehuu zi ọ maa tụ́ ahị kukuku nị. Ịjị ahị ọnọọ ta jị odo, dị ẹpa ẹnịnị ee si ọyị che ẹẹva nị. 5Ịjị aza anaā sịị ẹpa zị vavọọ re e, dị angwahi sị ngụ wa ẹngụ nị. Dị aza ene hi ịnị ẹpa ẹ yaa ta ori ẹnịnị ubo ka ẹ̀ va gụ ẹnị ụvọ nị. Dị anụkọrọ ẹpa ọnọọ kụ́ ẹnya ene hi ịnị ẹpa ne và hi enyi agụvị ẹpa ọ hẹ̀rẹ̀, dị asị o chi ngụ enyi nị. Ịnị ụmẹ ana aa kà aanị, ara ọ sị Ijona dọ tụ́ iruvo ẹpa ịzị ọ hụtẹtẹ tụ́. 6Ohirẹsụ anụkọrọ ẹpa ọnọọ ô nee tù Ijona ịzọọ, dị ọ hā a kwẹẹtẹ nị. Dị ọ ka, ọ̀ mẹmẹ nyẹngụ maanị aa sụ̀ ara isu? Dị ọ ka ọ kwẹẹtẹ dị ọnị ọ rẹ hị́ ori ịrẹsụ anị ka ọ̀ va gụ ẹnị ụvọ nị. Dị ohirẹsụ ẹpa ọnọọ kà, ẹnẹ yẹ, ẹyịyara ọ vaa vayị ẹnịnị, dị ọ dọ ẹnị ha hụụnị ụvọ opomi ọnọnị. 7Dị anụkọrọ ẹpa ẹnẹẹ gẹ eyi ka eni è sì iruvo ọza ana kụ́ odivi ọnọọ tù ẹnị nị. Ẹ mẹ̀ zama ẹtẹ re, dị ọ za Ijona nị. 8Dị ẹ hị́ Ijona ka ọ̀ kà a yị ẹnị ebira odivi ọnị ọ mẹ̀ ana kụ ẹngụkata ọnọnị tù ẹnị booro aanị nị? Dị ẹ họ̀ ọ use ka sị ẹ vị ụkọrọ anị? Ịzị ọ hụrẹ aa vẹ? Anẹkụra ịzị ọ vị? 9Dị Ijona ka, Anihiburu ọnị vị nị. Ẹnẹyịmavara, Ohomorihi ana nyị ẹbẹẹba, dị ọ́ mẹ̀ eteesu ọnịrị oku ọnịī hẹkẹ nị. 10Dị ọ ka ọnị ee zwe agụvị asị ọnị na ka ụtụ ọnị Ẹnẹyịmavara tụ ọnị nị. Ịjị ẹ maanị wụ́ ọ kẹnẹ, dị angwa hí wa ẹtẹẹtẹrẹ nị. Dị ẹ họ̀ ọ ụsẹ ka ebira ịsị ọ mẹ̀ aanị nị? 11Dị ẹ rẹ họ̀ ọ ụsẹ ka, sị ẹnị zụ mẹ̀ dị opomi ọnọọ ọ za ku, agụvị ka ekuku anị aa hịrẹ ụnaa hu avọọ? 12Dị ọ kà ẹnịnị è ne ọnị ngụ enyi, dị ahị ọnọọ ọ za kú yị wa nị. Dị ọ ka ọnị ộ yẹ ka agụvị anị opomi aa tụ́ kukuku, dị a và enyi zi nị. 13Agụvị ka ẹnịnị e yi si ka ẹnị e nee e ngụ enyi, dị ẹ yaa sị vụrị ka ẹnị ẹ họ̀ ẹpa na ngụ ụtọ irehu nị. Ama dị opomi ọnọọ chi ẹtẹ ẹngụ huu avọọ, dị enyi sị da wa ụvọ, dị ẹnịnị ẹ yị zụ hụrị ịzị ẹ ya nị. 14Ịjị enyi sị da wa ụvọ, dị e yee nowu hí Ẹnẹyịmavara kà ọ̀ navọ asị o vu ẹnị ẹtẹ agụvị ọnọrụ ọnọnị nị. Dị asị o kune ẹnya ịvị isu anị gẹ ẹnị ọbẹ. Dị ẹ ka ẹnị ệ yẹ ka ịnị ụvọ anị akanya ọnọnị hụrẹ vẹ nị. Ẹnẹyịmavara vị ana mẹ̀ ịsa ò me zee e eyi. 15Dị ẹ sị Ijona di e ne ngụ ịnị enyi nị. Obobooro ọnọọ dị opomi za ku, dị ẹtẹ tịtẹ sisisii nị. 16Dị ịsa ana mẹ̀ aanị chire anụkọrọ ẹpa ọnọọ angwahi ẹtẹẹtẹrẹ, dị ẹ mẹ̀ ịsọvọ yi Ẹnẹyịmavara. Dị ẹ zẹ Ẹnẹyịmavara ịzẹzẹ ọrụrụ-ọrụrụ nị. 17#Imt 12.40Dị Ẹnẹyịmavara mẹ̀ ka ivovo ọbanyị ọnya aanị ọ mụnẹ Ijona nị. Dị ọ yà ịnị ịnẹ ivovo ọnọọ mẹ ẹkụhị ẹẹta nị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.