Ijowẹrị 1
1
Ẹnẹyịmavara o du ịsa ịnị aarẹ ha
1Â nyị ọnọrụ ọnya aanị ọnị ịrẹha rị Ijowẹrị ana vị ozi Ịpẹtụwẹrị. Ịnị ụmẹ ọnya aanị Ẹnẹyịmavara ộ tụ́ ọ ụtụ hi aza anị.
2Batọ ẹwụ nịnị azọkụ;
Ẹwụ nịnị ene hi Ijuda ọzọza ọ sị ụtọ pe ẹtẹ.
Áá maanị nyị ịrẹyị ana vịdị mẹ̀ da
ịnị ụmẹ awụ nịnị, a vị ịnị ụmẹ ohiku awụ nịnị?
3Kà ịrẹyị ọnọnị zụ ezi ewu nịnị;
Ẹnị ẹ rẹ kà a yị ezi ẹnịnị,
ana vaa kà yị ezi anụmẹ anaa vana vẹ.
4Ọkọnị akụvarịva tụra ẹngụ tụra ẹngụ vaa chaka hi wa aarẹ;
Avị ọnị ọba ẹnyị rị vọ, dị ọba ọsa va rị avaba ana vọ za ẹtẹ.
5Kwẹẹtẹ waa jị òrèrè booro-booro ẹwụ nịnị ohweche:
Wee na owu ẹwụ nịnị ene hu eche
agụvị ka akụvarịva ê reè du igirepi anaā sị mẹ̀ eche ha.
6 #
Ẹtẹ 9.8
Otomiroku akụvarịva e reè du ẹtẹ.
Ẹnịnị ẹẹ rụrụ, dị ẹ nyị ụkata ẹnẹmẹhị nị.
Anyị ẹnịnị ẹ nyị ụkata
dị ẹ rẹ anka anyị idu avọọ nị.
7Ẹnịnị e reè du avaba aarẹ ịvayịnị ẹnịnị ha.
Ẹ raà rị avaba ọchị ihwigi.
Dị ẹ hụ̀ uguha ọchị ẹnẹẹ va haa nị,
dị avọ́ ọchị ẹnẹẹ wụ̀, dị ẹ kụkụ aa vwẹtẹ nị.
8Waa jị òrèrè nịnị anka ozwoorihi anaa ba arụwẹ
ọza ana ka ọnị aa nyị ọ ene su avọọ.
9Ẹ yị nyị ayị̀ ọnịrị eche ana aa sị vẹ ịnị irehi Ẹnẹyịmavara.
Dị Ohirẹsụ irehi Ohomorihi nịnị aa zị ẹngụ ka ẹ yị nyị ịsa ịsọvọ yị Ẹnẹyịmavara nị.
10Aarẹ vị osusu;
dị ẹtẹ aa jị òrèrè
agụvị ka e reè du akụ ẹnịnị ha,
ọchị ịvayịnị ana aā sị mẹ̀ eche ẹ kụ̀ wụ̀,
dị ọchị orivi ana aa sị mẹ̀ angwẹ sị wara nị.
11Va ẹngụ hi ẹwụ nịnị ọgẹrẹva;
Waa jị òrèrè ẹwụ nịnị eneē tenyi ụbazị ịvayịnị,
agụvị ka ịhwịtị ọnịrị ibaari
ne beri avaba ịsa ọyịna ana sị wara.
12Ọchị ịvayịnị ọnịrị ọchị ihwigi ệ raà wụ̀.
Avaba ọchị anaā tụ́ ẹtụtụ ẹ kụ̀ wụ̀:
Ipomegiraneti, adevino ọnịrị apụrụ.
Agụvị avọọ dị ayị aza kú du chuku-chuku nị.
13Ẹwụ nịnị ohirẹsụ irehi Ohomorihi anaā mẹ̀ ịsọvọ ịrẹsụ ụta anị,
kụ ẹnya arụwẹ, dị waa jị òrèrè nịnị!
Sị avaba ịrahụ ọyịvụrụ zị ẹngụ ịnị irehi Ohomorihi
agụvị ka ẹ yị nyị akụ ọnịrị eche ọyị mẹ̀ ịsọvọ ịnị irehi anị.
14Hị́ ịragụ gụ
Mẹ̀ ẹ ọda ka a za awẹ.
Kụ́ azọkụ
ọnịrị avaba anijuda nịnị gụ ịnị irehi Ẹnẹyịmavara Ohomorihi ẹnịnị,
dị ee sụ́ ùnè hi Ẹnẹyịmavara ẹngụ.
15 #
Ayị 13.6
Ẹkụhị ọnị Ẹnẹyịmavara vee sii du ayị hi wa aa gụrị ẹtẹ.
Ịhị ọnị Ohomorihi Ochẹtẹẹngụ vee vu wa ẹtẹ
vaa daa divi kẹnẹ.
16Áá vị eyi ayị ịsa ịnị aarẹ ayị vu hi ẹtẹ
dị ẹ yị nyị ịrajẹ ọnịrị ayohine ịnị irehi Ẹnẹyịmavara?
17Dị avaba Ihu ịsa ọyịna ene ee chire wara ịnị ẹtẹ ọyịwụ̀.
Agụvị ka ẹ yị nyị akụ ana vọrọ ka aa sị tụ ịnị ụ́hwọ́
di ụ́hwọ́ osusu ẹnẹẹ ee wu hi ẹtẹ nị.
18Agụvị ẹtẹ ọyịwụ̀ di imaaru nịnị ee na owu ayodu nị.
Ẹ yị nyị avị ana vọrọ ka ẹ rị.
Dị atẹmẹ nịnị aa rị ụya nị.
19Dị Ijowẹrị na owu na za Ẹnẹyịmavara
ka avaba avị ọnịrị ọchị ẹ sị wụ̀ za ẹtẹ
anka ọrịra ò rere rị ịsa avọọ.
20Uye ịnị avị nịnị vị ee na owu hị́ Ẹnẹyịmavara ẹngụ
agụvị ka avaba orosi ẹ sị wụ́ za eteesu.
Ọrịra o reè hi ụnọmị hụyẹ-hụyẹ hụrẹ ẹtẹ.
Currently Selected:
Ijowẹrị 1: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ijowẹrị 1
1
Ẹnẹyịmavara o du ịsa ịnị aarẹ ha
1Â nyị ọnọrụ ọnya aanị ọnị ịrẹha rị Ijowẹrị ana vị ozi Ịpẹtụwẹrị. Ịnị ụmẹ ọnya aanị Ẹnẹyịmavara ộ tụ́ ọ ụtụ hi aza anị.
2Batọ ẹwụ nịnị azọkụ;
Ẹwụ nịnị ene hi Ijuda ọzọza ọ sị ụtọ pe ẹtẹ.
Áá maanị nyị ịrẹyị ana vịdị mẹ̀ da
ịnị ụmẹ awụ nịnị, a vị ịnị ụmẹ ohiku awụ nịnị?
3Kà ịrẹyị ọnọnị zụ ezi ewu nịnị;
Ẹnị ẹ rẹ kà a yị ezi ẹnịnị,
ana vaa kà yị ezi anụmẹ anaa vana vẹ.
4Ọkọnị akụvarịva tụra ẹngụ tụra ẹngụ vaa chaka hi wa aarẹ;
Avị ọnị ọba ẹnyị rị vọ, dị ọba ọsa va rị avaba ana vọ za ẹtẹ.
5Kwẹẹtẹ waa jị òrèrè booro-booro ẹwụ nịnị ohweche:
Wee na owu ẹwụ nịnị ene hu eche
agụvị ka akụvarịva ê reè du igirepi anaā sị mẹ̀ eche ha.
6 #
Ẹtẹ 9.8
Otomiroku akụvarịva e reè du ẹtẹ.
Ẹnịnị ẹẹ rụrụ, dị ẹ nyị ụkata ẹnẹmẹhị nị.
Anyị ẹnịnị ẹ nyị ụkata
dị ẹ rẹ anka anyị idu avọọ nị.
7Ẹnịnị e reè du avaba aarẹ ịvayịnị ẹnịnị ha.
Ẹ raà rị avaba ọchị ihwigi.
Dị ẹ hụ̀ uguha ọchị ẹnẹẹ va haa nị,
dị avọ́ ọchị ẹnẹẹ wụ̀, dị ẹ kụkụ aa vwẹtẹ nị.
8Waa jị òrèrè nịnị anka ozwoorihi anaa ba arụwẹ
ọza ana ka ọnị aa nyị ọ ene su avọọ.
9Ẹ yị nyị ayị̀ ọnịrị eche ana aa sị vẹ ịnị irehi Ẹnẹyịmavara.
Dị Ohirẹsụ irehi Ohomorihi nịnị aa zị ẹngụ ka ẹ yị nyị ịsa ịsọvọ yị Ẹnẹyịmavara nị.
10Aarẹ vị osusu;
dị ẹtẹ aa jị òrèrè
agụvị ka e reè du akụ ẹnịnị ha,
ọchị ịvayịnị ana aā sị mẹ̀ eche ẹ kụ̀ wụ̀,
dị ọchị orivi ana aa sị mẹ̀ angwẹ sị wara nị.
11Va ẹngụ hi ẹwụ nịnị ọgẹrẹva;
Waa jị òrèrè ẹwụ nịnị eneē tenyi ụbazị ịvayịnị,
agụvị ka ịhwịtị ọnịrị ibaari
ne beri avaba ịsa ọyịna ana sị wara.
12Ọchị ịvayịnị ọnịrị ọchị ihwigi ệ raà wụ̀.
Avaba ọchị anaā tụ́ ẹtụtụ ẹ kụ̀ wụ̀:
Ipomegiraneti, adevino ọnịrị apụrụ.
Agụvị avọọ dị ayị aza kú du chuku-chuku nị.
13Ẹwụ nịnị ohirẹsụ irehi Ohomorihi anaā mẹ̀ ịsọvọ ịrẹsụ ụta anị,
kụ ẹnya arụwẹ, dị waa jị òrèrè nịnị!
Sị avaba ịrahụ ọyịvụrụ zị ẹngụ ịnị irehi Ohomorihi
agụvị ka ẹ yị nyị akụ ọnịrị eche ọyị mẹ̀ ịsọvọ ịnị irehi anị.
14Hị́ ịragụ gụ
Mẹ̀ ẹ ọda ka a za awẹ.
Kụ́ azọkụ
ọnịrị avaba anijuda nịnị gụ ịnị irehi Ẹnẹyịmavara Ohomorihi ẹnịnị,
dị ee sụ́ ùnè hi Ẹnẹyịmavara ẹngụ.
15 #
Ayị 13.6
Ẹkụhị ọnị Ẹnẹyịmavara vee sii du ayị hi wa aa gụrị ẹtẹ.
Ịhị ọnị Ohomorihi Ochẹtẹẹngụ vee vu wa ẹtẹ
vaa daa divi kẹnẹ.
16Áá vị eyi ayị ịsa ịnị aarẹ ayị vu hi ẹtẹ
dị ẹ yị nyị ịrajẹ ọnịrị ayohine ịnị irehi Ẹnẹyịmavara?
17Dị avaba Ihu ịsa ọyịna ene ee chire wara ịnị ẹtẹ ọyịwụ̀.
Agụvị ka ẹ yị nyị akụ ana vọrọ ka aa sị tụ ịnị ụ́hwọ́
di ụ́hwọ́ osusu ẹnẹẹ ee wu hi ẹtẹ nị.
18Agụvị ẹtẹ ọyịwụ̀ di imaaru nịnị ee na owu ayodu nị.
Ẹ yị nyị avị ana vọrọ ka ẹ rị.
Dị atẹmẹ nịnị aa rị ụya nị.
19Dị Ijowẹrị na owu na za Ẹnẹyịmavara
ka avaba avị ọnịrị ọchị ẹ sị wụ̀ za ẹtẹ
anka ọrịra ò rere rị ịsa avọọ.
20Uye ịnị avị nịnị vị ee na owu hị́ Ẹnẹyịmavara ẹngụ
agụvị ka avaba orosi ẹ sị wụ́ za eteesu.
Ọrịra o reè hi ụnọmị hụyẹ-hụyẹ hụrẹ ẹtẹ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.