Ijoovu 41
41
Ẹnẹyịmavara aa yịị tụ́ Ijoovu ohi ịrẹyị
1 #
Ahẹ 74.14; 104.26; Ayị 27.1 Ẹnẹyịmavara kà, Ijoovu ọ́ọ́ nyẹngụ sị arị za agụgụ, a vị dị ọ sụ́ ịrarẹ anị za obo? 2Ọ́ọ́ nyẹngụ tụ́ agụgụ obo ịnị aahị, a vi dị ọ jị arị chire abamị anị? 3Vị́ agụgụ ọnọọ wáá va dà ịpẹẹ yọ ka ọ hụrẹ ọnị ụvọ? Ọ́ọ́ zụ sị ayọnẹtẹ ka a wụ ka wa hụrẹ ọnị ụvọ? 4Ọ́ọ́ vaa dọ ọ beri ọ, dị ọ kà a ka ozi ahụ awụ ọnị vaa vị pooro nị? 5Ijoovu wéé vee beri ọ mẹ̀ aahẹ anka inomi, nị? Ọ́ọ́ zụ hụrẹ ẹ ụvọ ka ezi ahụ anị anẹẹ ẹ̀ sịị mẹ aahẹ. 6Osohu ivovo nini waa vaa sẹ̀ ẹ irihi? Vị́ ẹnịnị waa vaa vọ uye anị yị osohu nịnị ka ẹ̀ na a nị? 7Ọ kà, Ijoovu ọ̀ọ nyẹngụ si ọha ana sịị za ivovo nọ agụgụ ịtụmpaha? Ọ́ọ́ zụ ka a ngụ ọ ịrẹsụ? 8Ọ kà, ọ sị ụvọ kanyị agụgụ di o re. Ịsị o re, ọ mā vana nyayịnẹ mọ ọ rẹ.
9Ọza tụra ọza ene e re agụgụ vị ana ayị anị aa sẹ̀ẹ hi ịnẹ, dị ọ hyẹdụ nya ẹtẹ ọvịdị anị. 10Á yị nyị ọza ọnị ayị anị vị, dị ọ na tụ́ ọ ẹngụrẹyị. Ẹnẹ ọ vị, ana nyẹngụ jẹẹ zi ọ? 11Ẹnẹyịmavara kà, ẹnẹ ẹ sị ịsa yị ọnị, ana zụ kà a ka ọnị ọ sị ụta varẹma? Ẹ́ yi nyị ọza ana hụ avọọ ịnị ọ sị ụta varẹma?
12Ẹnẹyịmavara kà ọnị e ji uwe ahụ agụgụụ zụ Ijoovu. Ọnị aa kà a yọ ịzị agụgụ nyị ụkata na za 13Ẹnẹ zụ nọọ itumpaha? Ẹnẹ zụ jị ịsa ngụ ọ ẹnya ịrẹkụ ọnị ọ ku hi ẹngụ? 14Ẹnẹ nyẹngụ haa irenu? Anyị ene hi ịnị irenu anịị venee chire ọza angwa. 15Ikerebe ana a tara za a ịrẹma ọ̀ katẹngụ anka ịrẹta. 16Avaba ẹnịnị vị ana nyayịnẹ vaka ẹngụ pari-pari, ana ahịka ahị ẹ yị hyakụ nyẹngụ ngụ wa ịnẹ. 17Uguha anị ẹnẹẹ vị ana nyayịnẹ vaka a ẹngụ ẹtẹẹtẹrẹ. Ẹ yị nyị ịsị ọza zịị sị hụ̀ wa hụrẹ ẹ ẹngụ. 18Agụgụ ọ̀ọ mẹ̀ ẹchẹhị ho, dị ẹtẹ jị ịra, di eyi anị aà za ẹtẹ anka oyi anaa hụrẹ avọọ. 19Ịra vị anaā aa za ịnị irenu anị, dị uruvu aa da jịnẹ hụụnị irenu anị nị. 20Avọọ areyi maa jịnẹ hụụnị aahị anị anka areyi avị ana rịra iruvo ụnọkọ avọọ nị. 21Ụhwe ana a tụ́ vị anaā mẹ ka ịra ọọ za, dị ịra aa dàa hụụnị irenu anị nị. 22Ộ nyị ụkata tụ ịnị ọrọkọ ẹtẹẹtẹrẹ. Ọza enee re e vị ọnị ivovo aa za. 23Avaba uye ịnị ẹngụ anị vị ana katẹngụ anka enyusẹ avọọ. 24Ayị anị ọ katẹngụ anka ịrẹta, aa kokoroko anka ịrẹta ọkwayị. 25Ọ̀ọ kwẹẹtẹ jẹẹ, ọza ana nyị ụkata hụ vene e hí angwa, di e zwe. 26A yi nyị ụhwọ ana zụ tọ ọ ụnava. Ọpa ọnịrị ọha ẹ yị́ zụ ngụ ọ ẹngụ. 27Enyusẹ vị ana sị mẹẹ anka ẹpọmọ avọọ yọ. Vị ọ sị mẹẹ anka ọkụ ana vụ avọọ yọ nị. 28Ọpa ẹ yị zụ dụ ọ echi. Ọnanta vị ana sị mẹẹ anka avị ẹpọmọ ana wụ avọọ yọ. 29Okutẹ vị ọnị o re anka azịzẹ avọọ. Òo re ọha, dị ọ nyi unyi kẹnẹ. 30Uguha ịnị ịrẹka anị sị mẹ anka urura ụnọkọ ana rẹ́ avọọ nị. Vị́ ẹẹ yẹrẹ ẹtẹ anka ẹdụ avọọ nị. 31Vị oo ziizi òkū anka enyi o rere a ha ịnị ụnọkọ avọọ 32Àa họ̀ enyi dị oziizi ana saasa a aa zẹtẹ, dị òkū ee ku ahụhụ ọvwọọvụ sẹnẹ-sẹnẹ nị. 33Ẹ yi nyị ịsa ọnị ọza nyẹngụ sị juwe anị ịnị ẹhẹ. 34Ẹ yi nyị ịsa ọnị oō hí angwa anị vụrụ-vụrụ. Ẹ yị nyị uye anaā mẹ eyi hu ọ.
Currently Selected:
Ijoovu 41: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ijoovu 41
41
Ẹnẹyịmavara aa yịị tụ́ Ijoovu ohi ịrẹyị
1 #
Ahẹ 74.14; 104.26; Ayị 27.1 Ẹnẹyịmavara kà, Ijoovu ọ́ọ́ nyẹngụ sị arị za agụgụ, a vị dị ọ sụ́ ịrarẹ anị za obo? 2Ọ́ọ́ nyẹngụ tụ́ agụgụ obo ịnị aahị, a vi dị ọ jị arị chire abamị anị? 3Vị́ agụgụ ọnọọ wáá va dà ịpẹẹ yọ ka ọ hụrẹ ọnị ụvọ? Ọ́ọ́ zụ sị ayọnẹtẹ ka a wụ ka wa hụrẹ ọnị ụvọ? 4Ọ́ọ́ vaa dọ ọ beri ọ, dị ọ kà a ka ozi ahụ awụ ọnị vaa vị pooro nị? 5Ijoovu wéé vee beri ọ mẹ̀ aahẹ anka inomi, nị? Ọ́ọ́ zụ hụrẹ ẹ ụvọ ka ezi ahụ anị anẹẹ ẹ̀ sịị mẹ aahẹ. 6Osohu ivovo nini waa vaa sẹ̀ ẹ irihi? Vị́ ẹnịnị waa vaa vọ uye anị yị osohu nịnị ka ẹ̀ na a nị? 7Ọ kà, Ijoovu ọ̀ọ nyẹngụ si ọha ana sịị za ivovo nọ agụgụ ịtụmpaha? Ọ́ọ́ zụ ka a ngụ ọ ịrẹsụ? 8Ọ kà, ọ sị ụvọ kanyị agụgụ di o re. Ịsị o re, ọ mā vana nyayịnẹ mọ ọ rẹ.
9Ọza tụra ọza ene e re agụgụ vị ana ayị anị aa sẹ̀ẹ hi ịnẹ, dị ọ hyẹdụ nya ẹtẹ ọvịdị anị. 10Á yị nyị ọza ọnị ayị anị vị, dị ọ na tụ́ ọ ẹngụrẹyị. Ẹnẹ ọ vị, ana nyẹngụ jẹẹ zi ọ? 11Ẹnẹyịmavara kà, ẹnẹ ẹ sị ịsa yị ọnị, ana zụ kà a ka ọnị ọ sị ụta varẹma? Ẹ́ yi nyị ọza ana hụ avọọ ịnị ọ sị ụta varẹma?
12Ẹnẹyịmavara kà ọnị e ji uwe ahụ agụgụụ zụ Ijoovu. Ọnị aa kà a yọ ịzị agụgụ nyị ụkata na za 13Ẹnẹ zụ nọọ itumpaha? Ẹnẹ zụ jị ịsa ngụ ọ ẹnya ịrẹkụ ọnị ọ ku hi ẹngụ? 14Ẹnẹ nyẹngụ haa irenu? Anyị ene hi ịnị irenu anịị venee chire ọza angwa. 15Ikerebe ana a tara za a ịrẹma ọ̀ katẹngụ anka ịrẹta. 16Avaba ẹnịnị vị ana nyayịnẹ vaka ẹngụ pari-pari, ana ahịka ahị ẹ yị hyakụ nyẹngụ ngụ wa ịnẹ. 17Uguha anị ẹnẹẹ vị ana nyayịnẹ vaka a ẹngụ ẹtẹẹtẹrẹ. Ẹ yị nyị ịsị ọza zịị sị hụ̀ wa hụrẹ ẹ ẹngụ. 18Agụgụ ọ̀ọ mẹ̀ ẹchẹhị ho, dị ẹtẹ jị ịra, di eyi anị aà za ẹtẹ anka oyi anaa hụrẹ avọọ. 19Ịra vị anaā aa za ịnị irenu anị, dị uruvu aa da jịnẹ hụụnị irenu anị nị. 20Avọọ areyi maa jịnẹ hụụnị aahị anị anka areyi avị ana rịra iruvo ụnọkọ avọọ nị. 21Ụhwe ana a tụ́ vị anaā mẹ ka ịra ọọ za, dị ịra aa dàa hụụnị irenu anị nị. 22Ộ nyị ụkata tụ ịnị ọrọkọ ẹtẹẹtẹrẹ. Ọza enee re e vị ọnị ivovo aa za. 23Avaba uye ịnị ẹngụ anị vị ana katẹngụ anka enyusẹ avọọ. 24Ayị anị ọ katẹngụ anka ịrẹta, aa kokoroko anka ịrẹta ọkwayị. 25Ọ̀ọ kwẹẹtẹ jẹẹ, ọza ana nyị ụkata hụ vene e hí angwa, di e zwe. 26A yi nyị ụhwọ ana zụ tọ ọ ụnava. Ọpa ọnịrị ọha ẹ yị́ zụ ngụ ọ ẹngụ. 27Enyusẹ vị ana sị mẹẹ anka ẹpọmọ avọọ yọ. Vị ọ sị mẹẹ anka ọkụ ana vụ avọọ yọ nị. 28Ọpa ẹ yị zụ dụ ọ echi. Ọnanta vị ana sị mẹẹ anka avị ẹpọmọ ana wụ avọọ yọ. 29Okutẹ vị ọnị o re anka azịzẹ avọọ. Òo re ọha, dị ọ nyi unyi kẹnẹ. 30Uguha ịnị ịrẹka anị sị mẹ anka urura ụnọkọ ana rẹ́ avọọ nị. Vị́ ẹẹ yẹrẹ ẹtẹ anka ẹdụ avọọ nị. 31Vị oo ziizi òkū anka enyi o rere a ha ịnị ụnọkọ avọọ 32Àa họ̀ enyi dị oziizi ana saasa a aa zẹtẹ, dị òkū ee ku ahụhụ ọvwọọvụ sẹnẹ-sẹnẹ nị. 33Ẹ yi nyị ịsa ọnị ọza nyẹngụ sị juwe anị ịnị ẹhẹ. 34Ẹ yi nyị ịsa ọnị oō hí angwa anị vụrụ-vụrụ. Ẹ yị nyị uye anaā mẹ eyi hu ọ.
Ebira First Bible © Bible Society of Nigeria, 2014.