Ijoovu 4
4
Ịpaapa ọnị Erihwazi beri Ijoovu kà ịrẹyị
(4.1—14.22)
Erihwazi kà
1Erihwazi ana vị Anitemani ô tụ Ijoovu ohi ịrẹyị. 2Ọ kà Ijoovu ọ vayị nẹtẹ dị ọ wụ́ ịrẹyị anị. Ọnị ọ yị zụ za ka ọnị ẹ yị tụ ohi ịrẹyị. 3Ọ kà Ijoovu ọ tamayị aza ọrụrụ-ọrụrụ ọnị ịrẹyị ọnị ọ ka yị wa raa tụ wa ọtụtụrụma. 4Ịrẹyị ọnị ọọ ka yị aza vị ana hụ aza ayọvị, dị ọ tụ ọkụmị ụka nị. 5Ọnị ọnọọ akanya ve tu dị ọ vazi tịtẹ aanị nị. 6Ẹ yị vọrọ ka Ijoovu ọọ hụrẹ ayịnẹ ịrẹma ọnị o hí angwa Ohomorihi dị aa mẹ ịsị ẹ vọrọ. 7Nyị ọnịzẹyịza ene su usu ajaajẹẹ. 8Ọ kà ọnị ọ yẹ hụrẹ ụmọrụmọ ka odivi ọnị ọza chire ọọ ha nị. 9Ohomorihi ọọ ha iduma kẹnẹ dị aza edivi nịnị ee vú ẹtẹ nị. Ọ tụ ahị kẹnẹ dị ẹ ta hi ẹtẹ. 10Aza odivi sị mẹẹ anka idu ene hu anyị hi irenu ana aa hà kẹnẹ avọọ nị. 11Ẹnịnị sị mẹ idu ọnị ụngwẹ aa kụ dị e yi re uye za rị, dị ezi anị kụ zwe va hi ozi avọọ nị.
12Erihwazi ka ee were-were jị ahị hi ọnị ụtọ. 13#Ijov 33.15Ọnị ọ rụra ịrahụ ọnị aza aa sụ ara, dị re ẹtẹ nị, 14Dị angwa hi ọnị, dị ẹgahị ngụ ọnị nị. 15Dị ahị hụrẹ hi ẹngụ ahị mẹẹ tụ para ọnị hu. 16Ahị ọnọọ mẹ za ku, dị ẹtẹ tịtẹ sisisi. Ịnị ụmẹ ọnọọ ọnị re ịsa ọnị ẹ yị yara jị uwe anị nị. Dị ọnị rẹ wụ ọngwẹ. 17Dị ọngwẹ ka, “Áá nyị ọza ana zụ rị ịhị ọvịdị Ohomorihi ana tụ ọ vẹ ẹhẹ?” 18Ezi ahụ Ohomorihi ọnịrị anggẹẹrị nịnị ẹ̀ yịị ha, 19ẹnẹ va vị ọzarẹyịrẹsụ ọnị ọ dà ụvụ mẹ̀, ana a sẹ zụ pịrị huuni ikere. 20Ọza ọnị wee re ẹnẹnẹ dị o tu oruva di o wusu. Dị anị ta hụụnị ẹhẹ, dị ayị anị hi. 21Nyị ịsa ana naa ọnị ọ kụkụ yẹ ịnị ẹhẹ.
Currently Selected:
Ijoovu 4: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ijoovu 4
4
Ịpaapa ọnị Erihwazi beri Ijoovu kà ịrẹyị
(4.1—14.22)
Erihwazi kà
1Erihwazi ana vị Anitemani ô tụ Ijoovu ohi ịrẹyị. 2Ọ kà Ijoovu ọ vayị nẹtẹ dị ọ wụ́ ịrẹyị anị. Ọnị ọ yị zụ za ka ọnị ẹ yị tụ ohi ịrẹyị. 3Ọ kà Ijoovu ọ tamayị aza ọrụrụ-ọrụrụ ọnị ịrẹyị ọnị ọ ka yị wa raa tụ wa ọtụtụrụma. 4Ịrẹyị ọnị ọọ ka yị aza vị ana hụ aza ayọvị, dị ọ tụ ọkụmị ụka nị. 5Ọnị ọnọọ akanya ve tu dị ọ vazi tịtẹ aanị nị. 6Ẹ yị vọrọ ka Ijoovu ọọ hụrẹ ayịnẹ ịrẹma ọnị o hí angwa Ohomorihi dị aa mẹ ịsị ẹ vọrọ. 7Nyị ọnịzẹyịza ene su usu ajaajẹẹ. 8Ọ kà ọnị ọ yẹ hụrẹ ụmọrụmọ ka odivi ọnị ọza chire ọọ ha nị. 9Ohomorihi ọọ ha iduma kẹnẹ dị aza edivi nịnị ee vú ẹtẹ nị. Ọ tụ ahị kẹnẹ dị ẹ ta hi ẹtẹ. 10Aza odivi sị mẹẹ anka idu ene hu anyị hi irenu ana aa hà kẹnẹ avọọ nị. 11Ẹnịnị sị mẹ idu ọnị ụngwẹ aa kụ dị e yi re uye za rị, dị ezi anị kụ zwe va hi ozi avọọ nị.
12Erihwazi ka ee were-were jị ahị hi ọnị ụtọ. 13#Ijov 33.15Ọnị ọ rụra ịrahụ ọnị aza aa sụ ara, dị re ẹtẹ nị, 14Dị angwa hi ọnị, dị ẹgahị ngụ ọnị nị. 15Dị ahị hụrẹ hi ẹngụ ahị mẹẹ tụ para ọnị hu. 16Ahị ọnọọ mẹ za ku, dị ẹtẹ tịtẹ sisisi. Ịnị ụmẹ ọnọọ ọnị re ịsa ọnị ẹ yị yara jị uwe anị nị. Dị ọnị rẹ wụ ọngwẹ. 17Dị ọngwẹ ka, “Áá nyị ọza ana zụ rị ịhị ọvịdị Ohomorihi ana tụ ọ vẹ ẹhẹ?” 18Ezi ahụ Ohomorihi ọnịrị anggẹẹrị nịnị ẹ̀ yịị ha, 19ẹnẹ va vị ọzarẹyịrẹsụ ọnị ọ dà ụvụ mẹ̀, ana a sẹ zụ pịrị huuni ikere. 20Ọza ọnị wee re ẹnẹnẹ dị o tu oruva di o wusu. Dị anị ta hụụnị ẹhẹ, dị ayị anị hi. 21Nyị ịsa ana naa ọnị ọ kụkụ yẹ ịnị ẹhẹ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.