Ijoovu 19
19
Ijoovu ộ va ohi
1Dị Ijoovu rẹ ka: 2Ịzị ụ vaa maanị sẹ̀ ịrẹka ọnị ụ waa kụ aanị sị ụyaa rị mị naa za, dị ụ wẹ yị zẹẹ ka ma nyị ẹngwọọrọ? 3Wa sị mị kụ ụhụ tu ụpẹ ẹẹwụ da; ụhị ẹ yị nyị wụ ka waa kụ ọ kata mị ẹngụụ? 4Àa daka vị ịzẹyịza mị mẹ ịrẹyị ẹnẹ ẹ̀ yị vọrọ nị, yere ana vị awụ ịnị anị? 5Wèe ro o ka vị ụ waa mẹ ọyịza, dị ẹmị aa mẹ odivi nị; dị ụ ka agụvị ebira odivi amị m ma sịị rị ụya ọnọnị nị, 6yẹ ka Ohomorihi ọ maanị mẹ mị nị. Ọnị ọ và ịrẹpa dị ọ sị za mị nị. 7Mâ jị òrèrè ka ịsị aa mẹ mị aanị ẹ yị vọrọ, me yi re ọza tu mi ohi. Mâ hị́ aza ka ẹ̀ va gụ mị ụvọ, ẹ yị nyị ọza ana sị ịzẹyịza tu mi ohi. 8Ohomorihi ọ raà sị ịsa jị mị oze; mẹ yị zụ parahu. Ộ mẹ ịrahụ ọ̀ za mị, dị a sị mi re oze zị. 9Ọ sị mị dọ avaba ogu ọnị maa sịị mẹ ụbanyị; ọ sị avaba ịsị maa sịị mẹ ụbanyị du ha. 10Ộ tọ̀ mị ụnava eyi ụvọnị-ụvọnị. Oyitureyi amị vị oni o hu hụrẹ ẹtẹ anka ọchị avọọ. 11Ohomorihi aa kụ ayịị hi mi, ọyịkụ anị ộ ngụra vị ọ mẹ mị anka ọnịvị anị ene divi hu nị. 12Isoja anị ệ sị ụkata-ụkata vẹ. Ẹnịnị ệ chị́ ụsị kara irehi amị, dị ẹ tẹ̀ hi ịnị anị nị.
13Ohomorihi ọ raà mẹ ka ẹyịnyara amị è zwe hụrẹ ẹmị ẹngụ. Ma sị vara ọzọga yị aza ana vịdị yẹ mị 14Mẹ yị kụkụ nyị anda; ọta amị nịnị e reè hí ayị amị. 15Azọga eneē vidii chi ịdị amị ọnịrị ezi ahụ amị anẹẹ vị ene kuku ee re mị anka ọzọga avọọ. Ví e kuku ee re mị anka anẹkụra ọsa avọọ nị. 16Mâ hị́ ozi ahụ amị, dị mị ha irenu aa da ịpẹẹ yọ ka ọ gụ mị ụvọ nị, ama o yi tụ́ ohi. 17Ose mi ẹ yị nyẹngụ sị ẹngụ dọ agụ ọnị maa dà. Ọyịnyara amị ụvọta ẹ yị nyayịnẹ ka pe mị. 18Ezweyi vị anaa mẹ mị isiya; ẹnịnị èe re mị, di eyee nyị mi unyi. 19Ọta amị ẹnị mị sị mẹ ọnịnẹ vị ẹnị mị kụkụ aa nyị ịhyẹrẹ. Aza ẹnị mị sì ịrẹyị anị hu, ẹ raà và eyirazị ka mị. 20Ụpa kẹnẹ ọ kụkụ gẹ ẹchụkụ amị nị. Ọ sị vọ che me wu su.
21Vayị amị nịnị, ẹwụ nịnị ọta mị. Wẹ́ rẹ vayị amị nịnịị. Ohomorihi ọ maanị mẹ mị tịtẹ aanị nị. 22Sị ẹ vẹ dị Ohomorihi aa sị ụyaa rị mị, dị ẹwụ nịnị raa sị ụyaa rị mị? Ịzị mị rị ụya tu ịnị ụvọ awụ nịnị aanị, e yii ze ọgọnịị? 23Àa yẹ à nyị ọza ana si eyi za ịrẹyị amị, dị ọ chẹẹ wa tụ ini iwe tịtẹ. 24Ẹ yị vị avọọ, a sị enyusẹ bẹ ịrẹta, dị a chẹrẹ ịrẹyị amị tụ ọ, agụvị di e zuu re e pooro. 25Mâ yẹ ka ọdọzaha amị yàra, ọ vaa vẹ vaa kụ̀ ịrẹkụ yị mị ịnị ọdịrẹma ịrẹyị ọnọnị. 26Ọ̀ọ da ka vị ka ụkụ oo du mi ọchẹngụ ha, ẹmịrị ọchẹngụ ọnọnị yi vee re Ohomorihi. 27Mi vee re e, dị ọ̀ gụ́ mị. Mị vaa sị eyi amịị re e, ẹ yị vaa vị ọza ẹnẹsa yị mị. Mee zi ẹkụhị ọnọọ eyi ẹtẹẹtẹrẹ.
28Wâ kà a nịnị ka, “Sị ị nyẹngụ mẹ̀ dị ọ̀ rị ụya hu avọọ? Wee sì ịrẹyị ọnị ụ waa kụ ụ za mị ahụ nịnị. 29Booro aanị, we hí angwa nịnị ka ịrẹkụ aa vẹ. Ịrẹkụ ọnọọ Ohomorihi vaa sị sị ọyịkụ anịị zụ agụvị ịvị nị. Ọ vaa mẹ ka wa yẹ nịnị ka â nyị ọkarẹyị.”
Currently Selected:
Ijoovu 19: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ijoovu 19
19
Ijoovu ộ va ohi
1Dị Ijoovu rẹ ka: 2Ịzị ụ vaa maanị sẹ̀ ịrẹka ọnị ụ waa kụ aanị sị ụyaa rị mị naa za, dị ụ wẹ yị zẹẹ ka ma nyị ẹngwọọrọ? 3Wa sị mị kụ ụhụ tu ụpẹ ẹẹwụ da; ụhị ẹ yị nyị wụ ka waa kụ ọ kata mị ẹngụụ? 4Àa daka vị ịzẹyịza mị mẹ ịrẹyị ẹnẹ ẹ̀ yị vọrọ nị, yere ana vị awụ ịnị anị? 5Wèe ro o ka vị ụ waa mẹ ọyịza, dị ẹmị aa mẹ odivi nị; dị ụ ka agụvị ebira odivi amị m ma sịị rị ụya ọnọnị nị, 6yẹ ka Ohomorihi ọ maanị mẹ mị nị. Ọnị ọ và ịrẹpa dị ọ sị za mị nị. 7Mâ jị òrèrè ka ịsị aa mẹ mị aanị ẹ yị vọrọ, me yi re ọza tu mi ohi. Mâ hị́ aza ka ẹ̀ va gụ mị ụvọ, ẹ yị nyị ọza ana sị ịzẹyịza tu mi ohi. 8Ohomorihi ọ raà sị ịsa jị mị oze; mẹ yị zụ parahu. Ộ mẹ ịrahụ ọ̀ za mị, dị a sị mi re oze zị. 9Ọ sị mị dọ avaba ogu ọnị maa sịị mẹ ụbanyị; ọ sị avaba ịsị maa sịị mẹ ụbanyị du ha. 10Ộ tọ̀ mị ụnava eyi ụvọnị-ụvọnị. Oyitureyi amị vị oni o hu hụrẹ ẹtẹ anka ọchị avọọ. 11Ohomorihi aa kụ ayịị hi mi, ọyịkụ anị ộ ngụra vị ọ mẹ mị anka ọnịvị anị ene divi hu nị. 12Isoja anị ệ sị ụkata-ụkata vẹ. Ẹnịnị ệ chị́ ụsị kara irehi amị, dị ẹ tẹ̀ hi ịnị anị nị.
13Ohomorihi ọ raà mẹ ka ẹyịnyara amị è zwe hụrẹ ẹmị ẹngụ. Ma sị vara ọzọga yị aza ana vịdị yẹ mị 14Mẹ yị kụkụ nyị anda; ọta amị nịnị e reè hí ayị amị. 15Azọga eneē vidii chi ịdị amị ọnịrị ezi ahụ amị anẹẹ vị ene kuku ee re mị anka ọzọga avọọ. Ví e kuku ee re mị anka anẹkụra ọsa avọọ nị. 16Mâ hị́ ozi ahụ amị, dị mị ha irenu aa da ịpẹẹ yọ ka ọ gụ mị ụvọ nị, ama o yi tụ́ ohi. 17Ose mi ẹ yị nyẹngụ sị ẹngụ dọ agụ ọnị maa dà. Ọyịnyara amị ụvọta ẹ yị nyayịnẹ ka pe mị. 18Ezweyi vị anaa mẹ mị isiya; ẹnịnị èe re mị, di eyee nyị mi unyi. 19Ọta amị ẹnị mị sị mẹ ọnịnẹ vị ẹnị mị kụkụ aa nyị ịhyẹrẹ. Aza ẹnị mị sì ịrẹyị anị hu, ẹ raà và eyirazị ka mị. 20Ụpa kẹnẹ ọ kụkụ gẹ ẹchụkụ amị nị. Ọ sị vọ che me wu su.
21Vayị amị nịnị, ẹwụ nịnị ọta mị. Wẹ́ rẹ vayị amị nịnịị. Ohomorihi ọ maanị mẹ mị tịtẹ aanị nị. 22Sị ẹ vẹ dị Ohomorihi aa sị ụyaa rị mị, dị ẹwụ nịnị raa sị ụyaa rị mị? Ịzị mị rị ụya tu ịnị ụvọ awụ nịnị aanị, e yii ze ọgọnịị? 23Àa yẹ à nyị ọza ana si eyi za ịrẹyị amị, dị ọ chẹẹ wa tụ ini iwe tịtẹ. 24Ẹ yị vị avọọ, a sị enyusẹ bẹ ịrẹta, dị a chẹrẹ ịrẹyị amị tụ ọ, agụvị di e zuu re e pooro. 25Mâ yẹ ka ọdọzaha amị yàra, ọ vaa vẹ vaa kụ̀ ịrẹkụ yị mị ịnị ọdịrẹma ịrẹyị ọnọnị. 26Ọ̀ọ da ka vị ka ụkụ oo du mi ọchẹngụ ha, ẹmịrị ọchẹngụ ọnọnị yi vee re Ohomorihi. 27Mi vee re e, dị ọ̀ gụ́ mị. Mị vaa sị eyi amịị re e, ẹ yị vaa vị ọza ẹnẹsa yị mị. Mee zi ẹkụhị ọnọọ eyi ẹtẹẹtẹrẹ.
28Wâ kà a nịnị ka, “Sị ị nyẹngụ mẹ̀ dị ọ̀ rị ụya hu avọọ? Wee sì ịrẹyị ọnị ụ waa kụ ụ za mị ahụ nịnị. 29Booro aanị, we hí angwa nịnị ka ịrẹkụ aa vẹ. Ịrẹkụ ọnọọ Ohomorihi vaa sị sị ọyịkụ anịị zụ agụvị ịvị nị. Ọ vaa mẹ ka wa yẹ nịnị ka â nyị ọkarẹyị.”
Ebira First Bible © Bible Society of Nigeria, 2014.