Ijoovu 17
17
Ijoovu aa yịị kà ịrẹyị anị naa
1Ijoovu ka ụhwẹ anị ọ ta, ẹkụhị anị ọ sị gụ, eteesu vene e zi ọnị. 2Avaba aza ana kara ọnị vene du ayị hi ọnị, di e yee nyi ọnị unyi. 3Ẹyị vị Ẹnẹyịmavara ọ gụ ọnị ụvọ, ẹ yị nyị ọza ana zụ dọ ụyụvọ anị. 4Ijoovu ka Ohomorihi o re gu ọta anị eyi asị ẹ yẹ ịzẹyịza. Agụvị avọọ asị ọ zẹ ka ẹnịnị ẹ nyị ẹbẹẹba anị. 5Ẹnịnị ẹ̀ jị ịvị yị ọnị agụvị ụrị ẹngụ ẹnịnị. Ohomorihi o gu ozi ẹnịnị eyi. 6Ohomorihi ọ mẹ ka aza ẹ kụkụ si eyi ịyẹẹyẹ re ọnị, dị ẹ́ẹ jị ọnị atẹ bẹ. 7Ọnị ẹ̀ yị kụkụ re ẹtẹ ẹtẹẹrẹ ịsị orere sị ọnị mẹ, dị ụvọ ọnịrị ahụ anị ta vara ọchị nị. 8Ọnịzẹyịza enee re ọnị dị ahị za wa jẹẹ, dị ẹ yaa kụ ayị hi aza edivi ana vị ọta anị. 9Ịsa tụra ịsa enee tu ọnizẹyịza, vị́ ọnị aa jẹẹ gere-gere. 10Ijoovu ka ẹ yị nyị ịrẹyọyẹ ọnị ọta anị nịnị nẹngụ sị zụ ọnị.
11Ọ kà ụmẹ usu aa gụrị ẹtẹ, ẹ yị nyị ịsa ọnị kụkụ aa tụra eyi. 12Ama ọta ẹnẹnị ee re oji dị ẹ vara ọvụ, ẹtẹ ee hozi dị ẹ ka eyi aa nị vẹ nị. 13Isu kẹnẹ ọnị kụkụ ee zi eyi dị ọnị ọ na sụ ize hozi nị. 14Ọnị vaa hị́ ukuta ada anị, dị ọnị rẹ hị́ ukukurumi ana vaa rị ọnị ọnyị anị ọnịrị ẹyịnyara anị anẹẹ. 15Sị ọnị kụkụ aa tụra eyi? Ọza enee re e ọ ka yị ọnị dee. 16Ọnịrị ọ wáá nọ ịnị eku na ya nị?
Currently Selected:
Ijoovu 17: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ijoovu 17
17
Ijoovu aa yịị kà ịrẹyị anị naa
1Ijoovu ka ụhwẹ anị ọ ta, ẹkụhị anị ọ sị gụ, eteesu vene e zi ọnị. 2Avaba aza ana kara ọnị vene du ayị hi ọnị, di e yee nyi ọnị unyi. 3Ẹyị vị Ẹnẹyịmavara ọ gụ ọnị ụvọ, ẹ yị nyị ọza ana zụ dọ ụyụvọ anị. 4Ijoovu ka Ohomorihi o re gu ọta anị eyi asị ẹ yẹ ịzẹyịza. Agụvị avọọ asị ọ zẹ ka ẹnịnị ẹ nyị ẹbẹẹba anị. 5Ẹnịnị ẹ̀ jị ịvị yị ọnị agụvị ụrị ẹngụ ẹnịnị. Ohomorihi o gu ozi ẹnịnị eyi. 6Ohomorihi ọ mẹ ka aza ẹ kụkụ si eyi ịyẹẹyẹ re ọnị, dị ẹ́ẹ jị ọnị atẹ bẹ. 7Ọnị ẹ̀ yị kụkụ re ẹtẹ ẹtẹẹrẹ ịsị orere sị ọnị mẹ, dị ụvọ ọnịrị ahụ anị ta vara ọchị nị. 8Ọnịzẹyịza enee re ọnị dị ahị za wa jẹẹ, dị ẹ yaa kụ ayị hi aza edivi ana vị ọta anị. 9Ịsa tụra ịsa enee tu ọnizẹyịza, vị́ ọnị aa jẹẹ gere-gere. 10Ijoovu ka ẹ yị nyị ịrẹyọyẹ ọnị ọta anị nịnị nẹngụ sị zụ ọnị.
11Ọ kà ụmẹ usu aa gụrị ẹtẹ, ẹ yị nyị ịsa ọnị kụkụ aa tụra eyi. 12Ama ọta ẹnẹnị ee re oji dị ẹ vara ọvụ, ẹtẹ ee hozi dị ẹ ka eyi aa nị vẹ nị. 13Isu kẹnẹ ọnị kụkụ ee zi eyi dị ọnị ọ na sụ ize hozi nị. 14Ọnị vaa hị́ ukuta ada anị, dị ọnị rẹ hị́ ukukurumi ana vaa rị ọnị ọnyị anị ọnịrị ẹyịnyara anị anẹẹ. 15Sị ọnị kụkụ aa tụra eyi? Ọza enee re e ọ ka yị ọnị dee. 16Ọnịrị ọ wáá nọ ịnị eku na ya nị?
Ebira First Bible © Bible Society of Nigeria, 2014.