Ijeremaya 15
15
Anijuda nịnị ee vee vú ẹtẹ
1 #
Kụra 32.11-14; Ịrị 14.13-19;
1 Ịsa 7.5-9
Ijeremaya ka Ẹnẹyịmavara ộ kà a yị ọnị ka, Imosiisi ọnịrị Ịsamụwẹrị ẹ̀ẹ daka va jẹẹ ọvịdị anị dị ẹ yaa dá ịpẹẹ yị ọnị nị, ọnị ẹ yị kụkụ aa vayị Anịjuda nịnị. Ẹnẹyịmavara kà, à dụ wa hụrẹ ọnị eyi, à kà a ka ẹnịnị ẹẹ na. 2#Ẹtẹ 13.10Ẹnịnị èe họ̀ use ka, ịzị ẹnị ẹẹ nọ, ọnị ọ̀ kà a yị wa ka, Ẹnẹyịmavara kà, aza ẹnyị ẹnịnị vị ọnị ụkụ vanaa za, dị o su, aza ẹnyị ẹnịnị va naa wụ eyi ịrẹkụ, aza ẹnyị ẹnịnị vị ọnị ụngwẹ vanaa wụ, aza ẹnyị vana vaa za ọrịhị nọ ẹkụra ọsa, ịzị ẹ vaa nọ ọ vị ọnọọ nị. 3Ẹnẹyịmavara kà ịsị odivi ẹẹna ọnị vaa mẹ ka ò tu wa nị: a vaa kụ ịrẹkụụ tụ wa dị a wụ̀ wa; irezi nịnị e vee tura oku ẹnịnị ẹtẹ; inomi nịnị vaa rị oku ẹnịnị dị uye ịnị avị va gara ana vọ ha. 4#2 Ohi 21.1-16; 2 Ịtọ 33.1-9Ịsa ọnị ọnọrụ anaā hị́ Ịmanasẹ ozi Ihezekaya mẹ Ijerusarẹmị ụmẹ ọnị ọ sị vị ohinọyị Ijuda, ọnị vaa mẹ ka ịrẹyị Anijuda nịnị ọ̀ za avaba anẹhẹ zizi ẹtẹẹtẹrẹ. 5Ẹnẹyịmavara kà, ẹwụ nịnị Anijerusarẹmị, ẹnẹ vana vaa vayị awụ nịnị; ẹnẹ vaa zị ẹngụ awụ nịnị da? Ẹnẹ vaa jẹẹ họ̀ use ka ụ mẹmẹ yà nịnị kẹ? 6Ọ kà wa sị ọnị yi tịtẹ nịnị, wa sị ịrẹma và ka ọnị nịnị. Avọọ, ọnị vaa tana ụvọ za wụ nịnị dị ọnị vu u nịnị ẹtẹ, agụvị ka ịzị ọnị vayị awụ nịnị tu avọọ oo zee. 7Ọ kà ọnị ộ tụ ụ nịnị ahị anka azịzẹ avọọ ịnị avaba ẹkụra. Ọnị ô vu ẹwụ nịnị aza anị ẹtẹ, ọnị ộ wụ ezi ewu nịnị agụvị ka wẹ yị hụụnị ịsị edivi ọnị waa mẹ nịnị. 8Osoku awụ nịnị vana gụ duu kẹnẹ. Ọnị ộ wụ ezwọọmụha awụ nịnị ha, dị ọnị mẹ ka ọnyị ẹnịnị ẹẹ rị ụya nị. Ụyọrị ọnịrị ayịhụrịnẹ ọnị sị wụ̀ wa ịnị ụmẹ ọnị ẹnịnị ẹ̀ yị tụra eyi nị. 9Ọnyozi ọnị ezi ịhịmba su, vị ọnị ewu za, dị â tụ kẹẹkẹẹ. Ọọdụ anị ọ sị vara ịrahụ yọ; asị ụhị mẹ nyị ọ, dị ayị anị sị du nị. Ẹnẹyịmavara ọ́ sị ọ ka, ọnị vaa navọ ọnịvị Anijuda nịnị ka ẹ̀ vaa wụ́ ẹnịnị ana kụkụ yị yara.
Ijeremaya ộ kụ ịrẹka hi Ẹnẹyịmavara ẹngụ
10Ijeremaya ka, kaaa! Aayẹ asị ọnyị anị ma ọnị va ngụ ẹhẹ. Ọnịrị avaba aza aa kụ́ dị ọnịrị wa aa nyị ahankata ngụ ịnị ẹkụraa zị nị. Ọnị ẹ yị rị ọza ụta, ọza ẹ yị rị ọnị; ama ọzọza vanaa tu ozirenu hi ọnị. 11Ọ kà, Ẹnẹyịmavara, àa vị ka ọnị ẹ yị hẹkẹ wụ a mẹ vọrọ, dị ahịka, ẹ́ yị vị ọnị aa dá ịpẹẹ wụ ọnịvị anị nịnị mẹ hi ịnị ẹngụkata ọnịrị eyovi nị, avaba ozirenu ẹnịnị ẹ va za ọnị ịzẹyịza. 12Ẹ yị nyị ọza ene zụ che enyusẹ, ọ̀ọ va vị ẹngụ enyusẹ ọkatẹngụ Anibabironi. 13Ijeremaya ka Ẹnẹyịmavara ộ kà a yị ọnị ka, ọnị vaa tụ ọnịvị ka ẹ̀ va kụ ọgụ aza anị ọnịrị avaba ịsa ọkụmị-ọkụmị ẹnẹ nyị, dị ọnị ọ̀ sị sị ụya rị wa agụvị ebira odivi ẹnẹ ẹyaa mẹ ngụ ẹkụra ẹnịnị zị. 14Ẹnẹyịmavara kà ọnị vaa mẹ ka aza anị ẹ̀ naa hẹkẹ ọnịvị ẹnịnị ẹkụra ẹnẹ ẹnịnị ẹ̀ yị yẹ, agụvị ka ọyịkụ anị vana sị mẹ̀ ẹ anka ịra avọọ vị ọ́ vaa za pooro nị. 15Ijeremaya ka, dị ọnị ka, tee! Ẹnẹyịmavara waa yẹ ọ. Ọ̀ navọ ọ̀ tamayị anị dị ọ̀ mẹ ọgụvọ yị ọnị o. Ọ̀ navọ ọ̀ họ̀ oponu ịrẹyị anị ịrẹsụ aza anaa sị ụyaa rị ọnị anị o. Asị ọ kụkụ nyị usuuru yị aza anaa wụ ọnị aanị de. Ọnị ka Ẹnẹyịmavara ọ̀ tamayị ka agụvị anị ọnị aa dọ ụhụụ zị nị. 16Ọ kà, ọnị ộ wụ avaba ịrẹyị ẹnẹ Ẹnẹyịmavara kà yị ọnị. Ẹnẹyịmavara Ohomorihi Ochẹtẹẹngụ, awụ ọnị vị nọ, agụvị avọọ, ịrẹyị awụ ọ mẹ ka ayị anị oo hine dị ọnị ọọ jẹ ịrajẹ nị. 17Ọnị ẹ yị sị ụmẹ anị yaatụ pe aza, dị ọnị oo nyí, dị ọnị ọọ mẹ aahẹ. Ịrẹyị awụ, Ẹnẹyịmavara ọnị wụ́ chire, dị ọnị ịnyara yaatụ aha anị di ayị aa kụ ọnị nị. 18Ijeremaya ka, sị ẹ vẹ dị ọnị vaa yịị rị ụya? Sị ẹ vẹ dị ụnava anị ka ọnị ẹ yị vị? Ọ kà vị Ẹnẹyịmavara wee sị ka ọnị ọ̀ mẹ̀ ụhị nyị ọnị anka okuha anaa wụ ụmẹ ọhahị avọọ nị? 19Ọsọnị Ẹnẹyịmavara ve tu ọnị ohi anị dị ọ ka, ọnị ọ̀ọ vavẹ, ọnị Ẹnẹyịmavara vaa sị ọnị varẹma dị ọnị rẹ vị ozi ahụ anị. Ọnị ọ̀ọ hụụnị ịrẹyị kẹnẹ-kẹnẹ ọ̀yị kà dị ọnị aa kà ịrẹyị obooro nị, ọnị vaa varẹma vị ọnịsẹ anị. Aza ẹ vaa vẹ vee tu ọnị nị, ẹ yị vị ẹwụ o ve nee tu wa. 20Ẹnẹyịmavara kà ọnị vaa mẹ ka ọnị ọ̀ yà anka ọvọ ana sị enyusẹ ọkatẹngụ tụ avọọ yị Anijuda nịnị. E vee pe ọnị zyaazị ama ẹnịnị e yi vee huna ọnị. Ẹnẹyịmavara kà ọnị vaa jẹẹ pe ọnị, dị ọnị ee sere ọnị. Ẹ yị nyị ịsị ẹ vaa mẹ̀ ọnị. 21Ọ kà, ọnị vaa dọ ọnị tụ hụụnị ụvọ aza edivi nịnị anaā mẹ ezigi.
Currently Selected:
Ijeremaya 15: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ijeremaya 15
15
Anijuda nịnị ee vee vú ẹtẹ
1 #
Kụra 32.11-14; Ịrị 14.13-19;
1 Ịsa 7.5-9
Ijeremaya ka Ẹnẹyịmavara ộ kà a yị ọnị ka, Imosiisi ọnịrị Ịsamụwẹrị ẹ̀ẹ daka va jẹẹ ọvịdị anị dị ẹ yaa dá ịpẹẹ yị ọnị nị, ọnị ẹ yị kụkụ aa vayị Anịjuda nịnị. Ẹnẹyịmavara kà, à dụ wa hụrẹ ọnị eyi, à kà a ka ẹnịnị ẹẹ na. 2#Ẹtẹ 13.10Ẹnịnị èe họ̀ use ka, ịzị ẹnị ẹẹ nọ, ọnị ọ̀ kà a yị wa ka, Ẹnẹyịmavara kà, aza ẹnyị ẹnịnị vị ọnị ụkụ vanaa za, dị o su, aza ẹnyị ẹnịnị va naa wụ eyi ịrẹkụ, aza ẹnyị ẹnịnị vị ọnị ụngwẹ vanaa wụ, aza ẹnyị vana vaa za ọrịhị nọ ẹkụra ọsa, ịzị ẹ vaa nọ ọ vị ọnọọ nị. 3Ẹnẹyịmavara kà ịsị odivi ẹẹna ọnị vaa mẹ ka ò tu wa nị: a vaa kụ ịrẹkụụ tụ wa dị a wụ̀ wa; irezi nịnị e vee tura oku ẹnịnị ẹtẹ; inomi nịnị vaa rị oku ẹnịnị dị uye ịnị avị va gara ana vọ ha. 4#2 Ohi 21.1-16; 2 Ịtọ 33.1-9Ịsa ọnị ọnọrụ anaā hị́ Ịmanasẹ ozi Ihezekaya mẹ Ijerusarẹmị ụmẹ ọnị ọ sị vị ohinọyị Ijuda, ọnị vaa mẹ ka ịrẹyị Anijuda nịnị ọ̀ za avaba anẹhẹ zizi ẹtẹẹtẹrẹ. 5Ẹnẹyịmavara kà, ẹwụ nịnị Anijerusarẹmị, ẹnẹ vana vaa vayị awụ nịnị; ẹnẹ vaa zị ẹngụ awụ nịnị da? Ẹnẹ vaa jẹẹ họ̀ use ka ụ mẹmẹ yà nịnị kẹ? 6Ọ kà wa sị ọnị yi tịtẹ nịnị, wa sị ịrẹma và ka ọnị nịnị. Avọọ, ọnị vaa tana ụvọ za wụ nịnị dị ọnị vu u nịnị ẹtẹ, agụvị ka ịzị ọnị vayị awụ nịnị tu avọọ oo zee. 7Ọ kà ọnị ộ tụ ụ nịnị ahị anka azịzẹ avọọ ịnị avaba ẹkụra. Ọnị ô vu ẹwụ nịnị aza anị ẹtẹ, ọnị ộ wụ ezi ewu nịnị agụvị ka wẹ yị hụụnị ịsị edivi ọnị waa mẹ nịnị. 8Osoku awụ nịnị vana gụ duu kẹnẹ. Ọnị ộ wụ ezwọọmụha awụ nịnị ha, dị ọnị mẹ ka ọnyị ẹnịnị ẹẹ rị ụya nị. Ụyọrị ọnịrị ayịhụrịnẹ ọnị sị wụ̀ wa ịnị ụmẹ ọnị ẹnịnị ẹ̀ yị tụra eyi nị. 9Ọnyozi ọnị ezi ịhịmba su, vị ọnị ewu za, dị â tụ kẹẹkẹẹ. Ọọdụ anị ọ sị vara ịrahụ yọ; asị ụhị mẹ nyị ọ, dị ayị anị sị du nị. Ẹnẹyịmavara ọ́ sị ọ ka, ọnị vaa navọ ọnịvị Anijuda nịnị ka ẹ̀ vaa wụ́ ẹnịnị ana kụkụ yị yara.
Ijeremaya ộ kụ ịrẹka hi Ẹnẹyịmavara ẹngụ
10Ijeremaya ka, kaaa! Aayẹ asị ọnyị anị ma ọnị va ngụ ẹhẹ. Ọnịrị avaba aza aa kụ́ dị ọnịrị wa aa nyị ahankata ngụ ịnị ẹkụraa zị nị. Ọnị ẹ yị rị ọza ụta, ọza ẹ yị rị ọnị; ama ọzọza vanaa tu ozirenu hi ọnị. 11Ọ kà, Ẹnẹyịmavara, àa vị ka ọnị ẹ yị hẹkẹ wụ a mẹ vọrọ, dị ahịka, ẹ́ yị vị ọnị aa dá ịpẹẹ wụ ọnịvị anị nịnị mẹ hi ịnị ẹngụkata ọnịrị eyovi nị, avaba ozirenu ẹnịnị ẹ va za ọnị ịzẹyịza. 12Ẹ yị nyị ọza ene zụ che enyusẹ, ọ̀ọ va vị ẹngụ enyusẹ ọkatẹngụ Anibabironi. 13Ijeremaya ka Ẹnẹyịmavara ộ kà a yị ọnị ka, ọnị vaa tụ ọnịvị ka ẹ̀ va kụ ọgụ aza anị ọnịrị avaba ịsa ọkụmị-ọkụmị ẹnẹ nyị, dị ọnị ọ̀ sị sị ụya rị wa agụvị ebira odivi ẹnẹ ẹyaa mẹ ngụ ẹkụra ẹnịnị zị. 14Ẹnẹyịmavara kà ọnị vaa mẹ ka aza anị ẹ̀ naa hẹkẹ ọnịvị ẹnịnị ẹkụra ẹnẹ ẹnịnị ẹ̀ yị yẹ, agụvị ka ọyịkụ anị vana sị mẹ̀ ẹ anka ịra avọọ vị ọ́ vaa za pooro nị. 15Ijeremaya ka, dị ọnị ka, tee! Ẹnẹyịmavara waa yẹ ọ. Ọ̀ navọ ọ̀ tamayị anị dị ọ̀ mẹ ọgụvọ yị ọnị o. Ọ̀ navọ ọ̀ họ̀ oponu ịrẹyị anị ịrẹsụ aza anaa sị ụyaa rị ọnị anị o. Asị ọ kụkụ nyị usuuru yị aza anaa wụ ọnị aanị de. Ọnị ka Ẹnẹyịmavara ọ̀ tamayị ka agụvị anị ọnị aa dọ ụhụụ zị nị. 16Ọ kà, ọnị ộ wụ avaba ịrẹyị ẹnẹ Ẹnẹyịmavara kà yị ọnị. Ẹnẹyịmavara Ohomorihi Ochẹtẹẹngụ, awụ ọnị vị nọ, agụvị avọọ, ịrẹyị awụ ọ mẹ ka ayị anị oo hine dị ọnị ọọ jẹ ịrajẹ nị. 17Ọnị ẹ yị sị ụmẹ anị yaatụ pe aza, dị ọnị oo nyí, dị ọnị ọọ mẹ aahẹ. Ịrẹyị awụ, Ẹnẹyịmavara ọnị wụ́ chire, dị ọnị ịnyara yaatụ aha anị di ayị aa kụ ọnị nị. 18Ijeremaya ka, sị ẹ vẹ dị ọnị vaa yịị rị ụya? Sị ẹ vẹ dị ụnava anị ka ọnị ẹ yị vị? Ọ kà vị Ẹnẹyịmavara wee sị ka ọnị ọ̀ mẹ̀ ụhị nyị ọnị anka okuha anaa wụ ụmẹ ọhahị avọọ nị? 19Ọsọnị Ẹnẹyịmavara ve tu ọnị ohi anị dị ọ ka, ọnị ọ̀ọ vavẹ, ọnị Ẹnẹyịmavara vaa sị ọnị varẹma dị ọnị rẹ vị ozi ahụ anị. Ọnị ọ̀ọ hụụnị ịrẹyị kẹnẹ-kẹnẹ ọ̀yị kà dị ọnị aa kà ịrẹyị obooro nị, ọnị vaa varẹma vị ọnịsẹ anị. Aza ẹ vaa vẹ vee tu ọnị nị, ẹ yị vị ẹwụ o ve nee tu wa. 20Ẹnẹyịmavara kà ọnị vaa mẹ ka ọnị ọ̀ yà anka ọvọ ana sị enyusẹ ọkatẹngụ tụ avọọ yị Anijuda nịnị. E vee pe ọnị zyaazị ama ẹnịnị e yi vee huna ọnị. Ẹnẹyịmavara kà ọnị vaa jẹẹ pe ọnị, dị ọnị ee sere ọnị. Ẹ yị nyị ịsị ẹ vaa mẹ̀ ọnị. 21Ọ kà, ọnị vaa dọ ọnị tụ hụụnị ụvọ aza edivi nịnị anaā mẹ ezigi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.