Ọdọvịdị 7
7
Igidiyọnị ọ̀ nyị ẹbẹẹba Animidiya
1Â nyị ẹkụhị ọnya aanị ọnị Igidiyọnị ọnịrị isoja anị nịnị kwẹẹtẹ ẹnẹnẹ viri-viri na jị ajẹngụ tụ́ akaha oswe ana aā hị́ Ịhẹrọdị. Ajẹngụ Animidiya nịnị vị ana ya ana gụrị ataba Imore akẹbẹẹba ẹnịnị. 2Ẹnẹyịmavara ộ kà yị Igidiyọnị ka isoja anị ẹ sị rụrụ. Ọ kà a ẹ yị vị ụrụrụ ẹnịnị ọnị vaa sị sị Animidiya nịnị chire wa ụvọ. Ẹ yị vị avọọ, Anisirẹrị nịnị ve ro ka ẹnị nyị ụkata ọnị ẹnị sị dọ ẹngụ ẹnịnị ha nị. 3#Ọda 20.8Ẹnẹyịmavara kà Igidiyọnị ọ̀ nọ ọ ka aza ene hí angwa ee nọ eehi. Ịzẹyịza dị isoja akahị-akahị oze oohu varẹma nị, dị ẹnị ana vọ tụ́ ịrẹsụ ataba vị akahị-akahị oze oohu nị. 4Dị Ẹnẹyịmavara yị Igidiyọnị ka isoja ana vọ aanị ẹ sị rụrụ. Dị ọ kà ọ̀ kụ́ wa vachi nọ ịnị oswe ịzị ọnị vaa kà a yọ ẹngụ isoja ana va saasa a ọnịrị isoja ẹnẹ ẹ̀ yị vaa saasa a nọ ịrẹkụ. 5Dị Igidiyọnị kụ́ wa nọ ịnị oswe, dị Ẹnẹyịmavara kà ọ̀ kụ́ isoja anaa sị ịrarẹ hú enyi anka irezi hí aha ọnya, dị ẹnị ene ku ẹtẹ hú enyi hi aha ọsa. 6Ẹnị ana sị ịrarẹ hú enyi anka irezi vị ẹnị ẹtarẹwụ kẹnẹ, dị ẹnị ana vọ ku ẹtẹ hú enyi nị. 7Dị Ẹnẹyịmavara kà yị Igidiyọnị ka ẹnị isoja ẹtarẹwụ ẹnẹnị ana sị ịrarẹ hú enyi aanị, ọnị vaa sị Animidiya chire e ụvọ nị. Ẹnị isoja ana vọ ee nọ eehi. 8Dị Igidiyọnị dọ wa ịsọyịrị ọnịrị ọpanyị ẹnịnị tịtẹ yị isoja ẹtarẹwụ, dị ọ kà a varẹma ẹẹ nọ ịnị ajẹngụ ẹnịnị na ya nị. Ajẹngụ isoja Animidiya nịnị vị ana ya akẹtẹ ẹnịnị. 9Ịrahụ ịhị ọnọọ, Ẹnẹyịmavara kà yị Igidiyọnị ka ọ̀ kwẹẹtẹ, ọ kụ́ ịrẹkụ ne tu wa ka ọnị aa sị wa chire e ụvọ. 10Ama angwa èe hí yọ, ọnịrị ozi ahụ anị Ipura e were-were na ngụ ịzị ẹ kụ udi tụ. 11Igidiyọnị ọ̀ọ wụ́ ịsị Animidiya nịnị aa kà, ọ vaa tụ́ ọ ọtụtụrụma ka ọ gẹ ịrẹkụ tù wa. Agụvị avọọ, dị Igidiyọnị ọnịrị Ipura zị oze ụtụtọ udi ọnịvị ẹnịnị ịzị isoja ya ee sere ẹtẹ na ngụ ịzọọ nị. 12Isoja Animidiya ọnịrị Anamarẹkị ne beri anẹkụra nịnị ana hụrị akẹnẹ enyi vị ana gụ pọmị inozi anka akụvarịva avọọ. Ịnyaakụmị ẹnịnị ẹ rụrụ anka ààrẹ ụtọ ókụ̄. 13Igidiyọnị ộ wụ̀ isoja ẹnyị maa kà a yị ọsa ụra ọnị ọ ra. Isoja ọnọọ kà a ọnị o rị ụra ka apaapa ịrẹgụ ibaari ọnya ô zina va ngụ ịzị ẹnịnị kụ udi, dị ọ nya ajẹngụ ọnya, di o wu va hi ẹtẹ nị. 14Di isoja ọsa tụ ohi ka, Igidiyọnị ọdọvịdị isoja Anisirẹrị nịnị ụra ọnọọ za avọọ nị. Ohomorihi raà sị ụkata yị ọnịrị isoja anị ka ẹ̀ nyị ẹbẹẹba Animidiya ọnịrị avaba isoja ẹnịnị avọọ nị. 15Ịjị Igidiyọnị maanị wụ iruvo ụra ọnọọ kẹnẹ, dị ọ va ku ẹtẹ aa kụ Ẹnẹyịmavara avọ, dị ọ varẹma ne isoja Anisirẹrị nịnị ịzị e hi nị. Ịjị o tu ịzọọ, dị ọ hị́ wa ka ẹ kwẹẹtẹ ka Ẹnẹyịmavara ọ raà sị ẹnị nyị ẹbẹẹba Animidiya nịnị. 16Igidiyọnị ộ ga isoja chee ọnị ọ nyị hi ẹchẹhị-ẹchẹhị oze ẹẹta, dị ọ sị ịkakanchị ọnịrị ịra tụ ụnọkọ ọbanyị yị ọzọza nị. 17Dị ọ kà a yị wa ka ịjị ọnị ọ sị tu ụtọ okokoro udi ọnịvị ẹnịnị, ẹ sị eyi pe ọnị, dị ẹ mẹ avaba ịsa ọnị ọnị ọọ mẹ. 18Ịjị ọnịrị aza ana saasa a òo hu ọpanyị, ẹnị ana kara okokoro ọnọọ e hu ẹnịnị, di e nowu ka yị Ẹnẹyịmavara ọnịrị Igidiyọnị. 19Igidiyọnị ọnịrị aza ẹ na sị ngụ ụtọ okokoro udi ẹnịnị dị agẹvịrahụ ve tu. Isoja ẹnịnị ene sere ẹtẹ mẹ vara ụvọ kẹnẹ, Igidiyọnị ọnịrị aza hu ịkakanchị, dị ẹ chaka ụnọkọ ene e sị ku ịra ẹnịnị nị. 20Avọọ isoja Igidiyọnị ana vọ ẹnị mẹ rẹ hu ịkakanchị ẹnẹ ẹ sị ụvọrị za, dị chaka ụnọkọ ene si ku ịra ẹnẹ sị rị ụvọha ẹnịnị nị. Di e nowu tụ ẹbẹẹba, dị ẹ ka, sị ụhwọ kụ ịrẹkụ yị Ẹnẹyịmavara ọnịrị Igidiyọnị! 21Ọzọza vị ana jẹẹ aha anị kara okokoro udi Animidiya nịnị. Dị avaba isoja Animidiya nịnị ee nowu, di e yee zwe nị. 22Ịjị ịkakanchị akavarẹchẹhị ẹnẹẹ sụ ịrẹyị, dị Ẹnẹyịmavara mẹ ka isoja Animidiya nịnị ẹ sị ụhwọ vara eyi tu ẹngụ nị. Di e zwe zị eyi Izaretani na ngụ Ịbẹtị Isita, ne tu Ẹba Imehora ana gụrị Itabati.
23Igidiyọnị ộ tụ hị́ anọrụ Anisirẹrị hụrị ịrẹsụ Inahwitari, ọnịrị Aseri beri Ịmanasẹ, di e kuchire Animidiya nịnị nị. 24Igidiyọnị ộ rẹ tụ aza na hị́ anẹkụra ene hi ịrẹsụ ataba ẹtẹ Ehwireemi ka ẹ vị ụvọ beri ẹnị gẹ ịrẹkụ tu Animidiya nịnị. Ẹ nyị aza ene sere avaba aha oswe, orosi, ọnịrị Ịkangga huu na Ịbẹtị-Ibara, dị isoja Animidiya nịnị ẹ va ngụ aha ẹnẹẹ. Aza ẹnyị ee sere Okuha Ịjọdanị. 25Ệ za ohirẹsụ isoja Animidiya ẹẹva ana a hị́ Orebi ọnịrị Izeebi. Ệ wụ Orebi ịrẹsụ ịda Orebi, dị ẹ wụ Izeebi ịnị ụkọ Izeebi ẹ maa dụ wa. Ệ jị ịrẹsụ Orebi ọnịrị Izeebi na yị Igidiyọnị akẹnẹ Ijodani eyi ịzị ọyịị̄ zị vẹ.
Currently Selected:
Ọdọvịdị 7: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ọdọvịdị 7
7
Igidiyọnị ọ̀ nyị ẹbẹẹba Animidiya
1Â nyị ẹkụhị ọnya aanị ọnị Igidiyọnị ọnịrị isoja anị nịnị kwẹẹtẹ ẹnẹnẹ viri-viri na jị ajẹngụ tụ́ akaha oswe ana aā hị́ Ịhẹrọdị. Ajẹngụ Animidiya nịnị vị ana ya ana gụrị ataba Imore akẹbẹẹba ẹnịnị. 2Ẹnẹyịmavara ộ kà yị Igidiyọnị ka isoja anị ẹ sị rụrụ. Ọ kà a ẹ yị vị ụrụrụ ẹnịnị ọnị vaa sị sị Animidiya nịnị chire wa ụvọ. Ẹ yị vị avọọ, Anisirẹrị nịnị ve ro ka ẹnị nyị ụkata ọnị ẹnị sị dọ ẹngụ ẹnịnị ha nị. 3#Ọda 20.8Ẹnẹyịmavara kà Igidiyọnị ọ̀ nọ ọ ka aza ene hí angwa ee nọ eehi. Ịzẹyịza dị isoja akahị-akahị oze oohu varẹma nị, dị ẹnị ana vọ tụ́ ịrẹsụ ataba vị akahị-akahị oze oohu nị. 4Dị Ẹnẹyịmavara yị Igidiyọnị ka isoja ana vọ aanị ẹ sị rụrụ. Dị ọ kà ọ̀ kụ́ wa vachi nọ ịnị oswe ịzị ọnị vaa kà a yọ ẹngụ isoja ana va saasa a ọnịrị isoja ẹnẹ ẹ̀ yị vaa saasa a nọ ịrẹkụ. 5Dị Igidiyọnị kụ́ wa nọ ịnị oswe, dị Ẹnẹyịmavara kà ọ̀ kụ́ isoja anaa sị ịrarẹ hú enyi anka irezi hí aha ọnya, dị ẹnị ene ku ẹtẹ hú enyi hi aha ọsa. 6Ẹnị ana sị ịrarẹ hú enyi anka irezi vị ẹnị ẹtarẹwụ kẹnẹ, dị ẹnị ana vọ ku ẹtẹ hú enyi nị. 7Dị Ẹnẹyịmavara kà yị Igidiyọnị ka ẹnị isoja ẹtarẹwụ ẹnẹnị ana sị ịrarẹ hú enyi aanị, ọnị vaa sị Animidiya chire e ụvọ nị. Ẹnị isoja ana vọ ee nọ eehi. 8Dị Igidiyọnị dọ wa ịsọyịrị ọnịrị ọpanyị ẹnịnị tịtẹ yị isoja ẹtarẹwụ, dị ọ kà a varẹma ẹẹ nọ ịnị ajẹngụ ẹnịnị na ya nị. Ajẹngụ isoja Animidiya nịnị vị ana ya akẹtẹ ẹnịnị. 9Ịrahụ ịhị ọnọọ, Ẹnẹyịmavara kà yị Igidiyọnị ka ọ̀ kwẹẹtẹ, ọ kụ́ ịrẹkụ ne tu wa ka ọnị aa sị wa chire e ụvọ. 10Ama angwa èe hí yọ, ọnịrị ozi ahụ anị Ipura e were-were na ngụ ịzị ẹ kụ udi tụ. 11Igidiyọnị ọ̀ọ wụ́ ịsị Animidiya nịnị aa kà, ọ vaa tụ́ ọ ọtụtụrụma ka ọ gẹ ịrẹkụ tù wa. Agụvị avọọ, dị Igidiyọnị ọnịrị Ipura zị oze ụtụtọ udi ọnịvị ẹnịnị ịzị isoja ya ee sere ẹtẹ na ngụ ịzọọ nị. 12Isoja Animidiya ọnịrị Anamarẹkị ne beri anẹkụra nịnị ana hụrị akẹnẹ enyi vị ana gụ pọmị inozi anka akụvarịva avọọ. Ịnyaakụmị ẹnịnị ẹ rụrụ anka ààrẹ ụtọ ókụ̄. 13Igidiyọnị ộ wụ̀ isoja ẹnyị maa kà a yị ọsa ụra ọnị ọ ra. Isoja ọnọọ kà a ọnị o rị ụra ka apaapa ịrẹgụ ibaari ọnya ô zina va ngụ ịzị ẹnịnị kụ udi, dị ọ nya ajẹngụ ọnya, di o wu va hi ẹtẹ nị. 14Di isoja ọsa tụ ohi ka, Igidiyọnị ọdọvịdị isoja Anisirẹrị nịnị ụra ọnọọ za avọọ nị. Ohomorihi raà sị ụkata yị ọnịrị isoja anị ka ẹ̀ nyị ẹbẹẹba Animidiya ọnịrị avaba isoja ẹnịnị avọọ nị. 15Ịjị Igidiyọnị maanị wụ iruvo ụra ọnọọ kẹnẹ, dị ọ va ku ẹtẹ aa kụ Ẹnẹyịmavara avọ, dị ọ varẹma ne isoja Anisirẹrị nịnị ịzị e hi nị. Ịjị o tu ịzọọ, dị ọ hị́ wa ka ẹ kwẹẹtẹ ka Ẹnẹyịmavara ọ raà sị ẹnị nyị ẹbẹẹba Animidiya nịnị. 16Igidiyọnị ộ ga isoja chee ọnị ọ nyị hi ẹchẹhị-ẹchẹhị oze ẹẹta, dị ọ sị ịkakanchị ọnịrị ịra tụ ụnọkọ ọbanyị yị ọzọza nị. 17Dị ọ kà a yị wa ka ịjị ọnị ọ sị tu ụtọ okokoro udi ọnịvị ẹnịnị, ẹ sị eyi pe ọnị, dị ẹ mẹ avaba ịsa ọnị ọnị ọọ mẹ. 18Ịjị ọnịrị aza ana saasa a òo hu ọpanyị, ẹnị ana kara okokoro ọnọọ e hu ẹnịnị, di e nowu ka yị Ẹnẹyịmavara ọnịrị Igidiyọnị. 19Igidiyọnị ọnịrị aza ẹ na sị ngụ ụtọ okokoro udi ẹnịnị dị agẹvịrahụ ve tu. Isoja ẹnịnị ene sere ẹtẹ mẹ vara ụvọ kẹnẹ, Igidiyọnị ọnịrị aza hu ịkakanchị, dị ẹ chaka ụnọkọ ene e sị ku ịra ẹnịnị nị. 20Avọọ isoja Igidiyọnị ana vọ ẹnị mẹ rẹ hu ịkakanchị ẹnẹ ẹ sị ụvọrị za, dị chaka ụnọkọ ene si ku ịra ẹnẹ sị rị ụvọha ẹnịnị nị. Di e nowu tụ ẹbẹẹba, dị ẹ ka, sị ụhwọ kụ ịrẹkụ yị Ẹnẹyịmavara ọnịrị Igidiyọnị! 21Ọzọza vị ana jẹẹ aha anị kara okokoro udi Animidiya nịnị. Dị avaba isoja Animidiya nịnị ee nowu, di e yee zwe nị. 22Ịjị ịkakanchị akavarẹchẹhị ẹnẹẹ sụ ịrẹyị, dị Ẹnẹyịmavara mẹ ka isoja Animidiya nịnị ẹ sị ụhwọ vara eyi tu ẹngụ nị. Di e zwe zị eyi Izaretani na ngụ Ịbẹtị Isita, ne tu Ẹba Imehora ana gụrị Itabati.
23Igidiyọnị ộ tụ hị́ anọrụ Anisirẹrị hụrị ịrẹsụ Inahwitari, ọnịrị Aseri beri Ịmanasẹ, di e kuchire Animidiya nịnị nị. 24Igidiyọnị ộ rẹ tụ aza na hị́ anẹkụra ene hi ịrẹsụ ataba ẹtẹ Ehwireemi ka ẹ vị ụvọ beri ẹnị gẹ ịrẹkụ tu Animidiya nịnị. Ẹ nyị aza ene sere avaba aha oswe, orosi, ọnịrị Ịkangga huu na Ịbẹtị-Ibara, dị isoja Animidiya nịnị ẹ va ngụ aha ẹnẹẹ. Aza ẹnyị ee sere Okuha Ịjọdanị. 25Ệ za ohirẹsụ isoja Animidiya ẹẹva ana a hị́ Orebi ọnịrị Izeebi. Ệ wụ Orebi ịrẹsụ ịda Orebi, dị ẹ wụ Izeebi ịnị ụkọ Izeebi ẹ maa dụ wa. Ệ jị ịrẹsụ Orebi ọnịrị Izeebi na yị Igidiyọnị akẹnẹ Ijodani eyi ịzị ọyịị̄ zị vẹ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.